1. Kurs tinglovchilariga qo'yiladigan umumiy talablar
Gyote Institutining barcha tinglovchilari uchun ma'lum yosh chegaralari mavjud:
- kattalar kurslari uchun: kamida 16 yosh
- o’smirlar kurslari uchun: 13 dan 16 yoshgacha
- bolalar kurslari uchun: 8 dan 13 yoshgacha
2. To'lov shartlari
2.1. Faqat to'liq to'lov amalga oshirilgandan so'ng, til kurslarida joy band qilingan hisoblanadi.
Quyidagi to'lov imkoniyatlari mavjud:
- UzCard va HUMO kartalari orqali (buning uchun hisob-faktura bilan to'lov usulini tanlashingiz kerak)
- Master Card yoki Visa kartalari orqali to´lov
- Firma orqali pul o`tkazish yo’li bilan
2.2. Kursning toʻliq narxi oʻz vaqtida toʻlanmasa, tinglovchi kursdagi joyini yoʻqotadi. Toshkentdagi Gyote Instituti to’lov kechiktirilgan taqdirda, oldindan band qilingan joyni bekor qilishga haqli.
2.3. Agar xato yoki ortiqcha to'lov amalga oshirilsa (shu jumladan, lekin faqat shu bilan cheklanmagan: bir kurs uchun ikki marta to’lov qilinishi, til kursi va/yoki imtihonga oldindan ro‘yxatdan o‘tmasdan to‘lov amalga oshirilishi, to‘lov miqdoridan ko’proq pul o‘tkazish), o'tkazilgan mablag‘ to’lov summasidan 5% miqdorda ma'muriy to'lov undirilgan holda qaytailadi.
Ushbu to‘lov noto‘g‘ri pul o‘tkazmalarini aniqlash, ko‘rib chiqish va qaytarish bilan bog‘liq ma’muriy xarajatlarni qoplash uchun undiriladi.
3. Kurslar narxi
3.1. Gyote Institutining rasmiy veb-saytida ko'rsatilgan narxlar ro'yxatdan o'tish vaqtida amal qiladi.
3.2. Kurs narxiga o'quv materiali qiymati ham kiradi.
4. Kursni bekor qilish tartibi
Kurs boshlanishidan oldin bekor qilinganda, kurs uchun to'langan pul mablag‘i 10% ma'muriy to'lov undirilgan holda qaytarilishi mumkin. Agar tinglovchi kurs boshlanganidan keyin kursni bekor qilsa yoki darslarga kelmasa, kurs tugallangan hisoblanadi va kurs uchun to'langan pul mablag'i qaytarilmaydi, keyingi trimestrga ham o'tkazilmaydi.
5. Bosqichlar va guruhlar bo'yicha taqsimlash / Guruh hajmi
5.1. Gyote Institutida nemis tilidan bilimga ega tinglovchilar uchun kursga ro’yxatdan o‘tish nemis tilini bilish darajasini aniqlash testi natijalariga ko'ra amalga oshiriladi.
5.2. Guruhlarimiz kamida 14, maksimal 18 nafargacha tinglovchilarni tashkil qiladi. Istisno hollarda, ma'muriyat qarori bilan bu miqdor ko’proq ham bo‘lishi mumkin. Agar kursga ro’yxatdan o’tgan tinglovchilar soni yetarlicha bo‘lmasa, ma'muriyat ushbu kursni bekor qilish huquqiga ega. Bunday holda, tinglovchilarga boshqa guruhda o'qish taklif etiladi (agar shunday imkoniyat bo’lsa) yoki to'lov to'liq qaytariladi. Afsuski, tinglovchilar soni minimal darajaga yetgan guruhlargina tashkil etiladi.
5.3. Tinglovchi birinchi marta kursni o'zgartirishni talab qilganda, (masalan, kunlar, vaqt yoki kurs turi) bu bepul amalga oshiriladi. Har bir keyingi o'zgartirish uchun kurs narxining 10% miqdorida ma'muriy to'lov undiriladi. Barcha o'zgarishlar faqat so'ralgan kurs bo'yicha bo‘sh joy mavjudligini hisobga olgan holda darslarning birinchi haftasida amalga oshirilishi mumkin.
6. Tinglovchilarning majburiyatlari
6.1. Tinglovchi Gyote Institutida va kurslarda amaldagi qoidalarga rioya qilishi shart.
6.2. Kursni tugatganligi haqidagi tasdiqnoma faqat darslarning kamida 70 foizida muvaffaqiyatli ishtirok etgan taqdirda beriladi.
7. Gyote Institutining javobgarligi / Fors-major holatlari
Gyote Instituti va uning xodimlari tinglovchilarning qasddan noto'g'ri xatti-harakatlari va qo'pol beparvoligi holatlarida ko'rsatiladigan xizmatlar uchun javobgar emas. Gyote Instituti fors-major holatlarida (masalan, tabiiy ofatlar, yong'inlar, suv toshqini, urushlar, rasmiy buyruqlar va shartnoma bo'yicha sheriklarning nazorati ostida bo'lmagan boshqa holatlar) xizmatlar ko'rsatilmaganligi uchun javobgar emas.
8. Ma'lumotlarni himoya qilish
Tinglovchilar ro'yxatdan o'tish, hisob-kitob qilish va ma’lumotlarni saqlash tartibiga muvofiq, Gyote Institutiga o'zlarining shaxsiy ma'lumotlarini qayta ishlashga rozilik beradilar. Tinglovchilar shuningdek, Gyote Institutidan qo'shimcha ma'lumot olishga rozilik bildiradilar.
