Logo Goethe-Institut

O'zbekiston

PASCH tashabbusi
 Maktablar: Kelajak hamkorlari

Germaniyaga qiziqishni oshirish, yoshlarni nemis tilini oʻrganishga ragʻbatlantirish va jahon miqyosida aloqalarni rivojlantirish – “Maktablar: Kelajak hamkorlari” (PASCH) tashabbusining asosiy maqsadlaridir.

PASCH o‘quvchilari kameraga tabassum bilan qarab turibdi va qo‘llarida nemis tilidagi so‘zlar yozilgan rangli qog‘ozlarni ko‘tarib turishibdi. © PASCH-net/Anne Essel

Asosiy g‘oyalar

PASCH tashabbusining yo‘nalishini to‘rtta asosiy g‘oya belgilaydi
  • Ta’lim orqali yangi imkoniyatlar ochish
  • Ko‘p tillilik orqali dunyoqarashni kengaytirish
  • Til va ta’limga kengroq imkoniyat yaratish
  • Kelajak muammolarini xalqaro o‘quv hamjamiyati sifatida birgalikda hal etish

Birgalikda, O‘rganamiz, Butun dunyo bo‘ylab!

Tashabbus doirasida Gyote-Institut nemis tilini o‘rganishga qiziqish va ishtiyoq uyg‘otish uchun faol ishlaydi. PASCH/Fit maktablarida nemis tili darslari ta’lim dasturining doimiy va uzoq muddatli qismi bo‘lishi ko‘zda tutiladi.

Shuning uchun Gyote-Institutning malakali o‘qitish bo‘yicha mutaxassislari nemis tilini chet tili sifatida joriy etmoqchi yoki rivojlantirmoqchi bo‘lgan maktablarga butun dunyo bo‘ylab bevosita maslahat beradi. Bundan tashqari, Gyote-Institut o‘zi qo‘llab-quvvatlaydigan Fit-maktablarni zamonaviy chet tilini o‘qitish materiallari bilan ta’minlaydi. Nemis tili o‘qituvchilari uchun Gyote-Institut metodik-didaktik malaka oshirish kurslari va til kurslarini taklif etadi.

Faol o‘quvchilar, shuningdek, har yili o‘tkaziladigan PASCH-yoshlar kurslarida ishtirok etish va Germaniyani bevosita tanish imkonini beradigan stipendiyaga tanlanishlari mumkin. Gyote-Institut, shuning bilan birga, nemis tilini bilish orqali ochiladigan kasbiy imkoniyatlar haqida ma’lumot berishga katta e’tibor qaratadi. Nemis tilini o’rganuvchilar Germaniyada oliy ta’lim yoki kasbiy ta’lim dasturlariga ariza topshirish jarayonida qo’llab - quvvatlanadi.
PASCH tashabbusi va uning o‘quvchilar tarmog‘i bilan aloqa o‘quvchilar maktabni tamomlagandan keyin ham davom etadi. PASCH bitiruvchilari bilan ishlash doirasida Goethe-Institut bitiruvchilar uchrashuvlarini tashkil qiladi va shaxsiy tarmoqlanish (networking) uchun imkoniyat yaratadi.

Raqamlar va Faktlar

2008

“Maktablar: Kelajak hamkorlari” tashabbusi doirasida ilk PASCH maktablari bilan hamkorlik boshlandi.

125

mamlakatga safar qilish kerak bo‘ladi, Goethe tarmog‘idagi barcha 700 ta PASCH maktablarini borib ko’rish uchun.

250.000

PASCH- o’quvchilari Gyote-Institutlari qo’llab quvvatlayotgan maktablarda nemis tilini o’rganadilar.

18.000

stipendiyalar Germaniyadagi PASCH yoshlar kurslari uchun 2008-yildan beri butun dunyo bo‘ylab berib kelinmoqda.

PASCHni kashf eting

  • SCHULWÄRTS! O'zbekistonda

    Sharq va G‘arb o‘rtasida joylashgan O‘zbekiston SCHULWÄRTS! - amaliyotchilarini samimiy kutib oladi.
     

    O‘zbekistonda SCHULWÄRTS! Foto: © Colourbox.de Foto: © Colourbox.de

  • PASCH-Faoliyati

    PASCH tashabbusi doirasida “Maktablar: Kelajak hamkorlari” ning O'zbekistonda amalga oshirilayotgan loyihalari haqida ma’lumotga ega bo’ling

    Pasch- Faoliyati O'zbekistonda Foto: © Colourbox Foto: © Colourbox

  • PASCH-net

    www.pasch-net.de Internet sayti PASCH hamkor maktablari va ularning butun dunyo bo‘yicha faoliyati haqida ma’lumot beradi. Interaktiv xarita esa maktablar tarmog‘ini ko‘rsatadi. O‘qituvchilar va ularning o‘quvchilari nemis tili darslari uchun materiallar hamda turli faol ishtirok etish tadbirlarini haqida ma’lumotlar topishlari mumkin.

    Bilden är tagen ur perspektivet av en person som håller i en surfplatta. Skärmen visar webbplatsen www.pasch-net.de med färggrafik och fotografier. © PASCH-net © PASCH-net

  • Kasbiy ta’lim bo‘yicha hamkorliklar (APAL)

    Germaniyada kasbiy ta’lim olishni xohlaysizmi?
    Germaniyaning Federal mehnat agentligi va Germaniya kompaniyalari bilan hamkorlikda O’zbekistondagi Gyote-Instituti Sizga nemis tili va madaniyatlararo tayyorgarlikdan o‘tish imkoniyatini taqdim etadi. Bu orqali Siz “Osiyo va Lotin Amerikasida kasbiy ta’lim bo‘yicha hamkorliklar” (APAL) dasturida ishtirok etishingiz mumkin.

    APAL – Osiyo va Lotin Amerikasida kasbiy ta’lim bo‘yicha hamkorliklar © Goethe-Institut © Goethe-Institut

O'zbekistondagi PASCH-maktablari

Har bir maktab o’ziga xos! Ishtirokchi maktablar o‘zlarini tanishtiradi.

Maktablar sahifalarini o‘qish

Aloqa

PASCH hamkorlari

PASCH - bu Tashqi ishlar vazirligining tashabbusi bo‘lib, chet eldagi maktablar uchun Markaziy boshqarmasi (ZfA), Gyote-Instituti, Germaniya akademik almashinuv xizmati (DAAD) va Madaniyat vazirligi konferensiyasi kotibiyati huzuridagi Pedagogik almashinuv xizmati (PAD) hamkorligida amalga oshiriladi.

  • PASCH