መዝገበ ቃላት

የጋራ መኖሪያ ቤት ፣ የጋራ መኖሪያ ቤቶች

በጋራ መኖሪያ ቤት ውስጥ ከሌሎች ሰዎች ጋር አብረው ይኖራሉ። አብዛኛውን ጊዜ መታጠቢያ ቤቶችን እና ኩሽናዎችን ይጋራሉ። እያንዳንዱ ሰው የራሱ ክፍል አለው። እሱም የጋራ ክፍል ተብሎ ይጠራል።

የማዘጋጃ ቤት ምርጫ

ማዘጋጃ ቤት አንድ ከተማ ወይም ማህበረሰብ የሚያመለክት ሲሆን በጀርመን ውስጥ በጣም አነስተኛ የአስተዳደር ክፍል ነው። እዚያም ምርጫዎች አሉ። የአካባቢ ምርጫዎችን የሚቆጣጠሩት ደንቦች ከአንዱ ግዛት ወደ ሌላው ይለያያሉ።

ማሳወቅ

ታመዋል እናም መስራት አይችሉም? ከሆነ ለአሠሪዎ ማሳወቅ ይኖርቦታል። ይህም መታመምን ማሳወቅ በመባል ይታወቃል። ህመሞ ከሦስት ቀን በላይ የሚቆይ ከሆነ ከሐኪሞ የሕክምና የምሥክር ወረቀት ማግኘት ይኖርቦታል። አንዳንድ ጊዜ አሠሪው የህክምና ምስክር ወረቀቱን ወዲያውኑ ሊጠይቅ ይችላል።

የትምህርት ሰዐቶች

በአገር ማለማመጃ ትምህርትና በሙያ ቋንቋ ትምህርት ውስጥ ያለው የትምህርት ክፍል ጊዜ 45 ደቂቃ ይቆያል።

የውጭ ሀገር ዲግሪ እውቅና

ጀርመን ውስጥ በብዙ ሙያዎች (ለምሳሌ እንደ ዶክተር ወይም አስተማሪ) እንዲሰሩ የሚፈቀድልዎ የተወሰነ ብቃት ካሎት ብቻ ነው። እውቅና በሚደረግበት ጊዜ የፍልሰተኞች የሙያ ስልጠናና ብቃት ይገመገማል። የሙያ ስልጠናው በጀርመን ካለው የሙያ ስልጠና ጋር ተመጣጣኝ እንደሆነ ይቆጠራል? ከሆነ በዚህ ሙያ ጀርመን ውስጥ በዚህ ብቃት መስራት ይችላሉ። ተጨማሪ መረጃ በ BAMF (www.bamf.de) (ፌደራል ፍልሰተኞችና ስደተኞች ቢሮ - english version) እንዲሁም www.anerkennung-in-deutschland.de (እውቅና-በጀርመን, english version) ያገኛሉ።

ለ

ለውጭ ዜጎች ቢሮ

ይህ ለጀርመን አዲስ ከሆኑ የምትሄዱበት ቦታ ነው።ከዚህ በተጨማሪም ቪዛዎ ሊያልቅ ከሆነ ወይም ማራዘም ሲያስፈልጎ ወደዚህ ቦታ መሄድ ይችላሉ። በከተማዎ ያለው ማዘጋጃ ቤት የኢሚግሬሽን ቢሮ የት እንዳለ ሊነግሮት ይችላል።

ለጋብቻ ብቁ መሆኑን የሚያረጋግጥ የምስክር ወረቀት

ማግባት ይፈልጋሉ? የጀርመን ዜግነት ከሌሎት ይህ ሰነድ ያስፈልግዎታል። ለጋብቻ ብቁ መሆኑን የሚያረጋግጠው የምስክር ወረቀት ለትዳርዎ ምንም እንቅፋት እንደሌለ የሚያረጋግጥ የምስክር ወረቀት ነው። እንቅፋት ሊሆኑ ከሚችሉ ነገሮች ውስጥ አንዱ ለምሳሌ ከዚህ ቀደም ያገቡ ከሆነ ነው። ይህም የምስክር ወረቀት ለማግባት ይፈቀድልዎ እንደሆነ ይገልፅሎታል።

ል

ልውውጥ

የሆነ ነገር ገዝተዋል እና መመለስ ይፈልጋሉ? በብዙ መደብሮች ውስጥ መለወጥ ይችላሉ። መመለስ እና ገንዘብዎን መልሰው ማግኘት ይችላሉ። አንዳንድ ጊዜ ገንዘብዎን ተመላሽ ላይደረግሎት ይችላል። ነገር ግን ከመደብሩ ሌላ ነገር ያገኛሉ። ልዩ ቅናሾች ብዙውን ጊዜ ሊለዋወጡ አይችሉም።

ልዩ ቅናሽ፣ ልዩ ቅናሾች

አንዳንድ መደብሮች ምርቶቻቸውን በተለየ ዝቅተኛ ዋጋ ለአጭር ጊዜ ይሸጣሉ። እነዚህ ምርቶች ልዩ ቅናሾች ይባላሉ። ልዩ ቅናሾች ብዙውን ጊዜ በመደብሮች ውስጥ በጣም በፍጥነት ሊገኙ ይችላሉ። ብዙውን ጊዜ የበር መግቢያው ላይ ይገኛሉ።

ልጅ አሳዳጊ፣ ልጅ አሳዳጊዎች

ልጅ አሳዳጊዎች በራሳቸው ቤት ውስጥ ወይም በእርስዎ ቤት ልጆችን ይንከባከባሉ። ብዙ ጊዜ አንድ አሳዳጊ ብዙ ልጆች ይይዛል። ልጅ አሳዳጊዎች ልዩ የሙያ ሥልጠና የሚያስፈልጋቸው ሲሆን ክፍያ ሊከፈላቸው ይገባል። የመዋለ ሕጻናት አባቶችም አሉ።

መ

መምህር፣ መምህሮች

ይህ በትምህርት ቤት የሚያስተምር መምህር ነው። አስተማሪዎች ተብለውም ይጠራሉ።

መሰረታዊ ሂሳብ

መሰረታዊ ሂሳብ የባንክ ሂሳብ ነው። ከጊሮ አካውንት ጋር ተመሳሳይ ነው። ብዙ ገንዘብ ለሌላቸው ሰዎች የሚሆን የሂሳብ አይነት ነው። ባንኮች መሰረታዊ ሂሳብ ሊሰጡዎት ይገባል። ለምሳሌ፣ ደሞዝ፣ ጡረታ ወይም የልጅ ጥቅማጥቅም በዚህ ሂሳብ ይቀበላሉ። በተጨማሪም በዚህ የባንክ ሂሳብ ብዙ ክፍያዎች መክፈል ይችላሉ።

መሰረታዊ ክፍያ፣ መሰረታዊ ክፍያዎች

በየወሩ ይህን ክፍያ መክፈል አለቦት።

መሰናዶ ኮሌጅ፣ መሰናዶ ኮሌጆች

የት/ቤት መልቀቂያ ሰርተፍኬትዎ በጀርመን ለመማር በቂ ካልሆነ፣ ወደ መሰናዶ ኮሌጅ መሄድ አለቦት። ይህንን ለማድረግ የመግቢያ ፈተና መውሰድ አለብዎት። በ B1 ደረጃ ጥሩ የጀርመን ችሎታ ያስፈልግዎታል። የዝግጅት ትምህርት መጨረሻ ላይ "የግምገማ ፈተና" መውሰድ አለቦት። ከዚያ መማር ይችላሉ። መሰናዶ ኮሌጅ አብዛኛውን ጊዜ ሁለት ሴሚስተር ይቆያል። ነገር ግን አንዳንድ ጊዜ አጭር ነው። ትምህርቶቹ ነፃ ናቸው። ሆኖም የሴሚስተር ክፍያ ይከፍላሉ።

መስራት አለመቻል

ይህ የሚፈጠረው መስራት ሳይችሉ ሲቀሩ ለምሳሌ በህመም ወይም ከአደጋ በኋላ ነው።

መታወቂያ ፣ መታወቂያዎች

ይህ ሰነድ ማንነትዎን ያረጋግጣል። የመታወቂያ ሰነዶች ከሚባሉት ውስጥ ለምሳሌ የግል መታወቂያ ካርድ ወይም ፓስፖርት ናቸው። ነገር ግን የመንጃ ፍቃድ መታወቂያ ካርድም ጭምር ነው።

መንታ የጥናት መርሃ ግብሮች

መንታ የጥናት መርሃ ግብር የዩኒቨርሲቲ ዲግሪ እና በኩባንያ ውስጥ ተግባራዊ ሥራን ያካትታል። ተማሪዎች በዩኒቨርሲቲ ውስጥ የንድፈ ሃሳባዊ እውቀትን ይማራሉ። ተማሪዎች በመስሪያ ቤት ውስጥ የስራ ልምድ ያገኛሉ።

መንጃ ፍቃድ

መኪና፣ የጭነት መኪና ወይም ሞተር ሳይክል ይነዳሉ? እንግዲያውስ የመንጃ ፍቃድ ያስፈልግዎታል። ይህ ሰነድ መኪና፣ የጭነት መኪና ወይም ሞተር ሳይክል መንዳት እንደተፈቀደልዎ ይገልጻል።

መዋዕለ ሕጻናት

ልጆች ከሌሎች ልጆች ጋር በአንድ ቡድን ውስጥ ናቸው። መዋለ ህፃናት እድሜያቸው ከ 3 እስከ 6 ወይም 7 የሆኑ ልጆች አሉበት። መዋዕለ ህጻናት ልጆችን ለትምህርት ቤት ያዘጋጃል። ከትላልቅ ልጆችና ከአስተማሪዎች አንድ ነገር ይማራሉ። አብዛኞቹ መዋዕለ ህፃናትም ውጪ ላይ መጫወቻ ሜዳ አላቸው።

ማ

ማህበራዊ መኖሪያ ቤት፣ ማህበራዊ መኖሪያ ቤቶች

ማህበራዊ መኖሪያ ቤት ትንሽ ገንዘብ ላላቸው ሰዎች መኖሪያ ነው። ግዛቱ ለእነዚህ መኖሪያ ቤቶች ድጎማ ያደርጋል። ብዙውን ጊዜ ቅናሽ ናቸው። በመኖሪያ ቤት መብት የምስክር ወረቀት የማህበራዊ መኖሪያ ቤት መከራየት ይችላሉ። ከከተማዎ ወይም ከማዘጋጃ ቤትዎ የመኖሪያ ቤት ቢሮ ማግኘት ይችላሉ።

ማህበራዊ ዋስትና፣ ማህበራዊ ዋስትናዎች

እነዚህ በህግ የተደነገጉ የጤና መድህን ዋስትና፣ ህጋዊ የጡረታ መድህን ዋስትና፣ ህጋዊ የአደጋ መድህን ዋስትና፣ ህጋዊ የረጅም ጊዜ እንክብካቤ መድህን ዋስትና እና ህጋዊ የስራ አጥ መድህን ዋስትና ናቸው።

ማህበር፣ ማህበራት

እነዚህ የሰራተኞችን ጥቅም የሚወክሉ ድርጅቶች ናቸው።

ማመልከቻ፣ ማመልከቻዎች (ለዩኒቨርስቲ ጥናት)

በጀርመን ዪኒቨርስቲ ውስጥ መማር ይፈልጋሉ? ከሆነም ማመልከት አለብዎት። ለጥናት ትምህርት ማመልከቻ እንደ የትምህርት ቤት መልቀቂያ የምስክር ወረቀት እና የቋንቋ የምስክር ወረቀት ያሉ ሰነዶችን ያጠቃልላል። አንዳንድ ሰነዶች ህጋዊ በሆነ አካል መረጋገጥ አለባቸው። አንዳንድ ዩኒቨርሲቲዎች የሽፋን ደብዳቤ ይፈልጋሉ። ዩኒቨርሲቲው ሰነዶችዎን ይመረምራል እና በዩኒቨርስቲው መማር ይችሉ እንደሆነ ይወስናል።

ማመልከቻ፣ ማመልከቻዎች

በአንድ መስሪያ ቤት ውስጥ ስራ ማግኘት ይፈልጋሉ? እንግዲያውስ ማመልከቻ መፃፍ ይኖርቦታል።ይህ ብዙውን ጊዜ ደብዳቤ ("የሽፋን ደብዳቤ)፣ ፎቶ ያለበት ሲቪ እና የምስክር ወረቀቶችዎን ያካትታል። ሁለተኛው የማመልከቻ ክፍል ደግሞ ቃለ መጠይቅ ነው። ይህም የሚሆነው የፅሁፍ ማመልከቻው ለስራው ብቁ ሆኖ ሲገኝ ነው። በተጨማሪም ለሙያ ስልጠና ትምህርትም ማመልከቻ መፃፍ ይኖርቦታል።

ማስተር፣ ማስተርስ ዲግሪ

አንድ የማስተርስ ዲግሪ ከመጀመሪያ ዲግሪ በኋላ ሊገኝ የሚችል ከፍተኛ ዲግሪ ነው። በማስተር ኘሮግራም መጨረሻ ላይ የመጨረሻውን ጥናታዊ ጽሁፍ ይጽፋሉ። ትምህርቱ ብዙውን ጊዜ 2 ዓመት ነው።

ማቋረጥ

ለምሳሌ የቤት ወይም የስራ ውል ማቋረጥ ይፈልጋሉ? እንግዲያውን የውል ማቋረጥ ማመልከቻ መጻፍ አለብዎት። ማቋረጡ በጽሁፍ መሆን አለበት።

ማካተት

ሁሉም ሰዎች እኩል ናቸው እናም ማንም መጎዳት የለበትም። ማካተት ማለት አንድን ሰው አለማግለል ማለት ነው።ሁሉም ሰዎች ከህብረተሰቡ ጋር በስራ ቦታ ወይም በትምህርት ቤት ውስጥ መቀላቀል አለባቸው። ማካተት የመገለል ተቃራኒ ነው። አካል ጉዳተኞች በተቻለ መጠን መደበኛ ህይወት ሊኖራቸው ይገባል። አካታች ትምህርት ቤቶች ውስጥ፣ ለምሳሌ አካል ጉዳት ያለባቸውና የሌለባቸው ልጆች አብረው ይማራሉ ። አካል ጉዳተኞችም በቀላሉ ሥራ ማግኘት መቻል አለባቸው።

ማዘጋጃ ቤት፣ ማዘጋጃ ቤቶች

ማግባት ይፈልጋሉ? ልጅ ሊወልዱ ነው? መፋታት ይፈልጋሉ? እንግዲያው በከተማዎ ውስጥ ወደሚገኘው የመዝገብ ቤት ቢሮ መሄድ አለብዎት።

ም

ምክር፣ ማማከር

በምክክር ወቅት ለብዙ ጥያቄዎች ከባለሙያዎች እርዳታ ያገኛሉ። ለበለጠ ዝርዝር መረጃ "እርዳታን መፈለግ" የሚለውን ክፍል ይመልከቱ።

ሞ

ሞቃታማ ኪራይ

ይህ ተጨማሪ ወጪዎችን የሚጨምር የቤት ኪራይ ነው።

ሞግዚት (ሞግዚቶች)

ይህ ሙያ ነው። ይህንን ለማድረግ በሙያ ማሰልጠኛ ኮሌጅ ወይም በሙያ ትምህርት ቤት የሙያ ትምህርት ማጠናቀቅ አለቦት። በስልጠናዎ ወቅት እንደ ስነ-ልቦና፣ትምህርት፣ ጤና፣ ስፖርት እና የመሳሰሉት ትምህርቶች ይኖሩዎታል።ለምሳሌ ሞግዚቶች በመዋዕለ ሕፃናት ወይም ልጆች ባሉበት ቤት ውስጥ አልያም ወላጆች የሌሉባቸው ነገር ግን ልጆች ባሉበት ቦታ ወይም በወጣቶች ደህንነት ቢሮ ውስጥ ይሰራሉ። ልጆቹን ይንከባከባሉ።

ሰ

ሰልጣኝ፣ ሰልጣኞቹ ( ምህጻረ ቃል፡ አዙቢ፣ አዙቢስ)

ይህ በአንድ ኩባንያ ውስጥ የሙያ ስልጠና እየወሰደ ያለ ሰው ነው።

ሰራተኛ (ዎች)

ለድርጅት ተቀጥረው ይሰራሉ? ከሆነ እርስዎ ሰራተኛ ነዎት።

ሲ

ሲቪ፣ ሲቪዎች

ሥራ ማመልከት ሲፈልጉ ከማመልከቻ ሰነዶች መሃከል አንደኛው አካል ነው። ሲቪው ለምሳሌ ስም፣ ሙያ፣ ትምህርት እና የቀድሞ ስራ ወይም ልዩ ችሎታ (ኮምፒውተሮች? የውጭ ቋንቋዎች? ...) ማካተት አለበት። የሥራ ስምሪት ኤጀንሲ ውስጥ የሲቪ ምሳሌ ማግኘት ይችላሉ።

ሳ

ሳምንታዊው ገበያ፣ ሳምንታዊ ገበያዎች

በብዙ በሳምንት አንድ ወይም ሁለት ጊዜ ሳምንታዊ ገበያ አለ። በመሃል አደባባይ ወይም አዳራሽ ውስጥ ነው። ሻጮች በአብዛኛው ከአካባቢው የመጡ ናቸው። በየሳምንቱ በገበያው በዋናነት ትኩስ አትክልትና ፍራፍሬ እንዲሁም ወተት እና አይብ፣ አሳ እና ስጋ ያገኛሉ። አንዳንድ ጊዜ ልብሶችንም እዚያው መግዛት ይችላሉ።

ቀ

ቀዝቃዛ ኪራይ፣ ቀዝቃዛ ኪራዮች

ይህ ተጨማሪ ወጪዎች የማያጠቃል የቤት ኪራይ አይነት ነው።

ቃ

ቃለ መጠይቅ፣ ቃለመጠይቆች

ለስራ አመልክተዋል? ቀጣሪው ማመልከቻዎን አስደሳች ሆኖ አግኝቶታል? ይህ ከሆነ እርስዎን ማወቅ እና ስለእርስዎ የበለጠ ማወቅ ይፈልጋል። ለቃለ መጠይቅም ይጋብዞታል። ቃለ መጠይቅ የሚባልውም ይህ ነው። ስለ ሥራ ቃለ መጠይቅ አጠቃላይ መረጃ ከስራ ስምሪት ኤጀንሲ/የስራ ማእከል ማግኘት ይችላሉ።

ቅ

ቅርንጫፍ፣ ቅርንጫፎች

እነዚህ በተለያዩ ቦታዎች የሚገኙ ትልልቅ ባንኮች እና የቁጠባ ባንኮች ቢሮዎች ናቸው። አብዛኞቹ ባንኮች እና ቁጠባ ባንኮች ዋና መሥሪያ ቤት እና ብዙ ቅርንጫፎች አሏቸው።

ቅጣት፣ ቅጣቶች

በቀይ መብራት ላይ እየተራመዱ ነው? በእግረኛ መንገድ ላይ ብስክሌት ይነዳሉ ? አልኮል ጠጥተው መኪና ይነዳሉ? ፖሊስ ይህንን ካየ፣ መቀጮ መክፈል ይኖርብዎታል። አንዳንድ ጊዜ ከ 5 እስከ 10 ዩሮ ብቻ ነው። ነገር ግን አንዳንድ ጊዜ ከዛ ብዙ ይጨምራል። አንዳንድ ጊዜ የመንጃ ፍቃድዎን እንኳን ሳይቀር መስጠት ሊኖርቦት ይችላል። ይህ ማለት ለተወሰነ ጊዜ መንዳት አይፈቀድልዎትም ማለት ነው።

ቆ

ቆንስላ

ቆንስላ ጽ/ቤት በሌላ ሀገር ውስጥ የአንድ ሀገር ተወካይ ነው። ለምሳሌ የትውልድ ሀገርዎ ቆንስላ በጀርመን ላሉ ሰነዶች ተጠያቂ ነው። ፓስፖርት ከፈለጉ ወደ ቆንስላዎ ይሂዱ።

ቋ

ቋሚ ደብተር

ይህ የሂሳብ ደብተር እንደ የቁጠባ የሂሳብ ደብተር ወይም መሰረታዊ የሂሳብ ደብተር ለዕለታዊ አገልግሎት የሚውል አይደለም። የተረፈ ገንዘብ ካለዎት ገንዘቡን የሂሳብ ደብተር ውስጥ ስራ ላይ ማዋል ይችላሉ። ባንኮች ለዚህ የሂሳብ ደብተር ከቁጠባ ሂሳብ የበለጠ የወለድ ክፍያ ይከፍላሉ። እንዲሁም ገንዘቡን በፍጥነት ከሂሳብ ደብተሮ ማውጣት ይችላሉ።

በ

በሁለተኛ ደረጃ ማጠቃለያ ፈተና

በሁለተኛ ደረጃ ትምህርት ቤት መጨረሻ የሁለተኛ ደረጃ ትምህርት ቤት የምስክር ወረቀት ያገኛሉ። ይህ በ10ኛ ክፍል ነው። ይህ ሚትለራይፈ ተብሎም ይጠራል።

በሁለተኛ ደረጃ ትምህርት ቤት ዲፕሎማ

በሁለተኛ ደረጃ ትምህርት ቤት መጨረሻ ላይ አጠቃላይ የከፍተኛ ትምህርት መግቢያ ብቃት
ይወስዳሉ። ይህ በጀርመን ከፍተኛው የትምህርት መመዘኛ ነው። ከዚያ በኋላ በዩኒቨርሲቲ ውስጥ መማር ይችላሉ።

በህጋዊ ሰነዶችን የሚያረጋግጥ

ኖተሪ ልዩ የህግ ጠበቃ ነው። ለግዛቱ አስፈላጊ ተግባራትን እንዲወስዱ ተፈቅዶላቸዋል። ሰነዶች ትክክል መሆናቸውን ያረጋግጣሉ።

በሕዝብ ትምህርት ቤቶች

በጀርመን ውስጥ አብዛኞቹ ትምህርት ቤቶች የግዛቱ ናቸው። ለትምህርቶቹ ምንም ክፍያ አይከፍሉም ነፃ ናቸው።

በመንግስት የሚሰጥ ፈተና

በመንግስት ፈተና የሚጠናቀቁ የጥናት አይነቶች አሉ። ይህ የመንግስት ፈተና ነው። እነዚህም እንደየፌዴራል ግዛቱ በመመስረት መድሃኒት፣ ህግ፣ ፋርማሲ እና አንዳንድ ትምህርቶችን ያካትታሉ።

በሙያ ትምህርት ቤት መልቀቂያ

ይህ የትምህርት ቤት መልቀቂያ ሰርተፍኬት ነው። የትምህርት ቤት መልቀቂያ ሰርተፍኬት የሚገኘው በሙያ ትምህርት ቤት ወይም በሙያ ሁለተኛ ደረጃ ትምህርት ቤት ነው። አልያም በርቀት በሙያ ኮሌጅ በመማር ነው። ሁለት ዓይነት የትምህርት ቤት መልቀቂያ ሰርተፍኬት አለ። ይህም የተግባረ ዕድ እና የዩኒቨርሲቲ መመዘኛ ማረጋገጫ ናቸው። በሁለተኛ ደረጃ ትምህርት ቤት ዲፕሎማ በተወሰኑ ዩኒቨርሲቲዎች መማር ይችላሉ።

በራስ ተነሳሽነት የተጻፈ የስራ ማመልከቻ

የት መሥራት እንደሚፈልጉ ያውቃሉ? ነገር ግን ኩባንያው ለእርሶ ተስማሚ የሆነ የሥራ ማስታወቂያ አላወጣም? ይሁን እንጂ የስራ ማመልከቻ ለኩባንያው መላክ ይችላሉ። ይህ በራስ ተነሳሽነት የተጻፈ የስራ ማመልከቻ ይባላል። ብዙ ኩባንያዎች በራስ ተነሳሽነት የተጻፈ የስራ ማመልከቻዎችን እንደሚቀበሉ በ "ስራዎች" ወይም "ክፍት የስራ ቦታዎች" በሚለው በድረ-ገጻቸው ክፍል ውስጥ ላይ ይገልጻሉ።

በጎ ፈቃደኞች

በጎ ፈቃደኞች እንደ አርቲስት፣ ጸሐፊ ወይም ሐኪም ባሉ ነፃ ሙያዎች ውስጥ በራሳቸው ተነሳሽነት ይንቀሳቀሳሉ። የንግድ ፍቃድ ማውጣትም መመዝገብ አይጠበቅባቸውም።

ብ

ብድር፣ ብድሮች

አንድ ነገር መግዛት ይፈልጋሉ ነገር ግን በቂ ገንዘብ የሎትም? እንግዲያውስ ለምሳሌ ከባንክ ብድር መውሰድ ይችላሉ። ባንኩ ለተወሰነ ጊዜ የገንዘብ መጠን ይሰጥዎታል። ከዚያም ገንዘቡን በወለድ መመለስ አለቦት።

ብድር የመክፈል አቅም መኖሩን የሚያረጋግጥ መረጃ

አከራዮች ብዙውን ጊዜ የብድር የመክፈል አቅም መኖሩን የሚያረጋግጥ መረጃ ማየት ይፈልጋሉ። በጀርመን ውስጥ ዕዳ እንዳለዎት መረጃ ይሰጣል። ለብድር የመክፈል አቅም መኖሩን የሚያረጋግጥ መረጃ በኢንተርኔት ላይ www.schufa.de ይ ማመልከት ይችላሉ። የተለያዩ የመረጃ ዓይነቶች አሉ። አንዳንዶቹ ነፃ ሲሆኑ አንዳንዶቹ ደግሞ ክፍያ አሏቸው።ሰነዱ ከሶስት ወር በላይ መሆን የለበትም።

ተ

ተቀማጭ ገንዘብ

ቤት መቀየር ፈልገዋል? እንግዲያውስ አብዛኛውን ጊዜ ለባለንብረቱ ተቀማጭ ገንዘብ ይከፍላሉ። ይህ ተቀማጭ ብር አንዳንድ ጊዜ 'የኪራይ ዋስትና' በመባል ይታወቃል። ለምሳሌ ያህል፣ ተከራዩ የቤት ኪራይ ሳይከፍል ቢቀር የቤቱ ባለቤቶች ይህን ገንዘብ ሊጠቀሙበት ይችላሉ። አብዛኛውን ጊዜ ተከራዮች ቤት ሲቀይሩ ገንዘቡ ተመላሽ ይደረግላቸዋል። ከፍተኛው የተቀማጭ ገንዘብ መጠን የሶስት ወር ኪራይ ነው።

ተቀማጭ ገንዘብ ገቢ ማድረጊያ

የሆነ ነገር በቀጥታ ዴቢት ይገዛሉ? ሻጩ የሚከፍሉትን የገንዘብ መጠን ከሂሳብ ደብተሮ ሊያወጣ ይችላል። ይህ ማለት ገንዘቡን ከሂሳቦ ላይ ተቀናሽ እንዲሆን ይፈቅዱለታል ማለት ነው። የሂሳብ ደብተሩ በጀርመን ውስጥ ያለ ባንክ ከሆነ ምንም ክፍያዎች አይኖረውም። በበይነ መረብ ላይ ለሚያዙዋቸው እቃዎች ፣ ለመድህን ዋስትና እና ወርሃዊ ክፍያዎች (ኤሌክትሪክ/ጋዝ፣ ስልክ/ኢንተርኔት) በቀጥታ ዴቢት መክፈል ይችላሉ። የመድህን ዋስትና ኩባንያውን ወይም አንድ ሌላ ኩባንያን በየወሩ ገንዘብ ከሂሳቦ ተቀናሽ እንዲሆን ፈቅደዋል።

ተከራይ

አንድ ተከራይ አፓርታማ ወይም ቤት ተከራይቶ በየወሩ የቤት ኪራይ እና የፍጆታ ወጪዎችን ለባለንብረቱ ይከፍላል።

ተደራሽነት

ተደራሽነት ማለት አንድ ነገር በቀላሉ ማግኘት ማለት ነው። አንድን ነገር ያለ ምንም ችግር ማለፍ ሲቻል ከእንቅፋት ነፃ እንደሆነ ተደርጎ ይቆጠራል። ለምሳሌ ያህል፣ በተሽከርካሪ ወንበር ላይ ያሉ ግለሰቦች ምንም ዓይነት እንቅፋት ሳይገጥማችው ወደ አንድ ህንጻ እንዲገቡ የሚያስችሏቸው ንጣፎች ካሉ ሕንፃዎቹ ከእንቅፋት ነፃ ናቸው።

ተጨማሪ ወጪዎች

እነዚህ ወጪዎች ለቤት ኪራይ (ቀዝቃዛ ኪራይ) ለምሳሌ የውሃ ወጪዎች፣ በደረጃው እና በታችኛው ክፍል ውስጥ መብራት፣ የቆሻሻ ማጠራቀሚያ እና የቴሌቪዥኑ አንቴና/ገመድ ይጨምራሉ። አንዳንድ ጊዜ ማሞቂያ እና ኤሌክትሪክ ተጨማሪ ወጪዎች ውስጥ ይካተታሉ። ነገር ግን ብዙ ጊዜ ለእነሱ ተጨማሪ ክፍያ ይከፍላሉ።

ት

ትምህርት

ትምህርት በዩኒቨርሲቲ ውስጥ አንዱ የማስተማር ዘዴ ነው። ብዙውን ጊዜ በአንድ ትልቅ ክፍል ውስጥ ብዙ ተማሪዎች አሉ። መምህሩ ስለ አንድ ርዕስ ያወራል። ተማሪዎቹ ያዳምጣሉ እናም ማስታወሻ ይይዛሉ።

ትምህርት ማንበብና መጻፍ ለማይችሉ ሰዎች

ይህ ትምህርት ማንበብና መጻፍ ለማይችሉ ሰዎች የሚሰጥ ትምህርት ነው። እንዲሁም ከመጻፍ ጋር ልዩ የሃገር ማለማመጃ ትምህርቶች አሉ። ይህ የሃገር ማለማመጃ ትምህርት የማንበብ ትምህርት ተብሎም ይጠራል እና አብዛኛውን ጊዜ 960 ሰአታት ይወስዳል።

ትምህርት ቤትን መሰረት ያደረገ የሙያ ስልጠና

የሙያ ስልጠና የሚገኘው በሙያ ትምህርት ቤት ብቻ ነው። ይህንን ለማድረግ የትምህርት ቤት መልቀቂያ ሰርተፍኬት እና አንዳንድ ጊዜ ተጨማሪ የስራ ልምድ ለምሳሌ እንደ ልምምድ(የስራ ልምምድ) ያስፈልግዎታል። የሙያ ስልጠና እንደ ሙያው ከ 1 እስከ 3 ዓመት ከስድስት ወር ድረስ ይቆያል።

አ

አሰሪ፣ ቀጣሪ

ይህ ኩባንያ ነው። የሰራተኞችም ስራ የሚሰጥ አካል ነው። በተጨማሪም መንግሥት ለአስተማሪዎች ወይም ለአስተማሪዎች አሠሪ ነው ። የራስዎ ኩባንያ አለዎት እናም እዚያ ይሰራሉ? ከሆነ ምንም ቀጣሪ የለዎትም።

አነስተኛ ስራ

በመለስተኛ ሥራ በወር ቢበዛ 538 ዩሮ ያገኛሉ። በተለያዩ ቦታዎች ለምሳሌ እንደ የቤት ውስጥ ረዳት፣ የቢሮ ሰራተኛ፣ ሹፌር ወይም በመመገቢያ ቦታዎች ውስጥ አነስተኛ ስራዎች አሉ። አነስተኛ ሥራን በስራ ማእከል፣ በጋዜጣ እና በኢንተርኔት ማግኘት ይችላሉ።

አከራይ፣ አከራዮች

አንድ አከራይ አፓርታማ ወይም ቤት ለሚፈልጉ ሰዎች (ተከራዮች) አፓርትመንቶች ወይም ቤቶችን ያከራያል።

አዋላጅ፣ አዋላጆች

አዋላጅ ሐኪም አይደለችም። ስልጠና አግኝታለች። ሴቶችን ለመውለድ ታዘጋጃለች። በሚወልዱበትም ጊዜ ትረዳዋለች ። እናቶችን ከወሊድ በኋላ ሴቲቱንና ሕፃኑን ትንከባከባለች ። ከልጆ ጋር የተያያዙ ነገሮችን ሁሉ ታደርጋለች። ለጥያቄዎቻችሁ መልስ ትሰጣለች ።

አጠቃላይ ሐኪም (አጠቃላይ ሐኪሞች)

ይህ ለሁሉም በሽታዎች ሐኪም ነው።ከታመሙ በመጀመሪያ ወደ አጠቃላይ ሐኪም ይሂዱ። እሱ ወይም እሷ ምን ዓይነት ህመም እንዳለቦት ይነግርዎታል። ወይም እሱ ወይም እሷ የትኛውን የጤና ባለሞያ እንደሚፈልጉ አውቀው ወደዚያ ይልክልዎታል። ሌላው መጠሪያ "የቤተሰብ ዶክተር" ወይም "የቤት ሐኪም" ይባላል።

አጠቃላይ ትምህርት ቤት፣ አጠቃላይ ትምህርት ቤቶች (ከ5ኛ እስከ 13ኛ ክፍል)

ይህ ትምህርት ቤት በአንድ ሕንፃ ውስጥ ሃውፕቹል ፣ ሪልሹል እና ጂምናዚየም ይካተታል። ልጆቹ የተለያየ የይዘት ደረጃ ያላቸውን ትምህርቶች ይማራሉ። አንድ ልጅ በሂሳብ ጥሩ ካልሆነ እሱ ወይም እሷ ቀለል ያለ ትምህርት ይማራል። በአንጻሩ ደግሞ አንድ ልጅ በእንግሊዝኛ ጎበዝ ከሆነ እሱ ወይም እሷ ከበድ ያለ ትምህርት ይማራል። አንድ ከአጠቃላይ ትምህርት ቤት ከአንዱ ትምህርት ቤት ወደ ሌላ ትምህርት ቤት ለመሸጋገር በአንፃራዊነት ቀላል ነው። ሆኖም ግን አጠቃላይ ትምህርት ቤቶች በሁሉም ቦታ አይገኙም።

ኢ

ኢምባሲ፣ ኢምባሲዎች

ኤምባሲ እንደ ቆንስላ ነው። በአንድ በሌላ ሀገር ውስጥ የሚገኝ የአንድ ሀገር ተወካይ ነው። ስለ ጀርመን ኤምባሲ መረጃ በ www.diplo.deማግኘት ይችላሉ።

ኤ

ኤቴም ካርድ

በኤቴም ካርድ የቀድሞው አጠራር ኢሲ ካርድ ከኤቲኤም ጥሬ ገንዘብ ማውጣት ወይም ለገዙት ዕቃዎች ያለ ጥሬ ገንዘብ ክፍያ መፈፀፍ ይችላሉ። ሻጩ በጥቂት ቀናት ውስጥ ገንዘቡን ከሂሳብ ደብተሮት ላይ ይቆርጣል። የቁጠባ ካርዱ በጀርመን ብቻ ይገኛል። በጀርመን ያሉ ትናንሽ ሱቆች ብዙውን ጊዜ ኤቴም ካርዶችን ብቻ ይቀበላሉ። ብዙ ጊዜ ለኤቴም ካርድ ወርሃዊ ክፍያ ለባንክ መክፈል አለቦት።

ክ

ክለብ፣ ክለቦች

ክለብ የሰዎች ስብስብ ነው። አንድ ነገር አንድ ላይ ማድረግ ይፈልጋሉ። ተመሳሳይ ፍላጎት እና ዓላማ አላቸው። ለምሳሌ፣ ስፖርት መስራት፣ መዘመር ወይም ሌሎች ሰዎችን መርዳት ይፈልጋሉ። ብዙ የተለያዩ ክለቦች አሉ። ለምሳሌ በእግር ኳስ ክለብ ውስጥ አንድ ላይ እግር ኳስ ይጫወታሉ እናም በሙዚቃ ክበብ ውስጥ አንድ ላይ ሙዚቃ ያዘጋጃሉ።

ክትባት፣ ክትባቶች

ብዙ በሽታዎች የሚከሰቱት በባክቴሪያ ወይም በቫይረሶች ነው። በክትባት ወቅት ሐኪሙ ለአንድ ሰው ተመሳሳይ ባክቴሪያዎችን / ቫይረሶችን ይሰጠዋል። ነገር ግን በጣም ደካማ ናቸው። ክትባቱ ፀረ እንግዳ አካላትን ይፈጥራል። በዚህም ምክንያት ግለሰቡ በእነዚህ በሽታዎች አይጠቃም። ከእነዚህም ክትባቶች መካከል ቴታነስ፣ ኩፍኝ፣ ሩቤላ፣ ጉምፕስ፣ ፖሊዮ እና ሳል ይገኙበታል።

ክፍያ፣ ክፍያዎች

ለአንድ አገልግሎት የሚከፍሉት ገንዘብ ነው።

ኮ

ኮሚሽን

በሪል እስቴት ወኪል በኩል አፓርታማ እየተከራዩ ነው ወይስ እየገዙ ነው? ይህን ሰው ከቀጠሩ ለሥራቸው ገንዘብ መክፈል አለቦት። ይህ የድለላ ክፍያ ነው።

ወ

ወለድ

ከባንክ ደብተሮ ውስጥ ገንዘብ አለዎት? እንግዲያውስ በየወሩ ከባንክ የተወሰነ ገንዘብ ያገኛሉ። እነዚህ የወለድ መጠኖች ናቸው። ከባንክዎ ጋር ብድር አለዎት? ከሆነ በየወሩ ለባንኩ የተወሰነ ገንዘብ መክፈል አለብዎት። ይህም የባንክ ወለድ ነው።

ዋ

ዋስትና፣ ዋስትናዎች

ይህ የተበላሹ ዕቃዎችን ለሻጩ ለምሳሌ የሱቅ መደብር የመመለስ መብት ነው። ከዚያ አዲስ ምርት ወይም ገንዘብዎን መልሰው ይቀበላሉ። እንዲሁም ከሻጩ ጋር መነጋገር እና ትንሽ መክፈል ይችላሉ። ደረሰኙ ካለዎት ጥሩ ነው። ነገር ግን የግድ አያስፈልጎትም።

ዋስትና፣ ዋስትናዎች

እቃ ገዝተዋል (ለምሳሌ ቲቪ) እናም ወዲያውኑ ተበላሽቷል? በአብዛኛዎቹ ጊዜያት ዋስትና አሎት እናም የገዙትን ዕቃ (ለምሳሌ ቴሌቪዥኑን) ወደ መደብሩ መመለስ ይችላሉ። መደብሩ ወይም አምራቹ አዲስ መሣሪያ ሊሰጥዎ ወይም ለጥገናው ሊከፍሎት ይገባል። ነገር ግን ዋስትናው የሚቆየው ለተወሰነ ጊዜ ብቻ ብዙውን ጊዜ ለ 1 አመት አልያም አንዳንዴም ለረጅም አመታት ነው።

ዜ

ዜግነት ማግኘት

የጀርመን ዜግነት ያገኛሉ።

ዝ

ዝቅተኛ ደሞዝ

በጀርመን ዝቅተኛ ደመወዝ አለ። አሰሪዎች እ.አ.አ ከ2024 ጀምሮ በሰአት ከ12.41 ዩሮ በታች ለሰራተኞች መክፈል አይችሉም።

ዝውውር፣ ዝውውሮች (ባንክ)፣ ማስተላለፍ

ባንኩ ከአንድ የሂሳብ ደብተር ወደ ሌላ ሂሳብ ደብተር ገንዘብ ይልካል። ለምሳሌ የቤት ኪራይ ሲከፍሉ ገንዘቡ በቀጥታ ከሂሳብ ደብተሮ ወደ ባለንብረቱ ሂሳብ ደብተር ይሄዳል። ይህንን ለባንክ ይሳውቁ እናም ባንኩ ገንዘቡን ወደ ባለንብረቱ ሂሳብ ደብተር ይልካል። ብዙ ሰዎች በኮምፒውተራቸው ወይም በሞባይል ስልካቸው በኢንተርኔት በመጠቀም ያስተላልፋሉ።

ዝውውር፣ ዝውውሮች

ቤት እየቀየሩ ነው እናም የቀድሞ ተከራይ የቤት ዕቃዎች አሉ? ብዙውን ጊዜ ለዚህ አንድ ነገር መክፈል አለብዎት። ይህም የዝውውር ክፍያ ይባላል። አብዛኛውን ጊዜ በጣም ትልቅ የሆኑ ከባድ የቤት ዕቃዎች ለምሳሌ እንደ ቁም ሣጥን ወይም ለማእድ ቤት እቃዎች እንደ ምድጃ ወይም ማቀዝቀዣ ለመሳሰሉት ናቸው።

የ

የሁለተኛ ደረጃ መልቀቂያ ሰርተፍኬት፣ የሁለተኛ ደረጃ ት/ቤት መልቀቂያ ሰርተፍኬቶች

በሁለተኛ ደረጃ ትምህርት ቤት መጨረሻ ላይ የሁለተኛ ደረጃ ትምህርት ቤት የምስክር ወረቀት ያገኛሉ። ይህ በ9ኛ ክፍል ነው። በአንዳንድ የፌደራል ግዛቶች ብቁ የሆነ ሁለተኛ ደረጃ ትምህርት ቤት መልቀቂያ ሰርተፍኬት አለ። ይህ በ9ኛ ክፍል መጨረሻ ላይ ያለ ፈተና ነው። መመዘኛውን መፈተን አይጠበቅብዎትም። ነገር ግን በአንድ መስሪያ ቤት ውስጥ የሙያ ስልጠና ቦታ ለማግኘት ቀላል ያደርገዋል።

የሁለት ቋንቋ ተናጋሪዎች ትምህርት ቤት፣ የሁለት ቋንቋ ተናጋሪዎች ትምህርት ቤቶች

ትምህርቱ በሁለት ቋንቋዎች ይሰጣል። ይህም በብዛት በጀርመንኛ እና በሌላ በአንድ ተጨማሪ ቋንቋ ነው።

የሃኪም ወረቀት

ያለ ሃኪም ማዘዣ ብዙ መድሃኒቶችን በፋርማሲ ውስጥ መግዛት ይችላሉ። ለአንዳንድ መድሃኒቶች ከሀኪም ወረቀት ያስፈልግዎታል። ይህ የመድሃኒት መመሪያ ነው። የትኛውን መድሃኒት እንደሚፈልጉ ይገልፅሎታል። እንዲሁም በየምን ያህል ጊዜ እና ለምን ያህል ጊዜ መውሰድ እንዳለቦት ይነግርዎታል።

የሃይማኖት ትምህርት

ይህ የትምህርት አይነት ነው። አብዛኛውን ጊዜ በፕሮቴስታንት ወይም በሮማ ካቶሊክ ሃይማኖት ውስጥ የሚሰጥ ትምህርት ነው። በአንዳንድ የፌደራል ግዛቶች ትምህርት ቤቶች የኦርቶዶክስ፣ የአይሁድ፣ የእስልምና ወይም የቡድሂስት ሃይማኖታዊ ትምህርቶች ይሰጣሉ። አንድ ልጅ የሃይማኖት ትምህርት መከታተል ግዴታ የለበትም። ነገር ግን ብዙ ጊዜ የእረፍት ቀን አይኖረውም። በብዙ የፌደራል ግዛቶች ልጆች የስነምግባር ትምህርት መከታተል አለባቸው። ይህ የፍልስፍና ትምህርት ነው።

የህጻናት መንከባከቢያ ማዕከል

እንደ መዋዕለ ሕፃናት ማቆያ ማእከል አይነት ሲሆን በውስጡ ከጥቂት ወራት ጀምሮ እስከ 3 ዓመት የሆናቸው ትንንሽ ልጆች ይኖሩታል።

የልደት የምስክር ወረቀት፣ የልደት የምስክር ወረቀቶች

ስለ ልጅ መወለድ ለምሳሌ የልጁ ስም፣ ጾታ (ወንድ ወይም ሴት ልጅ)፣ የትውልድ ቀንና የትውልድ ቦታ፣ የወላጆች ስም የመሳሰሉትን መረጃ የያዘ ሰነድ ነው። የመመዝገቢያ ጽ / ቤት የልደት የምስክር ወረቀት ይሰጣል።

የሐኪም ማስረጃ

ታመዋል እናም መስራት አይችሉም? ይህንን ወዲያውኑ ለአሰሪዎ ማሳወቅ አለቦት። ብዙውን ጊዜ የሐኪም ማስረጃ ያስፈልግዎታል። የሐኪም ማስረጃ ከዶክተር ያገኛሉ። እሱ ወይም እሷ መረጃውን በቀጥታ ወደ ጤና መድህን ዋስትና መስሪያ ቤት ይልካሉ። አሰሪዎት የሐኪም ማስረጃዎን በኢንተርኔት ላይ ማግኘት ይችላሉ። እንዲሁም የሐኪም ማስረጃ በስልክ ማግኘት ይችላሉ። ልጆች አንዳንድ ጊዜ ለትምህርት ቤት የሐኪም ማስረጃ ያስፈልጋቸዋል።

የሕጻናት እንክብካቤ

ስራ ይሰራሉ እናም ልጅዎን የሚያስቀምጡበት ቦታ ይፈልጋሉ? የተለያዩ የሕጻናት እንክብካቤ አማራጮች አሉ። ከ 3 እስከ 6 ወይም 7 ዓመት የሆኑ ልጆች ወደ መዋዕል ህጻናት ይሄዳሉ። እስከ 3 አመት ለሆኑ ትንንሽ ህጻናት የህጻናት ማቆያ አለ። አልያም የልጅ ጠባቂ አባላት ማደራጀት ይችላሉ። ልጁን በማለዳ ጠዋት ያደርሱትና ከሰዓት በኋላ ወይም ምሽት ላይ መልሰው ይወስዱታል። ለትምህርት ቤት ልጆች ከትምህርት በኋላ እንክብካቤ ማእከል ወይም የምሳ ሰዓት ክትትል አለ።

የመኖሪያ ሁኔታዎ

በጀርመን ውስጥ ለምሳሌ ምን ያህል ጊዜ እንዲቆዩ እንደሚፈቀድልዎ ወይም በጀርመን እንዲሰሩ እንደተፈቀድልዎ እና እንዳልተፈቀደሎ ይወስናል። ግልፅ የሆነ የመኖሪያ ሁኔታ ካሎት በጀርመን ህጋዊ ኖት።

የመኖሪያ ቤት መብት የምስክር ወረቀት፣ የመኖሪያ ቤት ባለቤትነት የምስክር ወረቀቶች በቤቶች መብት የምስክር ወረቀት

ዝቅተኛ ገቢ ካሎት ማለትም ትንሽ ገንዘብ ካገኙ ቅናሽ መኖሪያ ቤት ማግኘት ይችላሉ። ከከተማዎ ወይም ከማዘጋጃ ቤትዎ የመኖሪያ ቤት ቢሮ ማግኘት ይችላሉ።

የመኖሪያ ቤት ማመልከቻ፣ የመኖሪያ ቤት ማመልከቻዎች

ይህም ማለት የመኖሪያ ቤት መፈለጊያ ማስታወቂያ ነው። አንድ ሰው መኖሪያ ቤት እንደሚፈልግ ይገልፃል እናም አስፈላጊ መረጃዎችን ለምሳሌ የቤቱን ስፋት እና የቤቱን አጠቃላይ ኪራይን ጨምሮ ያቀርባል። ። አከራዮች ተስማሚ ቤት ካላቸው እርስዎን ማግኘት ይችላሉ። መኖሪያ ቤት በጋዜጣ ወይም በሕዝብ ማስታወቂያ ሰሌዳዎች ላይ ለምሳሌ በሱቆች ውስጥ ማስተዋወቅ ይችላሉ።

የመኖሪያ ፈቃድ

የመኖሪያ ፈቃዱ ለምሳሌ በጀርመን ውስጥ ምን ያህል ጊዜ እንዲቆዩ እንደተፈቀደልዎ ወይም በጀርመን እንዲሰሩ ይፈቀድልዎ እንደሆነ ይገልጻል። የመኖሪያ ፈቃድ ካሎት በጀርመን ሕጋዊ ኖት ማለት ነው። የመኖሪያ ፍቃዱን ለምሳሌ በቪዛ፣ በመኖሪያ ፈቃድ ወይም በአውሮፓ ህብረት ሰማያዊ ካርድ መልክ ማግኘት ይችላሉ።

የመኖሪያ ፈቃድ

የመኖሪያ ፈቃድ ጀርመን ውስጥ መቆየት እንደሚችሉ የሚገለፅ አንዱ የመኖሪያ ዓይነት ነው። በጊዜ የተገደበም ነው። በመኖሪያ ፈቃድ በጀርመን ውስጥ ለተወሰነ ጊዜ እንዲቆዩ ይፈቅድልዎታል። በጀርመን ውስጥ ህጋዊ ኖት። ለተወሰነ ዓላማ ለምሳሌ ለሥራ ፣ ለስልጠና ወይም ለቤተሰብ መገናኘት የመኖሪያ ፈቃድ ይቀበላሉ። የመኖሪያ ፈቃዱ ሊራዘም ወይም ቋሚ ላልሆነ ጊዜ ሊለወጥ ይችላል።

የመኪና ማቆሚያ ስፍራ ፣ የመኪና ማቆሚያ ስፍራዎች

በመንገድ ላይ ለማቆም በቂ ቦታ ስለሌለ ብዙ ግዛቶች የመኪና ማቆሚያ አሏቸው። መኪናዎን በበርካታ ፎቆች ላይ ማቆም ይችላሉ። የመኪና ማቆሚያ ክፍያ ይኖራቸዋል። ክፍያውን የሚከፍሉት በመሰረቱ ከመኪና ማቆሚያ ስፍራ ለቀው ሲወጡ ነው። መኪናው በመኪና ማቆሚያ ስፍራ ላይ የሚያቆሙት ለአጭር ጊዜ ብቻ ከሆነ ትንሽ ይከፍላሉ። መኪናው በመኪና ማቆሚያ ስፍራ ላይ ለረጅም ጊዜ የሚያቆሙት ከሆነ የበለጠ ይከፍላሉ።

የመዋዕለ ሕጻናት ማቆያ ማእከል፣ የመዋዕለ ሕፃናት ማዕከላት

በመዋዕለ ሕፃናት ውስጥ ልጆች ከትምህርት በኋላ ወላጆቻቸው ስራ ቦታ በሚሆኑበት ጊዜ በዚህ ማቆያ መቆየት ይችላሉ። አንዳንድ ጊዜ ከትምህርት ከመጀመሩ በፊትም በዚህ ቦታ ሊቆዩ ይችላሉ። ከትምህርት በኋላ ባለው የእንክብካቤ ማእከል ልጆቹ ምሳ ይኖራቸዋል እናም የቤት ስራቸው በሚሰሩ ሰዐት እገዛ ያገኛሉ። ልጆች ብዙውን ጊዜ ከትምህርት በኋላ እንክብካቤ ማእከል እስከ ቀኑ 10 ወይም 11 ሰዓት ድረስ መቆየት ይችላሉ።

የመዋዕለ ሕፃናት ማእከል ፣ የመዋዕለ ሕፃናት ማዕከላት

ይህ ቦታ ሁሉም ልጆችን ቀኑን ሙሉ እንክብካቤ የሚያገኙባቸው ቦታዎች ናቸው። የህጻናት መንከባከቢያ ማዕከል፣ መዋዕለ ህፃናት እና ከትምህርት በኋላ የሚንከባከቡ ማእከላት የህፃናት ማቆያ ናቸው። የዚህ አህጽሮተ ቃል "ኪታ" ነው።

የመድህን ዋስትና፣ የመድህን ዋስትና

ለአንድ የተወሰነ ሁኔታ በየወሩ ወይም በየዓመቱ ለመድህን ዋስትና ኩባንያ ክፍያ ይከፍላሉ። ይህ ማለት እርስዎ ለዚህ ሁኔታ ምሳሌ፡ ለህመም የመድህን ዋስትና አሎት ማለት ነው። በየወሩ ለጤና መድህን ዋስትና ክፍያ ይከፍላሉ። ከዚያም ሲታመሙ ወደ ሐኪም መሄድ አለብዎት። በዚህ ሁኔታ የህክምናውን ወጪ የጤና መድህን ዋስትና ድርጅት እንጂ እርስዎ አይከፍሉም።

የመጀመሪያ ዲግሪ

በዩኒቨርሲቲ መግቢያ ፈተና ብቃት ማረጋገጫ አንድ ሰው ዩኒቨርሲቲ ከተማረ በኋላ የሚያገኘው የመጀመሪያ ዲግሪ ነው። የመጀመሪያ ዲግሪ ብዙውን ጊዜ ከ 3 እስከ 4 ዓመታት ይቆያል። የመጅመሪያ ዲግሪን ካጠናቀቁ በኋላ የማስተርስ ዲግሪ መስራት ይችላሉ።

የመጓጓዣ ትኬት ፍተሻ

አንድ ተቆጣጣሪ በአውቶቡስ፣ በከተማ የኤሌክትሪክ ባቡር፣ የምድር ባቡር ውስጥ ፣ በፈጣን ባቡር ውስጥ ትኬት መያዝዎን ይጠይቆታል። ቲኬት ሳይቆርጡ እየተጓዙ ከሆነ ቅጣት መክፈል ይኖርቦታል።

የመጨረሻ ፈተና፣ የመጨረሻ ፈተናዎች

ይህ በስልጠና መጨረሻ ላይ ያለ ፈተና ነው። ሰልጣኞች የተማሩትን ያሳያሉ። የመጨረሻውን ፈተና ካለፉ ዲፕሎማ ያገኛሉ።

የሙሉ ቀን ትምህርት ቤት፣ የሙሉ ቀን ትምህርት ቤቶች

ልጆች በዚህ ትምህርት ቤት ቀኑን ሙሉ አብዛኛውን ጊዜ እስከ ቀኑ 10 ወይም 11 ሰዐት ድረስ ይቆያሉ። ምሳ ይኖራችዋል እናም የቤት ስራቸውን ሲሰሩ እርዳታ ያገኛሉ። በተጨማሪም ተማሪዎቹ እንደ የሙዚቃ መሳሪያ መማር፣ ስፖርት መስራት ወይም የቲያትር ሚና መጫወትን የመሳሰሉ ልዩ ትምህርቶችን መከታተል ይችላሉ። የሕዝብ ትምህርት ቤቶች የሙሉ ቀን ትምህርት ነፃ ናቸው። ይሁን እንጂ የግል ትምህርት ቤቶች ለሙሉ ቀን ትምህርት ክፍያ ያስከፍላሉ።

የሙከራ ጊዜ

አዲስ ሥራ ሲጀምሩ አብዛኛውን ጊዜ የሙከራ ጊዜ ይኖርዎታል። በሙከራ ጊዜ እርስዎ እና አሰሪዎ ስራዎን በፍጥነት ማቋረጥ ይችላሉ። በዚህ ጊዜ አሰሪው በቅርበት ይከታተሎታል። የሙከራ ጊዜ ካለፈ በኋላ ለኩባንያው መስራት እንደሚቀጥሉ ይወስናል። እርሶም ይህን ስራ መቀጠል መፈለግዎን ይወስናሉ። የሙከራ ጊዜው እስከ 6 ወር ድረስ ሊቆይ ይችላል።

የሙያ ሁለተኛ ደረጃ ትምህርት ቤት፣ የሙያ ሁለተኛ ደረጃ ትምህርት ቤቶች

እዚህ የሁለተኛ ደረጃ ትምህርት ቤት መመዘኛ ማግኘት ይችላሉ። የሙያ ስልጠና ካጠናቀቁ ወደ ሙያ ሁለተኛ ደረጃ ትምህርት ቤት መሄድ ይችላሉ።

የሙያ መረጃ ማእከል

ሰራተኞች ከሙያዎ ጋር በተያያዙ ጥያቄዎች ላይ ምክር ይሰጡዎታል። በአጠገብዎ በቅጥር ኤጀንሲ ድረ-ገጽ (ቅጥር ኤጀንሲ ድረ-ገጽ (english version)) ማግኘት ይችላሉ።

የሙያ ስልጠና

እዚህ አንድ ሙያ ይማራሉ። በትምህርት ቤት ላይ የተመሰረተ ስልጠና እና ሁለትዮሽ ስልጠና አለ። የትምህርት ቤቱ ስልጠና የሚገኘው በሙያ ትምህርት ቤት ብቻ ነው። ከ 1 እስከ 3 ዓመት ከስድስት ወር ይቆያል። በጀርመን ውስጥ ጥምር የሙያ ስልጠና በብዛት ይገኛል። ድርብ የሙያ ስልጠና አብዛኛውን ጊዜ ሁለት ክፍሎች አሉት። የሙያ ትምህርት ቤት እና በድርጅት ውስጥ መስራትን ያካትታል። የሙያ ስልጠና አብዛኛውን ጊዜ ከ 2 እስከ 3 ዓመት ከስድስት ወር ይቆያል። ይህም እንደሙያው አይነት እንዲሁም በትምህርት ቤት መልቀቂያ የምስክር ወረቀት አይነት ይለያያል። በሁለተኛ ደረጃ ትምህርት ቤት ዲፕሎማ የስልጠናው ጊዜ ብዙ ጊዜ አጭር ነው።

የሙያ ስልጠና፣ የሙያ ስልጠናዎች

በስልጠናዎ ወቅት በተወሰነ ዘርፍ ላይ እውቀትና ክህሎት ይማራሉ። አንድ ሰው በመንግስት ትምህርት ቤት ፣ በዩኒቨርሲቲ ወይም በአንድ መስራያ ቤት ውስጥ የሙያ ትምህርት መማር ይችላል ። በስልጠናው መጨረሻ ላይ ፈተና መውሰድ ይኖርበታል። ከዚያም ዲግሪ ያገኛል። የሙያ ስልጠና ተግባራዊ ሙያ የሚማሩበት የተለየ የትምህርት አይነት ነው።

የሙያ ትምህርት ቤት፣ የሙያ ትምህርት ቤቶች

የሙያ ትምህርት ቤት የሁለት የሙያ ስልጠና ፕሮግራም አካል ነው። እዚህ አንድ ሰው ለስራ የሚሆን ሙያዊ ይዘት ያለው ትምህርት ይማራል። ከዚህ በተጨማሪም ሌሎች ከሙያው ጋር ተያያዝነት ያላቸው ነገሮችም ይማራል። በሳምንት ከ 8 እስከ 12 የትምህርት ክፍለ ጊዜያቶች ይኖሩታል። በሌሎች ቀናቶች በአንድ ተቋም ውስጥ ይሰራሉ። አልያም ደግሞ ተከታታይነት ያለው የትምህርት ጊዜያቶች አሎት። ጥቂት ሳምንታትን በሙያ ትምህርት ቤት ያሳልፋሉ። ከዚያ በመስሪያ ቤት ውስጥ ደግሞ ለጥቂት ሳምንታት ይሰራሉ። ለአንዳንድ ሙያዎች መጀመሪያ ለአንድ አመት ወደ ሙያ ትምህርት ቤት ገብተው ከዚያም በአንድ ድርጅት ውስጥ መሰልጠኛ ቦታ ይፈልጋሉ። የሙያ ትምህርት ቤት ምንም ወጪ አይጠይቅም። ልክ እንደ መደበኛ ትምህርት ቤት የሚከፍሉት ለዕቃዎቹ ብቻ ነው።

የሙያ ትምህርት ቤት፣ የሙያ ትምህርት ቤቶች

የሙያ ኮሌጅ በትምህርት ቤት ውስጥ የሙያ ስልጠና በመስጠት ላይ ያተኮረ የትምህርት ተቋም ነው።ተማሪዎች በአብዛኛው ከ1 እስከ 3 ዓመት ከስድስት ወር ባለው ጊዜ ውስጥ አንድ ሙያ ይማራሉ።የጥምር የሙያ ስልጠና ጋር ያለው ልዩነት በአንድ ድርጅት ውስጥ ስራ አይሰሩም ነገር ግን አንዳንድ ጊዜ ተግባራዊ ልምምድ ብቻ ያደርዳሉ።

የማህበራዊ ጥበቃ ቢሮ፣ የማህበራዊ ጥበቃ ቢሮዎች

የማህበራዊ ጥበቃ ቢሮ ባለስልጣን ነው። የገንዘብ እርዳታ ከፈለጉ፣ የማህበራዊ ጥቅማ ጥቅሞችን ማግኘት ይችሉ እንደሆነ የማህበራዊ ደህንነት ቢሮ ያረጋግጣል።

የማመልከቻው ሰነዶች

የማመልከቻው ሰነዶች የሚከተሉትን ያጠቃልላል። የሽፋን ደብዳቤ ማለትም ለድርጅቱ ደብዳቤ በደብዳቤ ውስጥም ስራውን ለምን እንደፈለጉ እና ለምን ለቦታው ተስማሚ እንደሆኑ ይገልጻል። ከዚህ በተጨማሪም የእርስዎ ሲቪ (በሠንጠረዥ መልኩ ያለ የእርስዎን መመዘኛዎች ያካተተ)፣ የምስክር ወረቀቶችዎ እና ፎቶ (በፍላጎት) ያጠቃልላል።

የማመልከቻው የጊዜ ገደብ

ለስራ፣ ለሙያ ስልጠና ወይም ለትምህርት ማመልከት ይፈልጋሉ? ብዙውን ጊዜ ይህንን ማድረግ የሚችሉት እስከተፈቀደው የጊዜ ገድብ ድረስ ብቻ ነው። ይህ የማመልከቻው የመጨረሻ ጊዜ ተብሎ ይጠራል። የማመልከቻውን የመጨረሻ ቀን በስራ መግለጫው ውስጥ ወይም በዩኒቨርሲቲው ድህረ ገጽ ላይ ማግኘት ይችላሉ።

የማሳወቂያ ጊዜ፣ የማሳወቂያ ጊዜዎች (የቤት)

ቤት መልቀቅ ከፈለጉ ለባለንብረቱ የማመልከቻ ደብዳቤ መጻፍ አለቦት። ይህ ብዙውን ጊዜ ከመውጣትዎ ከ3 ወር በፊት ነው። ብዙውን ጊዜ ይህ የሚቻለው በወሩ መጨረሻ ላይ ብቻ ነው። ባለንብረቱ የሶስት ወር ወይም ከዚያ በላይ የማሳወቂያ ጊዜ አለው።

የምሳ ሰአት እንክብካቤ

የምሳ ሰአት እንክብካቤ ፕሮግራም ከትምህርት በኋላ እንክብካቤ ማእከል ጋር ተመሳሳይ ነው። እዚህ ልጆች ከትምህርት በኋላ ወላጆቻቸው በሚሰሩበት ጊዜ መቆየት የሚችሉበት ቦታ ነው። በምሳ ሰአት እንክብካቤ ወቅት ልጆች ምሳ ይኖራቸዋል እናም የቤት ስራቸው በሚሰሩበት ጊዜ እገዛ ያገኛሉ። እዚያም አብረው ይጫወታሉ እናም ወደ ውጭ ይወጣሉ። አንዳንድ ጊዜ ሽርሽርዎች አሉ። ልጆቹ ብዙውን ጊዜ ከቀኑ 8፡00 እስከ 10፡00 ሰዓት ድረስ ወደ ቤት ይሄዳሉ።

የምስክር ወረቀት፣ የምስክር ወረቀቶች

የምስክር ወረቀት ሥራ ወይም በዩኒቨርስቲ መማር ሲፈልጉ ከማመልከቻዎ ሰነዶች መሃከል አንዱ አካል ነው። የስራ የምስክር ወረቀቶችም አሉ። ስለመጨረሻ ስራዎ መረጃ ይይዛሉ። እና የትምህርት ቤት እና የዩኒቨርሲቲ የምስክር ወረቀቶች(ከትምህርት ቤትዎ ወይም ከዩኒቨርሲቲዎ ህጋዊ ሰነዶች) አሉ ። ከአገርዎ የተተረጎሙ እና የተረጋገጡ የምስክር ወረቀቶች ሊኖሩዎት ይገባል።

የምስክር ወረቀት፣ የምስክር ወረቀቶች

ታምመዋል እናም መስራት አይችሉም? እንግዲያውስ አብዛኛውን ጊዜ ለቀጣሪዎ የምስክር ወረቀት ያስፈልግዎታል። ይህ ከሐኪሙ የሚላክ ወረቀት ነው። ታምመው መሥራት እንደማይችሉ ይገል ፃልፃል። አንዳንድ ጊዜ ልጆችም ለትምህርት ቤት የምስክር ወረቀት ያስፈልጋቸዋል። በመሰረቱ የምስክር ወረቀቱ የሚያስፈልግዎት ከ 3 ቀናት በኋላ ወይም በ 4 ኛው ቀን ነው። አንዳንድ ጊዜ አሠሪው የምስክር ወረቀቱን ቀደም ብሎ ማየት ይፈልጋል። ከዚህ በተጨማሪም ከታመሙ በትምህርት ቤት ወይም በዩኒቨርሲቲ ውስጥ ለፈተና የምስክር ወረቀት ያስፈልግዎታል። ከ2015 ጀምሮ፣ የሕመም ፈቃድ ማስታወቂያ በአብዛኛው በዲጂታል መንገድ ተሠርቷል።

የምክር ማዕከል፣ የምክር ማዕከላት

ምክሮችን የሚሰጡ ሰዎች እዚህ ቦታ ላይ ይሰራሉ።

የምዘና ፈተና፣ የምዘና ፈተናዎች

የት/ቤት መልቀቂያ ሰርተፍኬቶ በጀርመን ለመማር በቂ ካልሆነ፣ በመሰናዶ ኮሌጅ “የግምገማ ፈተና” ማለፍ አለቦት። ከዚያ በኋላ በጀርመን ዩኒቨርሲቲ መማር ይችላሉ።

የምዝገባ የምስክር ወረቀት፣ የምዝገባ የምስክር ወረቀቶች

ይህ አድራሻዎን የያዘ ሰነድ ነው። የምዝገባ ምስክር ወረቀትዎን ከነዋሪዎች ምዝገባ ቢሮ ወይም ከከተማዎ ማዘጋጃ ቤት ማግኘት ይችላሉ። የሚያስፈልግዎት ፓስፖርት ብቻ ነው። የመመዝገቢያ የምስክር ወረቀት ብዙውን ጊዜ ከ 5 እስከ 10 ዩሮ ያስወጣል።

የምደባ ፈተና፣ የምደባ ፈተናዎች

ይህ ከቋንቋ ትምህርት በፊት የሚደረግ ፈተና ነው። የቋንቋ ትምህርት ቤት የጀርመን ችሎታዎትን ይፈትናል እና ምን ያህል ጥሩ እንደሆኑ ማወቅ ይችላል። ይህንን ፈተና ከአገር ማለማመጃ ትምህርት በፊት ይወስዳሉ። በዚህ መንገድ በሚችሉት የቋንቋ ደረጃ ትምህርቱን ይጀምራሉ። አንዳንድ ጊዜ ለአገር ማለማመጃ ትምህርት ሲመዘገቡ ፈተና መውሰድ ይኖርቦታል።

የሞባይል አውታር አቅራቢ፣ የሞባይል ስልክ አቅራቢዎች

በሞባይል ስልክዎ መደወል፣ የጽሁፍ መልዕክት መላላክ እና ኢንተርኔት መጠቀም ከፈለጉ የሞባይል አውታር አቅራቢ ያስፈልግዎታል። የተለያዩ የዋጋ ተመኖችን ይሰጣሉ። የሞባይል ስልክ አቅራቢዎች ቴሌኮም፣ ቮዳፎን እና ኦ2ን ያካትታሉ።

የሥልጠና ሰርተፍኬት፣ የሥልጠና ሰርተፍኬቶች

በአንድ ኩባንያ ውስጥ የሁለት የሙያ ሥልጠና ሲያጠናቅቁ ሰልጣኞች የሥልጠና የምስክር ወረቀት ይቀበላሉ። ይህም ስራ ለማግኘት ያስፈልጎታል።

የሥልጠና ቦታው፣ የሥልጠና ቦታዎች

ይህ በሙያ ለሚሠለጥን ሰው የሥራው ቦታ ነው። ለሙያ ስልጠና በመጀመሪያ ለአንድ ኩባንያ ማመልከት አለቦት።

የሥልጠና ዓመት፣ የሥልጠና ዓመታት

ባለሁለት የሙያ ሥልጠና ፕሮግራም ብዙውን ጊዜ ከ 2 እስከ 3 አመት ከስድስት ወር ይቆያል። የሥልጠና ዓመት የሚባለው የሙያ ሥልጠና ትምህርት የሚፈጅበትን ጊዜ ነው። አብዛኛውን ጊዜ ሥልጠናው የሚጀምረው በየዓመቱ ነሐሴ 1 ወይም መስከረም 1 ነው።

የሥራ አጥ ክፍያ

ሥራ አጥተዋል? ከሆነ ከስራ አጥነት መድን የስራ አጥ ጥቅማ ጥቅሞችን ማግኘት ይችላሉ። አዲስ ሥራ እስኪያገኙ ድረስ የሥራ አጥ ጥቅማጥቅሞች ይረዱዎታል።

የሥራ አጥ የመድህን ዋስትና፣ የሥራ አጥ የመድህን ዋስትና

አንድ ሠራተኛ ሥራ አጥ ከሆነ፣ ይህ የመድህን ዋስትና ደመወዙ በከፊል ይከፍላል። ሁሉም ሰራተኞች የስራ አጥነት ዋስትና አላቸው። ወጪዎቹን ከአሰሪዎ ጋር ይጋራሉ። የሚሰሩት የግል ስራ ነው? እንግዲያውስ በፈቃደኝነት የሥራ አጥነት የመድህን ዋስትና መክፈል ይችላሉ።

የሥራ ውል፣ የሥራ ውሎች

ቋሚ ሥራ ካለዎት የሥራ ውል ይኖሮታል። ከስራው ጋር የተገናኘ ህጎች በውሉ ላይ አሉ። ለምሳሌ በሥራ ቦታ ምን ማድረግ እንዳለቦት፤ ምን ያህል እንደሚከፈሎት፤ በሳምንት ስንት ሰዓት መሥራት እንዳለቦት፤ምን ያህል የእረፍት ጊዜ አለዎት፤ እርስዎ እና አሰሪው ውሉን ይፈርማሉ።

የሥራ ፈቃድ

በጀርመን ውስጥ መሥራት ይፈልጋሉ እና የአውሮፓ ህብረት (አህ) ሀገር አይደሉም? ከሆነ የሥራ ፈቃድ ያስፈልግዎታል። ተጨማሪ መረጃ በቅጥር ኤጀንሲማግኘት ይችላሉ።

የረጅም ጊዜ እንክብካቤ መድህን ዋስትና

የረጅም ጊዜ እንክብካቤ ዋስትና በጣም ውድ ነው። የረጅም ጊዜ እንክብካቤ ከፈለጉ ዋስትናው ገንዘብ ይከፍሎታል።ይህ ብዙውን ጊዜ በእድሜያቸው ትልቅ ለሆኑ ሰዎች አልያም ከከባድ አደጋ በኋላ እንክብካቤ ከፈለጉ ነው።

የሪል እስቴት ወኪል፣ የሪል እስቴት ተወካይ

አዲስ መኖሪያ ቤት እየፈለጉ ነው እናም እገዛ ይፈልጋሉ? የሪል እስቴት ተወካዩ ይረዳዎታል። ይህ ሰው ለእርስዎ አፓርታማ ወይም መኖሪያ ቤት እየፈለገ ነው። ለዚህ ሰው መክፈል አለቦት።

የርክክብ ስምምነት ፣ የርክክብ ስምምነቶች

ቤት ተከራይተው መግባት ይፈልጋሉ። በመኖሪያ ቤቶ ውስጥ የሆነ ነገር ተበላሽቷል? ይህንን ከባለንብረቱ ጋር በርክክብ ስምምነት ውስጥ መፃፍ አለቦት። ሁለታችሁም የርክክብ ስምምነቱን መፈረም ይኖርባቹሃል።

የሰለጠነ የኢሚግሬሽን ህግ

የሙያ ስልጠና ወይም ተግባራዊ የሙያ እውቀት አሎት? በሰለጠነ የስደተኞች ህግ ወደ ጀርመን ለመጓዝ ቀላል ያደርግልዎታል።

የሰራተኞች ተወካይ

የሰራተኛ ውክልና በአንድ ኩባንያ ውስጥ የሰራተኞችን ፍላጎት ይወክላል። ከአሰሪዎ ጋር ችግሮች አሉ? እንግዲያውስ ከሠራተኛው ተወካይ እርዳታ ማግኘት ይችላሉ። በሠራተኞች እና በአሰሪዎች መካከል ያስማማል። የሥራው ምክር ቤት ወይም የሠራተኞች ምክር ቤት አለ። ለምሳሌ እያንዳንዱ ትልቅ ኩባንያ የሥራ ምክር ቤት አለው ። ከኩባንያው ውጭ ማህበራትም አሉ።

የሰነድን ትክክለኛነት ማረጋገጥ

አንድ ህጋዊ አካል፣ ለምሳሌ ኖታሪ ሰነዶችን ያጣራል እና እውነተኛ መሆናቸውን ያረጋግጣል። ይህ የሚደረገው በፊርማና በማኅተም አማካኝነት ነው።

የሰዓት በኋላ እንክብካቤ

ከሰአት በኋላ እንክብካቤ ከሰአት በኋላ ላሉ ትምህርት ቤት ቆይተው ለሚመጡ ልጆች የቀረበ አገልግሎት ነው። ይህ ወላጆች ስራ መሥራት በሚኖርባቸው ጊዜ ጠቃሚ ነው። ብዙ ጊዜ ልጆቹ የሚበሉት ነገር ይሰጣቸዋል። ልጁ በመዋለ ሕጻናት ውስጥ የቤት ሥራውን ይሠራል። ብዙውን ጊዜ እንደ ስፖርት ወይም ስዕል ያሉ ሌሎች እንቅስቃሴዎች ይገኛሉ።

የሴሚስተር ዕረፍት

በሴሚስተር ዕረፍት ወቅት በጀርመን ዩኒቨርሲቲዎች ውስጥ ምንም ትምህርቶች ወይም ትምህርታዊ ጉባኤዎች የሉም። በዚህ ጊዜ ተማሪዎች ብዙ ጊዜ ፈተና መፈተን ወይም የቤት ስራ መፃፍ አለባቸው።

የስራ ልምምድ

በስራ ልምምድ ጊዜ በሙያው ውስጥ ተግባራዊ ልምድ ያገኛሉ። የስልጠና ቆይታ ጊዜ ይለያያል። ሁለት ሳምንታት ሊወስድ ይችላል። አንዳንድ ጊዜ ብዙ ወራት ይወስዳል። አንዳንድ ጊዜ እርስዎም ትንሽ ገንዘብ ያገኛሉ።

የስራ መግቢያ

የስራ መግቢያ ኢንተርኔት ላይ መድረክ ነው። በዚህ ላይ አንድ ሰው የኩባንያዎች የሥራ ማስታወቂያዎችን የሚያገኝበት ኩባያዎችም ሰራተኞችን የሚፈልጉ ቦታ ነው።

የስራ ማእከል

በጣም ትንሽ ገንዘብ ካለዎት የስራ ማእከል ይረዳዎታል። ለገንዘብ እርዳታ ማመልከት ይችላሉ። በእያንዳንዱ ከተማ ውስጥ የሥራ ማእከል አለ። የስራ ማእከልዎን አድራሻ በቅጥር ኤጀንሲ ማግኘት ይችላሉ። www.arbeitsagentur.de (english version).

የስነምግባር ትምህርት

በአብዛኛዎቹ የፌደራል ግዛቶች ተማሪዎች ከሐይማኖት ትምህርት እና ከሥነ ምግባር ትምህርቶች መካከል መምረጥ ይችላሉ። በበርሊን ሁሉም ተማሪዎች የስነምግባር ትምህርት መከታተል አለባቸው። ለሥነ-ምግባር ክፍሎች የተለየ ሐይማኖት አያስፈልግዎትም። ስለ ተለያዩ ሐይማኖቶች እና ስለ ፍልስፍና ይማራሉ።

የሸማቾች ምክር ማእከል፣ የሸማቾች ምክር ማዕከላት

እነዚህ ለተጠቃሚዎች የመረጃ ቦታዎች ናቸው። ሸማች የሆነ ነገር የሚገዛ ማንኛውም ሰው ነው። የሸማቾች ምክር ማእከል ስለተለያዩ ምርቶች መረጃ ይሰጣል እናም የሸማቾች ምክር ማእከል በህጋዊ ችግሮች ላይ (ለምሳሌ: የተበላሸ ነገር ገዝተው መደብሩ ካልመለሰው)ያግዛል። በዚህ ምክኒያት የሸማቾች ምክር ማእከል ሊረዳ ይችላል።

የቁጠባ ሂሳብ፣ የቁጠባ ሂሳቦች

ይህ ረዘም ያለ ጊዜ የባንክ ሂሳብ ነው። ከዚህ ሂሳብ ደብተር ለምሳሌ ከቁጠባ ሂሳብ የቤት ኪራይ ማስተላለፍ አይችሉም። የቁጠባ ሂሳብ ደብተሮ ላይ ላለ ገንዘብ የበለጠ ወለድ ያገኛሉ። ገንዘቡም ብዙውን ጊዜ በሂሳቡ ደብተር ውስጥ ካለው ቁጠባ ሂሳብ ደብተር ወይም ከመሰረታዊ ሂሳብ የበለጠ ረዘም ላለ ጊዜ ይቆያል።

የቁጠባ ባንክ፣ የቁጠባ ባንኮች

ልክ እንደ ባንክ ነው። ነገር ግን የግል ሳይሆን የአንድ ማህበረሰብ ወይም የከተማ አካል ነው።

የቁጠባ የሂሳብ ደብተር

ይህ በጣም አስፈላጊ የባንክ ሂሳብ ነው። ለምሳሌ የቤት ኪራይ ለመክፈልና ደመወዝ ለመቀበል ያስፈልጎታል። በተጨማሪ ለሁሉም የገንዘብ ዝውውሮች፣ በጥሬ ገንዘብ፣ያለ ጥሬ ገንዘብ ወይም በይነመረብ ላይ ክፍያ ለመፈፀም አስፈላጊ ነው። የቁጠባ ሂሳብ ደብተር ካሎት የዴቢት እና/ወይም ቁጠባ ካርድ ይደርስዎታል። ብዙ ጊዜ ለዴቢት ካርዱ ክፍያ መክፈል አለቦት።

የቅድሚያ ክፍያ

ይህ አስቀድመው የሚከፍሉት ገንዘብ ነው።

የቅጥር ኤጀንሲ፣ የቅጥር ኤጀንሲዎች

እዚህ ተስማሚ ሥራ እንዲያገኙ ይረዱዎታል። እዚህ ከሁሉም የስራ መስኮች ምክር እና የስራ አቅርቦቶችን ማግኘት ይችላሉ። አንዳንድ ጊዜ የገንዘብ እርዳታም ያገኛሉ። በየከተማው የቅጥር ኤጀንሲ አለ። የቅጥር ኤጀንሲዎን አድራሻ www.arbeitsagentur.de (በስራ ቅጥር - english Version)ላይ ማግኘት ይችላሉ።

የቋሚ ትእዛዞች፣ የቋሚ ትዕዛዞች

ቋሚ ትዕዛዝ ልዩ የዝውውር አይነት ነው። ኪራይ ብዙ ጊዜ የሚከፈለው በቋሚ ትእዛዝ ነው። እርስዎ የሚያስተላልፉበትን ቀን ለምሳሌ በወር በገባ የመጀመሪያ ቀን ይገልፃሉ እናም የአከራዩን መለያ ቁጥር ያስገባሉ። ከዚያም ባንኩ በየወሩ በተመሳሳይ ቀን ኪራዩን ለባለንብረቱ ያስተላልፋል።

የቋንቋ ድጋፍ

በልዩ ጨዋታዎች፣ ታሪኮች እና ዘፈኖች ልጆቹ ጀርመንኛን በደንብ ይማራሉ። በመዋዕለ ሕጻናት ማእከላት ውስጥ ብዙውን ጊዜ ለውጭ ልጆች ልዩ የቋንቋ ድጋፍ አለ።

የበላይ አለቃ፣ የበላይ አለቃዎች

የበላይ አለቃዎት ቀጥተኛ አለቃዎት ነው። አለቃዎች በስራ ሰአት ለእርስዎ እና ለስራዎ ሀላፊነት አለባቸው። እሱ ወይም እሷ ምን ዓይነት ሥራ እንዳሎትና እንዴት እንደሚሠሩ ይነግርዎታል። በአብዛኛዎቹ ጉዳዮች፣ የእርስዎ አለቃም የበላይ አለቃ አለው።

የባንክ ካርድ፣ የባንክ ካርዶች

የባንክ ካርድ ካሎት ካለ ጥሬ ገንዘብ ክፍያ መፈፀም ይችላሉ። ዴቢት ካርዶች፣ ጂሮ ካርዶች እና ክሬዲት ካርዶች አሉ።

የቤተሰብ መመዝገቢያ

ሲያገቡ የቤተሰብ መዝገብ ያገኛሉ። የቤተሰብ መዝገብ ስለ ቤተሰብዎ ለምሳሌ፡ ወላጆችዎት እነማን ናቸው? አገርዎት የት ነው ? የትውልድ ስሞት ማን ነው? የአጋርዎ ወላጆች እነማን ናቸው? አጋርዎ የመጡት ከየት ነው? ልጆች አለዎት? የመሳሰሉትን መረጃ ይዟል።

የቤት መተዳደሪ ደንብ፣ የቤት የመተዳደሪያ ደንቦች

የቤት ደንቦቹ ነዋሪዎች በአንድ ቤት ውስጥ እንዴት እንደሚኖሩ ይቆጣጠራል። ለምሳሌ አንድ ነዋሪ በሳምንት አንድ ጊዜ ደረጃዎችን ማጽዳት እንዳለበት ህግ አለ። ሌላው ህግ ደግሞ ልጆች በቤቱ ፊት ለፊት ባለው ሜዳ ላይ እንዲጫወቱ ይፈቀድላቸዋል። ነገር ግን በጋራዡ ውስጥ አይፈቀድላቸውም። የቤት መተዳደሪያ ደንቦች ሁልጊዜ ተመሳሳይ አይደሉም። በመደበኛነት የቤት መተዳደሪያ ደንቦቹን በተከራይና አከራይ ውል ጋር ይቀበላሉ።

የቤት ሥራ፣ የቤት ሥራዎች

የቤት ስራ የጽሑፍ ፈተና ነው። ተማሪዎች በጥናታቸው ላይ በአንድ የተወሰነ ርዕስ ወረቀት ይጽፋሉ። ወረቀቱ አብዛኛውን ጊዜ ከ10-20 ገጾች አሉት። ብዙውን ጊዜ ለሰሩት ስራ ውጤት ያገኛሉ።

የብድር ካርድ፣ የብድር ካርዶች

ይህ ያለ ጥሬ ገንዘብ ክፍያ እንዲፈፅሙ ያስችልዎታል። ገንዘቡ በቀጥታ ከቁጠባ የሒሳብ ደብተር አይከፈልም። አብዛኛውን ጊዜ ወርሃዊ ወጪ አለ። በአብዛኛው እንደ ትንሽ ብድር ነው። ሁሉም መደብሮች የብድር ካርዶችን አይቀበሉም። በኢንተርኔት ላይ ሲገዙ ባቡሮችን እና አየር መንገዶችን ጨምሮ ሁል ጊዜ በብድር ካርድ መክፈል ይችላሉ። ብዙ ጊዜ ለብድር ካርድ ወርሃዊ ክፍያ ለባንክ መክፈል አለቦት።

የተማሪ ማደሪያ፣ የተማሪ ማደሪያዎች

በተማሪ መኖሪያ አዳራሽ ውስጥ ብዙ ተማሪዎች በአንድ ህንፃ ውስጥ አብረው ይኖራሉ። አንዳንድ ጊዜ ወጥ ቤት እና መታጠቢያ ቤት ይጋራሉ። የተማሪ መኖሪያ አዳራሽ ብዙውን ጊዜ ከሌሎች የመስተንግዶ ዓይነቶች የበለጠ ርካሽ ነው። ብዙውን ጊዜ በዩኒቨርሲቲው አቅራቢያ ይኖራሉ።

የተሽከርካሪ ምዝገባ ሰነድ፣ የተሽከርካሪ ምዝገባ ሰነዶች

የተሽከርካሪ ምዝገባ ሰነድ "የምዝገባ የምስክር ወረቀት" በመባልም ይጠራል። ይህ ስለ መኪና ሁሉንም መረጃ የያዘ ሰነድ ለምሳሌ፡ የምርት ስም፣ የሰሌዳ ቁጥር፣ መኪናውን የሚያሽከረክረው ሰው (የተሽከርካሪው ባለቤት) ናቸው።

የተከራይ መረጃ

ቤት መከራየት ይፈልጋሉ? አንዳንድ ጊዜ አከራዮች የተከራይ መረጃ ይፈልጋሉ። ለምሳሌ ስለ ጋብቻ ሁኔታ ወይም ገቢ አይነት ላሉ ጥያቄዎች መልስ ይሰጣሉ። ሰነዱን በኢንተርኔት ላይ ማግኘት ይችላሉ። በኢንተርኔቱ ላይ "የተከራይ ራስን ገላጭ አብነት" ብለው ያስገቡ።

የተግባረ ዕድ ኮሌጅ

ልክ እንደ ዩኒቨርሲቲ ነገር ግን የበለጠ በተግባር ተኮር የሆነ ትምህርት ነው። ለኢንጂነሪንግ፣ ኢኮኖሚክስ፣ ማህበራዊ ትምህርት እና ጥበባዊ ሙያዎች የተግባር ሳይንስ ዩኒቨርሲቲዎች አሉ። በተግባራዊ ሳይንስ ዩኒቨርሲቲ ለመማር ብዙ ጊዜ የሁለተኛ ደረጃ የትምህርት ቤት መልቀቂያ ወይም የሁለተኛ ደረጃ ትምህርት ቤት ዲፕሎማ ያስፈልግዎታል።

የተጣራ ደምወዝ

ግብር እንዲሁም የመድህን ዋስትና ከተቆረጠ በኋላ የሚያገኘው ደምወዝ ነው።

የትምህርት ቤት ክፍያዎች

ይህን የሚከፍሉት የግል ትምህርት ቤቶች ብቻ ናቸው። በግል ትምህርት ቤቶች ብዙ ጊዜ ለትምህርት ብዙ ገንዘብ ይከፍላሉ።

የትምህርት ቤት የመጀመሪያ ቀን

ይህ ቀን የመጀመሪያው የትምህርት ቀን ነው። ትምህርት ይጀምራል እናም ተማሪው የመጀመሪያ ደረጃ ትምህርቱን ይከታተላል። የመጀመሪያው የትምህርት ቀን ብዙውን ጊዜ አጭር ነው። ብዙውን ጊዜ በትምህርት ቤት ውስጥ ክብረ በዓል አለ። ይህም እንደ ባህል ተደርጎ ይቆጠራል። ይህም ወላጆች አብዛኛውን ጊዜ የልጆቻቸው የትምህርት ቤት ቦርሳ ውስጥ ጣፋጭ እና ትናንሽ እቃዎች ወደ ትምህርት ቤት ይዘው እንዲሄዱ ያደርጓቸዋል።

የትምህርት አቅራቢ፣ ትምህርት አቅራቢዎች

እነዚህ የአገር ማለማመጃ ትምህርት የሚሰጡ የቋንቋ ትምህርት ቤቶች ናቸው። ከቋንቋ ትምህርት ቤት ወይም በኢንተርኔት ላይ መረጃ ማግኘት ይችላሉ። በአቅራቢያዎ የሚገኝ ቦታ በ BAMF (የፌደራል ፍልሰተኞችና ስደተኞች) ቢሮ ውስጥ ማግኘት ይችላሉ።

የትምህርት አጋማሽ ክፍያ፣ የትምህርት አጋማሽ ክፍያዎች፣

በመንግስት ዩኒቨርሲቲዎች መማር ብዙ ጊዜ ነፃ ነው። ተማሪዎች አብዛኛውን ጊዜ በየሴሚስተር ክፍያ መክፈል አለባቸው። እነዚህ ለአስተዳደር፣ ለተማሪዎች ህብረት እና ለሴሚስተር ትኬት ወጪዎች ናቸው። በግል ዩኒቨርሲቲዎች ውስጥ በከፍተኛ ሁኔታ መክፈል አለብዎት።

የትምህርት ክፍያ

ይህንን ገንዘብ የሚከፍሉት ዩኒቨርሲቲ ወይም የሙያ ትምህርት ለመማር ነው። በአንዳንድ የፌደራል ግዛቶች የትምህርት ክፍያዎች አሉ። ነገር ግን የክፍያ መጠናቸው ይለያያል።

የትምህርት ዘመን አጋማሽ

በጀርመን ዩኒቨርሲቲ የትምህርት ዘመን አጋማሽ ግማሽ ዓመት ነው። ሁለት የትምህርት አጋማሾት አሉ። የክረምት አጋማሽ እንዲሁመ የበጋ አጋማሽ ናቸው።

የትምህርት የውጪ ቢሮ

አለም አቀፍ ቢሮ የዩኒቨርሲቲ አካል ነው። አለም አቀፍ ቢሮ ተብሎም ይጠራል። በጀርመን ዩኒቨርሲቲ መማር ይፈልጋሉ? እንግዲያውስ በአለም አቀፍ ቢሮ ውስጥ ያሉ ሰራተኞች ሊረዱዎት ይችላሉ።

የትምህርት ጉባኤ፣የትምህርት ጉባኤዎች

የትምህርት ጉባኤ በዩኒቨርሲቲ ውስጥ አንዱ የማስተማር ዘዴ ነው። በትምህርት ጉባኤ ውስጥ ብዙ ጊዜ ጥቂት ተማሪዎች አሉ። ብዙውን ጊዜ መምህሩ ብዙ የሚያስረዳበት ሳይሆን ልምምድ-ተኮር ነው።

የትምህርት ግዴታ

በጀርመን ልጆች በ6 ወይም 7 ዓመታቸው ወደ ትምህርት ቤት መሄድ አለባቸው። ትምህርት መቼ መጀመር እንዳለበት የሚገልፅ በፌዴራል ግዛቶች ውስጥ የተለያዩ ሕጎች አሉ።

የትውልድ ቋንቋ

ከሌላ አገር ወደ ጀርመን የሚመጣ ማንኛውም ሰው ከጀርመንኛ ሌላ የትውልድ ቋንቋ አለው። ይህ ከልጅነት ጊዜ ጀምሮ የሚናገሩት ቋንቋ ነው። ሌላው "የትውልድ ቋንቋ" የሚለው ቃል "የመጀመሪያ ቋንቋ" ወይም "የአፍ መፍቻ ቋንቋ" ነው።

የነዋሪዎች ምዝገባ ጽሕፈት ቤት፣ የነዋሪዎች ምዝገባ ቢሮዎች

ወደ አዲስ ከተማ እየሄዱ ነው? ከሆነ መመዝገብ አለብዎት። ይህንን ለማድረግ ወደ ነዋሪዎች ምዝገባ ቢሮ ይሂዱ። ህጋዊ ፓስፖርት ወይም ሌላ ማንነትዎን የሚያረጋግጥ ሰነድ ያስፈልግዎታል።

የንግድ ቢሮ፣ የንግድ ቢሮዎች

የራሶን ኩባንያ አልያም ሱቅ፣ ሬስቶራንት ወይም ካፌ መክፈት ይፈልጋሉ? እንግዲያውስ የንግድ ፈቃድ ያስፈልግዎታል። ይህንንም ከንግድ ቢሮ ማግኘት ይችላሉ።

የንግድ ፈቃድ

የራስዎን ኩባንያ አልያም ሱቅ፣ ሬስቶራንት ወይም ካፌ መክፈት ይፈልጋሉ? እንግዲያውስ የንግድ ፈቃድ ያስፈልግዎታል። ይህንንም ከንግድ ቢሮ ማግኘት ይችላሉ። ለዚያም የሚከተሉት ሰነዶች ያስፈልጎታል። ፓስፖርትዎ፣ የመኖሪያ ፈቃድዎ፣ አግባብነት ያላቸው ሙያዊ መመዘኛዎች እና አንዳንድ ጊዜ የፖሊስ ፈቃድ የምስክር ወረቀት ናቸው።

የአውሮፓ ህብረት

የአውሮፓ ህብረት በአውሮፓ ውስጥ ባሉ መንግስታት መካከል ኢኮኖሚያዊ እና ፖለቲካዊ አጋርነት ነው። በአሁኑ ጊዜ 27 ግዛቶች አሉ። እነዚህ ክልሎች እንደ ነፃነት፣ እኩልነት፣ ዴሞክራሲ ያሉ የጋራ መርሆዎች አሏቸው። በተጨማሪም ለዕቃዎቻቸው እና ለሰራተኞቻቸው የጋራ ገበያ አላቸው። የአውሮፓ ህብረት ሀገር ዜጋ በማንኛውም የአውሮፓ ህብረት ሀገር ውስጥ መኖር እና መስራት ይችላል። 17 የአውሮፓ ህብረት ሀገራት የጋራ ምንዛሬ ዩሮ (€) አላቸው። የአውሮፓ ኢኮኖሚ አካባቢ እነዚህ ሁሉም የአውሮፓ ህብረት (አህ) እና አይስላንድ፣ ሊችተንስታይን እና ኖርዌይ አገሮች ናቸው።

የአውሮፓ ምርጫ

በየአምስት ዓመቱ የአውሮፓ ምርጫ ይካሄዳል። ሁሉም የአውሮፓ ህብረት ዜጎች የአውሮፓ ፓርላማን በጋራ ይመርጣሉ። የአውሮፓ ምርጫ ህጎች በእያንዳንዱ ሀገር የተለያዩ ናቸው።

የአደጋ መድህን ዋስትና፣ የአደጋ መድህን ዋስትናዎች

የአደጋ መድህን ዋስትና አደጋ ካጋጠሞ ይከፍላል። በሥራ ላይ ለሚደርሱ አደጋዎች በሕግ የተደነገገ የአደጋ መድህን ዋስትና አለ። በመዝናኛ ጊዜ ለሚደርሱ አደጋዎች የግል የአደጋ መድህን ዋስትና አለ።

የአገር ማለማመጃ ትምህርት

የአገር ማለማመጃ ትምህርት ጀርመን ውስጥ ለመኖር ይረዳዎት። በዚህ ትምህርት ጀርመንኛ ቋንቋ ይማራሉ። እንዲሁም ስለ ጀርመን እና ስለ ጀርመን ባህል ብዙ ይማራሉ። የፌደራል የስደተኞች እና የስደተኞች ሚኒስቴር ወጪዎቹን በከፊል ይሸፍናል። ለአንዳንድ ሰዎች ኮርሱ ነፃ ነው።

የአገር ማለማመጃ ትምህርት ብቁነት

ይህ ለአገር ማለማምጃ ትምህርት ለመመዝገቢያ የሚሆን ሰነድ ነው። ብዙውን ጊዜ በከተማዎ ካለው የኢሚግሬሽን ቢሮ ያገኛሉ።

የአጋማሽ ፈተና, የአጋማሽ ፈተናዎች

ሰልጣኞች በስልጠና ጊዜያቸው አጋማሽ ላይ ፈተና መውሰድ አለባቸው። ይህ አጋማሽ ፈተና ይባላል።

የአፍ መፍቻ ቋንቋ

ይህ አንድ ልጅ የሚረዳው እና የሚናገረው የመጀመሪያ ቋንቋ ነው። ህጻኑ ይህን ቋንቋ ትምህርት ቤት ሳይሄድ የሚማረው ነው። ወላጆቹ እና ሌሎች አዋቂዎች ሰዎች ስለሚያናግሩት ቋንቋውን ይማራል። በጀርመን ተወልዶ የሚኖር ማንኛውም ሰው ጀርመንኛ የአፍ መፍቻ ቋንቋቸው ነው። ከሌላ ሀገር የመጣ ማንኛውም ሰው የዚያ ሀገር ቋንቋ የአፍ መፍቻ ቋንቋው ነው። በአሁኑ ወቅት “የአፍ መፍቻ ቋንቋ” የሚለው ቃል “የመጀመሪያ ቋንቋ” ወይም “የትውልድ ቋንቋ” በመባል ይታወቃል።

የኤሌክትሮኒክስ የግብር ካርድ፣ የኤሌክትሮኒክስ የግብር ካርዶች

በኤሌክትሮኒክ የግብር ካርድ ቀጣሪው ሁሉንም መረጃዎች ከግብር ቢሮ ለምሳሌ የግብር ክፍል ይቀበላል። አሰሪዎ ግብርዎን የሚያሰላው በዚህ መንገድ ነው። ከደሞዞት ላይ ተቀንሶ ለግብር ቢሮ ይከፍላል። የግብር ካርዱ የወረቀት ካርድ የነበረ ሲሆን ነገር ግን በአሁን ሰዐት ሁሉም ነገር ኤሌክትሮኒክ ማለትም በኮምፒተር የተሰራ ነው።

የኤቴም ካርድ

በኤቴም ካርድ ጥሬ ገንዘብ ማውጣት ወይም ያለ ጥሬ ገንዘብ መክፈል ይችላሉ። ከዚህ በተጨማሪ ብዙውን ጊዜ በበይነ መረብ ላይ የኤቲም ካርዶን በመጠቀም ክፍያ መፈፀም ይችላሉ። በባንክ ወይም በቁጠባ ባንክ የሂሳብ ደብተር ካሎት የኤቴም ካርድ ማግኘት ይችላሉ። የቁጠባ ሒሳብ ካርድ የብድር ካርድ አይደለም። ሻጩ ወዲያውኑ ገንዘቡን ከመለያዎ ይቆርታል። የኤቴም ካርዱ በአጠቃላይ በአውሮፓ እና በአለም አቀፍ ደረጃ ጥቅም ላይ ሊውል ይችላል። አንዳንድ ሱቆች፣ ሆቴሎች ወይም የመኪና አከራይ ኩባንያዎች የኤቴም ካርዶችን አይቀበሉም። ስለዚህ ባንኮች ብዙውን ጊዜ የቁጠባ ሒሳብ ካርድ፣ ተንቀሳቃሽ የባንክ ደብተር እና የብድር የሒሳብ ካርድ ይሰጣሉ።

የእረፍት ጊዜ

በየአመቱ የተወሰነ የእረፍት ቀናት አሎት። በእረፍት ጊዜ ደሞዝዎን መቀበልዎን ይቀጥላሉ። መቼ እረፍት መውሰድ እንደሚችሉ የበላይ አለቃዎትን ማነጋገር አለብዎት። በጀርመን ሰዎች ብዙውን ጊዜ በሳምንት 5 ቀናት ይሰራሉ። ስለዚህ የአንድ ሳምንት እረፍት መውሰድ ከፈለጉ (ከሰኞ እስከ እሁድ) አምስት የእረፍት ቀናቶች ላይ እረፍት መውጣት ይችላሉ።

የእርግዝና ምክር

ይህ ስለ እርግዝና ለሚነሱ ጥያቄዎች ሁሉ የምክር ማእከል ነው። እነዚህም በብዙ ቦታዎች ይገኛሉ። የማህፀን ሐኪምዎ ብዙውን ጊዜ እንደዚህ አይነት ቦታ የት እንደሚያገኙ ሊነግሩዎት ወይም ምክር ሊሰጡዎት ይችላሉ።

የእናቶች ጥበቃ

እነዚህ እርጉዝ ሴቶችን እና እናቶችን ቋሚ ስራዎች ላይ ለመጠበቅ የተዘጋጁ ደንቦች ናቸው። በጣም አስፈላጊዎቹ ህጎች ከሆኑት መሃከል አንዲት ሴት ልጅ ከመውለዷ በፊት እና ከወለደች በኋላ ለተወሰነ ጊዜ እንድትሠራ አይፈቀድላትም። በጀርመን ይህ ከወሊድ 6 ሳምንታት በፊት እና ከወሊድ ቢያንስ 8 ሳምንታት በኋላ ነው። በዚህ ጊዜ ሴቷ ደመወዟን ትቀበላለች። ከእርግዝና መጀመሪያ አንስቶ ከወሊድ በኋላ እስከ 4 ወር ድረስ አሰሪው ሰራተኛውን ማሰናበት አይችልም። በተወሰኑ ሙያዎች ውስጥ አንዲት ሴት በእርግዝናዋ ወቅት እንድትሠራ አይፈቀድላትም።

የእኩል እድሎች ባለስልጣን፣ የእኩል እድሎች ባለስልጣኖች

እነዚህ በአንድ ኩባንያ፣ ተቋም ወይም ከተማ ውስጥ ያሉ ሰዎች ናቸው። እነዚህ ሰዎች ልዩ ተግባር አሏቸው። እንደ አካለ ጉዳተኞች ወይም እንደ እናት ያሉ የተወሰኑ ግለሰቦች ጉዳት እንዳይደርስባቸው ይከላከላሉ።

የከፍተኛ ትምህርት መግቢያ ብቃት መመዘኛ፣ የከፍተኛ ትምህርት መግቢያ መመዘኛዎች

እነዚህ ምስክር ወረቀቶች ናቸው። በዚህም ወረቀት ጀርመን ባለ ዩኒቨርሲቲ ውስጥ ለመማር ያስችልዎታል። ለመጀመሪያ ዲግሪ አብዛኛውን ጊዜ የመጀመሪያ ዲግሪ ለመማር የሁለተኛ ደረጃ የትምህርት መመዘኛ የምስክር ወረቀት በቂ ነው። ለማስተርስ ዲግሪ ለመማር ደግሞ የመጀመሪያ ዲግሪ ያስፈልግዎታል። በውጪ ሃገር ለተገኙ የዩኒቨርሲቲ መግቢያ የብቃት ምዘናዎች ጀርመን ያለው ዩኒቨርስቲ ብቁ መሆኑን ይወስናል።

የኪራይ መረጃ ጠቋሚ፣ የኪራይ መረጃ ጠቋሚዎች

የኪራይ መረጃ ጠቋሚ በከተማ ውስጥ ላሉ ቤቶች አማካኝ የኪራይ ዋጋ ያሳያል።

የኪራይ ውል

ቤት ተከራይተዋል? እንግዲያውስ የኪራይ ውል ስምምነት ያገኛሉ። እርስዎ እና ባለንብረቱ የኪራይ ውሉን መፈረም ይኖርቦታል። ከውሉ በኋላ እርስዎ የቤቱ ተከራይ ኖት።

የክልል ምርጫ፣ የክልል ምርጫዎች

በየአራት ወይም አምስት ዓመታት ተወካዮች፣ ማለትም ፖለቲከኞች፣ በፌዴራል ክልል ውስጥ ለክልል ፓርላማ ይመረጣሉ።

የክፍያ መፈሚያ አማራጮች

የተለያዩ የክፍያ ዘዴዎች አሉ፡- ለምሳሌ ጥሬ ገንዘብ፣ ቀጥታ ዴቢት፣ ኢሲ ካርድ፣ በብድር ካርድና ደረሰኝ ናቸው።

የወላጅ አበል

ወላጆች ከወሊድ በኋላ አዲስ ከተወለደው ልጃቸው ጋር እቤት ውስጥ ከቆዩ ይህንን ክፍያ ያገኛሉ።

የወላጅ ፈቃድ

ቋሚ ሥራ ያላቸው ወላጆች ከስራ ቦታቸው የወላጅ ፈቃድ ሊወስዱ ይችላሉ። በዚህ ጊዜ እናት ወይም አባት አይሰሩም። እሱ ወይም እሷ ከልጁ ጋር እቤት ውስጥ ይቆያሉ። የወላጅነት ፈቃድ እስከ 3 ዓመት ድረስ ይቆያል። ነገር ግን የወላጅነት ፈቃድ ለአንድ ወይም ለሁለት ዓመት ወይም ለጥቂት ወራት ብቻ መውሰድም ይችላሉ። የልጅዎ 8ኛ የልደት ቀን ድረስ የወላጅ ፈቃድዎን በከፊል መውሰድ ይችላሉ። ይህ ለሁለቱም ወላጆች ይሠራል። በመጀመሪያዎቹ ወራት ውስጥ የወላጅ አበል ይቀበላሉ። ከ 3 ዓመታት በኋላ ወይም ከዚያ በፊት ወደ መስሪያ ቤት መመለስ ይችላሉ።

የወላጅ-መምህር ስብሰባ፣ የወላጅ-አስተማሪ ስብሰባዎች

ይህ በትምህርት ቤቱ ውስጥ ከአንድ መምህር ጋር የሚደረግ ቀጠሮ ነው። መረጃ በቀጥታ ከመምህሩ ያገኛሉ። በትምህርት ቤት ስለ ልጅዎ ብቃት እና ባህሪ መረጃ ይደርስዎታል።

የወላጆች ምሽት፣ የወላጆች ምሽቶች

በዓመት ውስጥ ብዙ ጊዜ የወላጆች ምሽት አለ። ከትምህርት ቤቱ ጠቃሚ መረጃ ይቀበላሉ እና ስለታቀዱ የሽርሽር ጉዞዎች እና የትምህርት ቤት ጉዞዎች ይናገራሉ። በተጨማሪም ከሌሎች ወላጆች ጋር ይተዋወቃሉ።

የወላጆች ተነሳሽነት

ይህ የመዋዕለ ሕፃናት ማእከል ነው። የተመሰረተው በወላጆች ነው። ብዙ ወላጆች በከተማቸው ውስጥ በቂ ቦታዎች ስለሌሉ የራሳቸውን መዋዕለ ህጻናት ያደራጃሉ። ከተማው እነዚህን የወላጅ እንቅስቃሴዎች ይደግፋል። አንዳንድ ጊዜ ወላጆች ለምሳሌ ምግብ በማቅረብ ወይም አስተማሪ በሚታመምበት ጊዜ በህፃናት እንክብካቤ እርዳታ ማድረግ አለባቸው።

የወጣቶች በጎ አድራጎት ጽ/ቤት፣ የወጣቶች በጎ አድራጎት ቢሮዎች

የወጣቶች ጥበቃ ጽ/ቤት ልጆችን እና ወጣቶችን እና ወላጆቻቸውን ይረዳል። ለምሳሌ በቤተሰብ ውስጥ ላሉ ችግሮች የስነ-ልቦና ምክር አለ። አንዳንድ ጊዜ ችግሮቹ በጣም ትልቅ ከመሆናቸው የተነሳ ልጁ በቤተሰብ ውስጥ መቆየት እንዳይችሉ ሚያደርጋቸው ነገሮች ይፈጠራሉ። የወጣቶች ደህንነት ቢሮ ልጁን ለተወሰነ ጊዜ የሚወስድ ሌላ ቤተሰብ ይፈልጋል። የወጣቶች ደህንነት ቢሮዎች ብዙ ጊዜ የመዋዕለ ሕፃናት ማእከላት አሏቸው። በየከተማው የወጣቶች ደህንነት ቢሮ አለ።

የዋጋ ተመን

ለአንድ የተወሰነ አገልግሎት የተተመነ ዋጋ ነው።

የውህደት አማካሪ ቦርድ፣ የውህደት አማካሪ ቦርዶች

በጀርመን ከአውሮፓ ህብረት ያልመጡ ሰዎች ምርጫ እንዲመርጡ አይፈቀድላቸውም። ነገር ግን በፖለቲካ ውስጥ መሳተፍ ይችላሉ። በብዙ ቦታዎች የውህደት አማካሪ ምክር ቤቶች አሉ። እነሱ የስደት ዳራ ያላቸውን ሁሉንም ሰዎች ይወክላሉ እናም ከተማዎችን እና ማዘጋጃ ቤቶችን ያማክራሉ። የስደተኞች እና የጀርመናውያን አብሮ መኖርን ማሻሻል ይፈልጋሉ።

የዜጎች አበል

ይህ ሥራ ለሌላቸው ሰዎች የገንዘብ ድጋፍ ነው። የሚሰሩ ሰዎች የዜጎችን አበል ሊቀበሉ ይችላሉ። ይህ የሚሆነው ግን ለመኖር የሚያስችል በቂ ገንዘብ ከሌላቸው ብቻ ነው።

የዩኒቨርሲቲ መግቢያ የጀርመን ቋንቋ ፈተና

በዩኒቨርሲቲ ወይም በሙያ ኮሌጅ ውስጥ ለመማር አብዛኛውን ጊዜ በጣም ጥሩ ጀርመንኛ ቋንቋ ሊኖርዎት ይገባል እና ከቋንቋ ፈተናዎች መሀከል አንዱን መውሰድ ያስፈልግዎታል።ይህን ፈተናም ብዙ ጊዜ በአገርዎ መውሰድ ይችላሉ። ለበለጠ መረጃ በ www.dsh-germany.com, www.dsh-termin.de እና www.testdaf.de (የጀርመንኛ ፈተና ጀርመንኛን እንደ ባዕድ ቋንቋ)ላይ ሊያገኙ ይችላሉ።

የድንገተኛ ጊዜ አገልግሎት

ቅዳሜ፣ እሁድ እና ማታ የሚሰሩ ሃኪሞች እና ፋርማሲስቶች ናቸው። በፍጥነት እርዳታ ከፈለጉ እነሱ ለእርስዎ ይደርሳሉ።

የጀርመን የስደተኞች ፈተና

ይህ በአገር ማለማመጃ ትምህርት የሚሰጥ የመጨረሻ ፈተና ነው። በአገር ማለማመጃ ትምህርት መጨረሻ ላይ ፈተናውን ይወስዳሉ። ከዚያ ጀርመንኛን በደረጃ A2 ወይም B1 መናገር ይችላሉ።

የገቢ ማረጋገጫ፣ የገቢ ማረጋገጫዎች

የገቢ ማረጋገጫ በወር ውስጥ ምን ያህል ገንዘብ እንደሚያገኙ የሚያሳይ ሰነድ ነው። አብዛኛው ጊዜ መኖሪያ ቤት መከራየት በሚፈልጉበት ወቅት ላለፉት ሶስት ወራት ያገኙትን ገቢ ማረጋገጥ አስፈላጊ ነው።

የገንዘብ አቅም ማስረጃ፣ የገንዘብ አቅም ማስረጃዎች

በዚህ ማስረጃ በጀርመን በዩኒቨርስቲ ቆይታዎ ጊዜ ኑሮዎን ለመደገፍ የሚያስችል በቂ ገንዘብ እንዳሎት የሚያረጋግጥ ሰነድ ነው።

የጋብቻ ምክር

በትዳርዎት ውስጥ ችግሮች አሉ? ብዙ ጊዜ ጠብ ይፈጠራል? ያለ እርዳታ ምን ማድረግ እንዳለብዎ አያውቁም? የጋብቻ ምክር ሊረዳዎት ይችላል። ገለልተኛ ሰው እርስዎን እና አጋርዎን ያናግራል። ሌላው “የጋብቻ ምክር” ለሚለው ቃል “የጥንዶች ሕክምና” ወይም “የጥንዶች ምክር” በመባልም ይታወቃል።

የጋብቻ የምስክር ወረቀት፣ የጋብቻ የምስክር ወረቀቶች

አግብተዋል? ከሆነ በመመዝገቢያ ጽ / ቤት ውስጥ አንድ ሰነድ ይቀበላሉ። ይህ የጋብቻ የምስክር ወረቀት ነው።

የጋብቻ የምስክር ወረቀት, የጋብቻ የምስክር ወረቀቶች

አግብተዋል? እንግዲያውስ በመመዝገቢያ ጽ / ቤት ውስጥ ሰነድ ይደርስዎታል። ይህ የጋብቻ የምስክር ወረቀት ነው። "የጋብቻ የምስክር ወረቀት" ለሚለው ቃል አማራጭ "የትዳር የምስክር ወረቀት" ነው።

የግል ሥራ (ሥራ ፈጣሪ)

የግል ስራ አሎት እናም እዚያ ይሰራሉ? ከሆነ ምንም ቀጣሪ የሎትም። በራስ የሚተዳደር ሥራ አለዎት። እርስዎ የራስዎት አለቃ ኖት።

የግዢ ውል፣ የግዢ ኮንትራቶች

ውድ የሆነ ነገር ለምሳሌ መኪና ገዝተዋል። ይህንን ለማድረግ እርስዎ እና ነጋዴው ሰነድ መፈረም አለባችሁ። ይህ የግዢ ውል ነው። የግዢ ኮንትራቱ እንደ ዋጋ፣ የክፍያ ቀን፣ ወዘተ የመሳሰሉትን ያካትታል።

የጎልማሶች ትምህርት ማዕከል፣ የጎልማሶች ትምህርት ማዕከላት

አዋቂዎች እና ወጣቶች ዕድሜያቸው 16 እና ከዚያ በላይ የሆኑ በማህበረሰብ ኮሌጅ ትምህርቶችን መውሰድ ይችላሉ። ትምህርቶቹ ብዙ ወጪ አይጠይቁም። ቋንቋዎችን መማር - ጀርመንኛን ጨምሮ - ፎቶግራፎችን ማንሳት ፣ ጌጣጌጥ መሥራት ፣ ጭፈራ ፣ ስእል እና ሌሎችም ይገኙበታል። የሥራ ትምህርቶችም ለምሳሌ በኮምፒተር ላይ መሥራት አሉ። አዋቂዎች በህዝብ የትምህርት ቤት ለምሳሌ የሁለተኛ ደረጃ ትምህርት ቤት የምስክር ወረቀት የትምህርት ቤት መመዘኛ ማግኘት ይችላሉ። ትምህርቱ በአብዛኛው የሚሆነው በሳምንቱ ቀናት ውስጥ በአንድ ምሽት ወይም ቅዳሜና እሁድ ነው።

የጡረታ ዋስትና፣ የጡረታ ዋስትናዎች

በጀርመን ሰዎች አብዛኛውን ጊዜ እስከ 67 ዓመት ዕድሜ ድረስ ይሠራሉ። ከዚያ በኋላ ጡረታ ይወጣሉ። እስከ ጡረታ ድረስ ሰዎች በየወሩ ከደሞዛቸው የተወሰነውን ለጡረታ ዋስትና ይከፍላሉ። ጡረታ ሲወጡ ከጡረታ ዋስትና በየወሩ ከቀድሞው ደሞዝዎ የተወሰነ ክፍል ያገኛሉ። ሰራተኞች የጡረታ ዋስትና አላቸው። ወጪዎቹን ከአሰሪዎ ጋር ይጋራሉ። ተቀጣሪ ካልሆኑ የግል የጡረታ ዋስትናን መውሰድ ይችላሉ። ብዙ ሰዎች ህጋዊ የጡረታ
ዋስትና (ከመንግስት) እና የግል የጡረታ ዋስትና አላቸው።

የጡረታ ጽ / ቤት፣ የጡረታ ቢሮዎች

የጡረታ ጽ/ቤት ባለሥልጣን ነው። የማህበራዊ ጉዳይ ጽ/ቤት ተብሎም ይጠራል። ለአካል ጉዳተኞች ተጠያቂ ነው። እዚያ የአካል ጉዳት ካርድ ማግኘት ይችላሉ።

የጤና መድህን ዋስትና፣ የጤና መድህን ዋስትናዎች

በጀርመን ውስጥ ይህ የመድህን ዋስትና ሊኖርዎት ይገባል። የጤና መድህን ዋስትናው አብዛኛውን ጊዜ የሃኪሞች፣ የሆስፒታሎችን እና የአንዳንድ መድሃኒት ወጪዎችን ይሸፍናል። ለመድሃኒት የተወሰነ ወጪ እራስዎ መክፈል አለብዎት። ያልዎት በጣም ትንሽ ገቢ ገቢ ከሆነ በትዳር ጓደኛዎት በኩል የመድህን ዋስትና ሊገቡ ይችላሉ። ልጆች በወላጆቻቸው ምክኒያት የመድን ዋስትና አላቸው።

የጨዋታ ቡድን፣ የጨዋታ ቡድኖች

ይህ ልጆቹ ለመጫወት የሚገናኙበት ነው። እናቶች ወይም አባቶች ብዙውን ጊዜ እዚያ ይገኛሉ። አንዳንድ ጊዜ ሌላ ትልቅ ሰው ቡድኑን ይመራል እናም ከልጆች ጋር ይጫወታል።

የፌደራል ምርጫ

በጀርመን በየአራት ዓመት አዲስ ፓርላማ ይመረጣል። በፌዴራል ምርጫ ዜጎች ተወካዮችን ማለትም ፖለቲከኞችን ይመርጣሉ።

የፌደራል የውጭ ጉዳይ መስሪያ ቤት

የፌደራል የውጭ ጉዳይ መስሪያ ቤት ለጀርመን ቪዛ ያስፈልግዎት እንደሆነ ከፌደራል ውጭ ጉዳይ ቢሮ ማወቅ ይችላሉ። ተጨማሪ መረጃ በ የ www.auswaertiges-amt.de (ፌደራል የውጭ ጉዳይ መስሪያ ቤት, english version) በ"ቪዛ እና መኖሪያ" ስር ይገኛል።

የፌዴራል መንግሥት፣ የፌዴራል ክልሎች

16 የፌዴራል ክልሎች በአንድነት የጀርመን ፌዴራላዊ ሪፐብሊክ ይመሠርታሉ። የፌዴራል መንግስት እንደ ባቫሪያ፣ ሄሴ ወይም ሰሜን ራይን-ዌስትፋሊያ ያለ ትልቅ ቦታ ነው። ነገር ግን የፌደራል መንግስት አካል የሆኑ ከተሞችም ለምሳሌ በርሊን ወይም ሃምቡርግ አሉ። እያንዳንዱ የፌዴራል ክልል የራሱ መንግሥት (የክልል መንግሥት) የክልል ፓርላማ አለው። የክልል መንግስት አንዳንድ ነገሮችን ለምሳሌ በትምህርት እና በባህል ዘርፎች በራሱ ሊወስን ይችላል። ይሁን እንጂ በጣም አስፈላጊዎቹ ውሳኔዎች የሚደረጉት በፌዴራል መንግሥት ማለትም በመላው ጀርመን መንግሥት ነው።

የፍልስፍና ዶክተር

የጀርመን ዶክትሬት ማዕረግ አለ። እና ፒኤችዲ አለ። ሁለቱም ርዕሶች በዩኒቨርሲቲ ውስጥ ከፍተኛ ዲግሪዎች ናቸው። ፒኤች.ዲ. ዲግሪው የበለጠ ዓለም አቀፍ ነው እና በዋነኝነት የሚመጣው ከእንግሊዝኛ ተናጋሪ አገሮች ነው። ይሁን እንጂ ፒኤችዲ የሚያገኙባቸው የጀርመን ዩኒቨርሲቲዎች ቁጥራቸው እየጨመረ ነው።

የፍቃድ ማሳወቂያ

የፍቃድ ማሳወቂያ ሰነድ ነው። ይህንንም ሰነድ ከዩኒቨርሲቲ ለመማር ከተፈቀደልዎ ያገኛሉ።

የፖሊስ የመልካም ምግባር የምስክር ወረቀት

ይህ ከባለስልጣን የሚገኝ ሰነድ ነው። በዚህ ሰነድ ላይ ከዚህ በፊት የወንጀል ታሪክ እንዳለቦት እና እንደሌለቦት ይገልጻል። አንዳንድ ጊዜ አሠሪዎች የመልካም ምግባር የምስክር ወረቀት ማየት ይፈልጋሉ።

ዩ

ዩኒቨርሲቲ፣ ዩኒቨርሲቲ

የከፍተኛ ትምህርት ተቋማት ዩኒቨርሲቲዎችን እና የሙያ ኮሌጆችን ያካትታሉ። በመሰናዶ ወይም በሌላ የከፍተኛ ትምህርት መግቢያ መመዘኛ በዩኒቨርሲቲ ውስጥ መማር ይችላሉ።

ያ

ያልተገደበ የስልክ አገልግሎት

ለረጅም ሰዐት ስልክ ቢያወሩም ባያወሩም ወይም ኢንተርኔት ረጅም ሰዐት ቢጠቀሙም ባይጠቀሙም ክፍያ መክፈሎ የማይቀር ነው።

ደ

ደመወዝ፣ ደሞዞች

ይህ በየወሩ ቋሚ ስራ ሲኖሮት የሚያገኙት ገንዘብ ነው። በህመም ወይም በእረፍት ላይ ቢሆኑም ደሞዝዎን ይቀበላሉ። ከደምወዝ አይነት መሃከል ያልተጣራ ደሞዝ የሚባል አለ ። ከዚህ ደምወዝ ላይ ግብር እና የመድህን ዋስትና መክፈል አለቦት። ቀሪው የተጣራ ነው።

ደመወዝ፣ ደመወዞች

ይህ እንደ ተቀጣሪ ወይም ቋሚ ሥራ ያለው ደምወዝተኛ ሠራተኛ ሆነው ሲሰሩ በየወሩ የሚቀበሉት ገንዘብ ነው። በህመም ወይም በእረፍት ላይ ቢሆኑም ደምወዞን ይቀበላሉ። ሁለት የደሞዝ አይነት ሲኖር ካልተጣራው ደሞዝ ላይ ግብርና ዋስትና መክፈል አለቦት። ቀሪው ደሞዝ ደግሞ የተጣራ ደሞዝ ይባላል።

ደረሰኝ

አንድ ነገር ገዝተው ወዲያውኑ አልከፈሉም? እንግዲያውስ ደረሰኝ ለምሳሌ በኢንተርኔት ግዢ ሲፈጽሙ ማግኘት ይችላሉ። ከዚያም ክፍያውን ከሂሳብ ደብተሮ ዕቃውን ወደ ገዙበት መስሪያ ቤት ያስተላልፋሉ። በአብዛኛዎቹ ሁኔታዎች ይህንን ለማድረግ ምንም ተጨማሪ ክፍያዎች የሉም።

ዲ

ዲግሪ፣ ዲግሪዎች

የትምህርት ኮርስ (የመጀመሪያ ዲግሪ፣ ማስተር፣ ስቴት ፈተና) ጨርሰው ሁሉንም ፈተናዎች ሲያልፉ ዲግሪ አለዎት። በተለምዶ መጨረሻ ላይ ጥናታዊ ጽሁ ይጽፋሉ።

ድ

ድጋፍ አስፈላጊነት

አንዳንድ ልጆች በመማር ረገድ ፈታኝ ሁኔታዎች ያጋጥሟቸዋል። ከሌሎች ልጆች ነገሮችን ለመረዳት የበለጠ ጊዜ ይውስድባቸዋል ወይም የአካል ጉድለት አለባቸው። በዚህም ምክኒያት እርዳታና ድጋፍ ያስፈልጋቸዋል ።

ዶ

ዶክትሬት

በዶክትሬት ዲግሪ የዶክትሬት ማዕረግ ያገኛሉ። ይህ በዩኒቨርሲቲዎች ከፍተኛው ዲግሪ ነው። በዶክትሬት ዲግሪ ወደ ሳይንስ እና ምርምር መሄድ ይችላሉ። እና በዩኒቨርሲቲዎች ማስተማር ይችላሉ።

ጊ

ጊዜያዊ ኪራይ፣ ጊዜያዊ ኪራዮች

ጊዜያዊ ኪራይ ማለት ለተወሰነ ጊዜ ብቻ መኖሪያ ቤት ሲከራዩ ነው። መኖሪያ ቤት በቀላሉ ማግኘት ካልቻሉ ወይም በከተማ ውስጥ ለረጅም ጊዜ የማይቆዩ ይህን ማድረግ ይችላሉ።

ጥ

ጥምር የሙያ ስልጠና

በጀርመን ውስጥ ጥምር የሙያ ስልጠና በብዛት ይገኛል። ይህ በኩባንያ ውስጥ የሙያ ስልጠና ተብሎም ይጠራል። የሙያ ስልጠናው ሁለት ክፍሎች አሉት። እነሱም ተግባራዊ እና ንድፈ ሃሳባዊ ክፍል ናቸው። ተግባራዊውን ክፍል በቀጥታ በመስሪያ ቤት ውስጥ ይማራሉ። እዚያ እንደ ተለማማጅ ወይም ሰልጣኝ ሆነው ይሠራሉ እናም አነስተኛ ደሞዝ ሲያገኙ ንድፈ ሃሳባዊውን የትምህርት ክፍል ደግሞ በሙያ ትምህርት ቤት ውስጥ ይማራሉ።

ጥሬ ገንዘብ

ብር እና ሳንቲሞች ጥሬ ገንዘቦች ናቸው። በማንኛውም ቦታ ለመክፈል ሊጠቀሙበት ይችላሉ።

ጥናት

ለአንዳንድ ሙያዎች ለምሳሌ ምህንድስና ወይም ማስተማር፣ ዲግሪ ያስፈልግዎታል። በዩኒቨርሲቲ ወይም በቴክኒክ ኮሌጅ መማር ይችላሉ።

ፓ

ፓርቲ፣ ፓርቲዎች

የፖለቲካ ፓርቲ የጋራ ፍላጎትና ዓላማ ያለው የሰዎች ስብስብ ነው። አንድ ፓርቲ ለአንድ ግዛት ውሳኔ ማድረግ ወይም ተጽዕኖ ማድረግ ይፈልጋል።

ፓስፖርት፣ ፓስፖርቶች

ይህ ሰነድ የአንድን ሰው ማንነት ያረጋግጣል። ፓስፖርቱ የግል መረጃ (ስም፣ የልደት ቀን፣ ወዘተ) እና ዜግነት ይይዛል። በአገርዎ ውስጥ ፓስፖርት ያስፈልግዎታል ለምሳሌ ወደ የመንግስት ቢሮ ሲሄዱ እንዲሁም ወደ ሌላ ሀገር ለመግባት ፓስፖርት ያስፈልግዎታል። ፓስፖርቱ ብዙውን ጊዜ ሌላ መረጃ ለምሳሌ ስለ ቪዛ ወይም የመኖሪያ ፍቃድ ይይዛል።