Gjatë trajnimit ose shkollimit mësohet një profesion. Ka shumë lloje të ndryshme të trajnimeve, për shembull si bukëpjekës, si teknik elektroteknike, si infermier/e, si kopshtar/e, ose si edukator/e.
Dëshironi të bëni një trajnim profesional në Gjermani? Ju nuk vini nga Bashkimi Evropian (BE) ose nga Zona Ekonomike Evropiane (ZEE)? Atëherë ju nevojitet vizë. Vizën e merrni te Ambasada Gjermane (ose te Konsullata Gjermane) në vendin tuaj.
Keni përfunduar një trajnim profesional? Shumë kompani kërkojnë profesionistë. Mund të aplikoni. Zakonisht nevojitet një certifikatë për një vend pune. Certifikata është një dokument zyrtar me informacion mbi trajnimin ose profesionin tuaj. Keni certifikata nga vendi juaj? Përktheni dhe legalizoni ato. Zakonisht certifikatat duhet të njihni edhe në mënyrë zyrtare nga ana e shtetit. Kështu do të mund të gjeni më lehtë një punë. Informacione të tjera mund t’i gjeni në tekstin Kërkimi i Punës.
Kërkimi i një trajnimi profesional
Një trajnim profesional mund të bëhet në shumë kompani dhe pothuajse në të gjitha fushat. Për një trajnim profesional, ju nevojitet të paktën diploma e shkollës fillore. Ndonjëherë nevojitet edhe një diploma e shkollës së mesme ose matura (shihni: tekstin sistemit shkollor). Pa diplomë shkollimi është shumë e vështirë të gjendet një vend për trajnim profesional. Një vend për trajnim profesional gjendet njëjtë si një vend pune. Duhet të shkruhet edhe një letër aplikimi. Në tekstin Kërkimi i Punës mund të gjeni më shumë informacione dhe këshilla për aplikime dhe punësim.
Në çdo qytet ka një Qendër Informacioni për Karrierë (BIZ). Të punësuarit aty ju këshillojnë dhe ju ndihmojnë të gjeni një vend për trajnim profesional. Ju mund të gjeni BIZ-in përmes Agjencisë për Punësim në qytetin tuaj.
Rrjedha e një trajnimi profesional
Ekzistojnë 2 lloje të ndryshme trajnimesh profesionale: trajnim shkollor dhe trajnim dual. Trajnimi profesional shkollor zhvillohet vetëm në një shkollë profesionale. Për këtë ju nevojitet një diplomë shkollore dhe ndonjëherë përvojë shtesë, si për shembull një praktikë.
Trajnimi profesional dual quhet gjithashtu trajnim profesional në kompani. Në Gjermani, zakonisht zhvillohet trajnimi profesional dual. Këtu ka një pjesë praktike dhe një pjesë teorike. Trajnimi praktik zhvillohet drejtpërdrejt në një kompani. Dhe gjithashtu shkohet në një shkollë profesionale. Në shkollën profesionale mësohet teoria e profesionit. Po ashtu mësohen disa lëndë të përgjithshme si gjermanisht, politikë ose sport.
Në kompani zhvillohet trajnimi praktik. Punohet 3 deri në 4 ditë në javë në kompani dhe shkohet 8 deri në 12 orë në javë në shkollën profesionale. Ose qëndrohet disa javë në kompani dhe disa javë në shkollën profesionale.
Pas gjysmës së parë të trajnimit duhet të bëhet një provim i ndërmjetëm. Nxënësit e trajnimit (shkurt Azubis) tregojnë atë që kanë mësuar deri atëherë. Në fund të trajnimit bëhet një provim përfundimtar. Pas kësaj, nxënësit e trajnimit marrin një certifikatë trajnimi. Kjo është e rëndësishme nëse dëshironi të gjeni një vend pune pas përfundimit të trajnimit. Informacione të tjera mund të gjeni në tekstin Kërkimi i Punës.
Kohëzgjatja e një kualifikimi profesional
Një kualifikim profesional zakonisht zgjat 2 deri në 3,5 vjet. Kjo varet nga profesioni, por edhe nga diploma shkollore. Me maturë, koha e trajnimit zakonisht është më e shkurtër. Gjatë një trajnimi, çdo vit keni të paktën 24 ditë ose 4 javë pushim. Kjo mund të ndodhë vetëm në kohën kur shkolla profesionale është me pushime dhe e mbyllur.
Ka gjithashtu kualifikime për profesione që mund të mësohen për një periudhë të shkurtër, për shembull në fushat e kujdesit për fëmijët, kujdesit për të moshuarit, cateringut ose kozmetikës. Këto janë zakonisht trajnime profesionale shkollore. Trajnimet profesionale shkollore zgjasin nga 1 deri në 3,5 vjet. Kërkoni informacion në Agjencinë për Punë në qytetin tuaj.
Paga
Nëse bëni një trajnim dual në Gjermani, do të merrni edhe para. Punëdhënësi ju paguan një pagë. Paga është e ndryshme, në varësi të profesionit dhe rajonit ku punoni. Paga zakonisht rritet pas çdo viti të trajnimit. Shpesh paga nuk mjafton për të mbuluar të gjitha shpenzimet si qira, ushqim, aktivitete, etj.
Ekziston ndihmë financiare, për shembull BAföG ose ndihma për trajnimin profesional (BAB). Pyetni në Agjencinë për Punë në qytetin tuaj. Për një trajnim shkollor nuk paguheni. Ndonjëherë duhet të paguani edhe tarifën shkollore.
Shumë kompani ofrojnë mundësi kualifikimi. Mendohuni, çfarë dëshironi të bëni në të ardhmen. Kërkoni vendin tuaj të kualifikimit. Nëse nuk jeni të sigurt, atëherë para se të filloni kualifikimin bëni një praktikë. Edhe Agjencia për Punësim mund t'ju ndihmojë.
Po. Njohuritë e gjuhës gjermane janë shumë të rëndësishme, nëse doni të bëni një kualifikim profesional. Në shumicën e rasteve, duhet të flisni gjermanisht në nivelin B1 së paku. Në kompani, në shkollat profesionale dhe në shkollat e aftësimit profesional, flitet gjermanisht. Edhe provimet janë në gjermanisht. Po ashtu mund të bëni një kurs gjuhësor profesional. Informohuni te Agjencia për Punësim.
Doni të mësoni gjermanisht në vendin tuaj? Ushtrojeni gjermanishten për vendin e punës në faqen e internetit të Goethe- Institutit.
Link auf "Deutsch üben" (Goethe-Institut: Rruga ime për në Gjermani: Ushtro gjermanisht)
Aftësimi fillon zakonisht në gusht ose shtator. Kërkoni një vend kualifikimi në kohë.
Po, ajo është pjesë e kualifikimit profesional. Nëse nuk e ndjekni shkollën profesionale rregullisht, nuk mund ta përfundoni kualifikimin tuaj.
Në Gjermani mund të punoni në shumë profesione (për shembull si punonjës në kujdesin e shëndetit ose si edukator/e) vetëm nëse keni një kualifikim të caktuar. Keni përfunduar një kualifikim profesional? Atëherë duhet të shqyrtohen dokumentet tuaja për njohjen e kualifikimit. Nëse dokumentet tuaja njihen në Gjermani, do të merrni leje për punë.
Keni nevojë për ndihmë për njohjen e diplomave? Atëherë kontaktoni portalin informativ „Anerkennung in Deutschland“. Atje ka një linjë ndihme që mund ta telefononi: +49 30 1815-1111
Kjo varet nga titulli juaj i qëndrimit. Ekziston mbështetja federale për aftësimin (BAfÖG) dhe ndihma për aftësimin profesional (BAB) nga Agjencia për Punësim. Pyesni te Agjencia për Punësim në qytetin tuaj.
Nuk vini nga Bashkimi Europian ose nga Zona Ekonomike Evropiane? Atëherë ju nevojitet viza. Jeni ende në vendin tuaj të origjinës? Vizën mund ta merrni te Ambasada gjermane (ose Konsullata gjermane) në vendin tuaj. Jetoni tashmë në Gjermani? Atëherë duhet të shkoni te autoritetet për të huajt.
Këto duhet të vërtetoni:
Keni një kontratë për vendin e kualifikimit.
Keni një sigurim të mjaftueshëm për jetesën. Kjo do të thotë: mund të financoni shpenzimet për jetesën gjatë gjithë qëndrimit.
Keni njohuri të mira të gjermanishtes në nivelin B1. Mund të bëni gjithashtu një kurs gjuhësor profesional para kualifikimit. Pyesni te Zyra Federale për Migrimin dhe Refugjatët.
Përveç kualifikimit, mund të punoni deri në 20 orë.
Nuk vini nga Bashkimi Europian ose nga Zona Ekonomike Evropiane? Atëherë ju nevojitet viza. Nuk keni gjetur një vend kualifikimi para se të hyni në Gjermani? Atëherë mund të merrni një titull qëndrimi për deri në 9 muaj. Gjatë kësaj kohe mund të kërkoni një vend kualifikimi.
Për vizën për kërkimin e një vendi kualifikimi duhet të dëshmoni:
Nuk jeni më të vjetër se 35 vjeç.
Keni një sigurim të mjaftueshëm për jetesën. Kjo do të thotë: mund të financoni shpenzimet për jetesën gjatë gjithë qëndrimit.
Keni një diplomë të përshtatshme shkollore.
Keni njohuri të mira të gjermanishtes në nivelin B1.
Kur kërkoni një vend kualifikimi, mund të punoni deri në 20 orë në një punë shtesë. Mund të punoni gjithashtu deri në 2 javë si provë në një kompani.
Jeni ende në vendin tuaj të origjinës? Vizën mund ta merrni te Ambasada gjermane (ose Konsullata gjermane) në vendin tuaj. Jetoni tashmë në Gjermani? Atëherë duhet të shkoni te autoritetet për të huajt.
