Sa panahon ng pagsasanay ay natututunan ninyo ang isang propesyon. Mayroong iba't ibang mga kurso sa pagsasanay, hal. bilang isang panadero, electrical engineer, nars, hardinero, o tagapagturo.
Gusto ba ninyong magsanay sa Alemanya? Hindi kayo nagmumula sa European Union (EU) o sa European Economic Area (EEA)? Kailangan ninyo ng bisa. Makukuha ang bisa mula sa embahada ng Alemanya (o konsulado) sa inyong bansa.
Natapos na ba ninyo ang inyong pagsasanay? Maraming kumpanya ang naghahanap ng mga skilled worker o propesyonal. Maaari kayong mag-aplay. Madalas na kailangan ninyo ng sertipiko para sa isang trabaho. Ang sertipiko ay isang opisyal na dokumento na naglalaman ng impormasyon tungkol sa inyong edukasyon o propesyon. Mayroon ba kayong mga sertipiko mula sa inyong sariling bansa? Ipasalin ito sa wikang Aleman at ipasertipika ang mga ito. Kadalasang kailangan ring kilalanin ang mga sertipiko. Pagkatapos ay maaari kayong makakuha ng trabaho nang mas madali. Maaari kayong magbasa nang higit pa sa tekstong Paghahanap ng Trabaho.
Paghahanap ng mga Pagsasanay
Maaari kayong magsanay sa maraming kumpanya at sa halos lahat ng lugar o industriya. Upang magsimula ng isang pagsasanay ay kailangan ninyo ng hindi bababa sa sertipiko ng sekondaryang paaralan. Minsan kailangan rin ang diploma na Realabschluss o kwalipikasyon sa pangkalahatang pasukan sa unibersidad (tignan ang tekstong: Sistema ng Paaralan). Kung wala kayong sertipiko ng pag-alis sa paaralan, napakahirap makakuha ng pagsasanay. Makakahanap kayo ng pagsasanay na tulad sa paghahanap ng trabaho. Kailangan rin ninyong magsulat ng isang aplikasyon. Sa tekstong Paghahanap ng Trabaho ay makikita ninyo ang mga karagdagang impormasyon at mga tip para sa aplikasyon at paghahanap ng trabaho.
Mayroon ding Sentro ng Impormasyon sa Karera (BIZ) sa bawat lungsod. Papayuhan kayo ng mga empleyado doon at tutulungan kayong makahanap ng posisyon sa pagsasanay. Mahahanap ninyo ang BIZ sa pamamagitan ng Ahensya para sa Trabaho sa inyong lungsod.
Sa Isang Pagsasanay
Mayroong dalawang magkakaibang uri ng bokasyonal na pagsasanay: pagsasanay sa paaralan at dalawahang pagsasanay. Ang bokasyonal na pagsasanay sa paaralan ay makukuha lamang sa isang bokasyonal na paaralan. Para magawa ito, kailangan ninyo ng kwalipikasyon mula sa paaralan at kung minsan ay karagdagang karanasan, tulad ng internship.
Ang dalawahang pagsasanay ay tinatawag ding pagsasanay sa kumpanya. Sa Alemanya ay karaniwang mayroong dalawahang pagsasanay. Mayroon ditong isang praktikal na bahagi at isang teoretikal na bahagi. Direktang ginagawa ang praktikal na pagsasanay sa isang kumpanya. At nag-aaral rin kayo sa isang bokasyonal na paaralan. Dito matututunan ang teorya para sa propesyon. At mayroon ding ilang mga pangkalahatang paksa tulad ng wikang Aleman, pulitika, o palakasan.
Ginagawa ninyo ang praktikal na pagsasanay sa kumpanya. Nagtatrabaho kayo ng 3 hanggang 4 na araw sa isang linggo sa kumpanya at gumugugol ng 8 hanggang 12 oras sa isang linggo sa bokasyonal na paaralan. O gumugugol kayo ng ilang linggo sa kumpanya at ilang linggo sa bokasyonal na paaralan.
Pagkatapos ng unang kalahati ng pagsasanay ay kailangan ninyong kumuha ng pagsusulit sa kalagitnaan. Ang mga nagsasanay ay nagpapakita kung ano ang kanilang natutunan. Sa pagtatapos ng pagsasanay, kukuha muli kayo ng huling iksamen. Pagkatapos ay makakatanggap ang mga nagsasanay ng sertipiko ng pagsasanay. Mahalaga ito kung gusto ninyong maghanap pagkatapos ng trabaho. Para sa mga karagdagang impormasyon, tingnan ang tekstong Paghahanap ng Trabaho.
Tagal ng Pagsasanay
Ang bokasyonal na pagsasanay ay karaniwang tumatagal ng 2 hanggang 3.5 na taon. Depende ito sa propesyon, at pati na sa kwalipikasyon mula sa paaralan. Sa Abitur ay kadalasang mas maikli ang panahon ng pagsasanay. Mayroon kayong hindi bababa sa 24 na araw o 4 na linggo ng bakasyon bawat taon sa isang pagsasanay. Gayunpaman ay posible lamang ito sa panahon na ang may pista at sarado rin ang bokasyonal na paaralan.
Mayroon ding mga kurso sa pagsasanay para sa mga propesyon na maaaring matutunan sa maikling panahon, hal. sa pangangalaga sa bata, pangangalaga sa matatanda, pagtutustos ng pagkain, o mga pampaganda. Karamihan sa mga ito ay mga kurso sa bokasyonal na pagsasanay na nakabase sa paaralan. Ang mga ganitong bokasyonal na pagsasanay ay tumatagal mula 1 hanggang 3.5 taon. Kumuha ng impormasyon mula sa Ahensya para sa Trabaho sa inyong lungsod.
Sahod
Kung gagawa kayo ng dalawahang pagsasanay sa Alemanya, makakakuha kayo ng pera. Binabayaran kayo ng employer ng suweldo. Ang suweldo ay nag-iiba depende sa propesyon at sa rehiyon kung saan kayo nagtatrabaho. Karaniwang tumataas ang suweldo pagkatapos ng bawat taon ng pagsasanay. Kadalasan ay hindi sapat ang suweldo upang mabayaran ang lahat ng mga gastos tulad ng upa, pagkain, libangan, atbp. Mayroong tulong pinansyal, hal. ang BAföG o vocational training allowance (BAB).
Magtanong sa Ahensya para sa Trabaho sa inyong lungsod. Hindi kayo nakakakuha ng suweldo para sa pagsasanay sa paaralan. Minsan kailangan ring magbayad ng mga bayarin sa paaralan.
Maraming mga kumpanya ang nagpapasanay. Pag-isipan kung ano ang gusto ninyong gawin sa hinaharap. Pagkatapos ay maghanap ng pagsasanay. Kung hindi kayo sigurado, magsagawa ng internship bago simulan ang inyong pagsasanay. Matutulungan rin kayo ng Ahensya para sa Manggagawa.
Oo. Ang kaalaman sa wikang Aleman ay napakahalaga kung gusto ninyong magsanay. Sa karamihan ng mga kaso ay dapat marunong kayong magsalita ng Aleman kahit man lang sa antas ng B1. Ang Aleman ay ginagamit sa mga kumpanya, bokasyonal na paaralan at teknikal na kolehiyo. Nasa wikang Aleman din ang mga pagsusulit. Maaari rin kayongg kumuha ng propesyonal na kurso sa wika. Maghanap ng impormasyon mula sa Ahensya para sa Trabaho.
Gusto niyo bang matuto ng German sa inyong sariling bansa? Sanayin ang inyong Aleman para sa trabaho sa website ng Goethe-Institut.
Karaniwang nagsisimula ang pagsasanay sa Agosto o Setyembrem, kaya maghanap ng posisyon sa pagsasanay sa tamang oras.
Oo, bahagi iyon ng pagsasanay. Kung hindi kayo regular na pumapasok sa bokasyonal na paaralan, hindi ninyo matatapos ang inyong pagsasanay.
Pinapayagan lamang kayong magtrabaho sa Alemanya sa maraming propesyon (hal. bilang isang nars o bilang isang guro sa kindergarten) kung mayroon kayong isang tiyak na kwalipikasyon. Natapos niyo na ba ang bokasyonal na pagsasanay? Dapat ipasuri para sa pagkilala ang inyong mga dokumento. Kung ang inyong mga dokumento ay kinikilala sa Germany, magiging mas madali para sa inyo na makakuha ng permisong magtrabaho.
Kailangan ba ninyo ng tulong sa pagkilala sa mga kwalipikasyon? Makipag-ugnayan sa portal ng impormasyon na "Anerkennung in Deutschland" (“Pagkilala sa Alemanya”). Mayroong hotline na maaaring tawagan: +49 30 1815-1111
Depende ito sa inyong residence permit. Mayroong Federal Training Assistance (BAfÖG) at ang Vocational Training Assistance (BAB) mula sa Ahensya para sa Trabaho. Magtanong sa Ahensya para sa Trabaho sa inyong lungsod.
Hindi kayo mula sa European Union o sa European Economic Area? Kailangan ninyo ng bisa. Nasa inyong sariling bansa pa ba kayo? Maaari kayong makakuha ng bisa mula sa embahada ng Alemanya (o konsulado) sa inyong bansa. Nakatira na ba kayo sa Alemanya? Kailangan ninyong pumunta sa Tanggapan ng Imigrasyon.
Dapat ninyong patunayan ang mga sumusunod:
Mayroon kayong kontrata para sa pagsasanay.
Mayroon kayong ligtas na kabuhayan. Nangangahulugan ito na maaari ninyong tustusan ang mga gastos sa pamumuhay para sa buong pamamalagi.
Mayroon kayong mahusay na kasanayan sa wikang Aleman sa antas B1. Maaari rin kayong kumuha ng kurso sa wikang propesyonal bago ang inyong pagsasanay. Mangyaring makipag-ugnayan sa Pederal na Kagawaran para sa Migrasyon at Takas (BAMF).
Bilang karagdagan sa inyong pagsasanay ay maaari kayong magtrabaho nang hanggang 20 oras.
Hindi kayo mula sa European Union o sa European Economic Area? Kailangan ninyo ng bisa. Hindi ba kayo nakakuha ng posisyon sa pagsasanay bago kayo dumating sa bansa? Maaari kayong makakuha ng resindency permit hanggang sa 9 na buwan. Sa panahong ito ay maaari kayong maghanap ng posisyon sa pagsasanay.
Upang makakuha ng bisa para maghanap ng posisyon sa pagsasanay ay dapat kayong magbigay ng ebidensya na:
Hindi kayo mas matanda sa 35 taon.
Mayroon kayong ligtas na kabuhayan. Nangangahulugan ito na maaari ninyong tustusan ang mga gastos sa pamumuhay para sa buong pamamalagi.
Mayroon kayong angkop na kwalipikasyon sa paaralan.
Mayroon kayong mahusay na kasanayan sa wikang Aleman sa antas B1.
Kung naghahanap kayo ng posisyon sa pagsasanay, maaari kayong magkaroon ng part-time na trabaho hanggang 20 oras. Maaari rin kayong sumubok na magtrabaho para sa isang kumpanya hanggang sa 2 linggo.
Nasa sariling bansa pa ba kayo? Maaari kayong makakuha ng bisa mula sa embahada ng Alemanya (o konsulado) sa inyong bansa. Nakatira na ba kayo sa Alemanya? Kailangan ninyong pumunta sa Tanggapan ng Imigrasyon.
