Katika mafunzo ya ufundi stadi mtu hujifunza taaluma fulani. Kuna mafunzo mengi ya aina tofauti, kama vile mfanyakazi wa kutengeneza mikate, mtaalamu wa umeme, muuguzi, mchungaji bustani au mlezi wa watoto.
Ungependa kufanya mafunzo ya ufundi stadi nchini Ujerumani? Na hauji kutoka Umoja wa Ulaya (EU) au kutoka Eneo la Kiuchumi la Ulaya (EWR)? Basi unahitaji viza.. Viza hupatikana katika Ubalozi wa Ujerumani (au Ubalozi Mdogo wa Ujerumani) katika nchi yako.
Umehitimu mafunzo ya ufundi stadi? Makampuni mengi yanatafuta wataalamu waliohitimu. Unaweza kuomba kazi. Mara nyingi unahitaji cheti kwa ajili ya nafasi ya kazi. Cheti ni hati rasmi yenye taarifa kuhusu mafunzo yako au taaluma yako. Una vyeti kutoka nchi yako? Vipeleke vitafsiriwe na vidhibitishwe. Mara nyingi unahitaji pia kukaguliwa vyeti hivyo. Hii itakuwezesha kupata kazi kwa urahisi zaidi. Maelezo zaidi unaweza kuyapata katika sehemu ya Kutafuta Ajira.
Kutafuta Mafunzo ya Ufundi Stadi
Mafunzo ya ufundi stadi yanaweza kufanyika katika makampuni mengi na katika karibia sekta zote. Kwa mafunzo hayo unahitaji angalau kuwa na cheti cha shule ya upili. Wakati mwingine unahitaji cheti cha shule ya kati au hata kidato cha sita (rejea: sehemu ya Mfumo wa Elimu). Bila cheti cha shule itakuwa vigumu sana kupata nafasi ya mafunzo. Nafasi za mafunzo hupatikana kama vile nafasi za kazi. Unahitaji pia kuandika maombi. Katika sehemu ya Kutafuta Kazi utapata maelezo na ushauri zaidi kuhusu maombi na utafutaji kazi.
Kila mji kuna Kituo cha Taarifa za Kitaaluma (BIZ). Wafanyakazi wa kituo hicho watakushauri na kukuauni kutafuta nafasi ya mafunzo. Kituo hiki kinapatikana kupitia Idara ya Ajira katika mji wako.
Mchakato wa Mafunzo ya Ufundi Stadi
Kuna aina 2 za mafunzo ya ufundi stadi: mafunzo ya shule na mafunzo ya mchanganyiko. Mafunzo ya shule hufanyika tu katika shule za ufundi maalum. Kwa hivyo unahitaji cheti cha shule na wakati mwingine uzoefu zaidi, kama vile mafunzo ya vitendo.
Mafunzo mchanganyiko yanajulikana pia kama mafunzo ya kiwandani. Nchini Ujerumani, mafunzo ya mchanganyiko ndiyo yanayopatikana zaidi. Hapa kuna sehemu ya vitendo na sehemu ya nadharia. Mafunzo ya vitendo hufanyika moja kwa moja katika kampuni. Pia huenda katika shule ya ufundi kujifunza nadharia ya taaluma hiyo. Pia kuna masomo ya jumla kama lugha ya Kijerumani, siasa au michezo.
Kazini unafanya mafunzo ya vitendo. Hufanya kazi siku 3 hadi 4 kwa juma na huenda shuleni kwa masaa 8 hadi 12 kwa juma. Au unakuwa majuma machache kazini na majuma machache shuleni.
Baada ya nusu ya mafunzo, unahitajika kufanya mtihani wa kati. Wanagenzi wa mafunzo (Azubis) huonyesha walichojifunza. Mwisho wa mafunzo kuna mtihani wa mwisho. Baada ya hapo wagenzi hupata cheti cha mafunzo. Cheti hiki ni Cha natija iwapo ungependa kupata kazi. Maelezo zaidi yapo katika sehemu ya Kutafuta Ajira.
Muda wa Mafunzo ya Ufundi Stadi
Mafunzo ya ufundi stadi kawaida hudumu kati ya miaka 2 hadi 3.5. Hii inategemea taaluma na cheti cha shule. Kwa waliohitimu kidato cha sita, mafunzo huwa mafupi zaidi. Katika mafunzo unapata likizo ya angalau siku 24 au majuma 4 kwa mwaka. Hii inapatikana tu wakati shule ya ufundi ina likizo na imefungwa.
Kuna mafunzo ya taaluma yanayoweza kufanyika kwa muda mfupi kama vile;katika huduma za watoto, uuguzi wa wazee, huduma za chakula au urembo. Mara nyingi haya ni mafunzo ya shule ya ufundi. Mafunzo ya shule ya ufundi hudumu kati ya mwaka 1 hadi 3.5. Utapata maelezo zaidi kutoka kwa Idara ya Ajira katika mji wako.
Mshahara
Unapofanya mafunzo ya mchanganyiko nchini Ujerumani, utalipwa mshahara mdogo. Mwajiri wako atakulipa mshahara. Kiasi cha mshahara hutofautiana kulingana na taaluma na eneo unalofanyia kazi. Kawaida mshahara huongezeka baada ya kila mwaka wa mafunzo. Wakati mwingi mshahara haukidhi gharama zote kama; kodi ya nyumba, chakula, burudani n.k. Kuna msaada wa kifedha, kwa mfano BAföG au Msaada wa Mafunzo ya Ufundi (BAB). Uliza Idara ya Ajira katika mji wako kuhusu hili.
Kwenye mafunzo ya shule ya ufundi hupokei mshahara. Wakati mwingine unahitaji hata kulipia ada ya shule.
Kampuni nyingi hutoa mafunzo ya ufundi. Tafakari mwanzo unataka kufanya kazi ya aina gani baadaye. Kisha, tafuta nafasi ya mafunzo ya ufundi inayolingana. Kama hauna uhakika, fanya mafunzo kwa vitendo kabla ya kuanza mafunzo rasmi. Pia, Idara ya Ajira inaweza kukuauni.
Ndiyo. Ujuzi wa lugha ya Kijerumani ni wa natija sana unapopanga kufanya mafunzo ya ufundi. Mara nyingi, unapaswa kuzungumza Kijerumani kwa kiwango cha angalau B1. Katika kampuni, shule za mafunzo ya kazi, na vyuo vya ufundi, lugha ya Kijerumani hutumika. Mitihani pia huwa kwa Kijerumani. Unaweza pia kufanya kozi ya lugha ya kazi. Tafuta maelezo zaidi kutoka kwa Idara ya Ajira.
Je,ungependa kujifunza Kijerumani ukiwa bado katika nchi yako? Fanya mazoezi ya Kijerumani kwa ajili ya mazingira ya kazi kupitia tovuti ya Taasisi ya Goethe.
Mara nyingi, mafunzo huanza mwezi Agosti au Septemba. Hivyo basi, anza kutafuta nafasi mapema.
Ndiyo, hiyo ni sehemu ya mafunzo ya ufundi. Kama hutahudhuria shule ya mafunzo kwa ukawaida, huwezi kukamilisha mafunzo yako.
Nchini Ujerumani, katika kazi nyingi (kama vile: mtaalamu wa huduma za afya au mlezi wa watoto) unaruhusiwa tu kufanya kazi ikiwa una sifa maalum. Kama umekamilisha mafunzo ya ufundi, nyaraka zako zinapaswa kuchunguzwa kwa ajili ya kutambuliwa. Kama nyaraka zako zitakubaliwa nchini Ujerumani, itakuwa rahisi kwako kupata kibali cha kazi.
Unahitaji msaada kuhusu kutambuliwa kwa vyeti vyako? Tafuta msaada kupitia tovuti ya taarifa kuhusu kutambuliwa kwa vyeti nchini Ujerumani. Kuna namba ya simu ambayo unaweza kupiga kwa msaada: +49 30 1815-1111
Hii inategemea aina ya kibali chako cha ukaazi. Kuna aina ya msaada wa kitaifa wa kugharamia mafunzo na pia msaada wa kifedha kwa wanagenzi wa mafunzo ya ufundi kutoka kwa Idara ya Ajira. Uliza katika Idara ya Ajira ya mji ulipo.
Hautoki katika Umoja wa Ulaya wala katika Eneo la Uchumi la Ulaya? Basi unahitaji viza.Kama bado uko katika nchi yako ya nyumbani, Utapata visa kutoka kwa ubalozi wa Ujerumani au katika konseli ya Ujerumani. Kama tayari unaishi Ujerumani, unatakiwa kwenda katika Mamlaka ya Uhamiaji.
Haya ndiyo masharti unayopaswa kutimiza:
Uwe una mkataba wa kuwa na nafasi ya mafunzo ya ufundi.
Uwe una uwezo wa kujigharimia maisha kwa kipindi chote cha ukaaji.
Uwe una ujuzi mzuri wa lugha ya Kijerumani kwa kiwango cha B1. Unaruhusiwa pia kufanya kozi ya lugha ya kazi kabla ya kuanza mafunzo. Kwa maelezo zaidi uliza katika Wizara ya Shirikisho ya Uhamiaji na Wakimbizi.
Mbali na mafunzo ya ufundi, unaruhusiwa kufanya kazi kwa saa hadi ishirini kwa juma.
Hautoki katika Umoja wa Ulaya wala katika Eneo la Uchumi la Ulaya? Basi unahitaji viza. Kama hujapata nafasi ya mafunzo kabla ya kuingia Ujerumani, unaweza kupewa kibali cha ukaaji kwa muda wa hadi miezi tisa kwa ajili ya kutafuta nafasi ya mafunzo.
Kwa ajili ya kupata viza ya kutafuta nafasi ya mafunzo, unapaswa kuthibitisha kwamba:
Huna zaidi ya miaka thelathini na tano
Una uwezo wa kujigharimia maisha kwa kipindi chote cha ukaaji
Una cheti cha kuhitimu elimu ya sekondari kinachokubalika
Una ujuzi mzuri wa lugha ya Kijerumani kwa kiwango cha B1
Wakati unapotafuta nafasi ya mafunzo, unaruhusiwa kufanya kazi ya muda kwa saa hadi ishirini kwa juma. Unaweza pia kufanya majaribio ya kazi kwa muda wa hadi majuma mawili katika kampuni.
Bado uko katika nchi yako ya nyumbani? Viza unapata katika Ubalozi wa Ujerumani au Konseli ya Ujerumani. Kama tayari unaishi Ujerumani, unatakiwa kwenda katika Idara ya Uhamiaji.
