Kama umehitimu mafunzo ya kazi, shahada ya chuo kikuu, au hata cheti cha shule katika nchi yako, sharti vyeti hivyo vitafsiriwe kwa lugha ya Kijerumani na uhalali wake kudhibitishwa. Kudhibitishwa maana yake ni kuwa taasisi rasmi hukagua kama nyaraka zako ni halali. Kwa kawaida, mamlaka ya kuthibitisha nyaraka hupatikana katika nchi yako ya asili.
Hata hivyo, kuna wakati ambapo shahada yako inaweza isitambulike moja kwa moja nchini Ujerumani. Unaweza kuchunguza mapema kuhusu Utambuzi wa Shahada ukiwa bado nyumbani, kupitia mchakato wa Anerkennung ausländischer Abschlüsse. Tovuti ya “Anerkennung in Deutschland” inatoa maelezo ya natija sana. Vilevile, unaweza kuona kupitia vielelezo vyetu vya picha.

Matangazo mengi zaidi ya Ajira huwa mtandaoni. Baadhi ya tovuti maarufu za kutafuta kazi ni kama ifuatavyo: Mara nyingi unaweza pia kupokea matangazo mapya ya ajira kutoka kwa tovuti kupitia kwa barua pepe. Wakati mwingine unaweza pia kutuma maombi kupitia tovuti ya ajira. Katika "Xing" na "LinkedIn" unabuniwasifu na wasifu wa maisha. Kisha waajiri wanaweza kuona wasifu wako. Pia unaweza kupata watu wengi wa kuwasiliana nao ambao wanaweza kukuani kitaaluma. Pia kwenye wasifu wa makampuni mara nyingine hupatikana nafasi za kazi.

Unaweza pia kuuliza moja kwa moja kwa kampuni. Tovuti ya kampuni mara nyingine hupatikana nafasi za kazi. Tafuta "Karriere" au "Stellenangebote". Huwezi kupata nafasi za kazi? Unaweza pia kutuma maombi ya hiari kwa kampuni. Sio kila nafasi za kazi huwekwa hadharani.

Ikiwa bado uko nchini mwako, unaweza kuwasiliana na "Zentrale Auslands- und Fachvermittlung "(ZAV) — idara ya Huduma ya Ajira ya Ujerumani kwa wataalamu wa kimataifa. ZAV huunganisha wataalamu kutoka nje na waajiri wa Kijerumani.

Iwapo tayari uko Ujerumani, unaweza kupata matangazo ya kazi na ushauri katika "Berufsinformationszentrum" (BiZ) — kituo cha Taarifa za Kitaaluma chini ya Idara ya Ajira. Hapa unaweza pia kuchapisha wasifu wako mtandaoni ili waajiri waweze kukuona kwa urahisi. Kufanya mafunzo kwa vitendo katika kampuni,kunaweza kukuongeza nafasi zako za kuajiriwa na kupanua mtandao wako wa mawasiliano.

Zaidi ya hapo, matangazo ya kazi yanaweza pia kupatikana kupitia magazeti au ofisi za Agentur für Arbeit. Hata hivyo, magazeti mara nyingi huchapisha nafasi za kazi zinazopatikana ndani ya eneo la karibu tu.

Iwapo bado uko katika nchi yako, unaweza kuwasiliana na Idara ya Kujumuisha Wataalam kwa ushauri kuhusu nafasi za ajira nchini Ujerumani.

Nchini Ujerumani, kuna vituo mbalimbali vya ushauri vinavyowauni wahamiaji kutafuta kazi na kuandaa nyaraka zao za maombi ya kazi.(Isome taarifa: huduma za ushauri nchini Ujerumani) Kwa vijana walio chini ya miaka 27, kuna huduma maalum za mawaidha zinazotolewa na Idara ya Vijana wahamiaji.
Kunavyo Vituo vya Kuwakaribisha Wageni katika miji. Vituo hivi vinatoa ushauri kwa wataalamu na makampuni yanayohitaji wafanyakazi. Hapa utapata maelezo kuhusu mkoa wako, msaada wa kutafuta kazi, na usaidizi wa kutambua na kuthibitisha vyeti vyako.

Iwapo bado hujatambua ni kazi ipi inayokufaa, unaweza kupata ushauri wa kitaaluma kupitia BiZ (Kipengo cha Ushauri katika Idara ya Ajira). Pia, katika baadhi ya maeneo kuna Idara za Kazi kwa vijana ambazo huwaauni vijana katika mchakato wa kuchagua taaluma.
Orodha ya vituo muhimu vya ushauri nchini Ujerumani,vinapatikana kwenye tovuti ya Make it in Germany au kwenye ukurasa wa Anwani Muhimu.

Hatua ya kwanza katika kuingia kwenye soko la ajira ni kuandaa maombi rasmi ya kazi. Nyaraka muhimu ni pamoja na:Barua ya maombi (ambayo imeandikwa mahsusi kwa kampuni unayolenga),Wasifu wa maisha (picha ya mwombaji ni ya hiari),Nakala za vyeti vyako (zimeandikwa kwa Kijerumani).Katika BiZ (Kipengo cha Ushauri katika Idara ya Ajira)., kuna warsha maalum zinazofundisha jinsi ya kuandika maombi ya kazi kwa njia inayokubalika nchini Ujerumani, na jinsi ya kujiandaa kwa mahojiano ya kazi. Waajiri wengi hupendelea kupokea maombi ya kazi kwa njia ya kidijitali — kwa mfano kwa barua pepe au kupitia mfumo wa maombi uliopo kwenye tovuti.

Kabla ya kutuma maombi yako, hakikisha umeelewa kwa ufasaha mfumo wa kuomba kazi hiyo.