Nakumpleto na ba ninyo ang bokasyonal na pagsasanay, isang degree sa unibersidad o isang sertipiko ng paaralan sa inyong sariling bansa? Dapat mayroon kayong mga naisalin at napatunayang sertipiko/dokumento. Ang pagpapatunay o pagsesertipika ay nangangahulugan na may nagsusuri, kadalasang isang opisyal na awtoridad, kung tunay ang inyong mga dokumento. Pinakamainam itong gawin ng isang awtoridad sa inyong sariling bansa. Minsan ay walang bisa sa Alemanya ang inyong kwalipikasyon o pagtatapos. Maaari ninyo itong suriin sa inyong sariling bansa (pagkilala sa kwalipikasyon mula sa ibang bansa). Makakahanap kayo ng higit pang impormasyon sa website na "Pagkilala sa Alemanya". Pakitingnan din ang aming infographics.

Karamihan sa mga paanunsyo sa trabaho ay makukuha sa Internet. Mayroong mga sikat na job portal, hal.: Sa karamihan ng mga kaso ay maaari rin kayong makatanggap ng mga bagong paanunsyo ng trabaho mula sa mga job portal sa pamamagitan ng email. Minsan maaari ring ipadala ang inyong aplikasyon sa pamamagitan ng job portal. Sa "Xing" at "LinkedIn" ay lumikha kayo ng isang profile gamit ang inyong CV. Pagkatapos ay makikita ng mga employer ang inyong CV. Makakahanap rin kayo ng maraming tao roon na makakatulong sa inyo sa buhay propesyonal. Makakahanap rin kayo minsan ng mga bakanteng posisyon sa mga profile ng kumpanya.

Maaari rin kayong direktang magtanong sa isang kumpanya. Minsan makakahanap kayo ng mga bakanteng trabaho sa website ng isang kumpanya. Gamitin ang mga salitan "Karriere" o "Stellenangebote" sa paghahanap. Wala ba kayong nakikitang bakante doon? Maaari rin kayong magpadala ng unsolicited application o isang aplikasyon na hindi hinihingi sa isang kumpanya. Hindi lahat ng bakanteng posisyon ay palaging inaanunsyo.

Kung naghahanap kayo ng trabaho sa inyong sariling bansa, maaari rin kayong makipag-ugnayan sa Central Agency for Foreign and Specialist Employment (ZAV). Ang ZAV ay naghahanap ng mga propesyonal mula sa ibang bansa para sa Alemanya.

Kung kayo ay nasa Alemanya na, maghanap ng impormasyon mula sa BiZ (Sentro ng Impormasyon sa Karera) ng Pederal na Ahensya para sa Trabaho: Doon makikita ninyo ang mga paanunsyo ng trabaho at maraming impormasyon sa paksang karera at trabaho. Maaari ninyong i-post ang inyong profile doon sa Internet. Ang isang internship sa isang kumpanya ay maaari ding maging kapaki-pakinabang: maari niyong makikilala ang trabaho at makipag-ugnayan.

Ngunit mayroon ding iba pang mga posibilidad. Makakahanap kayo ng mga paanunsyo ng trabaho sa pahayagan o sa pamamagitan ng Ahensya para sa Trabaho. Sa pahayagan ay kadalasang makakahanap lamang ng mga trabaho mula sa rehiyon.

Sa inyong bansang pinagmulan, mangyaring makipag-ugnayan sa Central Agency for Foreign and Specialist Placement (ZAV).

Maraming mga sentro ng pagpapayo para sa mga migrante sa Alemanya. Dito rin kayo makakatanggap ng tulong sa inyong paghahanap ng trabaho at aplikasyon (tingnan ang mga serbisyo sa pagpapayo sa Alemanya). Ang mga serbisyo sa migrasyon ng kabataan ay nag-aalok ng espesyal na payo para sa mga kabataan hanggang sa edad na 27. Mayroon ding mga welcome center sa mararaming lungsod at rehiyon. Pinapayuhan nila ang mga propesyonal at kumpanyang internasyonal o nagmumula sa Alemanya. Doon ay makakatanggap kayo ng panrehiyong impormasyon, suporta sa paghahanap ng trabaho, at makakatulong din sila sa pagkilala sa mga kwalipikasyon.

Hindi niyo pa alam kung ano ang maaari ninyong gawin o gusto ninyong gawin? Ang BiZ (Sentro ng Impormasyon sa Karera) ay nag-aalok ng payo sa karera. Sa ilang lungsod at rehiyon ay mayroon ding mga Ahensya para sa Trabaho ng kabataan. Tinutulungan nila ang mga kabataan na pumili ng kanilang karera. Makakahanap kayo ng maraming mahahalagang sentro ng payo sa lahat ng pederal na estado sa portal na "Make it in Germany" o sa pahina ng "Mga Mahalagang Adres".

Ang aplikasyon para sa trabaho ay ang unang hakbang sa merkado ng trabaho. Napakahalaga ang mga dokumento ng aplikasyon. Kailangan ninyo ng cover letter (isang sulat sa kumpanya), isang CV (ang larawan ay hindi kailangan) at ang inyong mga sertipiko (sa wikang Aleman). Nag-aalok ang BiZ ng mga workshop sa paksang "Pag-aaplay para sa isang trabaho sa Alemanya". Malalaman ninyo kung ano ang hitsura ng isang aplikasyon at kung paano maghanda para sa panayam bago magtrabaho. Parami nang parami ang mga employer na gustong tumanggap ng mga aplikasyong digital, halimbawa sa pamamagitan ng email o sa pamamagitan ng job portal.

Alamin muna kung ano ang mga kinakailangan.