"Ерөнхий боловсролын сургууль: Ирээдүйн түнш" санаачилга

"Ерөнхий боловсролын сургууль: Ирээдүйн түнш" (PASCH) санаачилга нь Герман улстай харилцаа холбоотой 2.000 гаруй сургуулиудыг холбосон, дэлхийг хамарсан сүлжээтэй. Гёте-Институт нь 100 гаруй оронд 600 орчим үндэсний боловсролын тогтолцооны PASCH-сургуулиудыг дэмжин ажиллаж байна.

ХБНГУ-ын Гадаад Хэргийн Яам 2008 оны 2-р сард "Ерөнхий боловсролын сургууль: Ирээдүйн түнш" (PASCH) санаачилгыг үүсгэн байгуулсан. ХБНГУ-ын Гадаад Хэргийн Яам уг санаачилгыг зохицуулж, Хилийн Чанад дахь Ерөнхий Боловсролын Сургуулиудын Асуудал Эрхэлсэн Төв Газар, Гёте-Институт, Германы Эрдмийн Солилцооны Алба, Соёлын Сайд нарын Зөвлөлийн Багш, Сурагч Солилцооны Алба зэрэг байгууллагууд хамтран хэрэгжүүлж байна.

Зарчим болон зорилго

Дараах 4 зарчим нь PASCH санаачилгын чиглэлийг тодорхойлно. Үүнд:

Боловсролоор дамжуулан хэтийг төлөвлөх
Олон хэл эзэмшин хязгаарыг тэлэх
Хэл болон боловсрол эзэмших эрх
Мөн олон улсын сургалтын нийгэмлэгийн хувиар хамтдаа ирээдүйд тулгарах бэрхшээлийг даван туулах арга замыг олох

ХБНГУ-ын Гадаад хэргийн яам 2008 оны 2-р сард „Ерөнхий боловсролын сургууль: Ирээдүйн түнш” (PASCH) санаачилгыг үүсгэн байгуулсан. PASCH нь 2.000 гаруй дэлхийг хамарсан Герман улстай харилцаа холбоотой сургуулиудыг холбон бэхжүүлж байна. Гёте-Институт нь ойролцоогоор 100 гаруй оронд 600 үндэсний боловсролын тогтолцооны PASCH-сургуулиудыг дэмжин ажиллаж байна.

ХБНГУ-ын Гадаад Хэргийн Яам уг санаачилгыг зохицуулж, Хилийн Чанад дахь Ерөнхий Боловсролын Сургуулиудын Асуудал Эрхэлсэн Төв Газар, Гёте-Институт, Германы Эрдмийн Солилцооны Алба, Соёлын Сайд Нарын Зөвлөлийн Багш, Сурагч Солилцооны Алба зэрэг байгууллагууд хамтран хэрэгжүүлж байна.

Хилийн чанадад герман хэлний сургалттай сургууль, герман хэлний диплом олгодог сургуулиудын сүлжээг бэхжүүлж байна. Үүний зэрэгцээгээр үндэсний боловсролын тогтолцоонд герман хэлийг гадаад хэл болгон заах сургалтыг цаашид бэхжүүлэхийн тулд сургуулиудын хамтын ажиллагааг хөгжүүлж байна. Түүнчлэн Герман улсын их, дээд сургуульд сурах тэтгэлэг авах, сурагч солилцоо болон сургуулиуд түншлэх боломжийг олгож байна.

PASCH-ийн зорилго

Энэхүү санаачилгаар орчин цагийн Герман орон, ард иргэд болон герман хэлийг сурах сонирхол, урам зоригийг залуучуудын дунд сэргээх зорилготой юм. Дэлхийн хэмжээнд ХБНГУ-ын түнш сургуулиудын сүлжээ үүсэн бий болж; сургуулиуд хамтын үйл ажиллагаа, харилцаагаар нэгдсэн олон улсын сургалтын нийгэмлэгийг бий болгож байна.

PASCH нь сонирхол татахуйц боловсролын саналуудаараа сурагч болон багш нарт зориулсан тогтвортой сургалтуудад хувь нэмрээ оруулж, залуучуудад герман улсын их дээд сургуульд сурах, ирээдүйн ажил мэргэжилд нь тус болох чадварыг хөгжүүлж байна. Түүнчлэн Герман улстай идэвхтэй, урт хугацааны харилцааг хөгжүүлж, сургуулиуд болон сурагч, багш нарыг нээлттэй санаа бодлоо солилцож, хамтын ажиллагааг нь дэмжихийг зорьж байна. PASCH нь мөн бусад гадаад соёл болон боловсролын бодлогын санаачилгатай хамтран ажилладаг, жишээ нь: “Дэлхийд соёлыг түгээгч” сайн дурын алба.

Гёте-Институтийн үүрэг, оролцоо

Гёте-Институт нь хамтран ажилладаг 550 гаруй PASCH-сургуулиуддаа Герман хэлийг сургалтын хөтөлбөртөө оруулах эсвэл хөгжүүлэхэд нь дэмжлэг үзүүлдэг. Багш нарт зориулан аргазүй-дидактикийн мэргэжил дээшлүүлэх сургалт болон хэлний сургалт санал болгохоос гадна сургуулиудыг орчин үеийн, мультимедиа зориулалттай заах болон сурах хэрэгсэл, орон судлалын материалаар хангадаг. Түүнээс гадна Гёте-Институт нь санаачилгын хүрээнд олон улсад түнш сургуулиудыг чиглүүлэн ажиллах сургалтын мэргэжилтнүүдийг томилон илгээдэг. Түнш сургуулиудын сурагчдад зориулсан Герман улсад хэрэгжих өсвөр үеийнхний сургалт нь герман хэлний мэдлэгийг сайжруулж, соёл хоорондын мэдлэгийн хүрээг тэлж, орон судлалыг бодитоор мэдрүүлнэ.