နိုင်ငံကူးလက်မှတ် နှင့် ဗီဇာ

Schild an Hauswand des BAMF © Gina Bolle

ဂျာမနီနိုင်ငံသို့ ဝင်ရောက်ရန်အတွက် တရားဝင်နိုင်ငံကူးလက်မှတ် သို့မဟုတ် သင် မည်သူမည်ဝါဖြစ်ကြောင်း အတည်ပြုနိုင်သည့် အခြားအထောက်အထားစာရွက်စာတမ်းတစ်ခု လိုအပ်ပါသည်။ မှတ်ပုံတင်ရုံးသို့ သွားရာတွင် နိုင်ငံကူးလက်မှတ် လိုအပ်ပါမည်။ ဥရောပသမဂ္ဂ (EU) နိုင်ငံများမှ လာရောက်သူမဟုတ်ပါက ဗီဇာ လိုအပ်ပါသည်။
သင်၏နိုင်ငံအတွင်းရှိ ဂျာမန်သံရုံး (သို့မဟုတ် ဂျာမန်ကောင်စစ်ဝန်ရုံး) မှ ဗီဇာကို ရယူနိုင်ပါသည်။ ဂျာမနီတွင် အလုပ်လုပ်ရန် အလုပ်စာချုပ် တစ်ခု ရှိနှင့်ပြီးသူ ဖြစ်ပါသလား သို့မဟုတ် မိသားစုဝင် တစ်ဦးဦးမှာ ဂျာမနီတွင် နေထိုင်နေသူ ဖြစ်ပါသလား။ အသက်မွေးဝမ်းကြောင်းသင်တန်း လတ်မှတ်တစ်ခု ရှိပါသလား သို့မဟုတ် လုပ်ငန်းအတွေ့အကြုံ ရှိပါသလား။ ထိုသို့ဆိုပါက Visa ရရှိရန် ပိုမိုလွယ်ကူပါသည်။ အချက်အလက်များကို နိုင်ငံခြားရေးဝန်ကြီးရုံး နှင့် ပြည်ပမှကျွမ်းကျင်လုပ်သားများအတွက် ရည်ရွယ်သည့် ဂျာမန်အစိုးရဝက်ဘ်ဆိုက် “Make it in Germany” တွင် ဖတ်ရှုနိုင်ပါသည်။

မှတ်ပုံတင်ရုံး နှင့် နေထိုင်ခွင့်ခွင့်ပြုချက်

ဂျာမနီတွင် သင်နေထိုင်မည့်မြို့၏ မှတ်ပုံတင်ရုံးတွင် ဦးစွာ မှတ်ပုံတင်ရပါမည်။ စောင့်ရသည့်အချိန် ကြာတတ်သည်။ ထို့ကြောင့် ရက်ချိန်းကို စောစော ယူသင့်ပါသည်။ အွန်လိုင်းမှ ကြိုတင်စာရင်းသွင်း၍ ရက်ချိန်းယူနိုင်ပါသည်။ ဝဘ်ဆိုက်တွင် မှတ်ပုံတင်ရုံး နှင့် သင့်နေထိုင်မည့်မြို့ ကို ရွေးချယ်ပါ။ ထို့နောက် လူဝင်မှုကြီးကြပ်ရေးရုံး ကို ရွေးချယ်ပါ။ နေထိုင်ခွင့်ခွင့်ပြုချက် ကို ထိုရုံးမှ ရရှိပါမည်။ ၎င်းကတ်ပေါ်တွင် သင်၏ နေထိုင်ခွင့်အခြေအနေ ကို တွေ့နိုင်ပါသည်။ မည်မျှကြာအောင် ဂျာမနီတွင် နေထိုင်ခွင့်ရှိကြောင်း နှင့် အလုပ်လုပ်ခွင့်ရှိမရှိ ကို ကတ်ပေါ်တွင် ဖော်ပြထားသည်။

ဂျာမနီတွင်နေထိုင်ရေးအတွက် ဦးဆုံးဆောင်ရွက်ရမည့် ကိစ္စများ စစ်ဆေးရန်စာရင်း

  • ပေါင်းစည်းရေးသင်တန်း - ဂျာမန်စကား ကောင်းကောင်း မပြောတတ်ဘူးလား။ မပြောတတ်ပါက ပေါင်းစည်းရေးသင်တန်းကို တက်ရောက်နိုင်ပါသည် သို့မဟုတ် တက်ရပါမည်။ ဤအကြောင်းနှင့် ပတ်သတ်၍ ပေါင်းစည်းရေးသင်တန်း ကဏ္ဍတွင် ပိုမိုဖတ်ရှုနိုင်ပါသည်။
  • အလုပ်အကိုင်ရှာဖွေရေး နှင့် အသက်မွေးဝမ်းကြောင်းသင်တန်း - အလုပ်ရှာဖွေရေးအေဂျင်စီ မှ သင့်အား အလုပ်ရှာဖွေရာတွင် ကူညီပေးမည်ဖြစ်ပြီး အသက်မွေးဝမ်းကြောင်းသင်တန်းများ နှင့် သင်တန်းများအကြောင်း သတင်းပေးမည်ဖြစ်ပါသည်။ ဤအကြောင်းကို အလုပ်လုပ်ခြင်း - အလုပ်အကိုင်ရှာဖွေရေးနှင့် တက္ကသိုလ်ပညာရေး နှင့် အသက်မွေးဝမ်းကြောင်းသင်တန်း ကဏ္ဍတွင် ပိုမိပိုမိုဖတ်ရှုနိုင်ပါသည်။
  • ကလေးများ နှင့် ကျောင်းအပ်ခြင်း - ဂျာမနီတွင် ကလေးများ မဖြစ်မနေ ကျောင်းတက်ရမည်ဖြစ်သည်။ ဤအကြောင်းကို ကလေးထိန်းစနစ် နှင့် ကျောင်းစနစ် ကဏ္ဍတွင် ပိုမိုဖတ်ရှုနိုင်ပါသည်။
  • အာမခံထားရှိခြင်းများ - အချို့သော အာမခံများ မှာ အလွန်အရေးကြီးသည် - အထူးသဖြင့် ကျန်းမာရေးအာမခံ၊ ပင်စင်အာမခံ နှင့် ရေရှည်စောင့်ရှောက်မှုအာမခံ တို့ဖြစ်သည်။ ဤအကြောင်းကို ကျန်းမာရေး နှင့် အာမခံများ ကဏ္ဍတွင် ပိုမိုဖတ်ရှုနိုင်ပါသည်။

မေးလေ့ရှိသောမေးခွန်းများ

လူမှုကွန်ရက်စာမျက်နှာများကို follow လုပ်လိုပါက