පළමුව ඔබ ජර්මනියේ ඔබේ නගරයේ පදිංචිකරුවන්ගේ ලියාපදිංචි කාර්යාලයේ ලියාපදිංචි විය යුතුය. මේ වෙනුවෙන් බොහෝ කාලයක් බලා සිටීමට සිදු වේ. එමනිසා, ඉක්මනින් හමුවීමක් සිදුකරන්න. ඔබට අන්තර්ජාලයෙන් හමුවීමක් සඳහා වෙන් කරවා ගත හැකිය. "පදිංචිකරුවන්ගේ ලියාපදිංචි කිරීමේ කාර්යාලය" සහ ඔබේ නගරය ඇතුලත් කරන්න. ඊට පසු, ඔබ විදේශිකයන් ලියාපදිංචි කිරීමේ කාර්යාලයට යා යුතුය. එහිදී ඔබට නේවාසික බලපත්රයක් ලැබෙනු ඇත. මෙය ඔබගේ පදිංචි තත්ත්වය සහිත කාඩ්පතකි. මෙහි ඔබට ජර්මනියේ රැඳී සිටීමට කොපමණ කාලයක් අවසර දී ඇත්ද යන්න සහ ඔබට වැඩ කිරීමට අවසර තිබේද යන තොරතුරු ඇතුළත් වේ.

• ඒකාබද්ධ කිරීමේ පාඨමාලාව: ඔබ ජර්මානු භාෂාව හොඳින් කතා කරන්නේ නැද්ද? එසේ නම් ඔබට ඒකාබද්ධ කිරීමේ පාඨමාලාවක් හැදෑරිය හැකිය. “ඒකාබද්ධ කිරීමේ පාඨමාලාව” යන මාතෘකාව තුලින් ඔබට මේ පිළිබඳව වැඩිදුර කියවිය හැකිය.
• රැකියා සෙවීම සහ පුහුණුව: “රැකියා ඒජන්සිය” ඔබට රැකියාවක් සොයා ගැනීමට සහ පුහුණුවට සහ පාඨමාලා පිළිබඳ තොරතුරු ලබා ගැනීමට උපකාරී වනු ඇත. “රැකියාසෙවීම සහ අධ්යනය සහ පුහුණුව” යන මාතෘකා තුලින් මේ පිළිබඳව ඔබට වැඩිදුර තොරතුරු සොයා ගත හැකිය.
• ළමුන් සහ පාසල: ජර්මනියේ දරුවන්ට පාසල් යා යුතුය. “ළමා රැකවරණය සහ පාසැල් පද්ධතිය” යන මාතෘකා තුලින් ඔබට මේ ගැන වැඩිදුර කියවිය හැකිය.
• රක්ෂණය: ඇතැම් රක්ෂණ ඉතා වැදගත් වේ: විශේෂයෙන්ම සෞඛ්ය රක්ෂණය, විශ්රාම වැටුප් රක්ෂණය සහ දිගු කාලීන සත්කාර රක්ෂණය ඉතා වැදගත්ය. “සෞඛ්ය හා රක්ෂණ” යන මාතෘකා තුළින් මේ පිළිබඳ වැඩිදුර තොරතුරු ලබා ගත හැකිය.