በጀርመን ውስጥ በመጀመሪያ በከተማዎ በሚገኘው የነዋሪዎች ምዝገባ ቢሮ መመዝገብ አለብዎት። ብዙውን ጊዜ ወረፋው ብዙ ነው፡፡ ስለዚህ ቀደም ብለው ቀጠሮ መያዝዎን ያረጋግጡ። ከዚህ በተጨማሪም ቀጠሮትን በበይነ መረብ ላይ መያዝ ይችላሉ። "የነዋሪዎች ምዝገባ ቢሮ" እና ከተማዎን ያስገቡ። ከዚያ ወደ ኢሚግሬሽን ቢሮ መሄድ ይኖርቦታል። የመኖሪያ ፈቃድ ከዚያ ያገኛሉ፡፡ ይህ የመኖሪያ ፍቃድ ሁኔታዎን የሚጠቅስት ካርድ ነው። በካርዶት ላይ በጀርመን ሀገር ለምን ያህል ጊዜ መቆየት እንደሚችሉ እና ስራ መስራት እንደሚችሉ ይነግርዎታል።

• አገር ማስለመጃ ትምህርት: ጀርመንኛ ቋንቋ በደንብ አይናገሩም? እንግዲያውስ የቋንቋ ትምህርት መማር ይችላሉ ወይም መውሰድ ይኖርብዎታል። ይህንን በተመለከተ አገር ማስለመጃ ትምህርት ውስጥ የበለጠ ማንበብ ይችላሉ።
• የስራ ፍለጋ እና የሙያ ስልጠና: የቅጥር ኤጀንሲው ስራ በመፈለግ ያግዝዎታል። እንዲሁም ስለሙያ ስልጠና እና ኮርሶች መረጃ ይሰጦታል። ስለዚህ ጉዳይ የበለጠ የስራ ፍለጋ እና የዩኒቨርስቲ ትምህርት እና የሙያ ስልጠና ማወቅ ይችላሉ ።
• ልጆች እና ትምህርት ቤት: ልጆች በጀርመን ውስጥ ትምህርት ቤት መሄድ አለባቸው ። ስለዚህ ጉዳይ የልጅ እንክብካቤና የትምህርት ቤት ስርዓት ጽሑፎች ውስጥ የበለጠ ማንበብ ይችላሉ።
• ኢንሹራንስ: ኢንሹራንሶች በጣም አስፈላጊ ናቸው። በተለይ የጤና መድን፣ የጡረታ ዋስትና እና የአረጋውያን ድጋፍ መድን ናቸው። ተጨማሪ መረጃ ጤንነት እና የመድህን ዋስትና በሚለው ፅሁፎች ውስጥ ያገኛሉ።