ይህ የትምህርት ቤት መልቀቂያ ሰርተፍኬት ነው። ይህ በጀርመን ዩኒቨርሲቲ ለመማር ያስችልዎታል:: ከአውሮፓ ህብረት (አህ) ወይም ከአውሮፓ ኢኮኖሚክ አካባቢ ካልሆኑ ቪዛም ያስፈልግዎታል። ቪዛ በአገርዎ ካለው የጀርመን ኤምባሲ (ወይም ቆንስላ) ማግኘት ይችላሉ። የገንዘብ ማረጋገጫም ያስፈልግዎታል። በቂ ገንዘብ እንዳልዎት ማሳየት አለብዎት። እንዲሁም የጤና መድን ያስፈልግዎታል።

ትምህርትዎትን ጨርሰዋል? ከፍተኛ ብቃት ያላቸው ልዩ ባለሙያዎች በጀርመን ውስጥ ጥሩ እድሎች አሏቸው:: ከአገርዎ የተተረጎሙ እና የተረጋገጡ የምስክር ወረቀቶች ይኑርዎት። ለስራ ፈቃድ ይህ ያስፈልግዎታል። ለበለጠ መረጃ ሥራ ፍለጋ የሚለውን ጽሁፍ ይመልከቱ።

በጀርመን ውስጥ የተለያዩ የመንግስት እና የግል ዩኒቨርሲቲዎች አሉ። በሁለተኛ ደረጃ ትምህርት ቤት ዲፕሎማ ወይም በሌላ የከፍተኛ ትምህርት መግቢያ መመዘኛ በዩኒቨርሲቲ ወይም የተግባረ ዕድ ኮሌጅ መማር ይችላሉ። በሙያ ትምህርት ቤት መልቀቂያ ወደ የተግባረ ዕድ ኮሌጅ መግባት ይቻላል። በዩኒቨርሲቲ ውስጥ ግን ማጥናት የሚችሉት የተወሰኑ ትምህርቶችን ብቻ ነው።ተግባረ ዕድ ኮሌጅ መማር ከዩኒቨርሲቲ የሚለየው በብዛት ተግባራዊ ስራን ስለሚያካትት ነው።

በጀርመን ዩኒቨርሲቲዎች በመደበኛነት ሶስት ዲግሪ ማግኘት ይችላሉ፡-

• ባችለር
• ማስተር
• በመንግስት የሚሰጥ ፈተና

ጀርመን ውስጥ ወደ 20,000 የሚጠጉ የዲግሪ መርሃ ግብሮች አሉ። የተለያዩ የትምህርት መርሃ ግብሮች ላይ ማጥናት ይችላሉ። አለም አቀፍ የዲግሪ መርሃ ግብሮችም ለምሳሌ በእንግሊዘኛ የሚሰጡም አሉ ። የዲግሪ ፕሮግራም ወይም ዩኒቨርሲቲ ለመግባት እያሰቡ ነው? በ "ጀርመን ተማር" ድህረ ገጽ ላይ ያለው የውሂብ ጎታ በፍለጋዎ ላይ ያግዝዎታል::

አብዛኞቹ ዩኒቨርሲቲዎች የትምህርት የውጪ ቢሮ አላቸው። ይህ ዓለም አቀፍ ቢሮም ይባላል። እዚህ ሠራተኞች በጀርመን ውስጥ ስለመማር ምክር ይሰጣሉ::

መንታ የጥናት መርሃ ግብሮችም እየበዙ ነው። የመንታ ጥናት መርሃ ግብር የዩኒቨርሲቲ ጥናትንና በአንድ ኩባንያ ተግባራዊ ልምምድን ያካትታል። ከዚያ ከኩባንያው ደመወዝ ያገኛሉ::

ለመጀመሪያ ዲግሪ፣ አብዛኛውን ጊዜ የትምህርት ቤት መልቀቂያ ሰርተፍኬት ያስፈልግዎታል። ይህ የአጠቃላይ ከፍተኛ ትምህርት መግቢያ መመዘኛ ወይም ተግባረ ዕድ ኮሌጅ መግቢያ መመዘኛ የምስክር ወረቀት ነው። የማስተርስ ዲግሪ ከፍተኛ ዲግሪ ነው። የባችለር ዲግሪ ካልዎት የማስተርስ ድግሪ መስራት ይችላሉ። በመንግስት የሚሰጥ ፈተና የሚደረገው በተወሰኑ የትምህርት ዘርፎች ብቻ ነው:: እነዚህም ሕክምና፣ ሕግ፣ ፋርማሲ፣ የምግብ ኬሚስትሪ እና በአንዳንድ የፌደራል ግዛቶች አስተማሪነትን ያጠቃልላል። በነኝህ ዘርፎች መመረቅ ተማሪዎች በመንግስት የሚሰጥ ፈተና ይፈተናሉ::

የውጭ የትምህርት ቤት መልቀቅያ ሰርተፍኬቶችን በሚመለከት እያዳንዱ ዩኒቨርሲቲ ገብቶ ለመማር በቂ መሰረት እንዳለዎት ወይም እንደሌሎት ይወስናል:: እባክዎን የዩኒቨርሲቲውን ዓለም አቀፍ ቢሮ ያነጋግሩ። እስካሁን የት መማር እንደሚፈልጉ አያውቁም? የ"ለዩኒቨርሲቲ እገዛ" የአገልግሎት ማዕከል ለብዙ ዩኒቨርሲቲዎች በሰርተፍኬትዎ መማር እንደሚችሉና እንደማይችሉ ያጣራል። ይህንንም መረጃ በ www.uni-assist.de (ለዩኒቨርሲቲ እገዛ) እና በውጪ ሀገር www.anabin.de (የትምህርት ብቃቶች እውቅና እና ግምገማ). ላይ ይገኛል። የመጨረሻው ውሳኔ ግን የዩኒቨርሲቲው ነው::

በጀርመን ዩኒቨርሲቲዎች (ዩኒቨርስቲዎች እና የተግባረ ዕድ ኮሌጅ) ያሉ ተማሪዎች የጀርመንኛ ቋንቋቸው በጣም ጥሩ ደረጃ ላይ መሆን አለበት። ጀርመንኛ የአፍ መፍቻ ቋንቋዎ ካልሆነ የጀርመንኛ ቋንቋ ችሎታዎትን ማረጋገጫ ያስፈልግዎታል። በአብዛኛው ጊዜ፣ “የጀርመን ቋንቋ ፈተና ለዩኒቨርሲቲ መግቢያ” ወይም ጀርመንኛ እንደ ሁለተኛ ቋንቋ ፈተና ያስፈልግዎታል። በተጭማሪ እንደ የአስራ ሁልተኛ መልቀቂያ ፈተና ውጤት አይነት መስፈርቶች ሊኖሩ ይችላሉ። በአንዳንድ የዲግሪ መርሃ ግብሮች ውስጥ ያሉት የተወሰኑ ቦታዎች ብቻ ናቸው። ለበለጠ መረጃ የሚመለከታቸውን ዩኒቨርሲቲዎች ያነጋግሩ።

በጀርመን ለመማር የትምህርት ቤት መልቀቂያ ሰርተፍኬትዎ በቂ ካልሆነ፣ መጀመሪያ መሰናዶ ትምህርት ቤት መግባት አለብዎት። ይህንን ለማድረግ የመግቢያ ፈተና መውሰድ አለብዎት:: በ B1 ደረጃ ጥሩ የጀርመን ችሎታ ያስፈልግዎታል. በመሰናዶ ትምህርት ቤት መጨረሻ ላይ “የምዘና ፈተና” ይወስዳሉ። የመጀመሪያ መሰናዶ ትምህርት ቤት አብዛኛውን ጊዜ ሁለት ሴሚስተር ይቆያል:: ነገር ግን አንዳንድ ጊዜ አጭር ነው:: ትምህርቶቹም ነፃ ናቸው። ሆኖም ግን፣ የሴሚስተር ክፍያ ግን ይከፍላሉ:: አብዛኛውን ጊዜ ለዲግሪ መርሃ ግብሮች የማመልከቻ ቀነ-ገደቦች አሉ። ስለዚህ በጀርመን ለመማር ከፈለጉ በተቻለ ፍጥነት ይወስኑ።

በጀርመን ዩኒቨርሲቲ ውስጥ ያለው አመት አብዛኛውን ጊዜ ሁለት ሴሚስተር አለው:: እነዚህም የክረምት ሴሚስተር እና የበጋ ሴሚስተር ናቸው:: አንድ ሴሚስተር ግማሽ ዓመት ይቆያል:: ከዚህ ውስጥ ወደ ሁለት ወር ከአስራ አምስት ቀን ያህል የሴሚስተር ዕረፍት አለዎት። በበጋ ወቅት የሴሚስተር ዕረፍት በብዛት ይረዝማል:: በሴሚስተር ዕረፍት ወቅት ምንም ትምህርት ወይም የትምህርት ክፍለ ጊዜ አይኖርም። ከዚያም ተማሪዎች ብዙ ጊዜ ፈተናዎችን ይወስዳሉ:: እንዲሁም የቤት ሥራ ይሠራሉ ወይም የሥራ ልምምድ በአንድ መሥሪያ ቤት ውስጥያደርጋሉ:: ብዙ የዲግሪ መርሃ ግብሮች የሚጀምሩት በክረምት ሴሚስተር ብቻ ነው።

የዩኒቨርስቲ ጥናት ትምህርት የሚቆይበት ጊዜ ይለያያል:: በሚወስዱት የትምህርት አይነት አንዲሁም ፈተናዎቹን በማለፍዎ ወንም ባልማለፍዎ ይወሰናል:: የባችለር ዲግሪ ለመጨረስ ብዙ ጊዜ ከ6 እስከ 8 ሴሚስተር ይወስዳል። ከተጨማሪ ከ 2 እስከ 4 ሴሚስተር በኋላ ማስተርስ መስራት ይችላሉ:: በትምህርት መጨረሻ ላይ ጥናታዊ ጽሑፍ ይጽፋሉ:: አንዳንድ ጊዜ ተግባራዊ ሥራ መሥራት አለብዎት:: እንደትምህርቱ አይነት በመንግስት የዪኒን ለማለፍ ረጅም ጊዜ ይወስዳል።

የተለያዩ የዩኒቨርሲቲ የትምህርት ይዘቶች አሉት። አብዛኛውን ጊዜ ትምህርቶች ወይም ትምህርታዊ ጉባኤዎች አሉ:: በአንድ ትምህርታዊ ጉባኤ ውስጥ ብዙ ተማሪዎች በአንድ ትልቅ ክፍል ውስጥ ይገኛሉ። መምህሩ ስለ አንድ ርዕስ ይናገራል:: ተማሪዎቹ አዳምጠው ማስታወሻ ይይዛሉ:: በትምህርታዊ ጉባኤ ውስጥ ብዙ ጊዜ ጥቂት ተማሪዎች አሉ እናም የትምህርታዊ ጉባኤ ተማሪዎችንም ያካተተ ነው።

የትምህርት ክፍያ በየፌዴራል ግዛቱ ላይ ይወሰናል:: መደበኛ የባችለርና የማስተርስ ድግሪ መርሃ ግብሮች በዩኒቨርሲቲዎች ነፃ ናቸው። ተማሪዎች አብዛኛውን ጊዜ በየሴሚስተር የሴሚስተር መግቢያ ክፍያ መክፈል አለባቸው። እነዚህ ለአስተዳደር፣ ለተማሪዎች ህብረት እና ለሴሚስተር ትኬት ወጪዎች ናቸው። በሴሚስተር ትኬት የህዝብ መጓጓዣዎችን መጠቀም ይችላሉ። በግል ዩኒቨርሲቲዎች ውስጥ ግን በጣም ብዙ መክፈል አለብዎት::