Dëshironi të studioni në Gjermani? Atëherë ju nevojitet një dëshmi për pranimin në universitet (HZB). Kjo është një diplomë shkollore. Me të mund të studioni në një universitet gjerman. Nëse nuk vini nga Bashkimi Evropian (BE) ose Zona Ekonomike Evropiane (ZEE), ju nevojitet edhe një vizë. Vizën mund ta merrni në Ambasadën Gjermane në vendin tuaj. Gjithashtu ju nevojitet një dëshmi financimi. Me të cilën tregoni që keni mjaft para. Ju nevojitet edhe një sigurim shëndetësor.

A keni përfunduar studimet tuaja? Profesionistët e kualifikuar kanë mundësi të mira në Gjermani. Përktheni dhe legalizoni certifikatat nga vendi juaj. Këto ju nevojitet për një leje pune. Informacione të tjera mund t’i gjeni në tekstin Kërkimi i punës.

Në Gjermani ka universitete publike dhe private. Me diplomën përfundimtare e arsimit të mesëm ose një dëshmi tjetër të pranimit në universitet, mund të studioni në një universitet (Uni) ose në një shkollë të lartë profesionale (FH). Me një Fachabitur mund të studioni në një shkollë të lartë profesionale dhe vetëm disa lëndë të caktuara në universitet. Studimet në një shkollë të lartë profesionale zakonisht kanë më shumë praktikë se në universitet.

Në universitetet gjermane zakonisht mund të merren 3 diploma studimi:

• Bachelor
• Master
• Staatsexamen

Në Gjermani ka rreth 20,000 programe studimi. Ju mund të studioni në fusha të ndryshme. Ekzistojnë gjithashtu programe studimi ndërkombëtare, për shembull në gjuhën angleze. Po kërkoni një program studimi ose një universitet? Baza e të dhënave në faqen „Study in Germany“ ju ndihmon gjatë kërkimit.

Shumica e universiteteve kanë një Zyrë për Studentët Ndërkombëtarë (AAA). Kjo quhet gjithashtu "International Office". Punonjësit aty ofrojnë këshilla për studimet në Gjermani.
​​​​​​​
Gjithnjë e më shumë ka programe studimi duale. Një program dual përfshin studime universitare dhe punë praktike në një kompani. Atëherë do të merrni pagë nga kompania.

Për të filluar studimet Bachelor, zakonisht nevojitet diploma e përfundimit të shkollës së mesme.
Kjo është dëshmia e maturës së përgjithshme ose e maturës teknike. Një Master është një diplomë më e lartë. Mund të bëhet Master vetëm pasi të keni përfunduar Bachelor-in. Një provim shtetëror zhvillohet vetëm në disa programe studimi të caktuara. Në këto fusha përfshihen: Mjekësia, Juridiku, Farmacia, Kimia Ushqimore dhe në disa rajone Pedagogjia. Në këto raste studentët zhvillojnë një provim shtetëror.

Për diplomat e huaja, universiteti vendos nëse keni bazat e mjaftueshme për të ndjekur studimet. Kontaktoni Zyrën për Studentët Ndërkombëtarë (International Office) të universitetit. Nuk e dini ende se ku doni të studioni? Shërbimi "uni-assist" kontrollon për shumë universitete nëse diplomat tuaja plotësojnë kriteret për studime në Gjermani. Informacione të mëtejshme mund të gjeni në www.uni-assist.de dhe www.anabin.de. Megjithatë, vendimi përfundimtar i takon universitetit.

Në universitetet gjermane (Uni dhe FH), studentët duhet të kenë njohuri shumë të mira të gjuhës gjermane. Nëse gjermanishtja nuk është gjuha juaj amtare, ju duhet të paraqisni një dëshmi për njohuritë tuaja në gjermanisht. Zakonisht kërkohet provimi "Deutsche Sprachprüfung für den Hochschulzugang" (DSH) ose TestDaF. Mund të ketë edhe kërkesa të tjera, si për shembull një mesatare e caktuar. Në disa programe studimi ka vetëm një numër të kufizuar vendesh (Numerus clausus). Informohuni për këtë pranë universitetit përkatës.

Nëse diploma e shkollës së mesme nuk është e mjaftueshme për studime në Gjermani, atëherë duhet të ndiqni një kolegj përgatitor (Studienkolleg). Për këtë duhet të zhvilloni një provim pranimi. Ju nevojiten njohuri të mira të gjuhës gjermane në nivelin B1. Në fund të kolegjit përgatitor zhvillohet një provim përfundimtar ("Feststellungsprüfung"). Kolegji përgatitor zakonisht zgjat 2 semestra, ndonjëherë edhe më pak. Mësimi është pa pagesë, por duhet të paguani një tarifë semestrale.

Zakonisht ekzistojnë afate për aplikim për programe studimi. Prandaj, informohuni herët nëse dëshironi të studioni në Gjermani.

Viti akademik në universitetet gjermane zakonisht përbëhet nga 2 semestra: semestri dimëror dhe semestri veror. Një semestër zgjat gjysmë viti. Prej tij, rreth 2.5 muaj janë pushime semestrale. Pushimet semestrale gjatë verës janë zakonisht më të gjata. Gjatë pushimeve semestrale nuk ka ligjërata apo seminare. Në këtë kohë studentët zakonisht zhvillojnë provime, shkruajnë punime seminarike ose ndjekin praktika. Shumë programe studimi fillojnë vetëm në semestrin dimëror.

Kohëzgjatja e studimeve ndryshon. Varet nga programi i studimit dhe nëse kaloni provimet. Për të përfunduar Bachelor-in zakonisht duhen 6 deri në 8 semestra. Pas 2 deri në 4 semestra të tjera mund të vazhdoni me Master-in. Në fund të studimeve shkruhet një punim përfundimtar. Ndonjëherë kërkohet edhe një pjesë praktike. Për një provim shtetëror zakonisht duhet më shumë kohë, në varësi të programit të studimit.

Studimet përfshijnë përmbajtje të ndryshme. Zakonisht ka ligjërata dhe seminare. Në një ligjëratë zakonisht ka shumë studentë në një sallë të madhe. Profesori prezanton një temë, ndërsa studentët dëgjojnë dhe marrin shënime. Në një seminar zakonisht ka më pak studentë dhe është më interaktiv se një ligjëratë.

Tarifat e studimeve varen nga shteti federal. Programet normale të Bachelor-it dhe Master-it në universitetet publike janë falas. Çdo semestër, studentët zakonisht duhet të paguajnë një tarifë semestrale. Kjo përfshin kostot për administratën, shërbimet studentore dhe biletën e semestrit. Me biletën e semestrit mund të përdorni transportin publik. Në universitetet private tarifat janë dukshëm më të larta.