Gusto niyo bang mag-aral sa Alemanya? Kailangan ninyo ng kwalipikasyon sa mas mataas na edukasyon (“Hochschulzugangsberechtigung” o HZB). Ito ay isang sertipiko ng pagtatapos ngpag-aaral paaralan. Pinapayagan kayo nitong mag-aral sa isang unibersidad o mas mataas na paaralan sa Alemanya. Kung hindi kayo nagmula sa European Union (EU) o sa European Economic Area (EEA), kailangan rin ninyo ng bisa. Makukuha ang bisa sa embahada ng Alemanya (o konsulado) sa inyong bansa. Kailangan rin ninyo ng patunay ng mga mapagkukuhunan ng pananalapi. Kailangang ipakita na mayroon kayong sapat na pera. Kailangan rin ng segurong pangkalusugan o health insurance.

Natapos na ba ninyo ang inyong pag-aaral? May mga magagandang pagkakataon sa Alemanya ang mga propesyonal na may matataas na kwalipikasyon. Ipasalin at ipapatunayang totoo (maybe add “notarized copy”) ang mga sertipiko mula sa inyong sariling bansa. Kailangan ang ito para sa isang permisong magtrabaho. Para sa karagdagang impormasyon, tingnan ang tekstong Paghahanap ng Trabaho.

May mga iba’t ibang mga pampubliko at pribadong matataas na paaralan sa Alemanya. Gamit ang “Abitur” o ang isa pang kwalipikasyon sa mas mataas na edukasyon ay maaaring mag-aral ang isang tao sa isang unibersidad o teknikal na kolehiyo. Gamit ang bokasyonal na degree ay pwedeng mag-aral ang isang tao sa isang teknikal na kolehiyo o kumuha ng iilang mga kurso sa isang unibersidad. Mas nakatuon sa pagsasanay ang pag-aaral sa isang teknikal na kolehiyo kaysa sa isang unibersidad.

May 3 uri ng degree sa mga matataas na paaralan sa Alemanya:

• Bachelor
• Master
• Pagsusuri ng estado

Mayroong humigit-kumulang 20,000 kurso ng pag-aaral sa Alemanya. Maaari kayong mag-aral sa iba't ibang lugar. Mayroon ding mga internasyonal na kurso, hal. sa Ingles. Naghahanap ba kayo ng kurso ng pag-aaral o unibersidad? Makakatulong sa inyong paghahanap ang database sa website na "Study in Germany".

Karamihan sa mga unibersidad ay mayroong mga International Office (AAA). Dito ay nagbibigay ng payo ang mga empleyado sa pag-aaral sa Alemanya.

Mayroon ding parami nang paraming mga programa para sa dalawang kurso sa pag-aaral. Ang programa para sa dalawang kurso ay binubuo ng kurso sa unibersidad at praktikal na trabaho sa isang kumpanya. Makakatanggap rin ng suweldo mula sa kumpanya.

Para sa isang bachelor's degree course, karaniwan kailangan ang sertipiko ng pag-alis sa paaralan. Ito ang sertipiko ng pangkalahatang kwalipikasyon sa pagpasok sa mas mataas na edukasyon o ang sertipiko ng kwalipikasyon sa pagpasok sa teknikal na kolehiyo. Ang master's degree course naman ay isang higit pang mataas na degree. Maaaring kumuha ng master's degree course kung mayroon nang bachelor's degree. Ang pagsusuri ng estado naman ay kinukuha lamang sa ilang mga kurso. Kabilang dito ang: medisina, batas, parmasya, kimika ng pagkain at, sa ilang pederal na estado, pagtuturo. Dito kumukuha ang mga estudyante ng pagsusulit ng estado.

Para sa mga dayuhang degree,  magpapasya ang unibersidad kung mayroon na kayong sapat na pundasyon para sa pag-aaral. Mangyaring makipag-ugnayan sa International Office ng unibersidad. Kung hindi niyo pa alam kung saan ninyong gustong mag-aral, nagsusuri ang "uni-assist" service center sa mararaming unibersidad kung maaari kayong mag-aral sa isang unibersidad sa Alemanya gamit ang inyong mga sertipiko. May impormasyon sa www.uni-assist.de at www.anabin.de. Pero nakasalalay pa rin sa unibersidad ang huling desisyon.

Sa mga unibersidad sa Alemanya (mga unibersidad at teknikal na kolehiyo) ay dapat napakahusay  ang mga mag-aaral sa wikang Aleman. Kung hindi Aleman ang inyong sariling wika, kakailanganin ninyo ng patunay ng inyong mga kasanayan sa wikang Aleman. Sa karamihan ng mga kaso ay kailangan ninyo ang Iksamen ng Wikang Aleman para sa Pagpasok sa Unibersidad (TestDAF). Maaaring mayroon ding iba pang mga kinakailangan tulad ng isang partikular na grade point average. Sa ilang mga programa sa pag-aaral ay limitado lamang ang bilang ng mga papapasukin (numerus clausus). Mangyaring makipag-ugnayan sa unibersidad para sa mga karagdagang impormasyon.

Kung ang inyong sertipiko sa paaralan ay hindi pa sapat para sa pag-aaral sa Alemanya, kailangan muna ninyong dumalo sa isang preparatory college. Upang gawin ito ay kailangan ninyong kumuha ng entrance exam. Kailangan ninyo ng antas B1 sa wikang Aleman. Sa pagtatapos sa preparatory college ay kukuha kayo ng assessment test. Karaniwang tumatagal ang pagdadalo sa preparatory college ng dalawang semestre, ngunit kung minsan mas maikli ito. Libre ang mga aralin. Pero mayroon pa ring mga bayarin sa semestre.
​​​​​​​
Kadalasan mayroong mga takdang-panahon para sa aplikasyon para sa mga programa sa pag-aaral. Kaya kung nais ninyong mag-aral sa Alemanya, alamin ito nang maaga hangga't maaari.

Ang isang taon sa isang unibersidad sa Alemanya ay karaniwang may dalawang semestre: ang semestre sa taglamig at semestre sa tag-init. Tumatagal ng kalahating taon ang isang semestre. Sa mga ito, may humigit-kumulang 2.5 buwan ng panahon ng walang lektura o seminar sa semestre. Ang mga panahon ng walang lektura o seminar sa semestre sa tag-init ay kadalasang mas mahaba. Walang lektura o seminar sa mga panahong ito. Madalas na may iksamen ang mga estudyante. Nagsusulat din sila ng mga term paper o kumukuha ng internship. Maraming mga kurso ang nagsisimula lamang sa semestre ng taglamig.

Iba-iba ang haba ng kurso ng pag-aaral. Depende ito sa kung aling kurso ng pag-aaral ang inyong ginagawa at kung pumasa kayo sa mga pagsusulit. Karaniwang tumatagal ng 6 hanggang 8 na semestre upang makumpleto ang isang bachelor's degree. Pagkatapos ng 2 hanggang 4 na karagdagang semestre ay maaaring gawin ang master's degree. Sa pagtatapos ng pag-aaral sa isang kurso ay gagawa ng tesis. Minsan kailangan ring gumawa ng praktikal na bahagi. Karaniwang mas matagal na panahon ang kailangan bago makapasa sa isang pagsusuri ng estado, depende sa kurso ng pag-aaral.

May iba't ibang nilalaman ang isang kurso. Kadalasan mayroong mga lektura at seminar. Sa isang lektura ay kadalasang may maraming estudyante sa isang malaking kwarto. May sasabihin ang guro tungkol sa isang paksa. Nakikinig at gumagawa ng mga tala ang mga mag-aaral. Sa isang seminar naman ay karaniwang mas kaunti ang mga estudyante.  Mas interaktibo rin ang isang seminar kaysa sa isang lektura.

Ang mga bayad sa matrikula ay nakasalalay sa pederal na estado. Karaniwang libre ang mga bachelor's at master's degree course sa mga unibersidad ng estado. Karaniwang may mga bayarin ang mga mag-aaral sa bawat semestre. Ito ay mga gastos para sa pangangasiwa, unyon ng mag-aaral at tiket sa semestre. Gamit ang tiket ng semestre ay maaari kayong gumamit ng pampublikong sasakyan. Kailangang magbayad nang malaki para sa mga pribadong unibersidad.