لە موسڵ و ناوچەکانی تری ئەنبار ، وەکو شارەکانی هیت و ڕومادی و فەلوجە، کۆمەڵەیەکی مەدەنی چالاک هەیە، کە دەیانەوێت لە ڕوانگەی هونەرییەوە مامەڵە لەگەڵ پرسە ژینگەییەکان بکەن. ئەم کۆمەڵەیە هەوڵ دەدەن پرسی ژینگەیی لە چوارچێوەیەکی (کۆنتێکستی) دوای جەنگدا نمایش بکەن، لەم شوێنانەش لە فەزای گشتیدا تەنیا هێزە سەربازی و ئەمنییەکان تێیدا باڵادەستن. ئەمەش هەستێکی بوێرانەو پر ئازایەتیەکی نوێیە لە بەرپرسیارێتی بەرامبەر بە ژینگە و سروشت.
