የተለያዩ ባንኮች እና የቁጠባ ተቋማት አሉ፡፡ አንዳንዶቹ ቅርንጫፎች አሏቸው፡፡ ደንበኞችን ተቀብልው ያስተናግዳሉ። ከዚህ በተጨማሪም የቀጥታ ባንኮች አሉ፡፡ እነዚህ በበይነ መረብ ብቻ መጠቀም ይችላሉ፡፡ ለባንክ ደብተሩ ትንሽ የአገልግሎት ክፍያ መክፈል አለቦት። የባንክ ሂሳብ ብዙውን ጊዜ ለተማሪዎችና ነፃ ነው።

በባንክ ውስጥ ለሚያስቀምጡት ገንዘብ ከባንክ ወይም ከቁጠባ ባንክ ወለድ ይቀበላሉ። በተንቀሳቃሽ የባንክ ደብተር ውስጥ ላለ ገንዘብ አነስተኛ ወለድ ብቻ ያገኛሉ። ገንዘብ ለመቆጠብ ከፈለጉ ቋሚ ደብተር ወይም የቁጠባ ሂሳብ መክፈት ይችላሉ፡፡ እነዚህ የባንክ ሒሳብ ከተንቀሳቃሽ የባንክ ደብተር ይልቅ ተጨማሪ ወለድ ያስገኝሎታል፡፡

የባንክ ደብትር መክፈት ይፈልጋሉ? የተለያዩ የባንክ ደብተሮች አሉ። መደበኛ የባንክ ደብተር ተንቀሳቃሽ የባንክ ደብተር ይባላል። ለምሳሌ ትንሽ ገንዘብ ካሎት አንዳንድ ጊዜ ባንኩ የተንቀሳቃሽ የባንክ ደብተር ሊሰጥዎ አይፈልግም፡፡ ከዚያም ባንኩ መሠረታዊ የባንክ ደብተር መስጠት አለበት፡፡ በዚህ የባንክ ሂሳብ በጣም አስፈላጊ የሆኑትን ነገሮች ማድረግ ይችላሉ፣ ለምሳሌ ገንዘብ ማስተላለፍ፤ በካርድ መክፈል፤ ማስቀመጥና ገንዘብ ማውጣት ይችላሉ፡፡ ይህ አብዛኛውን ጊዜ የቁጠባ የባንክ ደብተር ነው። በባንክ ያለዎትን ገንዘብ ያህል ብቻ ማውጣት ይችላሉ።

በደብተርዎ ውስጥ ካለው ገንዘብ በላይ ማውጣት ከፈለጉ የክሬዲት ደብተር ማውጣት አለብዎት። ባንኩ የተወሰነ የገንዘብ መጠን ድረስ ያበድርዎታል። ነገር ግን ይህንን የገንዘብ መጠን ለባንኩ መመለስ ብቻ ሳይሆን ወለዱንም መክፈል አለብዎት፡፡ የወለድ ተመኖች ብዙውን ጊዜ በጣም ከፍተኛ ናቸው።

የባንክ ደብተር ለማውጥት ወደ አንዱ ቅርንጫፍ መሄድ ይችላሉ። ባንኩ ወይም ቁጠባ ባንኩ መጀመሪያ ማንነትዎን ማረጋገጥ አለበት። ስለዚህ መታወቂያዎን ወይም ፓስፖርትዎን ማሳየት አለብዎት፡፡

በብዙ ባንኮች በኦንላይን ወይም በፖስታ ቤት የሂሳብ ደብተር መክፈት ይችላሉ። ለዚህ በፖስታማንነት-አሰራርን መጠቀም ይችላሉ። ከባንክ ወይም ከቁጠባ ባንክ ወረቀቶች ይቀበላሉ። ወረቀቶቹን እና መታወቂያዎን ወይም ፓስፖርትዎን ይዘው ወደ ፖስታ ቤት ይሄዳሉ። እዚያ ማንነቶ ሊረጋገጥ ይችላል፡፡ አንዳንድ ጊዜ የባንክ ደብተር ለመክፈት የምዝገባ ወረቀት ያስፈልግዎታል።

ከባንክ ጋር በተያያዘ ብዙ ጉዳዩችን በበይነ መረብ ያደርጋሉ። ይህም የበየነ መረብ ባንኪንግ ይባላል። ወደ ቅርንጫፍ የሚሄዱት ጥቂት ሰዎች ብቻ ናቸው። ብዙ ሰዎች በሞባይል ስልካቸው ላይ መተግበሪያን ይጠቀማሉ። የባንክ ደብተር ሲከፍቱ የበየነ መረብ ባንኪንግ ወይም የቤት ውስጥ ባንኪንግ ማድረግ እንደሚፈልጉ ይናገሩ።
ይህም በፍጥነት እና በቀላሉ ገንዝብ ማስተላለፍ እንድችሉ ያድርጎታል፣ ለምሳሌ ክንፍያዎችን መፈፀም በሚያስፈልግዎ ጊዜ፣ የሚያስፈልጎ የሂሳብ ቁጥሩ መረጃ ብቻ ነው። ገንዘቡን ማን ማግኘት ያለበት? የIBAN ቁጥሩ ምንድን ነው? ለመደበኛ ገንዝብ ማስተላለፍ ፣ ለምሳሌ እንደ የቤት ኪራይ፣ በስልክዎ ቋሚ ትዕዛዝ ማድረግ ይችላሉ።

ከ2014 ጀምሮ የ SEPA ክፍያ ግብይቶች በአብዛኛዎቹ የአውሮፓ ሀገራት ይገኛሉ። በዚህ በቀላሉ በዩሮ ገንዝብ ማስተላለፍ ይችላሉ። ለዚህ IBAN እና BIC ቁጥሮች ያስፈልግዎታል። እነዚህ የቁጥሮችና ፊደሎች የተደረደሩባቸው መለያዎች ናቸው። ምሳሌ IBAN እና BIC መለያዎች በባንክ ካርድዎ ላይ ማግኘት ይችላሉ።

በመስመር ላይ መግዛት ይፈልጋሉ? ክፍያ ለመፈፀም የተለያዩ መንገዶች አሉ፡፡ ደረሰኝ ተቀብለው ክፍያውን ማስተላለፍ ይችላሉ። በካርድ ወይም በብድር ካርድ መክፈል ይችላሉ። እንደ PayPal ወይም Klarna ያሉ የክፍያ አገልግሎቶችም አሉ። በጀርመን ብዙ ሰዎች የPayPal መለያ አላቸው። በዚህ መለያ ለዘመዶቻቸው ለጓደኞቻቸውና ለሌሎች በቀላሉ ገንዘብ ማስተላለፍ ይችላሉ።

የተለያዩ የገንዘብ ካርዶች አሉ፡፡ የቁጠባ ካርድ፣ የብድር ካርድ ወይም የክፍያ ካርድ (ለምሳሌ፡ ማስተር ካርድ፣ ቪዛ)። የቁጠባ ካርድዎ ኢሲ ካርድ ይባል ነበር። ብዙ ሰዎች አሁንም ይህንን ቃል ይጠቀማሉ። የካርዶቹ የሚከፈላው በባንኮች መካከል ይለያያል፡፡ከእነዚህ ውስጥ አንዱ አብዛኛውን ጊዜ ነጻ ነው፡፡ ባንኩ ወይም ቁጠባ ባንክ ብዙውን ጊዜ ካርዱን በፖስታ ይልክልዎታል፡፡ ካርዱን መፈረም አለቦት። ከጥቂት ቀናት በኋላ ለካርድዎ የሚስጥር ቁጥር፣ የፒን ቁጥር በፖስታ ይደርሰዎታል። የሚስጥር ቁጥሩን በቃልዎ መያዝ አለቦት።

የቁጠባ ካርድዎ፣ ብድር ካርድዎን ወይም ክፍያ ካርድዎን በመጠቀም ከሁሉም የገንዘብ ማሺኖች ገንዘብ ማውጣት ይችላሉ። ይህንን ለማድረግ ሁልጊዜ የሚስጥር ቁጥር ያስፈልግዎታል፡፡ አንዳንድ ባንኮች እና ማሺኖች ክፍያ ያስከፍላሉ። ሌሎች ነጻ ናቸው፡፡ አንዳንድ ጊዜ የገበያ አዳራሽ መክፈያ ላይ ገንዘብ ማውጣት ይችላሉ።

በሱቆች እና ሬስቶራንቶች ውስጥ ቁጠባ ካርድዎ መክፈል ይችላሉ። ይህ ብዙውን ጊዜ በክፍያ ካርድ ወይም በብድር ካርድ ሊከናወን ይችላል። ያስተውሉ! በጀርመን ውስጥ በሁሉም ቦታ በካርድ መክፈል አይችሉም፡፡ አንዳንድ ጊዜ ምግብ ቤቶች፣ ካፌዎች ወይም ትናንሽ ሱቆች የሚወስዱት ጥሬ ገንዘብ ብቻ ነው።

ካርድዎ ጠፍቶቦታል ወይም ተሰርቋል? ካርዱን በተቻለ ፍጥነት ያሳግዱ። አስቸኳይ የማሳገጃ ቁጥር ላይ 116116 ይደውሉ።

አሰሪዎ ደሞዝ ይከፍልዎታል። ብዙ ጊዜ ስምምነቱ አጠቃላይ ዓመታዊ ደመወዝ ላይ ነው፡፡ ነገር ግን ወደ ሂሳብዎ የሚመጣው ገንዘብ ያ አይደለም። በሕግ ለተደነገገው የማህበራዊ ዋስትና ገንዘብ ከዛ ላይ ይቀነሷል። በተጨማሪም ከተማው የገቢ ግብርን ከደሞዝዎ ይቆርጣል። የተረፈው ገንዘብ የተጣራ ደመወዝ ነው፡፡ አሠሪዎ በየወሩ ወደ ሂሳብዎ ያስተላልፋል። ለመኖር የሚያስችል በቂ ገንዘብ እንዲኖሮ መጠንቅቅ አለብዎ። ለቤት፣ ለምግብ፣ ለመዝናኛ እና ለሌሎች ብዙ ነገሮች ገንዘብ ያስፈልግዎታል። መረጃውን በእኛ የመረጃ ጽሑፍ „የመድህን ዋስትና“ ና „የስራ ጅማሬ“ ውስጥ ያንብቡ፡፡

በጀርመን ውስጥ የግብር ግዴታ አለ፡ ይህ ማለት ሥራ የሚሠራ ሁሉ የገቢ ግብር ይከፍላል። ይህ የደመወዝ ግብር ነው። ከግብር ቢሮ የግብር ቁጥር እና ከፌዴራል ማዕከላዊ ታክስ ቢሮ የታክስ መለያ ቁጥር ያገኛሉ፡፡ ይህ ባለ 11 አሃዝ ቁጥር ነው። እንዲሁም የኤሌክትሮኒክ የገቢ ታክስ ካርድ (ELStAM) አለዎት። ይህ በቀጥታ ለአሠሪዎ የሚነገረው በግብር ቢሮ በኩል ነው።

ሠራተኛ ኖት? አሠሪዎ የገቢው ቀረጥ ወደ ታክስ ቢሮ ያስተላልፋል። እርሶ ምንም ነገር ማድረግ አይጠበቅቦትም፡፡ የግሎ መሥሪያ ቤት አልዎት? በግል ሥራ የሚተዳደሩ ሰዎችም የገቢ ግብር መክፈል አለባቸው። ይህ ትንሽ የተወሳሰበ ነው። የግል ሥራ ፈጣሪዎች ለግብር ቢሮ የቅድመ ክፍያ ይከፍላሉ፡፡ በእያንዳንዱ ዓመት አመታዊ ግብር ያሳውቃሉ። ከዚያ ተጨማሪ ገንዘብ መክፈል ይኖርባቸዋል ወይም ገንዘብ ተመላሽ ይደረግላቸዋል፡፡

የገቢ ግብር መጠን በደመወዙ ላይ የተመሰረተ ነው፡፡ ብዙ የሚያገኙ ሰዎች የበለጠ ይከፍላሉ፡፡ አነስተኛ ደሞዝ የሚያገኙት ደግሞ የሚከፍሉት ያነሰ ነው። የግብር መደብ ለዚህ አስፈላጊ ነው፡፡ ለምሳሌ ያገቡ ወይም ልጆች ያላቸው አነስተኛ ግብር ይከፍላሉ።

የቤተ ክርስቲያን አባል ከሆኑ የቤተክርስቲያን ግብር ይከፍላሉ። ኩባንያዎች ለከተማው ወይም ለማዘጋጃ ቤቱ የንግድ ግብር ይከፍላሉ፡

ተቀጣሪዎችም በየአመቱ የገቢ ግብር ያሳውቃሉ፡፡ ይህም ማለት ምን ያህል ገንዘብ እንዳገኙ ለግብር ቢሮ ያሳውቃሉ። ምን አይነት ወጪዎች እንደነበሮትም ያሳውቃሉ። ብዙውን ጊዜ ሰራተኞች ግብር ካሳወቁ በኋላ ከግብር ቢሮ ተመላሽ ገንዘብ ያገኛሉ፡፡ ግብሮን ለምሳሌ ከግብር ቢሮ በ ELSTER መግቢያ ላይ በራስዎ ማሳወቅ ይችላሉ፡፡ ከግብር አማካሪ እርዳታ ማግኘት ይችላሉ። አማካሪ ግን ይህ ገንዘብ ያስከፍላል፡፡

በጀርመን ውስጥ ብዙ የተለያዩ የመድህን ዋስትና አይነቶች አሉ። አንዳንዶቹ ለእርስዎ በጣም የሚያስፈልጎ ሲሆኑ ሌሎች ደግሞ በእርሶ ምርጫ የሚወሰኑ ናቸው፡፡ አንደኛው እና ዋነንኛው የጡረታ ዋስትና ነው። በእርጅና ጊዜዎ በቂ ገንዘብ እንዲኖርዎት በሕግ የተደነገገ የጡረታ አበል አለ። ነገር ግን ብዙውን ጊዜ በቂ አይደለም፡፡ የግል የጡረታ መድህን አብዛኛውን የተሻለ ተጨማሪ ነው፡፡ ስለዚህ ጉዳይ በእኛ የመረጃ ጽሑፍ „የመደህን ዋስትና“ ውስጥ የበለጠ ያንብቡ፡፡

ከገንዘብ አያያዝዎ ጋር የተያያዙ አስፈላጊ ሰነዶችን ልክ ከማንነትዎ ጋር የሚዛመዱ ሰነዶች፣ ለምሳሌ የማህበራዊ ዋስትና ካርድዎ ወይም ፓስፖርትዎ ያስቀምጡ፡፡ ይህ እንደ የልደት የምስክር ወረቀት ወይም የጋብቻ የምስክር ወረቀቶች ባሉ የግል ሰነዶች ላይም ይሠራል። እንዲሁም የት/ቤት እና የስራ ልምዶትንም ደህንነቱ በተጠበቀ ቦታ ማስቀመጥ አለቦት።