ဘာကြောင့် BIBTOGO ကိုအသုံးပြုသင့်ပါသလဲ။
ကလစ်တစ်ချက်နှိပ်ရုံဖြင့်ရရှိနိုင်မည့်စာကြည့်တိုက်၀န်ဆောင်မှုများ
BibToGo သည် Goethe-Institut ၏ စာကြည့်တိုက်၀န်ဆောင်မှုအမျိုးမျိုးကိုတစုတစည်းတည်းပေါင်းစည်းထားသော Application ဖြစ်ပါတယ်။ ယခု သင်သည် ဤ၀န်ဆောင်မှုများကို သင်၏လက်ထဲမှာကလစ်တစ်ချက်နှိပ်ရုံဖြင့် အလွယ်တကူရရှိနိုင်ပါပြီ။
အကျိုးကျေးဇူးများ
ကျွန်ုပ်တို့စာကြည့်တိုက်တွင် သင်ပုံမှန်ပြုလုပ်နေသည့်အရာအချို့ကို ယခုဆိုလျှင် BibToGo ဖြင့်လုပ်ဆောင်နိုင်ပါပြီ။ အချိန်ကုန်သက်သာစေပြီး၊ အချိန်တိုင်း နေရာတိုင်း 24/7 အသုံးပြုနိုင်မှာဖြစ်ပါတယ်။
ပိုမိုကောင်းမွန်သောပတ်၀န်းကျင်စိမ်းလန်းမှုဆီသို့
BibToGo ကိုအသုံးပြုခြင်းဖြင့်၊ နေရာတိုင်း သင်နဲ့အတူယူဆောင်သွားနိုင်မယ့်ဒစ်ဂျစ်တယ်စာကြည့်တိုက်ကတ်ကို ရရှိနိုင်မှာ ဖြစ်ပါတယ်။ ပလတ်စတစ်အသင်း၀င်ကတ်ကိုအသုံးပြုရန်မလိုတော့သည့်အတွက် သဘာ၀ပတ်၀န်းကျင်အတွက်ပလတ်စတစ်လျှော့ချသည့်နေရာတွင် အထောက်အကူဖြစ်စေပါတယ်။
ယခုပဲ BIBTOGO ကိုဒေါင်းလုပ်ဒ်ဆွဲလိုက်ပါ!
BIBTOGO ရဲ့လုပ်ငန်းဆောင်တာတွေကဘာတွေဖြစ်မလဲ။
© Goethe-Institut Indonesien
ဒစ်ဂျစ်တယ်အသင်း၀င်ကတ်ပြား
BibToGo တွင်ထည့်သွင်းထားသောကိုယ်ပိုင်ဒစ်ဂျစ်တယ်စာကြည့်တိုက်အသင်း၀င်ကတ်ကို သင်ရရှိနိုင်မှာဖြစ်ပါတယ်။ ဤဒစ်ဂျစ်တယ်ကတ်ဖြင့် စာကြည့်တိုက်ရှိမီဒီယာများကိုငှားရမ်းနိုင်ပါတယ်။ သင်သည် offline ဖြစ်နေသော်လည်းပဲ ငှားရမ်းခြင်းကိုလုပ်ဆောင်နိုင်ပါတယ်။
© Goethe-Institut Indonesien
ကိုယ်ပိုင်အကောင့်
BibToGo ဖြင့် သင်၏ကိုယ်ပိုင်စာကြည့်တိုက်အကောင့်ကို အလွယ်တကူ၀င်ရောက်နိုင်မှာဖြစ်ပြီး၊ မိမိငှားရမ်းထားသည့်မီဒီယာများကိုကြည့်ရှုနိုင်ခြင်း၊ ငှားရမ်းခွင့်ကာလကိုသက်တမ်းတိုးနိုင်ခြင်း၊ မိမိငှားရမ်းလိုသည့်မီဒီယာများကိုကြိုတင်မှာယူနိုင်ခြင်းတို့ကိုပြုလုပ်နိုင်ပါတယ်။
© Goethe-Institut Indonesien
ငှားရမ်းဖတ်ရှုနိုင်မည့်မီဒီယာအကြံပြုချက်များ
ကျွန်ုပ်တို့စာကြည့်တိုက်မှစာရင်းပြုစုပေးထားတဲ့မီဒီယာများကို ၀င်ရောက်ကြည့်ရှုလိုပါသလား။ BibToGo မှတဆင့် ကျွန်ုပ်တို့၏စာကြည့်တိုက်ကတ်တလောက်သို့ လွယ်ကူစွာ၀င်ရောက်နိုင်ပါတယ်။ စာရင်းပြုစုပေးထားသောမီဒီယာများကလည်း သင်၏ငှားရမ်းမှုအတွက် ရွေးချယ်ဖို့အကူအညီပေးနိုင်ပါတယ်။
© Goethe-Institut Indonesien
ဒစ်ဂျစ်တယ်မီဒီယာ (“ONLEIHE”)
ဂျာမန်ဘာသာစကားနှင့်ရေးသားထားသောမီဒီယာပေါင်းသုံးသောင်းငါးထောင်ကျော်ရှိသည့် E-Book များ၊ နားထောင်နိုင်သည့် Audio စာအုပ်များ၊ ရုပ်ရှင်များ၊ ဂျာမန်ဘာသာစကားသင်ကြားသူများအတွက်လေ့ကျင့်ခန်းစာအုပ်များ၊ မဂ္ဂဇင်းများနှင့်သတင်းစာများကို BibToGo မှတဆင့်ဒေါင်းလုပ်ဒ်ဆွဲယူဖတ်ရှုနိုင်ရန် အဆင်သင့်ထားရှိထားပါတယ်။ ကြော်ငြာများမပါ၀င်ဘဲ၊ အချိန်တိုင်း နေရာတိုင်းမှာ အခမဲ့အသုံးပြုနိုင်ပါတယ်။
© Goethe-Institut Indonesien
QR code အားအသုံးပြုနိုင်ခြင်း
ကျွန်ုပ်တို့စာကြည့်တိုက်စုဆောင်းမှုများမှ ဘယ်လိုထပ်မံပြီးအကျိုးရှိရှိအသုံးပြုလို့ရသလဲဆိုတာကိုသိရှိလိုပါသလား။ သင်စာကြည့်တိုက်တွင်ရှိနေစဉ်အတွင်း QR code reader ကိုအသုံးပြုပြီး အခြားသတင်းအချက်အလက်များကိုရယူလိုက်ပါ။
© Goethe-Institut Indonesien
စာကြည့်တိုက်သို့ဆက်သွယ်မေးမြန်းရန်
စာကြည့်တိုက်နှင့်ပတ်သက်ပြီးအကူအညီလိုပါက (သို့မဟုတ်) မေးမြန်းလိုပါက BibToGo မှတဆင့် ကျွန်ုပ်တို့စာကြည့်တိုက်ကိုဆက်သွယ်လိုက်ပါ။
ဘာတွေလုပ်ဖို့လိုအပ်ပါသလဲ။
အဆင့် (၁)။ ။BibToGo App ကို PlayStore (သို့မဟုတ်) App Store မှတဆင့် သင်၏ဖုန်းတွင်ဒေါင်းလုပ်ဒ်ဆွဲပါ။
အဆင့် (၂)။ ။သင်၏ Mein Goethe.de အကောင့်ဖြင့် log in ၀င်ပါ။
အဆင့် (၃)။ ။သင်စာကြည့်တိုက်သို့လာရောက်သည့်အခါ ကျွန်ုပ်တို့၏စာကြည့်တိုက်ကောင်တာတွင် App ကိုစတင် အသုံးပြုနိုင်ရန် (Activate) လုပ်ပါ။
BibToGo နှင့်ပတ်သက်ပြီးအခက်အခဲတစ်စုံတစ်ရာရှိပါက (သို့မဟုတ်) မေးခွန်းများရှိပါက ဤစာမျက်နှာပေါ်တွင်ရှိသောအမေးများသည့်မေးခွန်းများကိုကြည့်ရှုခြင်းဖြင့်သော်လည်းကောင်း (သို့မဟုတ်) ကျွန်ုပ်တို့၏လျှောက်လွှာကိုဖြည့်စွက်ခြင်းဖြင့်သော်လည်းကောင်းဆက်သွယ်လိုက်ပါ။
အမေးများလေ့ရှိသောမေးခွန်းများ
ကျွန်ုပ်တို့၏ App ကို BibToGo အမည်အောက်တွင်ရှာ၍မတွေ့ပါက Goethe-Institut ကိုရှာဖွေပါ။ သင်ထပ်မံ၍မတွေ့ရှိသေးပါက BibToGo သည် Goethe-Institut စာကြည့်တိုက်များမှ ဤဝန်ဆောင်မှုကိုကမ်းလှမ်းသောနိုင်ငံများတွင်သာရနိုင်သည်ကိုသတိပြုပေးပါ။ ထိုနိုင်ငံ၏ App store ကိုသင်အသုံးပြုရမှာဖြစ်ပါတယ်။ မသေချာပါက ကျွန်ုပ်တို့၏လျှောက်လွှာကိုဖြည့်စွက်ပြီး ကျွန်ုပ်တို့နဲ့ဆက်သွယ်လိုက်ပါ။
မဟုတ်ပါ။ "Mein Goethe.de" သည် Goethe-Institut ၏ဒစ်ဂျစ်တယ်ကမ်းလှမ်းမှုအားလုံးကိုရယူရန်သင်အသုံးပြုရသောအဓိက login ဖြစ်ပါတယ်။ Mein Goethe.de ဖြင့် BibToGo ကိုလည်း၀င်ရောက်နိုင်ပါတယ်။ Mein Goethe.de အတွက် အကောင့်မရှိသေးပါက App စတင်အသုံးပြုသည့်အခါအကောင့်ဖွင့်နိုင်ပါတယ်။
အကယ်၍သင်၏စကားဝှက် (Password) မေ့သွားခဲ့ပါက၊ BibToGo login စာမျက်နှာတွင် စကားဝှက် (Password) ကို အသစ်ပြန်လည်သတ်မှတ်နိုင်ပါတယ်။ Mein Goethe.de အကောင့်မရှိသေးပါက၊ BibToGo login စာမျက်နှာတွင်စာရင်းပေးသွင်းလိုက်ပါ။
စာကြည့်တိုက်အသင်း၀င်ဖြစ်ဖို့အတွက် BibToGo ရှိ “My Library Card” အောက်တွင်စာရင်းပေးသွင်းနိုင်ပါတယ် (သို့မဟုတ်)
အွန်လိုင်း မှတဆင့်လည်းစာရင်းပေးသွင်းနိုင်ပါတယ်။ စာကြည့်တိုက်အသင်း၀င်မှုနှင့်ပတ်သက်သောအထွေထွေသတင်းအချက်အလက်များကို ကျွန်ုပ်တို့၏
Websiteတွင်တွေ့ရှိနိုင်ပါတယ်။
သင်သည် App ကိုထည့်သွင်း (install) ပြီးပါက၊ App ၏လုပ်ဆောင်ချက်များနှင့်ကိုယ်ပိုင်အချက်အလက်များကို activate လုပ်ရန် စာကြည့်တိုက်မှ၀န်ထမ်းများနှင့်ကိုယ်တိုင်လာရောက်စစ်ဆေးလုပ်ဆောင်ရပါမယ်။ သင်စာကြည့်တိုက်သို့လာရောက်သည့်အခါ ထိုလုပ်ဆောင်ချက်ကိုတစ်ကြိမ်တစ်ခါသာလုပ်ဆောင်ရမှာဖြစ်ပြီး၊ လုပ်ဆောင်ချိန်မှာမိနစ်အနည်းငယ်မျှသာကြာမြင့်မှာဖြစ်ပါတယ်။
ဖုန်းတွင် App ကို ထည့်သွင်း (install) ပြီးနောက်၊ App ၏လုပ်ဆောင်ချက်များအားလုံးကိုအပြည့်အ၀အသုံးပြုမှုရရှိစေရန် ကျွန်ုပ်တို့၏စာကြည့်တိုက်ကောင်တာသို့လာရောက်ပေးပါရန်။
ပထမဦးဆုံး App ကို activate လုပ်ဖို့လိုအပ်ပါတယ်။ ထို့နောက် “My Account” menu ကိုသွားပြီး၊ “Checked out” column ရှိ “Renew” section ကိုရှာပါ။ သင်သက်တမ်းတိုးချင်သည့်မီဒီယာများကိုစစ်ဆေးပါ။ ထို့နောက် “renew selected” ကိုနှိပ်ပါ (သို့မဟုတ်) သင်ငှားရမ်းထားသည့်မီဒီယာများအားလုံးကိုသက်တမ်းတိုးချင်ပါက “renew all” ကိုနှိပ်ပါ။ ငှားရမ်းခွင့်ကာလသက်တမ်းတိုးခြင်းနှင့်ပတ်သက်၍ စာကြည့်တိုက်၏စည်းမျဥ်းစည်းကမ်းများကိုလည်းဖတ်ရှုပေးပါ။
သင်သည် offline ဖြစ်နေသော်လည်း သင်၏ဒစ်ဂျစ်တယ်စာကြည့်တိုက်အသင်း၀င်ကတ်ကိုအသုံးပြုနိုင်ပါတယ်။ ထိုသို့ပြုလုပ်နိုင်ရန် App ကိုဖွင့်ပါ။ ထို့နောက် အနီရောင်ဘားအောက်တွင်ရှိသော “Library Card” icon ကိုနှိပ်ပါ။ သင်၏ဒစ်ဂျစ်တယ်စာကြည့်တိုက်ကတ်ပွင့်လာပြီးနောက် စာကြည့်တိုက်မှမီဒီယာများကိုငှားရမ်းနိုင်ပါပြီ။
စိတ်မကောင်းစွာဖြင့်အသုံးပြုလို့မရနိုင်ပါ။ မိမိအသင်း၀င်ထားသောစာကြည့်တိုက်တွင်သာ မီဒီယာများကိုငှားရမ်းနိုင်ပါတယ်။ အခြားသောနိုင်ငံရှိ Goethe-Institut မှမီဒီယာများကိုငှားရမ်းလိုပါက၊ ကျေးဇူးပြု၍ထိုစာကြည့်တိုက်၏ဒေသခံ၀န်ထမ်းများကိုဆက်သွယ်မေးမြန်းပါ။
BibToGo App ထဲတွင်ထည့်သွင်းထားသော Onleihe မှတဆင့် E-book နှင့် အခြားသောဒစ်ဂျစ်တယ်မီဒီယာများကို သင်ဖတ်ရှုနိုင်ပါတယ်။ လိုအပ်ပါက BibToGo မှလမ်းညွှန်ချက်က Onleihe ကိုစတင်အသုံးပြုနိုင်ရန်ဘယ်လိုလုပ်ဆောင်ရမလဲဆိုတာကိုပြသပေးမှာဖြစ်ပါတယ်။ ညွှန်ကြားချက်များအတိုင်းလုပ်ဆောင်ပေးပါ။
မရနိုင်ပါ။ လက်တလောတွင် BibToGo ကို Smartphone များတွင်သာအသုံးပြုနိုင်ပါသည်။
