ဂျာမနီနိုင်ငံ၏ပညာရေးစနစ်သည် ကမ္ဘာ့အကောင်းဆုံးပညာရေးစနစ်များထဲတွင်တစ်ခုအပါအဝင်ဖြစ်သည်။ ဂျာမနီရှိတက္ကသိုလ်ပေါင်း (၃၅၀) ခန့်မှဘွဲ့များကိုနိုင်ငံတကာမှအသိအမှတ်ပြုထားပါသည်။
ပုံမှန်အားဖြင့်ကျောင်းလခပေးရန်မလိုပါ။ လူငယ်များအတွက် ဂျာမနီနိုင်ငံမှအခမဲ့ပညာသင်စနစ်ကိုကမ်းလှမ်းထားခြင်းဖြစ်သည်။ အရည်အချင်းကောင်းမွန်ပြည့်မီသော နိုင်ငံတကာကျောင်းသူ၊ ကျောင်းသားများအနေနှင့်လည်း ဤထောက်ပံ့မှုကိုခံစားခွင့်ရှိသောကြောင့် ကျောင်းလခပေးရန်မလိုပါ။ အချို့သောပုဂ္ဂလိကတက္ကသိုလ်များ (တက္ကသိုလ်အားလုံးပေါင်းအရေအတွက်၏ (၁၀) ရာခိုင်နှုန်းခန့်သာ) တွင်သာကျောင်းလခပေးဆောင်ရပါသည်။

မြန်မာနိုင်ငံတွင် အခြေခံပညာကျောင်း (၁၁) နှစ် သို့မဟုတ် (၁၂) နှစ် (စနစ်သစ်) နှင့်အသိအမှတ်ပြုတက္ကသိုလ်တက်ရောက်ပြီး (၂) နှစ်အကြာတွင် ဂျာမနီနိုင်ငံတွင် တက္ကသိုလ်ဝင်ခွင့်သင်တန်း Studienkolleg လျှောက်ထားနိုင်ပါသည်။ ဤတွင် တောင်းဆိုထားသည့်အချက်တစ်ခုမှာ တက္ကသိုလ်စတက်ချိန်တွင် သတ်မှတ်ထားသည့်ဂျာမန်ဘာသာစကားအရည်အချင်းအောင်လက်မှတ်ကို ပြသနိုင်ရပါမည်။

မြန်မာနိုင်ငံရှိ အသိအမှတ်ပြုတက္ကသိုလ်တစ်ခုခုမှဘွဲ့ရထားပြီးသားသူများအနေဖြင့် ဂျာမနီနိုင်ငံတက္ကသိုလ်တစ်ခုခုတွင်ပညာသင်ကြားရန်တိုက်ရိုက်လျှောက်ထားနိုင်ပါသည်။ ကျေးဇူးပြု၍ သင်၏ဘွဲ့သည် တိုက်ရိုက်ဝင်ခွင့်ရရန် အရည်အချင်းပြည့်မီခြင်းရှိမရှိ စုံစမ်းမေးမြန်းပါ။ ဂျာမန်ဘာသာစကားတတ်ကျွမ်းမှုအထောက်အထားလိုအပ်ချက်များကို ပြသရန်လည်း လိုအပ်နိုင်ပါသည်။

SAT၊ GED၊ IGCSE၊ မြန်မာတက္ကသိုလ်ဝင်တန်းစာမေးပွဲနှင့် IELTS များသည် တရားဝင်တက္ကသိုလ်ဝင်ခွင့်အရည်အချင်းစစ်မဟုတ်ပါ၊ သင်၏အင်္ဂလိပ်စာအဆင့်ကိုသက်သေပြရန်လိုအပ်ပါက IELTS သည်အထောက်အကူဖြစ်နိုင်ပါသည်။

ပိုမိုသိရှိရန် ဤနေရာတွင် ကြည့်ရှုပါ-

GCE ကို တိုက်ရိုက်ဘာသာရပ်ကန့်သတ်ထားသော တက္ကသိုလ်ဝင်ခွင့်အရည်အချင်းအဖြစ် အချို့သောအခြေအနေများအောက်တွင် ဂျာမနီနိုင်ငံက လက်ခံပါသည်။ ဤအခြေအနေများကို "ယူနိုက်တက်ကင်းဒမ်း၏အကဲဖြတ်ရေးအဆိုပြုချက်" (ဂျာမန်ဘာသာဖြင့်) တွင် သတ်မှတ်ထားပြီး ဂျာမနီနိုင်ငံ နိုင်ငံခြားပညာရေးဗဟိုရုံး၏ဒေတာဘေ့စ်ဖြစ်သည့် anabin ဒေတာဘေ့စ်တွင် တွေ့ရှိနိုင်ပါသည်။ ဂရိတ်ဗြိတိန်ရှိ စာမေးပွဲများကို စီမံခန့်ခွဲသည့် အသိအမှတ်ပြု အဖွဲ့အစည်းများမှ အသိအမှတ်ပြု လက်မှတ်များ ("ဆုပေးသည့် အဖွဲ့များ") ကို ပြန်လည်သုံးသပ်ရန်အတွက် အသိအမှတ်ပြုအာဏာပိုင်များထံ အမြဲတမ်းတင်ပြရမည်ဖြစ်သည်။ သက်ဆိုင်ရာကျောင်းများမှအောင်လက်မှတ်များ မလုံလောက်ပါ။ လက်ရှိတွင် ဆုချီးမြှင့်သည့်အဖွဲ့များတွင် အောက်ပါတို့ပါဝင်သည်- 
 

• AQA၊
• Cambridge Assessment International Education (ယခင် Cambridge International Examinations)၊
• CCEA၊
• LRN (Learning Resource Network)၊
• OCR၊
• Oxford AQA၊
• Pearson (ယခင် Edexcel)၊
• WJEC နှင့် လျော်ညီစွာ WJEC Eduqas .

ဤနေရာတွင် ဂရုတစိုက်ဖတ်ပါ-

ဂျာမန်ဘာသာစကားကိုနိုင်ငံခြားဘာသာစကားအဖြစ်လေ့လာသင်ယူရာတွင် အဆင့်ခြောက်ဆင့်ရှိပါသည်။ A1, A2, B1, B2, C1 နှင့် C2 တို့ဖြစ်ပါသည်။ ဂျာမနီရှိတက္ကသိုလ်များက တက္ကသိုလ်ဝင်ခွင့်အတွက် C1 စာမေးပွဲအောင်လက်မှတ်ကို တောင်းခံလေ့ရှိပါသည်။ 

Studienkolleg ဝင်ခွင့်အတွက်မူ B1 စာမေးပွဲအောင်လက်မှတ်လိုအပ်ပါသည်။ အချို့သော Studienkolleg များသည်  B2 ကိုတောင်းဆိုပါသည်။ B2 အဆင့်သည် ဂျာမနီနိုင်ငံတွင်ပညာသင်ကြားခွင့်ဗီဇာရရန်အတွက် အနည်းဆုံးရှိရမည့် ဘာသာစကားအဆင့်လိုအပ်ချက်လည်းဖြစ်ပါသည်။ ဂျာမနီနိုင်ငံသို့ရောက်ပြီးနောက် တက္ကသိုလ်တွင်ဖြစ်စေ၊ Goethe-Institut တွင်ဖြစ်စေ C1 စာမေးပွဲဖြေဆိုရန်ပြင်ဆင်နိုင်ပါသည်။

သို့သော် Goethe-Institut အနေနှင့် ကျောင်းသား၊ ကျောင်းသူများကို မြန်မာနိုင်ငံတွင်ရှိနေစဥ်ကတည်းကပင် B2 စာမေးပွဲဖြေဆိုသွားရန်အကြံပြုချင်ပါသည်။ ဤနည်းအားဖြင့် ဂျာမနီနိုင်ငံတွင်တွေ့ကြုံရမည့်နေ့စဥ်လူနေမှုဘဝအသစ်တွင်လွယ်ကူချောမွေ့စေပြီး မြန်မာနိုင်ငံရှိသင်တန်းများသည် ဂျာမနီနိုင်ငံရှိသင်တန်းများနှင့်နှိုင်းယှဥ်လျှင် စျေးနှုန်းလည်းပို၍ချိုသာသောကြောင့်ဖြစ်ပါသည်။ B2 စာမေးပွဲဖြေဆိုအောင်မြင်ပြီးနောက် C1 စာမေးပွဲဖြေဆိုရာတွင် အခက်အခဲကြီးကြီးမားမားမရှိတော့ပါ။

အကယ်၍ မိမိသင်ယူမည့်တက္ကသိုလ်ဘာသာရပ်သည် အင်္ဂလိပ်ဘာသာဖြင့်သင်ယူရမည်ဖြစ်ပါက TOEFL-Test (သို့မဟုတ်) IELTS စာမေးပွဲကိုဖြေဆိုအောင်မြင်ထားရမည်ဖြစ်ပါသည်။

ဂျာမနီနိုင်ငံတွင်နေထိုင်ပါက ကုန်ကျစရိတ်တစ်လလျှင် ခန့်မှန်းခြေ ယူရို (၉၅၀) မှ (၁၀၀၀) ခန့်ရှိပြီး အခြားသောနိုင်ငံကြီးများ၏ကုန်ကျစရိတ်များနှင့်နှိုင်းယှဥ်လျှင် နည်းပါးပါသည်။

ကျောင်းသားဗီဇာရှိသောနိုင်ငံတကာကျောင်းသူ၊ ကျောင်းသားများအနေနှင့် ဂျာမနီတွင်တစ်နှစ်လျှင် ရက်ပေါင်း (၁၄၀) အချိန်ပြည့် (သို့မဟုတ်) ရက်ပေါင်း (၂၈၀) အချိန်ပိုင်းအလုပ်လုပ်နိုင်ပါသည်။ အနည်းဆုံးလုပ်ခလစာငွေဖြစ်သည့် ယူရို (၅၂၀) ခန့်ရရှိသည့်အလုပ်ကိုလုပ်သော ကျောင်းသူ၊ ကျောင်းသားများသည် တစ်နှစ်ပတ်လုံးအလုပ်လုပ်နိုင်ပါသည်။

ထို့အပြင် တက္ကသိုလ်တွင် (သို့မဟုတ်) အခြားသောနိုင်ငံရေး၊ ဘာသာရေးစသည့်အဖွဲ့အစည်းများတွင် ပညာတော်သင်ဆုလည်းလျှောက်ထားနိုင်ပါသည်။ သို့သော် ထိုကဲ့သို့ပညာတော်သင်ဆုအစီအစဥ်များအလွန်နည်းပါးပါသည်။

မိမိတက်ရောက်လိုသည့်တက္ကသိုလ်တွင်တိုက်ရိုက်လျှောက်ထားနိုင်ပါသည်။ သို့မဟုတ် တက္ကသိုလ်ပေါင်း (၁၇၀) ခုသည် ကျောင်းလျှောက်ခြင်းကိစ္စအတွက် Uni-Assist နှင့်ချိတ်ဆက်ထားသောကြောင့် ၎င်းမှတစ်ဆင့်လည်းလျှောက်ထားနိုင်ပါသည်။ ဤတက္ကသိုလ်များတွင်လျှောက်ထားလိုသည်ဆိုပါက www.uni-assist.de မှတစ်ဆင့်လျှောက်ထားနိုင်ပါသည်။ www.uni-assist.de မှတစ်ဆင့်လျှောက်ထားနိုင်ပါသည်။

ကျောင်းသားဗီဇာလျှောက်ထားလိုပါက ရန်ကုန်မြို့ရှိဂျာမနီနိုင်ငံသံရုံးတွင် အောက်ပါစာရွက်စာတမ်းများကိုတင်ပြ၍လျှောက်ထားနိုင်ပါသည်။

• ဂျာမနီနိုင်ငံရှိတက္ကသိုလ်တစ်ခုမှကျောင်းခေါ်စာ
• ဂျာမနီနိုင်ငံတွင်တစ်နှစ်စာနေထိုင်စရိတ်ရှိကြောင်းအထောက်အထားပြသသည့်အနေဖြင့် အနည်းဆုံး (၁၁၂၀၈) ယူရို (ဤသည်မှာဂျာမနီတွင်တစ်နှစ်နေထိုင်စရိတ်ဖြစ်သည်။) ကိုတင်ပြခြင်း (သို့မဟုတ်) ပညာတော်သင်ဆုရရှိထားကြောင်းအတည်ပြုလွှာကိုတင်ပြခြင်း
• ဂျာမန်ဘာသာစကားကျွမ်းကျင်မှုအထောက်အထား၊ Studienkolleg မတက်ထားပါက အနည်းဆုံး B2 အဆင့်အထိလိုအပ်ပါသည်။
• ဂျာမနီနိုင်ငံမှကျောင်းသားများအတွက်ကျန်းမာရေးအာမခံ

ဘွဲ့ရပြီးနောက်အလုပ်သင်ဆင်းနိုင်မည့်အလုပ်နေရာတစ်ခုရှာရန် အချိန်တစ်နှစ်ခွဲရရှိပါမည်။ ဂျာမနီတွင်အလုပ်တစ်ခုရပြီဆိုပါက အလုပ်လုပ်ကိုင်ခွင့်ပါမစ်လည်းပါဝင်သည့်ဂျာမနီတွင်နေထိုင်ခွင့် ခွင့်ပြုချက်ကိုရရှိမည်ဖြစ်ပါသည်။  နေထိုင်ခွင့်အသစ်‌လျှောက်ရန်အတွက် နိုင်ငံမှထွက်ခွာရန်မလိုအပ်ပါ။