စီမံကိန်းများ

Goethe-Institut မှ ဂျာမနီနှင့် မြန်မာနိုင်ငံကြား ယဥ်ကျေးမှုဖလှယ်ရေးအစီအစဥ်များကို အားပေးမြှင့်တင်ပေးပါသည်။ ရုပ်ရှင်ပွဲတော်များ၊ ပြပွဲများ၊ ဂီတပွဲများ၊ နှီးနှောဖလှယ်ပွဲများနှင့် အနုပညာဆိုင်ရာဖန်တီးထုတ်လုပ်မှုများကို လက်ခံကျင်းပပေးသော၊ အနုပညာဖန်တီးမှုများကို မြှင့်တင်ပေးသောပွဲတော်များကိုလည်း ပူးပေါင်းဆောင်ရွက်လျက်ရှိပါသည်။

Projects

Academy of Care

Academy of Care သည် ၂၀၂၂ ခုနှစ်က စတင်ခဲ့သော ထင်ဟပ်မျှဝေတွဲလက်တွေအစီအစဉ် (Program of Care) မှဖြစ်ပေါ်လာပါသည်။ ကမ္ဘာ့စိတ်ကျန်းမာရေးနေ့ နောက်ပိုင်း၌ Academy of Care ကို မိတ်ဆက်ပေးရ၍ ဝမ်းသာပီတိဖြစ်ရပါသည်။ Academy of Care သည် နည်းပြဆရာကို လေ့ကျင့်သင်ကြားပေးသည့် စွမ်းရည်တည်ဆောက်မှု အစီအစဉ်သစ်တစ်ရပ်ဖြစ်ပြီး၊ တီထွင်ဖန်တီးမှုပါသောဖော်ထုတ်တင်ပြမှုပုံစံတို့မှနေ၍ တစ်ဦးချင်းတစ်ယောက်ချင်းစီတိုင်းကို စွမ်းရည်မြှင့်တင်ပေးလျှက်၊ နောင်လာမည့် နှစ်နှစ်တာကာလအတွင်း စိတ်ကျန်းမာရေးကိစ္စရပ်များ၊ စိတ်ဒဏ်ရာကိစ္စရပ်များကို လုပ်ကိုင်ဆောင်ရွက်တတ်စေရန်အတွက် ရည်ရွယ်ထားခြင်းဖြစ်ပါသည်။

Collaboration with Myanmar Photo Archive

စီမံကိန်းပူးပေါင်းဆောင်ရွက်မှု
Myanmar Photo Archive

Myanmar Photo Archive နှင့် Goethe-Institut Myanmar တို့သည် မြန်မာ့ဓာတ်ပုံသမိုင်းကြောင်းကို ပိုမိုကျယ်ပြန့်စွာသိရှိစေနိုင်မည့် စီမံကိန်းကိုပူးပေါင်းဆောင်ရွက်မည်အကြောင်း ၀မ်းမြောက်စွာကြေညာအပ်ပါသည်။ Goethe-Institut Myanmar ၏နှစ်နှစ်တာအထူးထောက်ပံ့ကူညီမှုဖြင့် Myanmar Photo Archive သည်တဖန်အသက်ဝင်လာပြီဖြစ်ပြီး မြန်မ့သမိုင်းကြောင်းဆိုင်ရာ ဓာတ်ပုံမော်ကွန်းအားပိုမိုကျယ်ပြန့်လာစေနိုင်မည့်စီမံကိန်းတစ်ခုကို ဆောင်ရွက်ရန်ရှိပါသည်။

"Talking Types" - ဆုံရပ်

ဖောင့် ဒီဇိုင်နာများနှင့် ဖောင့် ဒီဇိုင်းကို စိတ်ဝင်စားသူများ တွေ့ဆုံကြသည့်နေရာတစ်ခု၊Type Design၊Typography နဲ့ ပက်သက်သမျှတွေကို ဆွေးနွေးကြမယ့် ဆုံရပ်တစ်ခုဖြစ်တဲ့“Talking Types” နဲ့ မိတ်ဆက်ပေးချင်ပါတယ်။ လူကြိုက်များတဲ့ မြန်မာဖောင့်များစွာကို ဖန်တီးနေပြီး၊ ဖောင့်၊ Type design နှင့် ဖေစ့်ဘွတ်တွင် ဆွေးနွေးမျှဝေလေ့ရှိတဲ့ မြန်မာဖောင့်ဒီဇိုင်နာများ ဦးဆောင်ပါဝင်ပါတယ်။ ဆုံရပ်ကို လစဥ် ဒုတိယပတ် စနေနေ့မှာ ပြုလုပ်သွားမှာ ဖြစ်ပါတယ်။

ယခင်ပရော့ဂျက်များ

Open Call
Expanded Curatorial Practice & Exhibition Making Training

Goethe-Institut မြန်မာမှ အနုပညာပြပွဲစီမံခန့်ခွဲမှုဆိုင်ရာအလေ့အကျင့်ကိုချဲ့ထွင်နိုင်ရန် သင်တန်းတစ်ရပ်ကို စီစဉ်ပို့ချသွားမည်ဖြစ်ပါသည်။ မြန်မာနိုင်ငံ၏အနုပညာအခင်းအကျင်းတွင် ပြပွဲစီမံခန့်ခွဲမှုဆိုင်ရာပညာရှင်များ တိုးပွားလာစေရန်ရည်ရွယ်၍ ယခုသင်တန်းအစီအစဉ်ကို စတင်ခဲ့ခြင်းဖြစ်ပြီး ရန်ကုန်မြို့တွင်းသာမက အမြို့မြို့ အနယ်နယ်မှစိတ်ပါ၀င်စားသူ မည်သူမဆို လျှောက်ထားနိုင်ပါသည်။ အဓိကပို့ချမှုများကို documenta Institut မှ Prof. Dr. Mi You မှ ဦးဆောင်သွားမည်ဖြစ်ပြီး ထပ်ထိုးသင်တန်းတိုများ၊ စကား၀ိုင်းဆွေးနွေးခြင်းများလည်းပါရှိပါသည်။

အောက်တိုဘာ ၁-၁၅
KinoFest 2023

KinoFest ဂျာမန်ရုပ်ရှင်ပွဲတော်ကို ဒုတိယအကြိမ်မြောက် Goethe-Institut ကစီစဉ်တင်ဆက်လိုက်ပါပြီ။ ဤရုပ်ရှင်ပွဲတော်ကို ၂၀၂၃ ခုနှစ်၊ စက်တင်ဘာလမှ နိုဝင်ဘာလအတွင်း ပြသသွားမည်ဖြစ်သည်။ အရှေ့တောင်အာရှရှိ Goethe-Institut (၈) ခုတို့ကအတူပူးပေါင်းပြီး ၂၀၂၁ မှ ၂၀၂၃ ခုနှစ်အတွင်း ရုပ်ရှင်များကို စုစည်းတင်ဆက်သွားမည်ဖြစ်သည်။ မြန်မာတွင်လည်း Goethe-Institut မြန်မာ ပွဲခန်းမတွင် အောက်တိုဘာလ (၁) ရက်နေ့မှ (၁၅) ရက်နေ့ထိ KINOFEST 2023 ဂျာမန်ရုပ်ရှင်များကို ပြသသွားမည်ဖြစ်ပါသည်။

ဖျော်ဖြေမှုမှသည်အသိပညာသို့
သိပ္ပံရုပ်ရှင်ပွဲတော် (၂၀၂၃)

ဂျာမန်ဘာသာစကားသင်ကြားရေးနှင့်ယဉ်ကျေးမှုဌာနမှ နှစ်စဉ် ကျင်းပပြုလုပ်လျက်ရှိသော သိပ္ပံရုပ်ရှင်ပွဲတော်ကို (၁၂)ကြိမ်မြောက်အဖြစ် မြန်မာနိုင်ငံတွင် မကြာခင်ကျင်းပမည်ဖြစ်ပါသည်။ သိပ္ပံရုပ်ရှင်ပွဲတော်မြန်မာကို (၂၀၂၃)ခုနှစ်၊ အောက်တိုဘာလ (၂၇)ရက်မှ နို၀င်ဘာလ (၃၀)ရက်အတွင်း ယခင်နှစ်နှင့်မတူဘဲ Hybrid ပုံစံဖြင့် ကျင်းပသွားမည်ဖြစ်သည်။ ကျောင်းသူကျောင်းသား၊ ကလေး၊ လူငယ်များအနေဖြင့် ရုပ်ရှင်ပြသခြင်းများကို အောက်တိုဘာလ (၂၇)ရက်မှ နို၀င်ဘာ (၁၂)ရက်အတွင်း ဂျာမန်ဘာသာစကားသင်ကြား‌ရေးနှင့်ယဥ်ကျေးမှုဌာန၏ ပွဲခန်းမတွင် ပွဲကျင်းပရေးအဖွဲ့နှင့်ချိတ်ဆက်ကာ အခမဲ့လာရောက်ကြည့်ရှုနိုင်မည်ဖြစ်ပြီး၊ လာရောက်ကြည့်ရှုရန်အဆင်မပြေသည့် ကျောင်းသူ၊ကျောင်းသားများ၊ လူငယ်များအနေဖြင့် နို၀င်ဘာလ (၃)ရက်မှ ပွဲတော်ပြီးဆုံးသည်အထိ အွန်လိုင်းမှ စာရင်းပေးသွင်းကာ မိမိအဆင်ပြေရာနှင့်အွန်လိုင်းရရှိသည့် မည်သည့်နေရာမှမဆို ပါ၀င်ကြည့်ရှုနိုင်အောင် စီစဥ်‌ပေးထားမည်ဖြစ်ပါသည်။

ထင်ဟပ်မျှ၀ေတွဲလက်တွေ (ဒုတိယပိုင်း)

ထပ်မံတက်ရောက်လိုသူတွေရော၊ စိတ်ပါ၀င်စားမှုများစွာ ရရှိခဲ့တာကြောင့် ယခုနှစ် ၂၀၂၃ ခုနှစ်မှာလည်း ဒီအစီအစဉ်လေးကို ဆက်လက်ပြုလုပ်သွားမယ်ဆိုတဲ့ အကြောင်းလေးကို သတင်းကောင်းလေး ပေးချင်ပါတယ်။ အတူမျှ၀ေခြင်း၊ ဂရုစိုက်ပေးခြင်းတွေကို အခြေခံထားတဲ့ ဒီအစီအစဉ်လေးရဲ့ ရည်ရွယ်ချက်ကတော့နေ့စဉ် ရင်ဆိုင်နေရတဲ့ စိတ်ဖိစီးမှုတွေ၊ စိတ်ဒဏ်ရာတွေ၊ မပြေလည်မှုတွေ၊ စိတ်ပင်ပန်းမှုတွေကို အနုပညာ ကြားခံနယ်ကနေတစ်ဆင့် ဖြေထုတ်၊ ဖော်ပြနိုင်ဖို့ပဲဖြစ်ပါတယ်။

ထင်ဟပ်မျှ၀ေ တွဲလက်တွေ

“ထင်ဟပ်မျှ၀ေ တွဲလက်တွေ“ အစီအစဉ်ကို Goethe-Institut မြန်မာမှ ၂၀၂၂ ခုနှစ်တွင် မိတ်ဖက်အဖွဲ့အစည်းများ၊ တွဲဖက်လုပ်ကိုင်နေတဲ့ မိတ်ဖက်များ/ လုပ်ဖော်ကိုင်ဖက်များ နဲ့ ပူးပေါင်းကာ စတင်ခဲ့ခြင်းဖြစ်ပါတယ်။ ဒီအစီအစဉ် စတင်ဖို့ စိတ်ကူးကို အနုပညာ၊ ယဉ်ကျေးမှုနယ်ပယ်မှ ပညာရှင်များ၊ စိတ်ပိုင်းဆိုင်ရာ စောင့်ရှောက်မှု နယ်ပယ်မှ ကျွမ်းကျင်ပညာရှင်များ၊ မိတ်ဖက်အဖွဲ့အစည်းများနှင့် လိုအပ်နေတဲ့ ပံ့ပိုးကူညီမှုများ ပေးနိုင်မယ့်အကြောင်းအရာ၊ ခေါင်းစဉ်တစ်ချို့၊ မျှော်မှန်းချက်များကို အချင်းချင်း ဆွေးနွေးဖလှယ်ပြီး ပုံဖော်ခဲ့ခြင်းဖြစ်ပါတယ်။

/ရှိ အဇ္ဇဘီးရှင်း

/ရှိ က မြန်မာနိုင်ငံ၊ ရန်ကုန်မြို့မှာကျင်းပခဲ့တဲ့အနုပညာပြပွဲတစ်ခုဖြစ်ပါတယ်။ (၂၀၂၂) ခုနှစ်၊ နိုဝင်ဘာလ (၁၂) ရက်နေ့ကနေ (၂၀၂၃) ခုနှစ်၊ ဇန်နဝါရီလ (၁၂) ရက်နေ့အထိ (၄၄) ရက်ကြာမြင့်တဲ့ အိဇ္ဇဘီးရှင်းတစ်ခုဖြစ်ပါတယ်။ ရန်ကုန်မြို့ရဲ့ဇစ်မြစ်ကျောရိုးဖြစ်တဲ့ ဘတ်စ်ကားလမ်းကြောင်းတွေပေါ်မှာအခြေခံထားတဲ့ မြို့တွင်းရှိ နေရာ (၇) ခုကို ဂရုတစိုက်စီစဉ်ထားပြီးတော့ အနုပညာရှင်ပေါင်း (၅၀) ကျော်ရဲ့ အနုပညာလက်ရာပေါင်း (၄၀) ကျော်ကိုလေ့လာစူးစမ်းဖို့ ဖိတ်ခေါ်လိုက်ပါတယ်။

စောင်းတူရိယာတင်ဆက်မှု မြန်မာ့ဂီတခြေလှမ်းသစ်ဂီတဖျော်ဖြေပွဲ

မြန်မာ့ဂီတခြေလှမ်းသစ်ဂီတဖျော်ဖြေပွဲ - မြန်မာစောင်း (စောင်းကောက်)

'မြန်မာစောင်း' ဟုမြန်မာဘာသာဖြင့်ခေါ်၀ေါ်တဲ့ မြန်မာ့ဂီတတူရိယာကို မြန်မာနိုင်ငံရဲ့အမျိုးသားတူရိယာအဖြစ်သတ်မှတ်ထားကြပါတယ်။ အမည်းရောင်နဲ့ဟင်္သာပဒါးရောင်တို့ကိုအသုံးပြုပြီးခြယ်သထားတဲ့ စောင်းတူရိယာရဲ့ကိုယ်ထည်ကိုရွှေချထားပြီး လေးကိုင်းပုံစောင်းလက်ရုံးရဲ့ထိပ်ပိုင်းကိုတော့ ညောင်ရွက်ပုံစံတန်ဆာဆင်ထားပါတယ်။ ဤကဲ့သို့ ရူပါပသာဒအရလွန်စွာမှခန်းနားထည်၀ါမှုရှိတဲ့ စောင်းကောက်ကို တခါတရံမှာဆိုရင် မြန်မာ့ဂီတတူရိယာများရဲ့အရှင်သခင်အဖြစ်တင်စားလေ့ရှိပါတယ်။

ပရော့ဂျက်ဆောင်းပါး
ကလေးများရဲ့ Classical ဂီတာတီးခတ်တင်ဆက်မှု

လွန်ခဲ့တဲ့အနှစ် (၃၀) ဝန်းကျင်လောက်အထိ ကျွန်တော်တို့ဆီမှာမိဘအများစုက ကိုယ့်သားသမီးကို ဂီတလုပ်မှာကို (အထူးသဖြင့် ဂစ်တာတီးမှာကို) မကြိုက်ကြ/မလိုလားကြပါဘူး။ အနုပညာကျောင်း (ဂီတကျောင်း) ရယ်လို့လဲ သေသေချာချာမရှိခဲ့ (ခုချိန်ထိလည်းမရှိ) ပါဘူး။ အဲ့ဒီကာလက ဂီတကိုဝါသနာပါ လေ့လာလိုက်စားခဲ့တဲ့လူငယ်တွေအတွက် အစစအရာရာဟာ ခက်ခဲခဲ့ပါတယ်။ အဲ့ဒီအချိန်ကလူငယ်တွေဟာ အခုအချိန်မှာမိဘနေရာကိုရောက်နေကြပါပြီ။

ဖေဖော်ဝါရီ ၁၈ - မတ် ၃၁၊ ၂၀၂၂။
Kinofest

ဂျာမန်ရုပ်ရှင်ပွဲတော် ၂၀၂၂ - KINOFEST သည် အရှေ့တောင်အာရှမှ Goethe-Institut (၈) ခုက ပူးပေါင်းစီစဉ်တင်ဆက်သော ပထမဆုံးသော ဂျာမန်ရုပ်ရှင်ပွဲတော်ဖြစ်ပါသည်။ ရုပ်ရှင်ပွဲတော်ကို Goethe-On-Demand အွန်လိုင်းရုပ်ရှင် ပလက်ဖောင်းပေါ်တွင် ကျင်းပပါမည်။ ရုပ်ရှင် (၁၂) ကားကို အရှေ့တောင်အာရှဒေသများတွင်ကြည့်ရှု့နိုင်မည်ဖြစ်ပြီး ဘာသာစကား (၅) မျိုးသို့ပြန်ဆိုထားသည်။ အင်္ဂလိပ်၊ ဗီယမ်နမ်၊ ထိုင်း၊ အင်ဒို နှင့် မြန်မာ ဘာသာစာတန်းထိုးဖြင့်ကြည့်ရှု့နိုင်ပါသည်။

ဘာသာပြန်အလုပ်ရုံဆွေးနွေးပွဲ
ရသတံတား

ဘာသာပြန် မျိုးဆက်သစ်များစွာ ပေါ်ထွက်လာဖို့ နိုင်ငံတကာ စံချိန်စံညွှန်းများနဲ့အညီ ဘာသာပြန်အလေ့အကျင့်ကောင်းများရရှိစေဖို့ ရည်ရွယ်ချက်ဖြင့် ဒီဘာသာပြန် အလုပ်ရုံဆွေးနွေးပွဲကို အထင်ကရ စာပေဆိုင်ရာ အဖွဲ့အစည်းများဖြစ်ကြတဲ့ Singapore Book Council၊ National Centre for Writing၊ ကမ္ဘာ့အကြီးဆုံးစာအုပ်ပွဲတော် Frankfurt Book Fair တို့နှင့်အတူ Goethe-Institut Myanmar မှ ပူးပေါင်းကာ ကျင်းပပြုလုပ်ခဲ့ပါတယ်။ အလုပ်ရုံဆွေးနွေးပွဲကို ဇူလိုင်လမှ အောက်တိုဘာလအထိ (၄)လကြာ အွန်လိုင်းမှတစ်ဆင့် ကျင်းပပြုလုပ်ခဲ့ပါတယ်။

ပြန်လည်ချိတ်ဆက် ၂၀၂၁

ပြန်လည်ချိတ်ဆက် ၂၀၂၁ အစီအစဉ်၏ရွေးချယ်ခံရသောစီမံကိန်းများမှ အချို့ကိုစုစည်းပြီး (၂၀၂၂) ခုနှစ်၊ နိုဝင်ဘာလ (၁၂) ရက်နေ့မှ (၂၀၂၃) ခုနှစ်၊ ဇန်နဝါရီလ (၁၂) ရက်နေ့အထိ (၄၄) ရက်ကြာ အိဇ္ဇဘီးရှင်းတစ်ခုကိုဖန်တီးပြသသွားမည်ဖြစ်ပါသည်။ ထိုအိဇ္ဇဘီးရှင်းကို ရန်ကုန်မြို့၊ မြို့နယ် (၅) ခုမှနေရာ (၇) ခုတွင် တစ်ပြိုင်နက်တည်းတင်ဆက်ပြသသွားမည်ဖြစ်သည်။

ပြန်လည်ချိတ်ဆက် ၂၀၂၀

ပြန်လည်ချိတ်ဆက် ၂၀၂၀ ၏ရွေးချယ်ခံရသောစီမံကိန်းများမှ အချို့ကိုစုစည်းပြီး (၂၀၂၂) ခုနှစ်၊ နိုဝင်ဘာလ (၁၂) ရက်နေ့မှ (၂၀၂၃) ခုနှစ်၊ ဇန်နဝါရီလ (၁၂) ရက်နေ့အထိ (၄၄) ရက်ကြာ အိဇ္ဇဘီးရှင်းတစ်ခုကိုဖန်တီးပြသသွားမည်ဖြစ်ပါသည်။ ထိုအိဇ္ဇဘီးရှင်းကို ရန်ကုန်မြို့၊ မြို့နယ် (၅) ခုမှနေရာ (၇) ခုတွင် တစ်ပြိုင်နက်တည်းတင်ဆက်ပြသသွားမည်ဖြစ်သည်။

နေထိုင်ရေးအစီအစဥ်
Pazifik - Leipzig

Leipziger Baumwollspinnerei ရှိ ယဥ်ကျေးမှုနှင့်အနုပညာစင်တာ တွင် သုံးလကြာတည်းခိုနေထိုင်ခွင့်ကို Goethe-Institut နှင့် လိုက်ပ်ဇစ်နိုင်ငံတကာအနုပညာပရိုဂရမ် (LIA) တို့ ပူးပေါင်း၍ အရှေ့တောင်အာရှမှအနုပညာရှင်များအတွက် စီစဥ်ပေးပါသည်။

We will have been young

မလေးရှားနိုင်ငံ Obscura ဓာတ်ပုံပွဲတော်တွင် ၂၀၁၆ နှင့် ၂၀၁၇ ခုနှစ်၌ ပြသနိုင်ခဲ့သော အရှေ့တောင်အာရှမှ လူငယ်များနှင့်အနာဂတ်အကြောင်း ဓာတ်ပုံပြပွဲမှာ Ostkreuz ဓာတ်ပုံအေဂျင်စီမှ Jörg Brüggemann နှင့် Tobias Kruse တို့ ဦးစီးသော အဆင့်မြင့်ဓာတ်ပုံသင်တန်း၏ရလဒ်တစ်ခု ဖြစ်ပါသည်။ မလေးရှားနိုင်ငံ၌ ပြသခဲ့သော ပြပွဲမှာ ဂျာမနီ၊ ဘန်ကောက် နှင့် ရန်ကုန်သို့ ခရီးဆက်နိုင်ခဲ့ပါသည်။

Chronicles of Change: Performance Art in Myanmar (1997-2008)
PERFORMANCE ART EXHIBITION

၁၉၉၇ ခုနှစ် မှ ၂၀၀၈ ခုနှစ်ကာလများအတွင်း မြန်မာ့နိုင်ငံရေး အခြေအနေနဲ့ အနုပညာရေချိန်ကို နောက်ခံထားပြီး ပန်းချီထိန်လင်း နဲ့အတူ အခြားသော အနုပညာရှင်တွေရဲ့ Performance Art ဖန်တီးမှု၊ ပြောင်းလဲလာမှုတွေကိုကြည့်ရှုခံစားနိုင်မဲ့ အနုပညာပြပွဲတစ်ခုဖြစ်ပါတယ်။ ဒီဇင်ဘာလ ၁၅ ရက် မှ ဇန်နဝါရီလ ၆ ရက် ပြပွဲတစ်လျှောက်မှာ Goethe-Institut Myanmar ပြပွဲခန်းမအတွင်း Performance Artist ၁၀ ယောက်ရဲ့ အနုပညာတွေကို စခရင် မျိုးစုံမှာ curate လုပ်ထားတဲ့ ပြပွဲတစ်ခုကို လာရောက်ကြည့်ရှုခံစားကြဖို့ ဖိတ်ခေါ်လိုက်ရပါတယ်။

အပေါ်သို့