Academy of Care

Academy of Care ဆိုတာ ဘာလဲ။

Academy of Care (AoC) သည် မြန်မာနိုင်ငံအတွင်း ဂရုစိုက်စောင့်ရှောက်မှု၊ ကိုယ်စိတ်ကျန်းမာရေး နှင့် စိတ်ပိုင်းဆိုင်ရာ လူမှုကူညီထောက်ပံ့မှုများအတွက် ဖန်တီးမှု နှင့် လူမှုအသိုက်အဝန်းအခြေပြုသည့် ချဉ်းကပ်မှုများကို ဖော်ဆောင်ပေးနေသည့် မြန်မာနိုင်ငံအခြေစိုက် အစပျိုးမှုတစ်ခု ဖြစ်ပါသည်။

လူမှုအသိုက်အဝန်းအတွက် လုပ်ကိုင်နေသူများ၊ ပညာပေးသူများ၊ စိတ်ကျန်းမာရေး နယ်ပယ်မှ ကျွမ်းကျင်ပညာရှင်များ၊ အနုပညာရှင်များနှင့် အခြားသော စောင့်ရှောက်မှုလုပ်ငန်းတွင် ပါဝင်ဆောင်ရွက်နေသူများ အပါအဝင် နောက်ခံအမျိုးမျိုးမှ လာသည့် ပုဂ္ဂိုလ်များကို စုစည်းပေးထားပြီး၊ အနုပညာဖန်တီးမှုများကို ဂရုစိုက်စောင့်ရှောက်မှုနှင့် ကျန်းမာသာယာရေးအတွက် အသုံးချနိုင်မည့် နည်းလမ်းများကို အတူတကွ လေ့လာခြင်း၊ လက်တွေ့ကျင့်သုံးခြင်းနှင့် အတွေ့အကြုံဖလှယ်ခြင်းများ ပြုလုပ်နိုင်ရန် AoC မှ ဆောင်ရွက်ပေးပါသည်။

AoC သည် စိတ်ဒဏ်ရာကို နားလည်စာနာခြင်း (trauma-informed)၊ ယဉ်ကျေးမှုကို လေးစားခြင်း (culturally sensitive) နှင့် အားလုံးပါဝင်နိုင်မှု (participatory) ကို ဦးစားပေးကာ ဒေသခံလူမှုအသိုက်အဝန်းများ ကို အခြေခံသည့် ချဉ်းကပ်နည်းများကို အထူးတန်ဖိုးထားပါသည်။  

   

AoC က ဘာကြောင့် အရေးပါသလဲ။

မြန်မာနိုင်ငံတစ်ဝန်းရှိ လူပုဂ္ဂိုလ်များနှင့် လူမှုအသိုက်အဝန်းများစွာသည် စိတ်ကျန်းမာရေးနှင့် ကောင်းမွန်စွာရှင်သန် နေထိုင်နိုင်မှုကို ထိခိုက်စေသည့် စိန်ခေါ်မှုများကို ရင်ဆိုင်နေရပြီး၊ လိုအပ်သော စောင့်ရှောက်မှုနှင့် အထောက်အပံ့များကို ရရှိရန်လည်း အခက်အခဲများ ကြုံတွေ့နေကြရသည်။

စိတ်ကျန်းမာရေးနှင့် ကောင်းမွန်စွာရှင်သန် နေထိုင်နိုင်မှုဆိုင်ရာ အကြောင်းအရာများသည် ဆွေးနွေးပြောဆိုရန် ခက်ခဲတတ်သည့်အပြင်၊  ရရှိနိုင်သော အထောက်အပံ့များကိုလည်း လွယ်ကူစွာ ရယူနိုင်ရန် သို့မဟုတ် ဒေသန္တရအခြေအနေများနှင့် ကောင်းမွန်စွာ လိုက်လျောညီထွေမှုရှိရန် အမြဲတမ်းတော့ လွယ်ကူမည် မဟုတ်ပါ။

AoC သည် လူမှုအသိုက်အဝန်းအတွက် လုပ်ကိုင်နေသူများ၊ ပညာသင်ကြားပေးသူများ၊ လူငယ်ခေါင်းဆောင် များ၊ အနုပညာရှင်များနှင့် ဂရုစိုက်စောင့်ရှောက်မှုပေးသူများအပါအဝင် ၎င်းတို့၏ လူမှုအသိုက်အဝန်းအတွင်း ချိတ်ဆက်မှုရှိပြီး ယုံကြည်ကိုးစားခံထားရသူများနှင့်အတူ လက်တွဲလုပ်ဆောင်ပါသည်။ ၎င်းတို့၏ အသိပညာ၊ ဆက်ဆံရေးများနှင့် အတွေ့အကြုံများအပေါ် တည်ဆောက်သွားခြင်းဖြင့်၊ လူမှုအသိုက်အဝန်း၏ မတူကွဲပြား သော လိုအပ်ချက်များနှင့်အခြေအနေများကို တုံ့ပြန်နိုင်သည့် ဖန်တီးမှု အခြေပြု ဂရုစိုက်စောင့်ရှောက်မှု ချဉ်းကပ်နည်းများကို AoC မှ ကူညီပံ့ပိုးပေးပါသည်။

လေ့လာသင်ယူခြင်း၊ ဖန်တီးမှု အခြေပြု  လက်တွေ့ကျင့်သုံးခြင်း၊ အချင်းချင်း အတွေ့အကြုံဖလှယ်ခြင်းနှင့် လူမှု အသိုက်အဝန်းအခြေပြု လှုပ်ရှားဆောင်ရွက်မှုများမှတစ်ဆင့် AoC သည် မြန်မာနိုင်ငံတစ်ဝန်းတွင် ဂရုစိုက်စောင့် ရှောက်မှုနှင့် ကိုယ်စိတ်ကျန်းမာရေးဆိုင်ရာ အလေ့အထများ ပိုမိုကျယ်ပြန့်လာစေရန် ရည်ရွယ်ပါသည်။

ကျွန်ုပ်တို့၏ မျှော်မှန်းချက်

မြန်မာနိုင်ငံတွင် လူပုဂ္ဂိုလ်များနှင့်လူမှုအသိုက်အဝန်းများအနေဖြင့် ကိုယ်စိတ်ကျန်းမာရေး၊ ကြံ့ကြံ့ခံနိုင်စွမ်းနှင့် အချင်းချင်းချိတ်ဆက်မှုကို အားပေးသော ဂရုစိုက်စောင့်ရှောက်မှုနည်းလမ်းများကို ပိုမိုလက်လှမ်းမီနိုင် စေရန် ဖြစ်ပါသည်။ ထိုသို့သော နည်းလမ်းများသည် ယဉ်ကျေးမှုကို လေးစားဂရုပြုကာ ဖန်တီးမှုအခြေပြု၍ လူမှုအသိုက်အဝန်းများမှ ဦးဆောင်သည့် ပုံစံဖြစ်ရန် မျှော်မှန်းပါသည်။

ကျွန်ုပ်တို့၏ ချဉ်းကပ်ပုံ

AoC သည် ဂရုစိုက်စောင့်ရှောက်မှုနှင့် ကိုယ်စိတ်ကျန်းမာရေးကို ပံ့ပိုးပေးသည့် ဖန်တီးမှု အခြေပြုနည်းလမ်းများဖြင့် စူးစမ်းဖော်ထုတ်ပေးသည်။ ကျွန်ုပ်တို့သည် ထုတ်ဖော်ပြသမှု၊ ချိတ်ဆက်မှု၊ ပြန်လည်သုံးသပ်မှုနှင့် ပါဝင်ဆောင်ရွက်မှုတို့ကို အားပေးသည့် အနုပညာ၊ ဂီတ၊ ဒရာမာ နှင့် ခံစားချက်ကို ဖော်ထုတ်သည့် အနုပညာကုထုံး ချဉ်းကပ်နည်းများကို အသုံးပြုပါသည်။ ကျွန်ုပ်တို့၏ ချဉ်းကပ်ပုံမှာ စိတ်ဒဏ်ရာကို နားလည် စာနာခြင်း၊ ယဉ်ကျေးမှုကို လေးစားခြင်း နှင့် ဒေသခံလူမှုအသိုက်အဝန်းများ ကို အခြေခံသည့် ချဉ်းကပ်မှုမျိုးဖြစ်သည်။ ကျွန်ုပ်တို့သည် လူမှုအသိုက်အဝန်းများနှင့် ချိတ်ဆက်ပြီးသားသူများနှင့် လုပ်ကိုင်ဆောင်ရွက်ပြီး၊ မတူညီသည့် လိုအပ်ချက်များနှင့်အနေအထားများကို ထိတွေ့နိုင်မည့် ဖန်တီးမှုပါဝင်သည့်ချဉ်းကပ်မှုများ ဖော်ထုတ်ရန်အတွက် ၎င်းတို့၏အသိပညာ၊ ဆက်ဆံရေးများနှင့် အတွေ့အကြုံတို့အပေါ် တည်ဆောက်သွားခြင်းဖြစ်သည်။

ကျွန်ုပ်တို့၏ ဖြတ်သန်းခရီးစဉ်

Academy of Care သည် ၂၀၂၂ ခုနှစ်တွင် စတင်ခဲ့ပြီး cohort (သင်တန်း) လေးခု ဆက်တိုက်ပြုလုပ်ပြီး ဖြစ်ကာ၊ သင်တန်းဆင်း alumni ဦးရေ ၅၀ ကျော်ဖြင့် ဖွဲ့စည်းထားသည့် ကွန်ရက်တစ်ခုအပြင်၊ မြန်မာနိုင်ငံအနှံ့နှင့် အာရှ-ပစိဖိတ်ဒေသနှင့် ဂျာမနီနိုင်ငံရှိ အဖွဲ့အစည်းများဖြင့် မိတ်ဖက်ပူးပေါင်းဆောင်ရွက်မှုများမှတစ်ဆင့် ကြီးထွားလာခဲ့ပါသည်။

၂၀၂၆ ခုနှစ်မှစတင်၍ AoC သည် ဥရောပသမဂ္ဂ၏ထောက်ပံ့မှုဖြင့် သုံးနှစ်တာ စီမံကိန်းအသစ်တစ်ခုထဲသို့ စတင် ဝင်ရောက်ခဲ့ပြီး၊ သင်တန်းအသစ်အခွင့်အလမ်းများ၊ Creative Care Hub (ဖန်တီးမှုပါဝင်သည့် ဂရုစိုက်စောင့် ရှောက်မှုဗဟိုဌာန) များ၊ Small AoC (ကလေး၊ လူငယ် နှင့် မိသားစု) များ နှင့် လူမှုအသိုက်အဝန်းအတွက် အစပျိုးမှုများနှင့် လူမှုအသိုက်အဝန်းထံ ပိုမိုကျယ်ပြန့်စွာရောက်ရှိနိုင်မှုများမှတစ်ဆင့် ၎င်း၏လုပ်ငန်းကို တိုးချဲ့ဆောင်ရွက်လျက်ရှိပါသည်။

Academy of Care သည် လေ့လာသင်ယူမှု၊ ဖန်တီးမှု အခြေပြု လက်တွေ့ကျင့်သုံးမှုနှင့် မျှဝေထားသော အတွေ့အကြုံများမှတစ်ဆင့် ချိတ်ဆက်ထားကြသည့် လက်တွေ့လုပ်ကိုင်ဆောင်ရွက်နေသူများ၊ သင်တန်းဆင်း alumni များနှင့် မိတ်ဖက်များပါဝင်သော ကြီးထွားလာနေသည့် အသိုက်အဝန်းတစ်ခု ဖြစ်ပါသည်။ ယခုအချိန်အထိ ကျွန်ုပ်တို့၏ဖြတ်သန်းခရီးစဉ်ကို လေ့လာကြည့်ရှုသည့်အခါ AoC ကို ဆက်လက်ပုံဖော်ပေးနေကြသည့် ပုဂ္ဂိုလ်များနှင့်လှုပ်ရှားဆောင်ရွက်မှုများကို ရှာဖွေတွေ့ရှိနိုင်ပါသည်။

AoC သင်တန်းဆင်း Alumni များကွန်ရက် (AoCA)

Academy of Care ၏ သင်တန်းဆင်း alumni များ ကွန်ရက်သည် AoC ၏ သင်တန်းအစီအစဉ်များတွင် ပါဝင်ခဲ့ကြပြီး၊ ၎င်းတို့၏ လေ့လာသင်ယူမှုများအား ပိုမိုတိုးတက်လာအောင် ဆက်လက်အားထုတ်လျက်ရှိပြီး ၎င်းတို့ လေ့လာသင်ယူထားသည့်အရာများကို မိမိတို့၏လူမှုအသိုက်အဝန်းများထဲတွင် မျှဝေပေးနေကြသူများအား စုစည်းထားပါသည်။

သင်တန်းဆင်း alumni များသည် မတူညီသည့် အသက်မွေးဝမ်းကျောင်းနှင့် လူမှုအသိုက်အဝန်းနောက်ခံအမျိုးမျိုးမှ လာကြပြီး၊ မြန်မာနိုင်ငံတစ်ဝန်းရှိ အနေအထားမျိုးစုံတွင် လုပ်ကိုင်ဆောင်ရွက်လျက်ရှိပါသည်။ ၎င်းတို့၏ အသိပညာ၊ အတွေ့အကြုံနှင့် ချိတ်ဆက်မှုများသည် ဤအကယ်ဒမီ၏ ကြီးထွားလာနေသော လူမှုအသိုက်အဝန်းအတွက် အရေးပါသော အစိတ်အပိုင်းတစ်ခု ဖြစ်ပါသည်။

စီမံကိန်းအသစ်အဆင့်တွင် ဆက်လက်သင်ယူခြင်း၊ အချင်းချင်း အတွေ့အကြုံဖလှယ်ခြင်း၊ စောင့်ကြပ်ကြည့်ရှုခြင်းနှင့် လမ်းညွှန်ပြသပေးခြင်းတို့အပေါ် ပိုမိုအာရုံစိုက်ထားပြီး၊ အတွေ့အကြုံရှိသော သင်တန်းဆင်း alumni များအနေဖြင့် သင်တန်းပို့ချသူများ၊ facilitator များနှင့် အချင်းချင်းစောင့်ကြပ်ကြည့်ရှုပေးသူများအဖြစ် အခန်း ကဏ္ဍအသစ်များကို ရယူနိုင်ရန် အခွင့်အလမ်းများ ဖန်တီးပေးထားပါသည်။
 

ယခင် Cohort များ

Academy of Care သည် မြန်မာနိုင်ငံတစ်ဝန်းရှိ လက်တွေ့လုပ်ကိုင်ဆောင်ရွက်နေသူများ၊ အနုပညာရှင်များနှင့် လူမှုအသိုက်အဝန်းခေါင်းဆောင်များပါဝင်သည့် cohort လေးခုကို ပံ့ပိုးပေးခဲ့ပြီး ဖြစ်ပါသည်။ Cohort တစ်ခုချင်းစီသည် လေ့လာသင်ယူမှု၊ လက်တွေ့ကျင့်သုံးမှုနှင့် ပူးပေါင်းဆောင်ရွက်မှုတို့အတွက် အခွင့်အလမ်းများကို တိုးချဲ့ပေးရင်း၊ စိတ်ဒဏ်ရာကို နားလည်လက်ခံသည့်၊ ဖန်တီးမှုပါဝင်ပြီး လူမှုအသိုက်အဝန်းအခြေပြုသည့် ဂရုစိုက်စောင့်ရှောက်မှုပေးခြင်းအတွက် ချဉ်းကပ်နည်းများကို ပိုမိုခိုင်မာအားကောင်းစေခဲ့ပါသည်။
 

Academy of Care သည် ဖန်တီးမှုပါဝင်သည့်အနုပညာများ၊ စိတ်ကျန်းမာရေး၊ ကောင်းမွန်စွာရှင်သန်နေထိုင် နိုင်မှု၊ ပညာရေးနှင့် လူမှုအသိုက်အဝန်း ဖွံ့ဖြိုးတိုးတက်ရေးတို့တွင် လုပ်ကိုင်နေကြသော ပြည်တွင်းနှင့်နိုင်ငံ တကာ မိတ်ဖက်များ၊ ကျွမ်းကျင်ပညာရှင်များနှင့် အဖွဲ့အစည်းများပါဝင်သည့် မတူကွဲပြားသောကွန်ရက်နှင့်အတူ လက်တွဲလုပ်ကိုင်လျက်ရှိပါသည်။

ကျွန်ုပ်တို့၏ မိတ်ဖက်ပူးပေါင်းမှုများသည် လေ့ကျင့်သင်ကြားရေး၊ ကျွမ်းကျင်မှု၊ လမ်းညွှန်ပြသပေးမှု၊ အသိပညာဖလှယ်မှုနှင့် လူမှုအသိုက်အဝန်းအခြေပြုသည့် ပူးပေါင်းဆောင်ရွက်မှုများမှတစ်ဆင့် အကယ်ဒမီကို ပံပိုးပေးလျက်ရှိပါသည်။

ကျွန်ုပ်တို့၏ မိတ်ဖက်များ

ပညာရပ်ဆိုင်ရာနှင့် အထူးပြုလေ့ကျင့်သင်ကြားရေး မိတ်ဖက်များ

• LASALLE College of the Arts ၊ စင်ကာပူနိုင်ငံ - အနုပညာကုထုံး၊ စိတ်ဒဏ်ရာကို နားလည်လက်ခံသော လက်တွေ့ကျင့်သုံးမှုနှင့် ဖန်တီးမှုပါဝင်သည့် သင်ကြားရေးနည်းပညာတို့တွင် ကျွမ်းကျင်သည်။
• Research Institute of Dramatherapy ၊ သီရိလင်္ကာနိုင်ငံ - ဒရာမာကုထုံးနှင့် စိတ်ဒဏ်ရာကို အဓိကထား ကုသပေးမှုတွင် ကျွမ်းကျင်သည်။
• Foundation for Arts and Health India (FAHI) - ကျန်းမာရေးနှင့် ကောင်းမွန်စွာရှင်သန်နေထိုင်နိုင်မှုအတွက် အနုပညာကို မြှင့်တင်ပေးနေသော ဖန်တီးမှုပါဝင်သည့် အနုပညာကုထုံးပညာရှင်များ၊ အနုပညာရှင်များနှင့် ကျန်းမာရေးဝန်ထမ်းများပါဝင်သည် ကွန်ရက်တစ်ခု။
• Maitri Music Therapy ၊ နီပေါနိုင်ငံ - ကုသမှုနှင့် စိတ်ခံစားမှုဆိုင်ရာ ကောင်းမွန်စွာရှင်သန်နေထိုင်နိုင် မှုအတွက် ဂီတကိုအခြေခံသည့် ချဉ်းကပ်နည်းများကို အသုံးပြုသည်။

မြန်မာနိုင်ငံနှင့် ဒေသတွင်း မိတ်ဖက်အဖွဲ့အစည်းများ 

• Aung Min Mental Health Clinic - AoC ၏ အစောပိုင်း အဆင့်များကတည်းက စိတ်ကျန်းမာရေး ကျွမ်းကျင်မှုနှင့် ကွင်းဆင်းပံ့ပိုးမှုများဖြင့် ပံ့ပိုးပေးခဲ့သည်။
• FIN Myanmar - ကလေးများအတွက် ကစားခြင်းကိုအခြေခံသည့် ကုထုံးကိုအသုံးပြုသော ချဉ်းကပ် နည်းများတွင် ပူးပေါင်းဆောင်ရွက်ခြင်းအပါအဝင် လူမှုအသိုက်အဝန်း ကောင်းမွန်စွာရှင်သန်နေထိုင်နိုင်မှု၊ အသက်မွေးဝမ်းကျောင်းနှင့် ကြံ့ကြံ့ခံနိုင်မှုဆိုင်ရာ အစီအစဉ်များဖြင့် ပံ့ပိုးပေးသည်။
• Think Playgrounds ၊ ဗီယက်နမ်နိုင်ငံ - အားလုံးပါဝင်နိုင်သော၊ ဖန်တီးမှုနှင့်ကစားနိုင်သည့်နေရာများနှင့် ကလေးများ ဖွံ့ဖြိုးတိုးတက်ရေးဆိုင်ရာ ကျွမ်းကျင်မှုများ။
• ActionAid Myanmar - လူမှုအသိုက်အဝန်းအခြေပြု စိတ်ပိုင်းဆိုင်ရာ ကြံ့ကြံ့ခံနိုင်မှုနှင့် စိတ်ပိုင်းဆိုင်ရာ လူမှုကူညီထောက်ပံ့မှု အစီအစဉ်။