“Schulen: Partner der Zukunft” (ကျောင်းများ။ ။ အနာဂတ်အတွက် မိတ်ဖက်) အစီအစဉ်

၂၀၀၈ ခုနှစ် ဖေဖော်၀ါရီလတွင် ဂျာမနီနိုင်ငံခြားရေးဌာနမှ „Schulen: Partner der Zukunft” (PASCH) (ကျောင်းများ။ ။ အနာဂတ်အတွက် မိတ်ဖက်) အစီအစဥ်ကို စတင်ခဲ့ပါသည်။ PASCH သည် တစ်ကမ္ဘာလုံးအတိုင်းအတာဖြင့် ဂျာမနီနိုင်ငံနှင့် အထူးတလည် ဆက်နွယ်မှုရှိသည့် ကျောင်းပေါင်း ၂၀၀၀ ကျော်ကို စုစည်းချိတ်ဆက်ပြီး ကူညီပံ့ပိုးပေးပါသည်။ Goethe-Institut သည် နိုင်ငံပေါင်း ၁၀၀ ကျော်မှ နိုင်ငံအဆင့် ပညာရေးစနစ်အတွင်းရှိ PASCH ကျောင်းပေါင်း ၆၀၀ ၀န်းကျင်ကို ပံ့ပိုးပေးနေပါသည်။
PASCH အစီအစဥ်ကို ဂျာမနီနိုင်ငံနိုင်ငံခြားရေးဌာနမှ စီစဥ်ဆောင်ရွက်ပြီး၊ နိုင်ငံရပ်ခြားကျောင်းများအတွက် ဗဟိုဌာန (Die Zentralstelle für das Auslandsschulwesen)၊ Goethe-Institut ၊ ဂျာမနီနိုင်ငံ ပညာရေးနှီးနှောဖလှယ်ခြင်းအစီအစဥ် (Deutscher Akademischer Austauschdienst, DAAD) ၊ တက္ကသိုလ်များနှင့် ဘာသာရပ်ဆိုင်ရာကျွမ်းကျင်သူများ ကွန်ဖရင့် (Kultusministerkonferenz) ၏ ဘာသာရပ်ဆိုင်ရာ နှီးနှောဖလှယ်ခြင်းအစီအစဥ်တို့မှ အတူတကွ အကောင်အထည်ဖော်ပါသည်။
 
ဤကွန်ရက်သည် နိုင်ငံရပ်ခြားမှ ဂျာမန်ကျောင်းများနှင့် ဂျာမန်ဘာသာစကားဒီပလိုမာပေးအပ်သည့် ကျောင်းများကို ကူညီပံ့ပိုးပါသည်။ ထို့အပြင် နိုင်ငံအဆင့် ပညာရေးစနစ်အတွင်းတွင် ဂျာမန်ဘာသာစကားကို နိုင်ငံခြားဘာသာစကားအဖြစ် အဆင့်သတ်မှတ်ချက်နေရာ ခိုင်မြဲနေစေပြီး ကျောင်းများ၏ ပူးပေါင်းဆောင်ရွက်မှုများကိုလည်း ပိုမိုတိုးမြင့်စေပါသည်။ ထပ်မံပြီး ဂျာမနီနိုင်ငံတွင် ပညာတော်သင်ခွင့်များနှင့် ကျောင်းသားများ နှီးနှောဖလှယ်ခြင်း၊ မိတ်ဖက်ကျောင်းများ နှီးနှောဖလှယ်ခြင်း အခွင့်အရေးများကိုလည်း ပေးပါသည်။

PASCH ၏ ရည်ရွယ်ချက်များ

ဤအစီအစဥ်ကို အကြောင်းခံ၍ လူငယ်များအကြားတွင် ခေတ်မီသည့် ဂျာမနီနိုင်ငံ၊ ဂျာမန်လူ့အဖွဲ့အစည်းနှင့် ဂျာမန်ဘာသာစကားအပေါ် စဥ်ဆက်မပြတ် စိတ်၀င်စားမှု၊ စိတ်အားထက်သန်မှုများကို ဖြစ်လာစေပါသည်။ PASCH သည် ပြည်ထောင်စုသမ္မတဂျာမနီနိုင်ငံ၏ မိတ်ဖက်ကျောင်းများကို ချိတ်ဆက်ထားသည့် ကွန်ရက်တစ်ခုဖြစ်ပြီး ကျောင်းများ၏ အတူတကွလှုပ်ရှားမှုများ၊ နှီးနှောဖလှယ်မှုများကို အခြေခံ၍ နိုင်ငံတကာအဆင့် သင်ကြားရေး အသိုင်း၀ိုင်းတစ်ခု ဖြစ်လာစေပါသည်။
 
PASCH သည် ကျောင်းသား၊ ကျောင်းသူများနှင့် ဆရာ၊ ဆရာမများအတွက် ရေရှည်အကျိုးဖြစ်ထွန်းစေမည့် စိတ်၀င်စားဖွယ်ရာ အရည်အသွေးမြှင့်တင်ရေး အစီအစဥ်များဖြင့် ထောက်ပံ့ပေးပါသည်။ ဤနည်းအားဖြင့် လူငယ်များကို ဂျာမနီနိုင်ငံတွင် ပညာသင်ကြားရာတွင်လည်းကောင်း၊ နောက်ပိုင်း အလုပ်လုပ်ကိုင်ရာတွင်လည်းကောင်း အရည်အသွေးများ ပိုမိုမြင့်မားလာစေပါသည်။ ထို့အပြင် ဂျာမနီနိုင်ငံနှင့် ရေရှည်ခိုင်မြဲသည့် အဆက်အသွယ်များ ဖြစ်ပေါ်စေရေး၊ ကျောင်းသားကျောင်းသူများ၊ ဆရာ၊ ဆရာမများနှင့် ကျောင်းများအား အတွေးများကို ပွင့်ပွင့်လင်းလင်းဖလှယ်နိုင်ကြစေရန်၊ အချင်းချင်း ပူးပေါင်းဆောင်ရွက်ကြစေရန် လှုံ့ဆော်ပေးခြင်းတို့ကလည်း PASCH ၏ ရည်ရွယ်ချက်များပင် ဖြစ်ပါသည်။ PASCH သည် နိုင်ငံခြားရေးဌာန၏ အခြားသော ယဥ်ကျေးမှုနှင့် ပညာရေး၀ါဒဆိုင်ရာအစီအစဥ်များ ဖြစ်ကြသည့် ဥပမာ Kulturweit အစီအစဥ်တို့နှင့်လည်း ကွန်ရက်ချိတ်ဆက်ထားပါသေးသည်။

Goethe-Institut ၏ တာ၀န်များနှင့် လုပ်ငန်းဆောင်တာများ

Goethe-Institut သည် ၎င်း ကူညီပံ့ပိုးပေးနေသည့် PASCH ကျောင်းပေါင်း ၆၀၀ ကျော်တွင် ဂျာမန်ဘာသာစကားကို ကျောင်းဘာသာရပ် တစ်ခုအဖြစ် ထည့်သွင်းနိုင်ရန် အခြေခံမှစ၍ ကူညီပေးနေပါသည်။ ဤသို့ကူညီပေးရာတွင် ဆရာ၊ ဆရာမများအတွက် သင်ကြားရေးနည်းစနစ်ဆိုင်ရာ ကျွမ်းကျင်မှုအဆင့်မြှင့်တင်ရေးအစီအစဥ်များ၊ ဘာသာစကားသင်တန်းများ ပါ၀င်ပြီး၊ ကျောင်းများကိုလည်း ခေတ်မီပြီး၊ လက်တွေ့အသုံးချနိုင်သည့် မာလ်တီမီဒီယာ သင်ထောက်ကူပစ္စည်းများ၊ ဂျာမနီနိုင်ငံအကြောင်း သိကောင်းစရာအထွေထွေသင်ထောက်ကူများဖြင့် ထောက်ပံ့ပေးပါသည်။ ထို့ပြင် တစ်ကမ္ဘာလုံးရှိ မိတ်ဖက်ကျောင်းများသို့ သင်ကြားရေးနည်းစနစ် ကျွမ်းကျင်သူများ စေလွှတ်၍လည်း ကျောင်းများကို အကြံပေးကူညီစေပါတယ်။ မိတ်ဖက်ကျောင်းများရှိ ကျောင်းသူ၊ ကျောင်းသားများကို ဂျာမနီနိုင်ငံတွင် လူငယ်ဘာသာစကားသင်တန်းများ တက်နိုင်ရန် ပံ့ပိုးပေးခြင်းကလည်း ကျောင်းသူ၊ ကျောင်းသားများ၏ ဘာသာစကားစွမ်းရည်ကို ပိုမိုကောင်းမွန်စေပြီး၊ ယဥ်ကျေးမှုပေါင်းစုံနှင့် လိုက်လျောညီထွေစွာ အတူတကွနေထိုင်နိုင်သည့် စွမ်းရည်များကို ဖြစ်ထွန်းလာစေပါတယ်။ ဂျာမနီနိုင်ငံနှင့်ပတ်သက်သည့် အထွေထွေဗဟုသုတ သိကောင်းစရာများကိုလည်း လက်တွေ့ တွေ့ကြုံခံစားလာစေပါသည်။

PASCH ကွန်ရက်ကို တစ်ကမ္ဘာလုံးအတိုင်းအတာနှင့် ကျောင်းပေါင်း ၂၀၀၀ ကျော်၊ ကျောင်းသူ၊ ကျောင်းသားပေါင်း ၆၀၀၀ တို့၏ ဆုံမှတ်အဖြစ် ချိတ်ဆက်ထားပါသည်။

PASCH အကြောင်း သတင်းအချက်အလက်များ

ဤဝက်ဘ်ဆိုဒ်တွင် PASCH-net ကွန်ယက်ချိတ်ဆက်ထားသော နိုင်ငံတကာမှ အဖွဲ့အစည်းများနှင့် ၎င်းတို့၏ လှုပ်ရှားမှုများအကြောင်း သတင်းအချက်အလက်များ ရရှိနိုင်ပါသည်။ သက်ဝင်လှုပ်ရှားနေသည့် ကမ္ဘာ့မြေပုံတွင်လည်း ကျောင်းကွန်ယက်ချိတ်ဆက်မှုပုံကို ကြည့်ရှုနိုင်ပါသည်။ PASCH-net တွင် ပါဝင်ပတ်သက်နေသည့် ကျောင်းများသည် ၎င်းတို့အကြောင်း အကျဥ်းချုံ့ မိတ်ဆက်နိုင်ပါသည်။ ကွန်ရက်တွင် တက်ကြွစွာ ပါဝင်လှုပ်ရှားနေကြသူများသည် ၎င်းတို့၏ ပရောဂျက်များကို မိတ်ဆက်ပြထားပြီး၊ ၎င်းတို့၏လက်တွေ့နယ်ပယ်မှ တန်ဖိုးရှိသည့် အကြံဉာဏ်များကိုလည်း ပေးထားပါသည်။ PASCH ကွန်ရက်သည် နိုင်ငံတကာမှ PASCH ကျောင်းသားများအတွက် ဂျာမနီနိုင်ငံတွင် ဖွင့်လှစ်သည့် လူငယ်သင်တန်းများအကြောင်းနှင့် မိတ်ဖက်ကျောင်းများအား ထောက်ပံ့ကူညီမှုများအကြောင်း သတင်းအချက်အလက်များကို ပေးပါသည်။


PASCH အစီအစဥ်အကြောင်း သတင်းအချက်အလက်များ (ဘာသာစကားမျိုးစုံနှင့်) 
ကမ္ဘာ့မြေပုံ
ကျောင်းများအကြောင်းမိတ်ဆက်
ကမ္ဘာတလွှားပရောဂျက်များ
PASCH လူငယ်သင်တန်းများ
မိတ်ဖက်ကျောင်းများ

သင်ထောက်ကူများ

ဆရာ၊ ဆရာမများနှင့် ကျောင်းသူ၊ ကျောင်းသားများအနေဖြင့် PASCH-net တွင် လက်ရှိမျက်မှောက်ခေတ်အကြောင်းအရာများနှင့် ပတ်သက်သည့် ဗွီဒီယိုများ၊ စာများနှင့် အသံဖိုင်များကို အခမဲ့ရရှိနိုင်ပြီး၊ DaF သင်တန်းတွင် အသုံးပြုနိုင်မည့် အကြံဉာဏ်များနှင့် ဒေါင်းလုဒ်လုပ်ထားနိုင်မည့် လေ့ကျင့်ခန်းများကိုလည်း တွေ့ရှိနိုင်ပါသည်။ ဂျာမန်ဘာသာစကားသင်ယူနေသည့် ဆယ်ကျော်သက်များအတွက် သင်ထောက်ကူများကို အကြောင်းအရာနယ်ပယ်၊ ဘာသာစကားအဆင့်၊ သင်တန်းပုံစံနှင့် စာမေးပွဲအတွက် ပြင်ဆင်ခြင်း စသည်ဖြင့် မိမိလိုအပ်သည့်အပေါ်မူတည်၍ စိစစ်ရှာဖွေနိုင်ပါသည်။
 
ကျောင်းသူကျောင်းသားများအား လေ့ကျင့်ခန်းများအားလုံးအပေါ်တွင် မှတ်ချက် (comment) ရေးနိုင်အောင် စီစဥ်ထားပေးခြင်းကလည်း  အပြန်အလှန် ပြောဆိုဆက်သွယ်မှုကို ဖြစ်စေပါသည်။ PASCH ကျောင်းသူ၊ ကျောင်းသားများသည် PASCH-net တွင် ဖော်ပြထားသည့် တစ်ကမ္ဘာလုံးအဆင့်ကျင်းပပြီး ဆုကြီးများကိုချီးမြှင့်သည့် ပြိုင်ပွဲများတွင်လည်း ပါဝင်ဆင်နွှဲနိုင်ပါသည်။ Take-overs အစီအစဉ်အရလည်း ဆရာ၊ ဆရာမများနှင့် ကျောင်းသူ၊ ကျောင်းသားများသည် PASCH-net ၏ အင်စတာဂရမ်ကို ရယူအသုံးပြုပြီး၊ မိမိဘာသာ ပို့စ်တင်နိုင်ပါသေးသည်။

သင်ထောက်ကူများ

ပြိုင်ပွဲများ

PASCH-net ၏ Instagram

ကျောင်းသူ၊ ကျောင်းသားများ၏ အွန်လိုင်းသတင်းစာ PASCH-GLOBAL

PASCH-Global အွန်လိုင်းသတင်းစာတွင် ကမ္ဘာအနှံ့မှ ဆယ်ကျော်သက်လူငယ်များသည် ဂျာမန်ဘာသာစကားဖြင့် ဘလော့ဂ်များ ရေးကြပါသည်။ စာများ၊ ဓာတ်ပုံများ၊ ဗွီဒီယိုများ၊ အသံဖိုင်များဖြင့် သူတို့၏ဘဝအကြောင်း ဖော်ပြကြပြီး ဂျာမနီနိုင်ငံအပေါ် သူတို့၏ အမြင်ကို ပြသကြပါသည်။ ဤအွန်လိုင်းသတင်းစာသည်လည်း ကျောင်းသူ၊ ကျောင်းသားများအား တက်ကြွစွာ အတူတကွပါဝင်လုပ်ဆောင်နိုင်ကြရန် အခွင့်အရေးများပေးပါသည်။

PASCH-Global အကြောင်း သတင်းအချက်အလက်များနှင့် ပါဝင်လုပ်ဆောင်ရန်

PASCH အွန်လိုင်းစာသင်ပလက်ဖောင်း

(Moodle) စနစ်ဖြင့် ဖွဲ့စည်းထားသည့် PASCH အွန်လိုင်းသင်ကြားမှုပလက်ဖောင်း၏ အကူအညီဖြင့် ဂျာမန်ဘာသာစကား သင်ကြားပို့ချသည့် ဆရာ၊ ဆရာမများသည် ၎င်းတို့၏ သင်တန်းများအတွက် အွန်လိုင်းစာသင်ခန်းများ ဖွဲ့စည်းနိုင်ပါသည်။ အွန်လိုင်းနည်းပြများနှင့်အတူ အွန်လိုင်းမှတစ်ဆင့် ပို့ချသည့် ကျွမ်းကျင်မှုအဆင့်မြှင့်တင်ခြင်း သင်တန်းများတွင်လည်း တက်ရောက်နိုင်ပါသည်။ “သင်တန်းအတွက် Moodle ကိရိယာတန်ဆာပလာများ” ဟူသည့် အွန်လိုင်းသင်တန်းတွင်မူ PASCH အွန်လိုင်းသင်ကြားမှုပလက်ဖောင်းအား ကျောင်းစာသင်ခန်းထဲတွင် သို့မဟုတ် ကျွမ်းကျင်မှုအဆင့်မြှင့်တင်ခြင်းသင်တန်းများတွင် မည်ကဲ့သို့အသုံးပြုနိုင်သည်ကို သင်ယူနိုင်မည်ဖြစ်ပါသည်။

PASCH အွန်လိုင်းသင်ကြားမှုပလက်ဖောင်းနှင့် ပတ်သက်သည့် သတင်းအချက်အလက်များ

ဂျာမနီတွင် ပညာသင်ကြားခြင်းနှင့် ပတ်သက်သည့် သတင်းအချက်အလက်များနှင့် PASCH ကျောင်းသားဟောင်းများ

အနာဂတ်တွင် PASCH ကျောင်းများမှတစ်ဆင့် ကျောင်းပြီးသွားကြသူများသည် စိတ်ဝင်စားစရာ သတင်းအချက်အလက်များနှင့် လင့်ခ်များကို ရရှိမည် ဖြစ်ပါသည်။ ဥပမာ။ ။ PASCH ကျောင်းသားဟောင်းများ ပလက်ဖောင်း။ ဤနေရာတွင် အမျိုးမျိုးသော ပညာတော်သင်ဆုများနှင့် PASCH အစီအစဉ်များအကြောင်း သိနိုင်ပါသည်။ PASCH ကျောင်းများမှတစ်ဆင့်ကျောင်းပြီးပြီး၊ ယခုလက်ရှိ ဂျာမနီနိုင်ငံတွင် ပညာသင်ကြားနေကြသူများမှလည်း ၎င်းတို့၏ အတွေ့အကြုံများကို ရှင်းပြထားပါသည်။

ဂျာမနီနိုင်ငံတွင် ပညာသင်ကြားခြင်းနှင့် ပတ်သက်သည့် သတင်းအချက်အလက်များ

PASCH ကျောင်းသားဟောင်းများ ပလက်ဖောင်း

PASCH-net တွင် အကောင့်ဖွင့်ခြင်းနှင့် လော့ဂ်အင်ဝင်ခြင်း

ဝက်ဘ်ဆိုဒ်ပေါ်တွင် တင်ထားသည့်အရာအများစုကို လွတ်လပ်စွာ ကြည့်ရှုအသုံးပြုနိုင်ပါသည်။ မှတ်ချက်ပေးလိုခြင်း၊ ပြိုင်ပွဲများတွင် ပါဝင်လိုခြင်း၊ ကွန်မြူနတီများတွင် ပါဝင်လိုခြင်း၊ အွန်လိုင်းသင်ကြားမှုပလက်ဖောင်းကို အသုံးပြုလိုခြင်း စသည်များကို ပြုလုပ်လိုသည့်အခါမှသာလျှင် အကောင့်ဖွင့်ရမည် ဖြစ်ပါသည်။ အကောင့်ဖွင့်ပြီးနောက် အီးမေးလ်လိပ်စာနှင့် စကားဝှက်ကို ရိုက်ထည့်ပြီး လော့ဂ်အင်ဝင်နိုင်ပါသည်။ PASCH ဆရာများအဖြစ် မှတ်ပုံတင်ပြီးသား ဆရာ၊ ဆရာမများသည် လုပ်ဖော်ကိုင်ဖက်များနှင့် ကျောင်းသူ၊ ကျောင်းသားများအတွက် ကုဒ်များကို ပြုလုပ်ပေးနိုင်ပါသည်။

PASCH အစီအစဉ်နှင့် အကောင့်ဖွင့်ခြင်းအကြောင်း မကြာခဏမေးလေ့ရှိသည့် မေးခွန်းများ

သတင်းစာနှင့် လူမှုကွန်ရက်မီဒီယာ

အကောင့်ဖွင့်ထားသည့် အသုံးပြုသူများသည် လော့ဂ်အင်ဝင်ပြီးနောက် “Mein PASCH” နေရာအောက်တွင် PASCH အထွေထွေသတင်းစာ သို့မဟုတ် ကျောင်းသား၊ ကျောင်းသူများအတွက် သတင်းစာကို ရယူနိုင်ပါသည်။ ထို့ပြင် PASCH-net ကို ဖေ့စ်ဘုတ်၊ တွစ်တာနဲ့ အင်စတာဂရမ်တွင် follow လုပ်ထားပါက PASCH-net ၏ အစီအစဉ်များအကြောင်း သတင်းအချက်အလက်များ ပုံမှန်ရရှိနိုင်ပါသည်။

Mein PASCH
Facebook
Twitter
Instagram

info@pasch-net.de
www.pasch-net.de

 

PASCH ကွန်ရက်တွင် ကျောင်းပေါင်း ၂၀၀၀ ကျော်ချိတ်ဆက်ထားပါသည်။ နိုင်ငံပေါင်း ၁၀၀ ကျော်မှ နိုင်ငံအဆင့် ပညာရေးစနစ်အတွင်းရှိ PASCH ကျောင်းပေါင်း ၆၀၀  ၀န်းကျင်ကို Goethe-Institut မှ ကူညီပံ့ပိုးပေးနေပါသည်။ „Schulen: Partner der Zukunft” (PASCH) (ကျောင်းများ။ ။ အနာဂတ်အတွက် မိတ်ဖက်) အစီအစဥ်၏ မူဘောင်အတွင်းရှိ အထက်ဖော်ပြပါ ကျောင်းများတွင် ဂျာမန်ဘာသာစကားသင်တန်းများကို အစပြုသင်ကြားခြင်း သို့မဟုတ် တိုးချဲ့ဆောင်ရွက်ခြင်းများ ပြုလုပ်ပါသည်။ ဤကျောင်းများတွင် ဂျာမန်စကားကို ဒုတိယမြောက်နိုင်ငံခြားဘာသာစကားအဖြစ် သတ်မှတ်ပြဌာန်းထားပါသည်။ ထို့အပြင် PASCH ကွန်ရက်တွင် နိုင်ငံရပ်ခြားကျောင်းများအတွက် ဗဟိုဌာန (Die Zentralstelle für das Auslandsschulwesen) မှ ကူညီထောက်ပံ့ထားသည့် နိုင်ငံရပ်ခြားမှ ဂျာမန်ကျောင်း (၁၄၀) ကျောင်း၊ တက္ကသိုလ်များနှင့် ဘာသာရပ်ဆိုင်ရာ ကျွမ်းကျင်သူများ ကွန်ဖရင့် (Kultusministerkonferenz) မှ ပေးအပ်သည့် ဂျာမန်ဘာသာစကားဒီပလိုမာကို ချီးမြှင့်ခွင့်ရှိသည့် နိုင်ငံပိုင်ကျောင်းပေါင်း ၁၁၀၀ ကျော်လည်း ပါ၀င်ပါသေးသည်။
ကျောင်းများအကြောင်း