Germaniyada yashash va ishlash

Germaniyaning xorijdagi diplomatik vakolatxonalari va xorijliklar bilan ishlash bo‘limlari Gyote-Institutining A1: Start Deutsch 1 sertifikatini nemis tilini bilishning boshlang‘ich darajasini tasdiqlovchi hujjat sifatida tan oladi. Bu Gyote-Instituti tomonidan taklif etiladigan eng oson imtihon hisoblanadi. Gyote-Institutining barcha yuqori darajadagi sertifikatlari ham tan olinadi.

 

Agar suhbatdoshim sekin va aniq gapirsa, men qisqa, juda oddiy savollar, ko‘rsatmalar va xabarlarni tushunib, javob bera olaman. Men o‘zimni va boshqalarni tanishtira olaman hamda boshqalarga, masalan, qayerda yashashlari haqida savollar bera olaman.

Men qisqa yozma xabarlarni, masalan, belgilar va kichik e’lonlarni tushunaman. Men raqamlar, miqdorlar, vaqtlar va narxlarni ayta olaman va tushunaman. Men shaxsiy ma’lumotlarimni, masalan ismim, yashash joyim va yoshimni kiritish uchun oddiy shakllarni to‘ldira olaman. Men qisqa shaxsiy xabarlar yoza olaman.

Ushbu ko‘nikmalar til bilishning A1 darajasiga to‘g‘ri keladi. Bu Til Bilishning Umymyevropa Kompetensiyalari (GER)ning birinchi darajasidir. Til Bilishning Umymyevropa Kompetensiyalari butun Yevropada til bilish darajalarini oltita standartlashtirilgan darajaga ajratadi. Start Deutsch 1 imtihonidan farqli o‘laroq, Fit in Deutsch 1 imtihoni o‘smirlarga mo‘ljallangan bo‘lib, katta yoshdagilar ushbu imtihonda qatnasha olmaydilar.

Talablar
Gyote-Institutining barcha imtihonlarini tegishli til darajasiga ega bo‘lgan boshqa tashqi nomzodlar ham topshirishi mumkin. Biroq, tayyorgarlik kurslariga qatnashish tavsiya etiladi. Ushbu kurslarda an’anaviy va masofaviy o‘qish kurslari, shuningdek, ikkalasining birlashgan shakli ham taklif etiladi.
 

Mumkin bo‘lgan istisnolar yoki Sizning holatingizdagi alohida tartib haqida ma’lumot olish uchun, marhamat qilib,  mamlakatingizdagi Germaniyaning vakolatli idorasi bilan bog‘laning. 

Germaniyaning xorijdagi vakolatxonalari


 

Siz imtihonni Gyote-Institutida yoki Germaniyada yoki boshqa biron mamlakatda joylashgan imtihon hamkorlarimizdan birida topshirishingiz mumkin. Agar siz Germaniyada yashamayotgan ammo imtihonni Germaniyada topshirmoqchi bo‘lsangiz, Germaniyaga kirish uchun sizga viza kerak bo‘ladi.  

Kurs va imtihon sanalari hamda narxlari joydan joyga farq qiladi. Shuning uchun sanalar, narxlar va ro‘yxatdan o‘tish tartibi bo‘yicha to‘g‘ridan-to‘g‘ri Gyote-Instituti yoki o‘zingiz tanlagan imtihon hamkorimiz bilan bog‘lanishingizni so‘raymiz. (havola berilgan.  
 

Goethe-Zertifikat A1: Start Deutsch 1 imtihoniga tayyorlanish uchun o‘rtacha har biri 45 daqiqalik 128 akademik soat kerak bo‘ladi. Oldingi bilimlaringiz va o‘rganish talablaringizga qarab tayyorgarlik vaqti qisqaroq yoki uzunroq bo‘lishi mumkin.

 

Yo‘q. Nemis tilini qayerda va qanday o‘rganishingiz to‘liq sizga bog‘liq.
Goethe-Zertifikat A1: Start Deutsch 1 imtihoniga ro‘yxatdan o‘tishda, siz Gyote-Instituti yoki boshqa til markazida kurslarda ishtirok etganingiz, xususiy darslar olganingiz yoki mustaqil ravishda o‘rganganingiz muhim emas.

Gyote-Instituti imtihon uchun muhim bo‘lgan til ko‘nikmalarini maxsus ravishda mashq qilishingiz mumkin bo‘lgan kurslarni taklif etadi. Shu tariqa, biz sizga imtihon topshirishni iloji boricha osonlashtirishni xohlaymiz.

Mustaqil o‘qish uchun biz "Miteinander" media paketini tavsiya etamiz. Ushbu to‘plam ingliz, turk, arab, rus, tay, ispan va italyan tillarida mavjud bo‘lib, uni Hueber  nashriyotidan buyurtma qilish mumkin.
Hueber nashriyoti "Miteinander" 
Hueber nashriyoti "Miteinander"

Siz Goethe-Zertifikat A1: Start Deutsch 1 imtihoniga boshqa bir til markazida, xususiy o‘qituvchi bilan yoki mustaqil o‘qish orqali tayyorlana olasiz. Gyote-Instituti shuningdek masofaviy o‘qish kurslarini ham taklif etadi.

Imtihon kuni siz faqat Gyote-Institutiga yoki imtihon hamkorimizga tashrif buyurishingiz kifoya. Ba’zi mamlakatlarda biz Start Deutsch 1 imtihonini nafaqat institutda, balki qo‘shimcha joylarda ham o‘tkazamiz. Sizning mamlakatingizdagi Gyote-Instituti sizga imtihon o‘tkaziladigan joylar va boshqa til markazlari haqida ma’lumot bera oladi.

Gyote-Instituti yoki imtihon hamkorimiz bo‘lmagan mamlakatlarda nemis diplomatik vakolatxonasi Sizga til sertifikatini qanday olishingiz bo‘yicha ma’lumot beradi.
Deutsche Auslandsvertretungen

Goethe-Zertifikat A1: Start Deutsch 1 imtihoni ikki qismdan iborat: 65 daqiqalik yozma qism va 15 daqiqalik og‘zaki qism.

Yozma imtihonda siz qisqa kundalik suhbatlarni, shaxsiy telefon xabarlarni yoki ommaviy e’lonlarni tinglab, tegishli vazifalarni bajarasiz. Siz qisqa eslatmalar, e’lonlar, belgilar yoki bildirishnomalar kabi matnlarni o‘qib, ularga oid vazifalarni bajarasiz. Oddiy shakllarni to‘ldirasiz va kundalik hayotdagi vaziyat haqida qisqa shaxsiy matn yozasiz.

Og‘zaki imtihon guruhda o‘tkaziladi. Avvalo o‘zingizni guruhga tanishtirasiz. Keyin kundalik turmushga oid savollar berasiz va o’z navbatida shunday savollarga javob berasiz, shuningdek guruhdagi kimdandir kundalik mavzularda nimanidir iltimos qilasiz.
 

Biz onlayn ravishda bepul mashqlarni taqdim etamiz. Siz tinglab tushunish mashqlarini to‘g‘ridan-to‘g‘ri kompyuteringizda tinglashingiz yoki ularni yuklab olishingiz mumkin.

Shuningdek, bizdan imtihon uchun mashq to‘plamlarini (nomzod va imtihon oluvchi varaqalari hamda audiokasseta yoki CD disklaridan iborat) buyurtma qilishingiz mumkin. Mashq to‘plamlari namunaviy imtihon savollarini o‘z ichiga oladi va haqiqiy imtihonlarda qo‘llanilmaydi.
 

Yo‘q. Imtihon og‘zaki va yozma qismlardan iborat. Ikkala qism ham topshirilishi kerak. Shuning uchun Siz lotin alifbosini yaxshi bilishingiz zarur. Arab yoki kirill аlifbosini yaxshi bilish yetarli emas.
 

Yo‘q. Yozma imtihon uchun lotin alifbosini bilishingiz kerak. Arab yoki kirill аlifbosini bilish yetarli emas.
 

Yo‘q. Imtihon vazifalari Myunxendagi Gyote-Instituti markaziy boshqarmasi tomonidan ishlab chiqiladi va butun dunyo bo‘ylab tadbiq etiladi, bu esa barcha joylarda bir xil sharoitlar qo‘llanilishini anglatadi. Imtihon materiallari amaliyotga kiritilishidan oldin imtihon muhiti sharoitida sinovdan o‘tkaziladi.
 

Biz baholash va sertifikat berishni imkon qadar tezroq amalga oshiramiz. Iltimos, Goethe Zertifikat A1: Start Deutsch 1 til sertifikatingizni vizaga ariza berish uchun zarur bo‘lgan boshqa hujjatlar bilan birga mas’ul Germaniya diplomatik vakolatxonalariga taqdim eting.

U yerda shuningdek, sertifikatdan tashqari qaysi hujjatlarni topshirishingiz kerakligini va vizangiz qachon berilishi mumkinligi haqida ma’lumot berishadi.
Germaniya diplomatik vakolatxonalari Deutsche Auslandsvertretungen