"Maktablar: kelajak hamkorlari" tashabbusi

  • "Maktablar: kelajak hamkorlari" tashabbusi © Kai Uwe Oesterhellweg
  • "Maktablar: kelajak hamkorlari" tashabbusi © Kai Uwe Oesterhellweg
  • "Maktablar: kelajak hamkorlari" tashabbusi © PASCH-net
  • "Maktablar: kelajak hamkorlari" tashabbusi © Kai Uwe Oesterhellweg
  • "Maktablar: kelajak hamkorlari" tashabbusi © Keller
  • "Maktablar: kelajak hamkorlari" tashabbusi © PASCH-net
  • "Maktablar: kelajak hamkorlari" tashabbusi © Jens Sauerbrey

„Maktablar: Kelajak hamkorlari“ tashabbusi (PASCH) nemis tiliga alohida e’tibor qaratgan 2000 PASCH- maktablarini butun dunyo bo’ylab birlashtiruvchi tarmoqda birlashtirgan. Gyote-Instituti 100 ga yaqin davlatlaning  milliy oquv tizimiga kiruvchi 550-ga yaqin PASCH maktablarini qo’llab quvvatlaydi.

2008 yilning Fevral oyida Germaniya Federativ Respublikasi Tashqi ishlar vazirligi „Maktablar: Kelajak hamkorlari“ tashabbusini tashkil etdi. PASCH loyihasi Tashqi ishlar vazirligi tomonidan boshqariladi va chet eldagi maktablar Markaziy boshqarmasi, Gyote-Instituti, Germaniya akademik almashinuv xizmati va Madaniyat va ta’lim vazirligining O’qituvchilar almashinuv xizmati tomonidan ushbu loyiha amalga oshiriladi. 

Maqsad va vazifalar

PASCH yonalishini 4 asosiy g`oya belgilaydi
  • Ta`lim orqali istiqbollarga erishish,
  • Ko`p tillarni bilish orqali bilim doirasini kengaytirish,
  • Til va ta`limga yo`l ochilishi hamda
  • Xalqaro o`quvchilar hamjamoasi sifatida kelajak muammolar yechimini birgalikda izlash 

2008 yilning fevral oyida Germaniya Tashqi ishlar vazirligi „Maktablar: Kelajak hamkorlari“ („Schulen: Partner der Zukunft“, qisqacha: PASCH) – tashabbusini ilgari surdi. PASCH butun dunyoni qamrab olgan tarmoq sifatida Germaniya bilan alohida bog’liq bo’lgan 1 700 dan ortiq PASCH-maktablarini birlashtiradi. Gyote-Instituti 100 dan ortiq mamlakatlarning milliy ta’lim tizimlaridagi sal kam 550 PASCH-maktablarini qo’llab-quvvatlaydi.

Mazkur tashabbus Germaniya tashqi ishlar vazirligi tomonidan muvofiqlashtiriladi va Xorijdagi maktablar markaziy boshqarmasi (ZfA), Gyote-Instituti, Germaniya akademik almashinuvlar xizmati (DAAD) va Germaniya o’lkalarining ta’lim vazirlari kengashi qoshidagi Pedagogik almashinuvlar xizmati (PAD) bilan birgalikda amalga oshirilmoqda.

Xorijdagi nemis maktablari va „Deutsches Sprachdiplom“ nemis tili diplomini taklif etayotgan xorijiy maktablar tarmog’i kuchaytirilmoqda. Bundan tashqari maktablararo hamkorlik kengaytirilmoqda, bundan ko’zlangan maqsad – milliy ta’lim tizimlarida nemis tilini chet tili sifatida mustahkamlashdir. Qo’shimcha ravishda Germaniyada oliy o’quv yurtlarida o’qish uchun stipendiyalar va o’quvchilar almashinuvi uchun imkoniyatlar taklif etilmoqda.

PASCH maqsadlari

Mazkur tashabbus maqsadi – yoshlarda zamonaviy Germaniyaga, uning jamiyatiga va tiliga barqaror qiziqish va zavqni o’yg’otishdir. Germaniya Federativ Respublikasining hamkor maktablaridan iborat umumjahon tarmog’i barpo etilmoqda; maktablar o’zaro tadbirlar va almashinuv yordamida baynalminal o’quv jamoasiga aylanmoqdalar.  

PASCH qiziqarli o’quv tadbirlar yordamida nafaqat o’quvchilarning balki o’qituvchilarning bilimlarini barqaror ravishda oshirishga ko’mak beradi va buning natijasida yosh yigit-qizlarning Germaniya oliy o’quv yurtlarida o’qishlarida va keyinchalik kasb-hunarlarida kerakli ko’nikmalarni ham rivojlantiradi. Bundan tashqari ko’zlangan maqsad – Germaniya bilan jonli va uzoq muddatli aloqalar o’rnatilishi hamda maktablarni, ularning o’qituvchi va o’quvchilarini o’zaro ochiq fikrlar almashuniviga va hamkorlikka chorlashdir. Qolaversa PASCH Germaniya tashqi ishlar vazirligining boshqa tashabbuslari bilan umumiy tarmoq, masalan „Kulturweit“ deb atalgan ko’ngilli yordamchilar (volontyorlar) xizmati tarkibiga kiradi.

Gyote-Institutining vazifa va tadbirlari

Gyote-Instituti o’zi qo’llab-quvvatlayotgan 550 dan ortiq PASCH-maktablariga nemis tilini maktab fani sifatida kiritilishi va kengaytirilishi masalasida yordam beradi. O’quvchilarga metodik-didaktik malaka oshirish va til kurslarini taklif qiladi hamda maktablarni zamonaviy, o’quv-didaktiv hamda mamlakatshunoslikka oid multimedia materiallari bilan ta’minlaydi. Bundan tashqari Gyote-Instituti mazkur tashabbus doirasida butun dunyodagi hamkor maktablarga yordam berish maqsadida dars o’tish masalalari bo’yicha mutaxassislarni jo’natgan. Germaniyada o’tkaziladigan va hamkor-maktablarning o’quvchilariga mo’ljallangan yoshlar uchun kurslari til bilimlarini takomillashtiradi, madaniyatlararo ko’nikmalarini kuchaytiradi va mamlakatshunoslikni jonli qiladi.
www.pasch-net.de sahifasi uchta bo’limdan iborat:
  • Umumiy bo’lim
  • O’qituvchilar bo’limi
  • O’quvchilar bo’limi
Umumiy bo’lim

Umumiy bo’lim ishtirok etayotgan muassasalar va ularning tadbirlari to’g’risida ma’lumot beradi. Jumladan PASCH tashabbusi doirasidagi loyihalar, dunyoning turli mintaqalaridagi xodimlar bilan bloglar, Germaniyada o’smirlar uchun PASCH kurslari hamda xalqaro maktablararo sheriklik birjasi. Interfaol jahon xaritasi sherik maktablar tarmog’ini aks etadi va unda sherik maktablar qisqa portretlar yordamida o’zlarini tanishtiradi.

O’qituvchilar bo’limi

Bu bo’limda o’qituvchilarga PASCH-net sahifasidan nemis tili darsida foydalanishga oid maslahatlar beriladi, yuklab olish uchun o’quv materiallar va metodik-didaktik mavzularga tegishli ma’lumotlar havola etiladi. PASCH o’quv platformasida o’qituvchilar o’zlarining virtual kursxonalarini yaratishi yoki mavjud kurslardan foydalanishlari mumkin.

Community (o’qituvchilar jamoasi) o’zaro material almashish yoki yangi loyihalar uchun sheriklarni topish uchun imkoniyat beradi. Jamoada, o’quv platformasida yoki bloglarda o’qituvchilar mamlakatlararo loyihalarni, masalan mintaqaviy o’quvchilar onlayn gazetasi yoki podcastlar kabi loyihalarni amalga oshirishlari mumkin.

PASCH o’quv platformasida maxsus yordamichlar ko’magida o’tkaziladigan o’qituvchilar malakasini oshirish onlayn PASCH-net kurslari taklif qilinadi. „Onlinekurs PASCH-net-Führerschein“ kursida o’qituvchilar internet sahifasida nemis tili darslari uchun havola etilayotgan ma’lumotlar, masalan jamoalar, o’quv platformasi va „PASCH-Global“ o’quvchilar gazetasi bilan tanishadilar. „Onlinekurs Moodle-Führerschein“ kursida esa ular „Moodle“ compyuter dasturiga asoslangan PASCH o’quv platformasidan maktab darslarida yoki o’quvchilar malakasini oshirish doirasida qanday foydalanishlari mumkinigini bilib olishadi.

Kontakt: lernplattform@pasch-net.de

O’quvchilar bo’limi

PASCH maktablarida nemis tilini o’rganayotganlar jamoada boshqa o’quvchilar bilan fikr va ma’lumotlar almashadilar. Bu yerda ular matnlar, fotosuratlar va videolarni sahifaga yuklashlari, guruhlar tuzishlari va forumlarda o’zaro bahslashishlari mumkin.

Musobaqa va loyihalar ularda ishtirok etishga chorlaydi. Turli til bilish darajalaridagi matnlar Germaniya, jumladan oliy o’quv yurtlarida o’qish haqida ma’lumot beradi.

Muntazam ravishda taklif etiladigan bahs-munozaralar, ishtirok etishga chorlaydigan tadbirlar va o’quv o’yinlari nemis tilini mashq qilishga taklif etadi.

PASCH-net jamolarida yoki o’quv platformasida faol bo’lishni istagan kishi ro’yxatdan o’tishi va so’ng Email adresi va paroli yordamida sahifaga kirishi kerak bo’ladi. Kontakt: service@pasch-net.de
​PASCH tarmog’i butun jahonda 1 700 dan ortiq maktabni o’z ichiga qamrab olgan. Gyote-Instituti 100 dan ortiq mamlakatlar milliy tizimidagi 550 dan ortiq maktablarni qo’llab-quvvatlaydi. „Maktablar: Kelajak hamkorlari " tashabbusi doirasida bu maktablar nemis tili darsini yangidan kiritishdi yoki chuqurlashtirishdi.

Maktablarda nemis tili asosan ikkinchi chet tili sifatida o’qitiladi. Bundan tashqari PASCH tarmog’iga Xorijdagi maktablar markaziy boshqarmasi (ZfA) tomonidan qo’llab-quvvatlanayotgan 142 xorijdagi nemis maktablari va Germaniya o’lkalarining ta’lim vazirlari kengashining Nemis tili diplomini taklif etadigan sal kam 1 000 milliy maktablar kiradi.

Schulporträts