Nemis tili bo’yicha ta’lim sohasida hamkorlik bo’limining asosiy vazifasi, hamkor tashkilotlar bilan birgalikda O’zbekiston va Tojikistondagi ta’lim muassasalarida: o’rta umumta’lim maktablari, shuningdek, oliy o’quv yurtlari va ta'lim sohasidagi boshqa tashkilotlarda nemis tili chet tili sifatida o’qitilishini qo’llab quvvatlashga yo’naltirilgan chora – tadbirlarni amalga oshirishdir. Hususan:

• Nemis tili o’qituvchilarining malakasini oshirishga qaratilgan, davomiyligi bir kundan bir necha haftagacha mo’ljallangan tadbirlar;
• Yangi o’quv qo’llanama va darsliklar haqida ma’lumotlar;
• Nemis tilini chet tili sifatida o’rganilishini ommalashtirishga qaratilgan loyiha va materiallar.

Yangi ma’lumotlardan doimiy habardor bo’lib turish uchun, Siz til bo’limining elektron tarqatma habarlariga (Newsletter) a’zo bo’lishingiz mumkin.

Ta’lim muassasalari bizning bo’limimizga o’quv qo’llanmalari olish uchun ariza bilan murojaat qilishlari mumkin. O’quv qo’llanmalari haqida ma’lumotlar bilan Siz Germaniydagi mashxur nashiryotlarning internet sahifalarida tanishib chiqishingiz mumkin.

Arizangizni ta’lim muassasasi rahbariyati nomidan yozilgan rasmiy hat bilan Gyote-Institutga jo’natishingiz lozim. O’quv materiallariga buyurtma berishda, shartlarga e’tibor bering.