Sifat standartlari
Test vazifalarini til o`qitish va imtihon o`tkazish tajribasiga ega yuqori malakali mutaxassislar ishlab chiqishadi. Yakuniy redaksiya esa Myunxen shaxridagi Gyote Institutining markaziy idorasida amalga oshiriladi. Qo`llanishdan oldin barcha imtihon materiallari imtihon sharoitlarida sinab ko`riladi va natijalari sifat va miqdor jihatidan tahlil qilinadi. Imtihon oluvchi shaxslar markazlashtirilgan va mahalliy seminarlarda tayyorlanadi va malakasini oshirishadi.
Yaxshi sifatni nimadan bilsa bo`ladi:
Odillik
Imtihonlar har bir kishi uchun imkon qadar odil – ya`ni jinsi, millati yoki imkoniyati cheklanganligidan qat`iy nazar bo`lishi lozim.
Haqqoniylik
Til imtihoni natijasini diqqatni bir yerga to`plash qobiliyati, aql-zakovat yoki umumiy saviya emas, balki faqatgina lisoniy qobiliyatlar belgilashi lozim.
ISHONCHLILIK
Imtihonni baholashda ikki nafar imtihon oluvchi shaxs ishtiroki orqali biz yuqori ishonchlilik darajasini ta`minlaymiz.
Qulaylik
Biz imtihonlarimizni takomillashtirish, ya`ni test davom etish vaqti, zamonaviy taxnikadan foydalanish hamda umumiy shart-sharoitlarini yaxshilash ustida doim ishlaymiz.
Bir xil sifat mezonlari:
„Association of Language Testers in Europe“ (ALTE), y`ani „Yevropada til bilimlarini tekshiruvchilarining uyushmasi“ ta`sischilaridan biri sifatida biz sifat standartlari ishlab chiqilishi va amalga oshirilishining tarafdorimiz.
„ALTE“ o`z oldiga quyidagi maqsadlarni qo`ygan:
- til setifikatlarini Yevropada xalqaro tan olinishi uchun bilim darajalarini birxillashtirish.
- Imtihon ishlab chiqish va o`tkazishning barcha bosqichlari uchun sifat mezonlarini birxillashtirish, ya`ni testning tuzilishi, imtihon o`tkazilishi, baholash, sertifikatlash, natijalarni tahlil qilish va saqlab olish.
- Qo`shma loyihalar doirasida hamkorlik qilish hamda tajriba va maxsus bilimlar bilan almashish.