Germaniyada malaka oshirish

GERMANIYADA MALAKA OSHIRISH Foto: Goethe-Institute in Deutschland

Nemis tili o'qituvchilari uchun stipendiyalar

Gyote-Institut 2021 yilda ham nemis tili fanidan dars beradigan yoki biron bir fanni nemis tilida olib boradigan o'qituvchilarga Germaniyada, shuningdek, onlayn malaka oshirish uchun ko'plab imkoniyatlarni taklif etadi.

Siz nemis tilini o'qitish metodikasi, axborot-kommunikatsiya texnologiyalaridan foydalanish, mamlakatshunoslik bo'yicha bilimlaringizni kengaytirishingiz, trener sifatida malaka oshirishingiz yoki til darajangizni oshirishingiz mumkin.

Ariza topshirishdan avval iltimos, malaka oshirish bo'yicha seminarlar mazmuni bilan tanishib chiqing va bir seminar turiga tegishli, sizning faoliyatingiz uchun zarur bo'lgan 3 ta seminarni tanlang. Seminarlar haqida qisqacha ma'lumotni bu yerda topishingiz mumkin.

Malaka oshirish kurslari ro'yxati bilan tanishib chiqing:
 


Iltimos, ishtirok etish shartlari va ariza berish uchun zarur hujjatlar bilan tanishib chiqing.
 
Hujjatlarni quyidagi manzilga yuboring: stipendien-taschkent@goethe.de

Arizalarni qabul qilish muddati uzaytirildi: 2020 yil 20 oktyabr.
 
Shuni esda tutingki, faqatgina o'z vaqtida yuborilgan va to'liq to'ldirilgan hujjatlar ko'rib chiqiladi.

Stipendiya o'z ichiga turar joy, ovqatlanish, tibbiy sug'urta va baxtsiz hodisalardan sug'urta qilish, shuningdek yo'l xarajatlarini oladi.

Sizning arizangiz quyidagi shartlarga javob bersa muvaffaqiyatli bo'ladi:

- so'nggi to'rt yil (2017-2020) Gyote-Instituti va O'zbekistondagi boshqa tashkilotlarning malaka oshirish seminarlarida ishtirok etgan bo'lsangiz.
- oxirgi to'rt yil (2017–2020) Germaniya Federativ Respublikasidan stipendiya olmagan bo'lsangiz.
- seminarda olgan bilimlarni o'z shahringizdagi hamkasblar bilan almashishga tayyor bo'lsangiz.

Siz arizangiz bilan 2021 yil 20-avgust kuni Toshkentdagi Gyote-Institutida bo'lib o'tadigan stipendiatlar uchrashuvida qatnashishga rozilik bildirasiz.

Savollaringiz bo'lsa, elektron pochta orqali biz bilan bog'lanishingiz mumkin.
 

Siz Gyote-Instituti stipendiyasiga ariza topshirishingiz mumkin, agar Siz:
  • davlat ta'lim muassasasida ishlasangiz: maktab (shu jumladan PASH maktabida), universitet, kollej yoki o'qituvchilar malakasini oshirish institutida;
  • haftasiga kamida 18 soat (maktabda) / 12 soat (universitetda) nemis tilidan dars bersangiz;
  • keyingi yillarda siz o'qituvchi sifatida davlat ta'lim muassasasida yoki o'qituvchilar malakasini oshirish institutida o'qituvchi sifatida ishlashni davom ettirsangiz;
  • so'nggi 4 yil ichida Gyote-Institutining Germaniyada malaka oshirish uchun stipendiyasini olmagan bo'lsangiz;
  • seminarning barcha dasturlarida to'liq ishtirok etishga tayyor bo'lsangiz;
  • o'z shahringizdagi hamkasblaringiz bilan seminar davomida qo'lga kiritgan bilim va tajribangizni almashishga tayyor bo'lsangiz;
  • Gyote-Institut stipendiatlari uchun bo'lgan"Virtu Treff" nomli (Virtueller Treffpunkt) onlayn kursida qatnashishga tayyor bo'lsangiz;
  • Sizda tanlangan seminarda qatnashish uchun talab qilinadigan nemis tili darajasini minimal ko'rsatgichi mavjud bo'lsa;
  • Horijga chiqish imkonini beruvchi pasportga ega bo'lsangiz (Reisepass);
  • Siz tanlagan seminarlarning ustuvor taqsimoti har doim ham hisobga olinmasligi mumkinligi to'g'risida xabardor va rozi bo'lsangiz;
  • homiladorlik paytida ishtirok etish tavsiya qilinmasligi to'g'risida xabardor bo'lsangiz, chunki sug'urta homiladorlik tufayli kelib chiqqan asoratlar xavfini qoplamaydi;
  • o'zingiz tanlagan uchta seminarning hammasi sanaga ko'ra sizga mos kelishini va siz ulardan biriga tashrif buyurishingiz imkoni to´liq mavjudligini tasdiqlasangiz;
  • qarindoshlaringizni, do'stlaringizni o'zingiz bilan olib kelish qat`iy ravishda tavsiya qilinmasligidan xabardor bo'lsangiz, chunki butun kuchingiz seminarga yo'naltirilishi kerak bo'ladi. Gyote-Instituti yaqinlaringizni sayohatini tashkil etish va ularni sug'urtalashni o´z zimmasiga olmaydi;
  • uy hayvonlarini o'zingiz bilan olib bormaslik to'g'risida xabardor bo'lsangiz.
 
  • Kombi-Seminarlar (K) - kurslar uchun qo'shimcha ma´lumot
  • yetarlicha kompyuter bilimiga va internet tarmog'idan foydalanish, shuningdek uyda yoki ish joyida internetga uzluksiz kirish imkoniyatiga ega bo'lsangiz; 
  • kursning taklif etilayotgan onlayn bosqichlarida to'liq ishtirok etishga tayyor bo'lsangiz.
Seminarlar ro'yxatidan Sizni qiziqtiradigan bir turga tegishli uchta seminarni tanlang:
 
  • Methodik/Didaktik und Mediendidaktik (M-BL, MDP-BL, MDS-BL, MDE-BL, MDSE-BL)
  • Landeskunde (L, L-BL)
  • Train the Trainer (FSE-BL)
  • Deutsch für Lehrkräfte (DLP, DLSE)
*BL – Blended learning
 
Arizada har hil turga tegishli seminarlarni ko'rsatib bo'lmaydi!
 
Tashkiliy va texnik sabablarga ko'ra Sizdan faqatgina 2021 yil iyun-avgust oylariga mo'ljallangan seminarlarni tanlashingizni so'raymiz. Ushbu ma'lumot onlayn kurslarga taalluqli emas.
 
Bizga quyidagi hujjatlarni elektron shaklda yuboring:
 
1.  To´liq toldirilgan va „Land_Familienname_Vorname.pdf“ shaklida saqlangan ariza. To'ldirishdan oldin arizani kompyuteringizga yuklab oling. 2. Shaxsiy imzo bilan skaner qilingan arizaning so'nggi sahifasi.

3. "Mening nemis tili darsim" so'rovnomasi.  
4. Ish beruvchingiz nomidan ish joyingizni tasdiqlovchi hujjat (ish joyidan) (haftalik o'quv soatlar hajmi, muassasa muhri va aktual sana bilan skaner qilingan ma´lumotnoma).
 
5. Xorijga chiqish uchun biometrik pasporti yoki milliy pasportning fotosurat va ingliz tilidagi ma'lumotlar bo'lgan sahifasining skaner qilingan nushasi.
 
Arizangizni, shu bilan birga barcha hujjatlarni (ariza, "Mein Deutschunterricht" so'rovnomasi, ish beruvchidan ma´lumotnoma, shaxsiy imzoyingiz bor arizaning so'nggi sahifasi, pasport nushasi) Toshkentdagi Gyote-Institutiga elektron pochta orqali quyidagi manzilga yuboring: 
stipendien-taschkent@goethe.de.

Afsuski, to'liq ravishda to'ldirilmagan arizalar, hujjatlarning to'liq bo'lmagan to'plamlari, shuningdek, noto'g'ri nomlangan hujjatlar va fayllar ko'rib chiqilmaydi.
 
Bizga ariza va hujjatlar to'plamini yuborganingizdan so'ng, bizdan ularni qabul qilinganligi to'g'risida tasdiq olasiz. Agar siz ikki hafta ichida bunday tasdiqni olmagan bo'lsangiz, bu hujjatlar yetib kelmaganligini anglatadi. Shunday holatda, yana biz bilan bog'lanishingizni so'raymiz.
 
Sizning arizangiz va uni qabul qilinganligini tasdig'i stipendiya olishni kafolatlamaydi. Sizga saralash bosqichi natijalari to'g'risida 2021 yil yanvar oyining ikkinchi yarmiga qadar elektron pochta orqali xabar qilinadi. Bunga qadar arizangiz to'g'risida telefon orqali biron-bir ma´lumot berilmaydi.
 
Barcha davlat ta'lim muassasalarida ishlaydigan stipendiya dasturiga qiziquvchi o'qituvchilar Gyote-Institutning  malaka oshirish bo'yicha takliflaridan foydalanishlari mumkin. Biroq, stipendiyalar soni cheklangan. Shuning uchun Sizning e'tiboringizni Germaniyada mustaqil to'lov asosida malaka oshirish kurslarida qatnashish imkoniyatiga qaratamiz.
 
Germaniyada Gyote-Institut uslubiy-didaktik, o'lkashunoslik va til bo'yicha bir haftadan to’rt haftagacha bo’lgan dars amaliyotiga yo'naltirilgan malaka oshirish kurslarini taklif qiladi. 

Mustaqil to'lovchi sifatida siz seminarlar boshlanishiga to’rt hafta qolgunga qadar yil davomida ariza topshirishingiz mumkin.
O’lkashunoslik seminarlari doirasida tashkilotllarga tashrif, kasbingiz doirasidagi insonlar bilan suhbatlar, kichik guruhlarda shahar bo’ylab sayr qilish, shuningdek, o’lkashunoslik darsi yuzasidan metodik-didaktik mavzularda fikr almashish va olingan bilimlarni o’z darsingizda tadbiq etish qamrab olingan.
Seminarlarda siz o’z dars rejangizni tuzasiz, kichik guruhlarda loyihaviy ishlar hamda  hayotiy vaziyatlar asnosida materiallar to’playsiz.