በጀርመን አገርከ ሌሎች አገሮች የሚመጡ ብዙ ሰዎች ይኖራሉ። ይህ ከ20 በመቶ በላይ የሚሆነው ህዝብ ነው። ወደ ጀርመን የሚሄዱ ብዙ ሰዎች ጀርመንኛን እንደ ባዕድ ወይም ሁለተኛ ቋንቋ ይማራሉ። የጀርመን ቋንቋ ማወቅ ለእነርሱ አስፈላጊ ነው፡፡ ከሌሎች ሰዎች ጋር መግባባት ይችላሉ፡፡ ስራም በቀላሉ ማግኘት ይችላሉ። የጀርመንን ባህል በደንብ መረዳት ይችላሉ፡፡ ነገር ግን የእራስዎ ቋንቋ ማለትም የአፍ መፍቻ ቋንቋዎም አስፈላጊ ነው። 

የጀርመን ቋንቋ ለአዋቂዎችና ለህፃናት በጣም አስፈላጊ ነው፡፡ቋንቋውን በሚገባ ከቻሉ በቀላሉ መግባባት ይችላሉ። ጓደኞችን በቀላሉ ማግኘት ይችላሉ። አዋቂዎች ጀርመንኛ ለስራ እና ለዕለት ተዕለት ኑሮ፣ ለምሳሌ ለገበያ ይም በመንግስት ቢሮዎች ውስጥ ጉዳይ ለማስፈጽም ያስፈልጎታል፡፡ ይሁን እንጂ በብዙ የመንግስት ቢሮዎች ውስጥ በተለያዩ ቋንቋዎች መረጃ ይኖራሉ፡፡ እንዲሁም ከአስተርጓሚዎች እርዳታ ማግኘት ይችላሉ፡፡ የአፍ መፍቻ ቋንቋዎን እና ጀርመንኛ ይናገራሉ። የሆነ ነገር መናገር ወይም መረዳት ካልቻሉ ይተረጉምልዎታል። ልጆች ጀርመንኛ ለትምህርት ያስፈልጋቸዋል። ቋንቋ የምንማረው በማዳመጥ፣ በማንበብ፣ በመናገር እና በመጻፍ ነው። አዋቂዎች የአገር መለማመጃ ትምህርት ወይም ሌላ የጀርመን ትምህርቶችን መከታተል ይችላሉ። „የአገር መለማመጃ ትምህርት“ በሚለው ጽሑፍ ውስጥ ተጨማሪ መረጃ ማግኘት ይችላሉ፡፡

ከቋንቋው ጋር መደበኛ ግንኙነት እና ብዙ መልመጃ ያስፈልግዎታል። ብዙ ጊዜ የጀርመን ቋንቋን መጠቀም አለብዎት፡፡ እውነተኛ ሁኔታዎች በጣም የተሻሉ ናቸው፣ ለምሳሌ ዕቃ ሲገዙ ጀርመንኛ የአፍ መፍቻ ቋንቋቸው ከሆኑ ሰዎች ጋር ብዙ ይናገሩ።

ብዙውን ጊዜ ልጆች ጀርመንኛን የሚማሩት ከሌሎች ልጆች እና ጎልማሶች ጋር በመገናኘት ነው፡፡ ለምሳሌ በመዋዕለ ሕፃናት ወይም በትምህርት ቤት። እነዚህ ልጆች ብዙ ቋንቋ (ሁለት ቋንቋ ተናጋሪ) ሆነው ያድጋሉ። መጽሐፍትን ድምፅን ከፍ አድርጎ ማንበብ ጀርመንኛ ለመማር ይረዳል።

ለመዋዕለ ሕጻናት እና የመጀመሪያ ደረጃ ትምህርት ቤቶች ለምሳሌ የጀርመን የመጀመሪያ ደረጃ ትምህርት ወይም የጀርመን ማሻሻያ ክፍሎች የሆኑ የተለያዩ ፕሮግራሞች አሉ፡፡ አንድ ልጅ በቂ ጀርመንኛ የማይናገር ከሆነ እርዳታ ያገኛል። የምክር ማዕከላትም አሉ። ጠቃሚ ምክሮችን እና መረጃዎችን ይሰጣሉ፡፡

ልጆቻችሁም የራሳቸውን የአፍ መፍቻ ቋንቋ በደንብ መናገር መቻል አለባቸው። በዚህ መንገድ ሌሎች ቋንቋዎችን በደንብ መማር ይችላሉ። በአፍ መፍቻ ቋንቋቸውም ስለትውልድ አገራቸው ባህልና ወግ ብዙ ይማራሉ ። በብዙ ቤተሰቦች ውስጥ እናትና አባት አንድ ቋንቋ ይናገራሉ። በአንዳንድ ቤተሰቦች ውስጥ ደግሞ ይህ የተለየ ነው፡፡ ስለዚህም እናትና አባት ከልጆቻቸው ጋር በአፍ መፍቻ ቋንቋቸው መነጋገር አለባቸው፡፡ በመደበኛነት ለልጆች ማንበብ፣ ዘፈኖችን መዝፈን እና ጨዋታዎችን መጫወት ይችላሉ፡፡ ከቤተሰብ አባላት ጋር በስልክ ማውራት ይችላሉ፡፡

በትልልቅ ከተሞች ብዙ ጊዜ ሁለት ቋንቋ ተናጋሪ የመዋዕለ ሕጻናት ወይም ዓለም አቀፍ ትምህርት ቤቶች አሉ። ብዙ ቆንስላዎችና ክበቦች ለልጆች በአፍ መፍቻ ቋንቋ ትምህርት ይሰጣሉ። ልጆቹ በአፍ መፍቻ ቋንቋቸው ማንበብ እና መጻፍ ይማራሉ፡፡ በትልድ አገራቸው ባ እወጎች መረጃ ያገኛሉ፡፡ በአንዳንድ የፌደራል ግዛቶች በመደበኛ ትምህርት ቤቶች የቋንቋ ድጋፍ አለ። ይህ ትምህርት የአፍ መፍቻ ቋንቋ ማሟያ ትምህርት ይባላል።

በበይነ መረቡ ብዙ አቅርቦቶችን፣ ለምሳሌ ልጆች መጫወት የሚችሉበት ቡድኖች፣ የስፖርት ክለቦች ወይም የጋራ ጉዞዎች ያገኛሉ ፡፡ ይህ ማለት ልጆች እና ወላጆች በሌሎች ቦታዎች የአፍ መፍቻ ቋንቋቸውን በመደበኛነት መናገር ይችላሉ፡፡

• ለቋንቋው አዎንታዊ አመለካከት መኖሩ መማርን ቀላል ያደርገዋል።
• አባትና እናት ልጆቹን በራሳቸው ቋንቋ መናገር አለባቸው።
• በቤት ውስጥ በአፍ መፍቻ ቋንቋ ያውሩ።
• ልጆች አንድ ቋንቋ ብቻ እንዲናገሩ አያስገድዱዋቸው። አንዳንድ ጊዜ ልጆች ሲገደዱ ፍላጎት ያጣሉ፡፡ እነሱ የሚፈልጉትን ቋንቋ ብቻ ይናገራሉ፡፡ ይህ በሌላ ጊዜ ሊቀየር ይችላል፡፡
• ከአፍ መፍቻ ቋንቋ በተጨማሪ የጀርመን ቋንቋንም እንዲያወሩ ያግዙዋቸው።
• የምክር ማዕከላት እርዳታ እና ድጋፍ ይሰጣሉ። 
  " ምክር ማዕከል" ወይም "የብዙ ቋንቋዎች ምክር ማዕከል" ብለው በበይነ መረብ ይፈልጉ።