နိုင်ငံအများအပြား မှ လူပေါင်းများစွာ ဂျာမနီတွင် နေထိုင်ကြပါသည်။ ထိုသူများမှာ ဂျာမန်လူဦးရေ၏ (၂၀) ရာခိုင်နှုန်းကျော် ရှိသည်။ ဂျာမဏီသို့ ပြောင်းရွှေ့လာသူ အများအပြား မှာ ဂျာမန်ဘာသာစကားကို နိုင်ငံခြား သို့မဟုတ် ဒုတိယဘာသာစကားအဖြစ် သင်ယူရသည်။ ထိုသူတို့အတွက် ဂျာမန်ဘာသာစကားတတ်မြောက်မှုမှာ အရေးကြီးသည်။ ဘာသာစကားတတ်မြောက်ပါက အခြားသူများ နှင့် ပြောဆိုဆက်ဆံနိုင်ပြီး အလုပ်ရရန် ပိုမိုလွယ်ကူပါသည်။ ဂျာမန်ယဉ်ကျေးမှုကိုလည်း ကောင်းစွာနားလည်နိုင်သည်။ သို့သော် မိမိတို့၏ ဘာသာစကား၊ ဇာတိနိုင်ငံ၏ဘာသာစကား မှာလည်း အရေးကြီးပါသည်။ 

ဂျာမန်ဘာသာစကားသည် လူကြီးများ နှင့် ကလေးများအတွက် အလွန်အရေးကြီးပါသည်။ ဂျာမန်ဘာသာတတ်မြောက်ပါက ပြောဆိုဆက်ဆံရန် ပိုမိုလွယ်ကူပါသည်။ မိတ်ဆွေသူငယ်ချင်းများ ပိုမိုလွယ်ကူစွာ ရရှိနိုင်သည်။ အရွယ်ရောက်ပြီးသူများသည် အလုပ်နှင့်နေ့စဉ်နေထိုင်မှုဘဝ အတွက် ဂျာမန်လို တတ်ရန် လိုအပ်ပါသည်။ ဥပမာ - ဈေးဝယ်ခြင်း သို့မဟုတ် အစိုးရရုံးလုပ်ငန်းများ နှင့် ဆက်ဆံရာတွင် လိုအပ်သည်။ အစိုးရရုံးလုပ်ငန်းများစွာမှာမူ ကွဲပြားသောဘာသာစကားများဖြင့် သတင်းအချက်အလက်များကို ပေးတတ်ပါသည်။ စကားပြန်များထံမှ အကူအညီကိုလည်း ရယူနိုင်သည်။ ထိုသူတို့သည် သင်၏ ဇာတိနိုင်ငံဘာသာစကား နှင့် ဂျာမန်ဘာသာစကားကို ပြောဆိုသည်။ တစ်ခုခု မပြောနိုင် သို့မဟုတ် နားမလည်ပါက ဘာသာပြန်ပေးနိုင်ပါသည်။ ကလေးများ ကျောင်းတက်ရန်အတွက် ဂျာမန်ဘာသာ လိုပါသည်။ နားထောင်ခြင်း၊ စာဖတ်ခြင်း၊ စကားပြောဆိုခြင်း နှင့် စာရေးခြင်း တို့ဖြင့် ဘာသာစကားတစ်ခုကို သင်ယူနိုင်သည်။ အရွယ်ရောက်ပြီးသူများသည် ပေါင်းစည်းရေးသင်တန်း သို့မဟုတ် အခြားသော ဂျာမန်ဘာသာသင်တန်းများကို တက်ရောက်နိုင်ပါသည်။ “ပေါင်းစည်းရေးသင်တန်း” ကဏ္ဍတွင် နောက်ထပ်အချက်အလက်များကို ဖတ်နိုင်ပါသည်။

ဘာသာစကား ကို ပုံမှန်ထိတွေ့ပြီး လေ့ကျင့်ရန်အခွင့်အလမ်း များစွာ လိုအပ်ပါသည်။ ထို့ကြောင့် ဂျာမန်ဘာသာစကားကို မကြာခဏ သုံးစွဲသင့်သည်။ လက်တွေ့လူနေမှုဘဝများ ဥပမာအားဖြင့် ဈေးဝယ်သည့်အခါမျိုး မှာ အကောင်းဆုံး ဖြစ်သည်။ ဂျာမန်ဘာသာစကားကို မိခင်ဘာသာစကား အဖြစ် ပြောဆိုသူများ နှင့် စကားများများပြောသင့်သည်။

ကလေးများမှာ များသောအားဖြင့် အခြားကလေးများ နှင့် ဆော့ကစားခြင်း၊ လူကြီးများ နှင့် ထိတွေ့ခြင်းမှတဆင့် ဂျာမန်ဘာသာစကားကို သင်ယူကြသည်။ ဥပမာအားဖြင့် နေ့ကလေးထိန်းကျောင်းများ သို့မဟုတ် စာသင်ကျောင်းများ တွင် ဖြစ်သည်။ ထိုကလေးများသည် ဘာသာစကားများစွာ (ဘာသာစကားနှစ်မျိုး) ပြောဆို၍ ကြီးပြင်းလာသည်။ စာအုပ်များဖတ်ပြခြင်းသည်လည်း ဂျာမန်ဘာသာစကားကို သင်ယူနိုင်ရန် အထောက်အကူပြုသည်။

မူကြိုကျောင်းများ နှင့် မူလတန်းကျောင်းများတွင် အစီအစဉ်အမျိုးမျိုးရှိပါသည်၊ ဥပမာ ဂျာမန်အကြိုသင်တန်း သို့မဟုတ် ဂျာမန်ဘာသာပံ့ပိုးမှုအတန်းများ။ သင်၏ကလေး မှာ ဂျာမန်စကား ကောင်းကောင်းမွန်မွန် မပြောတတ်သေးပါက အကူအညီ ရနိုင်သည်။ အကြံညဏ်ပေးရေးစင်တာ များလည်း ရှိသည်။ ၎င်းတို့ထံမှ အကြံဥာဏ်များ နှင့် အချက်အလက်များ ရနိုင်သည်။

သင့်ကလေးများသည် ၎င်းတို့၏ ဇာတိနိုင်ငံဘာသာစကား ကိုလည်း ကောင်းမွန်စွာ ပြောဆိုနိုင်ရပါမည်။ ဤသို့ဖြင့် အခြားဘာသာစကားများ ကို ပိုမိုလျှင်မြန်စွာ သင်ယူနိုင် ပါသည်။ ဇာတိနိုင်ငံ၏ဘာသာစကား မှတဆင့် ၎င်းတို့၏ မွေးရပ်မြေ မှ ယဉ်ကျေးမှု နှင့် ဓလေ့ထုံးတမ်းများ အကြောင်း များစွာ လေ့လာသင်ယူနိုင်သည်။ မိသားစုအများစုတွင် မိခင်နှင့်ဖခင်တို့ မှာ ဘာသာစကားတစ်မျိုးတည်း ပြောဆိုကြသည်။ အချို့သောမိသားစုများတွင်မူ ကွဲပြားသည်။ ထိုသို့ကွဲပြားပါက မိဘများသည် ၎င်းတို့၏ ဇာတိနိုင်ငံ၏ဘာသာစကား ဖြင့်သာ ကလေးများကို ပြောဆိုသင့်သည်။ ကလေးများကို ပုံမှန်စာဖတ်ပြခြင်း၊ သီချင်းဆိုခြင်း၊ ဂိမ်းဆော့ခြင်းများ လုပ်နိုင်ပါသည်။ မိသားစုဝင်များနှင့်လည်း ဖုန်းပြောနိုင်သည်။

မြို့ကြီးများတွင် နှစ်ဘာသာ (ဘာသာစကားနှစ်မျိုး) ပြောသော နေ့ကလေးထိန်းကျောင်းများ သို့မဟုတ် နိုင်ငံတကာကျောင်းများ ရှိတတ်သည်။ ကောင်စစ်ဝန်ရုံးများ နှင့် အသင်းအဖွဲ့များစွာ မှ ကျောင်းသားများကို ၎င်းတို့၏ ဇာတိနိုင်ငံဘာသာစကား ဖြင့် သင်တန်းများပေးသည်။ ကလေးများမှာ ၎င်းတို့၏ ဇာတိနိုင်ငံဘာသာစကား ဖြင့် ရေးတတ်ဖတ်တတ်ရန် သင်ယူကြသည်။ မိခင်နိုင်ငံများမှ လူနေမှုဘဝ နှင့် ဓလေ့ထုံးတမ်းဆိုင်ရာ အချက်အလက်များကို သင်ယူကြသည်။ အချို့သော ဖက်ဒရယ်ပြည်နယ်များ ရှိ ပုံမှန်ကျောင်းများတွင် ဘာသာစကားပံ့ပိုးမှုလည်း ရနိုင်သည်။ ထိုသင်ခန်းစာများကို မိခင်ဘာသာစကားဖြည့်စွက်သင်ခန်းစာများ (MUE) ဟုခေါ်သည်။

ဥပမာအားဖြင့် ကလေးများအတွက် ကစားအဖွဲ့များ၊ အားကစားကလပ်များ သို့မဟုတ် ပူးတွဲလေ့လာရေးခရီးများကို အင်တာနက်ပေါ်တွင် ရှာနိုင်ပါသည်။ ဤသို့ဖြင့် ကလေးများ နှင့် မိဘများ ၎င်းတို့၏ ဇာတိနိုင်ငံ၏ဘာသာစကားကို အခြားနေရာများတွင် ပုံမှန်ပြောဆိုသုံးစွဲနိုင်ပါသည်။

• ဘာသာစကားအပေါ် အပြုသဘောဆောင်သော သဘောထားက သင်ယူမှုကို ပိုမိုလွယ်ကူစေသည်။
• မိဘများသည် သားသမီးများအား မိမိတို့၏ဘာသာစကားဖြင့် ပြောဆိုသင့်သည်။
• အိမ်တွင် ဇာတိနိုင်ငံမှဘာသာစကားဖြင့် ပြောဆိုပါ။
• ဘာသာစကားတစ်ခုခုကို ပြောရန် ကလေးများကို ဖိအားမပေးပါနှင့် ။ တခါတရံ ကလေးများမှာ ဆန္ဒမရှိတတ်ပါ။ သူတို့ပြောလိုသောစကားကိုသာ ပြောတတ်ကြပါသည်။ ၎င်းအချက်မှာလည်း ပြန်ပြောင်းနိုင်ပါသည်။
• ဂျာမန်ဘာသာစကားအပြင် ဇာတိနိုင်ငံ၏ဘာသာစကား ပြောဆိုမှု ကိုလည်း ပံ့ပိုးပါ။
• အကြံညဏ်ပေးရေးစင်တာများ မှ အကူအညီ နှင့် ပံ့ပိုးမှုများကို ပေးပါသည်။ “ယဉ်ကျေးမှုဆိုင်ရာ အကြံဉာဏ်ပေးရေးစင်တာ” သို့မဟုတ် “ဘာသာစကားများစွာပြောဆိုခြင်းဆိုင်ရာ အကြံဉာဏ်ပေးရေးစင်တာ” များ ကို အင်တာနက်ကို ရှာပါ။