ግዢ

Fahrrad mit Körben und Einkaufstaschen © Goethe-Institut

በሁሉም ከተሞች እንዲሁም በብዙ መንደሮች ውስጥ ሱፐርማርኬቶች አሉ፡፡ እዚያ ብዙውን ጊዜ ለዕለት ተዕለት ሕይወት አስፈላጊ የሆኑትን ሁሉ ማለትም ዳቦ፤ ስጋ፤ ፍራፍሬ እና አትክልት፤ ወተት እና እርጎ፤ቸኮሌት፤የጽዳት እቃዎች፤ የሽንት ቤት ወረቀቶች እና ሌሎች ብዙ ነገሮችን ማግኘት ይችላሉ። በጀርመን ሀገር ውስጥ ያሉ ሱቆች የመክፈቻ ሰዐታቸው የተለያየ ነው፡፡ ሱፐርማርኬቶች ብዙውን ጊዜ ከጠዋቱ 7:00 እስከ ማታ 8:00 ድረስ ክፍት ናቸው።

ሱቆች በዕለት ተዕለት ሕይወት ውስጥ

ትኩስ የምግብ ሸቀጣ ሸቀጣ መግዛት ይፈልጋሉ? በብዙ ቦታዎች በሳምንት አንዴ ወይም ሁለቴ ሳምንታዊ ገበያ አለ። ብዙውን ጊዜ ቅዳሜ ዕለት ይካሄዳል፡፡ በሳምንቱ ገበያ ትኩስ ፍራፍሬ፤ አትክልት እና የአገሩ ልዩ ምግቦችን ማግኘት ይችላሉ፡፡ ትኩስ ስጋ እና ትኩስ ቋሊማ በሱፐርማርኬት ወይም ስጋ ቤቶች (በደቡብ ጀርመን ስጋ ቤቶች ይባላሉ) ማግኘት ይችላሉ። በዳቦ ቤቶች ውስጥ ትኩስ ዳቦ መግዛት ይችላሉ።

በትናንሽ ከተሞች እና መንደሮች ውስጥ ያሉ ዳቦ ቤቶች፣ ስጋ ቤቶች እና ሌሎች ትናንሽ ሱቆች ብዙ ጊዜ ቀደም ብለው ይዘጋሉ ወይም በቀን ውስጥ ለጥቂት ሰዓታት ብቻ ክፍት ይሆናሉ። ሳምንታዊ ገበያዎች ብዙውን ጊዜ ከጠዋት እስከ ከሰአት ይቆያሉ።

ሁሉም ሱቆች እሁድ ዝግ ናቸው። በእሁድና በበዓላት የሚከፈቱት ዳቦ ቤቶችና ፣ ባቡር ጣቢያዎች እና ነዳጅ ማደያዎች ያሉ ብቻ ናቸው ።

የማድረስ አገልግሎት

ሱፐርማርኬት ሩቅ ነው ወይስ ገበያ ለመሄድ ከቤት መውጣት አይፈልጉም? እንግዲያውስ የ ማድረስ አገልግሎት መጠቀም ይችላሉ። ከዚያ አንድ ሰው ወደ ቤትዎ የምግብ ሸቀጣ ሸቀጣ ሸቅጥ ያመጣሎታል። በይነመረብ ላይ "የምግብ አቅርቦት አገልግሎት" ብለው ከተማዎትን በመፃፍ ይፈልጉ። በተለምዶ በይነመረብ ላይ ቅጽ ይሞላሉ። ብዙ ሱፐርማርኬቶችም የማድረስ አገልግሎት ይሰጣሉ። ይሁን እንጂ ይህ አገልግሎት በመደብሩ ውስጥ ከመግዛት የበለጠ ክፍያ ያስከፍላል፡፡ የተዘጋጁ ምግቦችን የሚያቀርቡ የማድረስ አገልግሎቶችም የሚሰጡ አሉ። እዚህ መደወል ወይም በመስመር ላይ ማዘዝ ይችላሉ።

ቀብድ

በጀርመን ሀገር ውስጥ በሁሉም የመጠጥ ጣሳዎች, የፕላስቲክ ጠርሙሶች እና ብዙ የመስታወት ጠርሙሶች ላይ ተቀማጭ ብር አለ፡፡ለቆርቆሮ ወይም ለጠርሙሱ ትንሽ ገንዘብ (ብዙውን ጊዜ ከ 8 እስከ 25 ሳንቲም) ይከፍላሉ።የተጋቡትን እቃዎች ሲመልሱ ገንዘብዎን ያገኛሉ።ሱፐርማርኬት ውስጥ ብዙውን ጊዜ ወይም በመጠጥ ሱቆች ውስጥ ለ ባዶ ጠርሙሶች እና ለጣሳዎች የሽያጭ ማሽኖች አሉ። ከማሽኑ ላይ ለሱፐርማርኬቱ የሚሰጡት ወረቀት ማሽኑ ይሰጦታል ። ከዚያም ወደ ሱፐር ማርኬቱ መስኮት በመሄድ ተቀማጭ ገንዘቡን መልሰው ያገኛሉ፡፡ ተቀማጭ ገንዘብ የሌላቸውን ጠርሙሶች ወደ ጠርሙስ መሰብሰቢያው ይውሰዱ፡፡

ልዩ ሱቆች እና በይነ መረብ

ለምሳሌ ቁም ሳጥን፣ ኮምፒውተር ወይም ጫማ መግዛት ከፈለጉ ወደ የገበያ አዳራሽ ወይም ልዩ ሱቅ መሄድ ይችላሉ። የገበያ አዳራሾች ብዙ የተለያዩ ምርቶች አሏቸው፡፡ የገበያ አዳራሾች በዋናነት በከተሞች ውስጥ ይገኛሉ፡፡ ልዩ መደብሮች በተወሰኑ ምርቶች ላይ ያተኩራሉ፡፡ ለምሳሌ የቤት ዕቃ መሸጫ መደብሮች፣ የኤሌክትሮኒክስ ዕቃዎች ወይም የጫማ መደብሮች አሉ። የመክፈቻ ሰዓቶች ብዙውን ጊዜ ከጠዋቱ 3፡00 እስከ ምሽቱ 02፡00፡ አንዳንዴ እስከ 12፡30 ድረስ ብቻ ናቸው።በአሁኑ ጊዜ በድህረ ገፅ ላይ አብዛኛዎቹን ነገሮች ማግኘት ይችላሉ። ብዙ ጊዜ መጠበቅ ያለብዎት ለጥቂት ቀናት ብቻ ነው እናም ምርቶቹ ቤትዎ ድረስ ይደርሳሉ፡፡

ያገለገሉ ዕቃዎችን በቅናሽ ዋጋ መግዛት

በጀርመን ውስጥ ያገለገሉ ምርቶችን ለምሳሌ አልባሳት፣ የኤሌክትሪክ ዕቃዎች፣ የቤት እቃዎች፣ መጻሕፍት እና ሌሎችንም መግዛት ይችላሉ። ይህ ብዙውን ጊዜ ቅናሽ ነው፡፡

በትልልቅ ከተሞች ብዙውን ጊዜ ቅዳሜና እሁድ ውስጥ ያገለገሉ ዕቃዎችን በቅናሽ ዋጋ የሚሸጥበት የገበያ ቦታዎች እና ሱቆች አሉ፡፡. በቀላሉ „ቅዳሜና እሁድ ገበያ “ ወይም „ያገለገሉ ዕቃዎች “ እና ከተማዎን ብለው በበይነ መረብ ላይ ያስገቡ።

ተጨማሪ ያገለገሉ እና ቅናሽ ዕቃዎችን በበይነ መረብ ላይ መፈለግ ይችላሉ፡፡ ሆኖም ግን ሁሉም አቅርቦቶች ህጋዊ እንዳልሆኑ ይወቁ። ከሚታወቁት በይነ መረብ መካከል ለምሳሌ የሚከተሉት ናቸው፡-

ebay.de (ኢባይ ዴኤ)

Kleinanzeigen.de (አነስተኛ ማስታወቂያ)

ክፍያ

በጀርመን የተለያዩ የመክፈያ መንገዶች የተለመዱ ናቸው። ብዙውን ጊዜ በማንኛውም ቦታ በጥሬ ገንዘብ ወይም (ወይም ኤቴም ካርድ) መክፈል ይችላሉ። የባንክ ቁጠባ ሒሳብ ደብተር ካሎት ኤቲም ካርድ እንዲሁም አብዛኛውን ጊዜ የብድር ካርድ (ማስተር ወይም ቪዛ ካርድ) ያገኛሉ። በአንዳንድ ሱፐርማርኬቶች፣ የገበያ ማዕከሎች እና መደብሮች በብድር ካርድ መክፈል ይችላሉ። የሞባይል ክፍያ ማለትም በስልኮትም መክፈል በጀርመን የተለመደ ነው።

በብድር ካርድዎና በኤቴም ካርዶ ጭምር በበይነ መረብ ላይ መክፈል ይችላሉ፣ ከዚህ በተጨማሪም በተቀማጭ ገንዘብ ገቢ ማድረጊያ አልያም በደረሰኝ መክፈል ይችላሉ። በተቀማጭ ገንዘብ ገቢ ማድረጊያ መክፈል ከፈለጉ የሒሳብ ደብትር ዝርዝሮትን በበይነ መረብ ላይ ማስገባት አለቦት። ከዚያም ገንዘቡ ከሒሳብ ደብተሮ ላይ ይቀነሳል። ክፍያው በደረሰኝ ሲሆን ገንዘቡን ከሒሳብ ደብተሮ ያስተላልፋሉ። ሌሎች የመክፈያ ዘዴዎችም አሉ፡፡ለምሳሌ የሒሳብ ደብተር መረጃዎን ሳያጋሩ ክፍያ በበይነ መረብ መክፈል ወይም መቀበል የሚያስችል ደንብ አለ። ተጨማሪ መረጃ ፋይናንስ እና ታክስ በሚለውጽሑፍ ውስጥም ያገኛሉ።

ዋጋዎች, ዋስትና እና ልውውጥ

በጀርመን ውስጥ ያሉ አብዛኛዎቹ ሱቆች ለሁሉም ምርቶች ቋሚ ዋጋዎች አሉ። አንዳንድ ጊዜ በገበያ ላይ እና በልዩ መደብሮች ውስጥ ዋጋ መደራደር ይችላሉ። ነገር ግን በተለምዶ ይህ የተለመደ አይደለም፡፡

የሆነ ዕቃ ገዝተው የገዙት እቃ ተበላሽቷል? ከሆነ ለአዳዲስ እቃዎች የሁለት ዓመት ዋስትና የማግኘት መብት አሎት። አዲስም ምርት ይቀበላሉ አልያም ጉድለት ያለበትን ምርት መልሰው ገንዘብዎን መልሰው ማግኘት ይችላሉ። ወይም ትንሽ መክፈል ይኖርቦታል። የገዙትን ዕቃ ለተወሰነ ጊዜ ያህል ተገልግለውበት ከሆነ የሚያገኙት ዋስትና ዕቃውን ከገዙበት ዕለት ጀምሮ እስከ 12 ወራት ጊዜ ብቻ ነው። አንዳንድ ጊዜ በምርቶች ላይ ዋስትናም አለ፡፡ ምርቱ ለምሳሌ ቴሌቪዥን ሆኖ በዋስትና ጊዜ ውስጥ ቢበላሽ, ከክፍያ ነጻ ጥገና ይኖሮታል፡፡ ወይም አዲስ ቴሌቪዥን ያገኛሉ፡፡ የዋስትና ጊዜው ከመጀመሪያው የግዢ ቀን ከ12-24 ወራት ነው፡፡

ምርቱን ካልወደዱት እና ካልተጠቀሙበት፣ በሌላ ምርት መቀየር ይችላሉ። ብዙውን ጊዜ መመለስ ይችላሉ። ከዚያ ገንዘብዎን መልሰው ያገኛሉ።ብዙውን ጊዜ በ14 ቀናት ውስጥ መለወጥ ወይም መመለስ ይቻላል። ከገዙት ምርት ጋር ደረሰኙን ማሳየት አለብዎት፡፡ ልዩ ቅናሽ ያላቸውን ምርቶች ብዙውን ጊዜ መለወጥ አይችሉም።

በተደጋጋሚ የሚጠየቁ ጥያቄዎች

ተከተሉን