Je ungependa kununua vyakula vitokavyo shambani siku hiyo? Katika maeneo mengi, mara moja au mbili kwa juma kuna gulio. Mara nyingi hufanyika siku ya Jumamosi. Katika gulio unaweza kupata matunda na mboga safi pamoja na vyakula asilia vya eneo hilo. Nyama na soseji safi hupatikana kwenye masoko au katika maduka ya nyama yaitwayo Metzgereien kusini mwa Ujerumani. Mkate safi unaweza kununua kwenye maduka ya mikate.

Maduka ya mikate, nyama na maduka mengine madogo hufungwa mapema katika miji midogo na vijijini au hufunguliwa kwa saa chache tu kwa siku.

Gulio hufanyika kawaida kuanzia macheo hadi mchana. Jumapili maduka yote hufungwa. Ni maduka ya mikate, maduka yaliyo ndani ya vituo vya reli na vituo vya mafuta tu ambayo mara nyingi huwa wazi siku za Jumapili na sikukuu.
 

Je soko kubwa la rejareja lipo mbali sana? Au hutaki kutoka nje kwenda kufanya ununuzi? Unaweza kutumia huduma ya uwasilishaji. Kisha mja ataleta chakula hadi nyumbani kwako. Tafuta kwenye mtandao kwa kubonyeza maneno „Lieferservice Lebensmittel“ na jiji lako. Kawaida unajaza fomu kwenye mtandao. Pia masoko mengi ya rejareja yanatoa huduma za uwasilishaji. Hata hivyo huduma hii hugharimu zaidi kuliko kununua dukani. Pia kuna huduma za uwasilishaji zinazotoa vyakula vilivyopikwa tayari. Hapa unaweza kupiga simu au kuagiza kupitia mtandao.

Nchini Ujerumani kuna ada ya rejesho kwa makopo ya vinywaji, chupa za plastiki na chupa nyingi za glasi. Unalipa kiasi kidogo cha pesa kwa ajili ya kopo ya chupa. Kwa kawaida ni kati ya senti nane hadi ishirini na tano. Unarejeshewa pesa hizo unaporudisha vyombo hivyo vitupu dukani.

Kawaida kwenye masoko au maduka ya vinywaji kuna mashine za kuchukua chupa na makopo yaliyotumika. Unapewa stakabadhi ambayo unaonyesha kwenye kaunta. Kisha unapewa pesa yako. Chupa za glasi zisizo na rejesho huzirudisha kwenye kontena maalum za glasi.

Iwapo ungependa kununua kabati, tarakilishi au jozi la viatu, unaweza kwenda kwenye jumba la biashara au duka maalum. Majumba ya biashara huwa na bidhaa nyingi tofauti tofauti. Majumba haya hupatikana hasa mijini. Maduka maalum huwa yamebobea katika bidhaa fulani. Kwa mfano kuna maduka ya samani, maduka maalum ya vifaa vya kielektroniki au maduka ya viatu. Saa za kufungua kwa kawaida huwa kuanzia saa tatu asubuhi hadi saa mbili usiku, wakati mwingine hadi saa kumi na mbili unusu jioni tu.

Leo hii bidhaa nyingi pia unaweza kuzipata kupitia kwa mtandao. Mara nyingi utasubiri siku chache tu na bidhaa huletwa hadi nyumbani kwako.

Unaweza pia kununua bidhaa zilizotumika tayari nchini Ujerumani kwa mfano nguo, vifaa vya elektroniki, fanicha, vitabu na mengine mengi. Mara nyingi bidhaa hizi huwa nafuu zaidi.

Mwishoni mwa wiki kuna masoko ya bidhaa za mitumba hasa katika miji mikubwa. Pia kuna maduka ya mitumba ambayo yanaongezeka kwa kasi. Tafuta tu mtandaoni kwa maneno soko la bidhaa za mitumba au bidhaa za mitumba pamoja na jiji lako.

Pia kupitia kwa mtandao unaweza kupata bidhaa zilizotumika na kwa bei ya ahueni. Hata hivyo tahadhari maadamu si punguzo zote ni za kuaminika. Majukwaa maarufu ni kama vile

Nchini Ujerumani njia mbalimbali za malipo hutumika. Kwa pesa taslimu au kadi ya benki (ambayo pia huitwa kadi ya EC) unaweza kulipia karibu kila mahali. Ukifungua akaunti ya benki au akiba utapewa kadi ya benki au kadi ya debit na mara nyingine pia kadi ya mkopo (MasterCard au Visa). Katika baadhi ya masoko makubwa, majumba ya biashara na maduka maalum unaweza kulipa kwa kutumia kadi ya mkopo. Malipo kwa simu janja pia ni jambo la kawaida nchini Ujerumani.

Kwenye mtandao hulipwa kwa kutumia kadi ya mkopo au kadi ya debit pia kwa kukatwa pesa kutoka kwa benki au kwa ankara. Ikiwa ungependa kulipa kwa njia ya benki lazima uweke taarifa zako za akaunti mtandaoni. Kisha pesa hukatwa moja kwa moja kutoka kwenye akaunti yako. Ukipewa ankara utalipa kwa kuhamisha pesa kutoka kwenye akaunti yako. Kuna njia nyingine za malipo kwa mfano PayPal. Taarifa zaidi zinapatikana kwenye maandiko kuhusu Fedha na Kodi.

Katika maduka mengi nchini Ujerumani bidhaa zote huwa na bei ya kudumu. Gulioni na kwa bidhaa za thamani kubwa katika maduka maalum unaweza kubehiana. Lakini si kawaida kufanya hivyo.

Umenunua kitu na kimeharibika? Kwa bidhaa mpya una haki ya kupata dhamana ya miaka miwili unapewa bidhaa mpya. Au unarudisha bidhaa iliyoharibika na kurejeshewa pesa yako. Au unalipa kidogo zaidi. Kwa bidhaa za mkono wa pili, kipindi chake ni miezi kumi na miwili. Wakati mwingine kuna pia dhamana kwa bidhaa. Ikiwa bidhaa kwa mfano runinga: ikiharibika ndani ya kipindi cha dhamana itakarabatiwa bure. Au utapewa runinga mpya. Kipindi cha dhamana ni kuanzia miezi kumi na miwili hadi ishirini na minne tangu tarehe ya kununua bidhaa hiyo.

Ikiwa hukuridhika na bidhaa hiyo na hujaanza kuitumia unaweza kubadilisha na nyingine. Mara nyingi pia unaweza kuirudisha. Utarejeshewa pesa yako. Kubadilisha au kurudisha bidhaa kunaruhusiwa kawaida ndani ya siku kumi na nne. Hapa ni sharti uonyeshe stakabadhi ya malipo au ankara. Mara nyingi bidhaa za punguzo maalum haziwezi kubadilishwa.