ვისწავლოთ გერმანული მუზეუმში
კლასგარეშე განათლების ადგილები, როგორიცაა მუზეუმები, აქტიური და ქმედებაზე ორიენტირებული სწავლების ახალ შესაძლებლობებს გვიხსნის. საქართველოს ეროვნულ მუზეუმთან თანამშრომლობით გოეთეს ინსტიტუტმა საქართველოში შეიმუშავა მასალათა ორი პაკეტი, რომლებიც საგანგებოდ ბავშვებზე, მოზარდებზე და ახალგაზრდებზეა მორგებული. ეს მასალები პედაგოგებს საშუალებას აძლევს, გაკვეთილი პირდაპირ მუზეუმში ჩაატარონ და გრძნობის ყველა ორგანოთი სწავლის ეს გამოცდილება დაუვიწყარ თავგადასავლად აქციონ.
ბავშვებისთვის A1 დონიდან
თემა: ჭამა-სმა - ზეიმების აღნიშვნა
ადგილი: კულტურის მუზეუმი (ცისფერი გალერეა), რუსთაველის გამზ. 11, თბილისი
ხანგრძლივობა: დაახლ. 2 სთ
ფიროსმანის სამყაროს აღმოჩენა გრძნობის ყველა ორგანოთი: ბავშვები შლიან სუფრას, ყნოსავენ ვარდებს, ცდილობენ შეხებით შეიგრძნონ ტომარაში მოთავსებული საგნები, ხსნიან საძიებო დავალებებს მუზეუმში. მასალების დახმარებით ბავშვები თამაშ-თამაშით სწავლობენ სიტყვებს და ენის გამოყენებას.
მითითება: გთხოვთ, წინასწარ გაეცნოთ მასალებს გოეთეს ინსტიტუტის ბიბლიოთეკაში
მოზარდებისთვის და ახალგაზრდებისთვის A2 დონიდან
თემა: რეალობა და მოჩვენებითობა - სტატუსზე მიმანიშნებელი სიმბოლოები უწინ და ახლა
ადგილი: საქართველოს ეროვნული მუზეუმი, რუსთაველის გამზ. 3, თბილისი
ხანგრძლივობა: დაახლ. 2 სთ
მოსწავლეები ეცნობიან ობიექტებს არქეოლოგიური საგანძურიდან და აღმოსავლური კოლექციიდან. დავალებები საუბრის, კამათის და ჩაფიქრების სტიმულს იძლევა - იდეალურია საკომუნიკაციო გაკვეთილისთვის მუზეუმში.
მითითება: გთხოვთ, წინასწარ გაეცნოთ მასალებს ვებგვერდზე ან გოეთეს ინსტიტუტის ბიბლიოთეკაში
რეგისტრაცია
მუზეუმში კლასთან ერთად ვიზიტის შესათანხმებლად დაუკავშირდით ქ-ნ ნინო ბაქანიძეს
Tel.: + 995 32 293 1652
