Connect-Disconnect

CONNECT აერთიანებს ქართველ ხელოვანებსა და ბერლინის ხელოვნების უნივერსიტეტის Sound Art მიმართულების სტუდენტებს. პროექტის მიზანია, ბგერამ, სხეულმა და სივრცემ ერთმანეთთან სრულიად ახალი კავშირი იპოვოს.

Platzhalter quadratisch © Goethe-Institut

საქართველოს გოეთეს ინსტიტუტის მიერ ბერლინის ხელოვნების უნივერსიტეტთან (UdK Berlin) თანამშრომლობით (სამაგისტრო პროგრამა Sound Studies and Sonic Arts). შექმნილი პროექტი აუდიოხელოვნებაში, პერფორმანსსა და დროზე დაფუძნებულ მედიაში მომუშავე 13 ხელოვანს აერთიანებს.

რეზიდენცია – Connect–Disconnect

Residenz © Goethe-Institut Georgien Residenz Goethe-Institut Georgien
ამჟამად თბილისსა და ბერლინში დაფუძნებული ხელოვანების პირველი შეხვედრა  რეზიდენციის Connect–Disconnect ფარგლებში 2025 წლის 19–24 ოქტომბერს თბილისში, ქუთაისსა და წყალტუბოში გაიმართა. მოსმენისა და შემოქმედებითი კვლევის საშუალებით მონაწილე ხელოვანები ამ სამ ქალაქსა და მათ რიტმებს, ატმოსფეროსა და მატერიალურ გარემოს დაუკავშირდნენ. ამ შემთხვევაში ხმა აღმოჩნდა მეთოდიცა და მედიაც, რომელიც ექსპერიმენტების ჩატარებისა და ნამუშევრების სხვადასხვა მედიუმის გამოყენებით შექმნის ბიძგად იქცა.

რეზიდენციის დროს წარმოშობილი იდეები შემდგომი დისტანციური თანამშრომლობის პროცესში შემოქმედებით ნამუშევრებად გარდაიქმნა. ნამუშევრები წარმოდგენილია გამოფენაზე Connect–Reconnect — პირველად თბილისში, შემდეგ კი ბერლინში.

Connect-Reconnect

შეხვედრების, დისტანციურად გაგრძელებული თანამშრომლობისა და საერთო შემოქმედებითი პროცესების შედეგად შეიქმნა გამოფენა Connect–Reconnect. ექსპოზიცია აერთიანებს ხმოვან ნამუშევრებს, ინსტალაციებს, პერფორმანსებსა და დროზე დაფუძნებულ მედიებს. 

უფრო ვრცლად გამოფენის შესახებ იხილეთ:

მონაწილე ხელოვანები

გამოგვყევით