DLL თანამშრომლობა უმაღლეს სასწავლებლებთან

გოეთეს ინსტიტუტის DLL -კოლაბორაცია უმაღლეს სასწავლებლებთან მნიშვნელოვანი ინიციატივაა, რომელიც მთელს მსოფლიოში გერმანული ენის პედაგოგთა კვალიფიკაციის ამაღლებას ემსახურება. ორმხრივი და სამმხრივი თანამშროლობით (იენის ფრიდრიხ შილერი უნივერსიტეტთან) სტუდენტებს ვაძლევთ გერმანული ენის პედაგოგებად ჩამოყალიბების და ყოველდღიური სამასწავლებლო რუტინისთვის შემზადების შესაძლებლობას.

რატომ DLL?

უმაღლეს სასწავლებლებში გერმანული ენის მასწავლებლების მომზადებაში პროგრამის „გერმანული ენის სწავლების სწავლა (DLL)“ ინტეგრაცია საგანმანათლებლო პროცესის ყველა მონაწილისთვის უამრავ უპირატესობას ნიშნავს:

ინოვაციური საგანმანათლებლო კურსის შემოღება უმაღლეს სასწავლებელს ადგილობრივ და საერთაშორისო საგანმანათლებლო ბაზარზე კონკურენტებზე ერთი თავით მაღლა დააყენებს.
DLL -ის წარმართვა შესაძლებელია ცვალებად რეჟიმებში: დასწრებული სწავლების, ვებ-დახმარებით სწავლების, დასწრებული და ონლაინ სწავლების კომბინაციის (Blended Learning) და სრულად ონლაინ სწავლების.
გოეთეს ინსტიტუტის პერსონალური, მეცნიერული, მეთოდურ- დიდაქტიკური და ტექნიკური რესურსების დახმარებით DLL განათლების მაღალ ხარისხს უზრუნველყოფს.
DLL ვირტუალურად უზრუნველყოფს კურსის მონაწილეთა აკადემიურ მობილობას და კარიერულ წინსვლას.
ელექტრონული სწავლების და მოქნილობის წყალობით სტუდენტთა რაოდენობის გაზრდა საგანმანათლებლო პროცესშივეა შესაძლებელია.
ამასთან, პროგრამა ქმნის გოეთეს ინსტიტუტის კვალიფიკაციის ამაღლების შემდგომ საფეხურებზე გადასვლის შესაძლებლობას და ჩარჩო-პირობებს.

ხსენებული კოლაბორაცია საშუალებას მოგცემთ, ჩაერთოთ კვალიფიკაციის ამაღლების უამრავ პროგრამაში და ამგვარად გადაახალისოთ და გაიღრმაოთ ცოდნა უცხო ენის სწავლების მეთოდიკის და მედიადიდაქტიკის სფეროში, აგრეთვე დახვეწოთ პროფესიული უნარები.
გოეთეს ინსტიტუტი გთავაზობთ კვალიფიკაციის ამაღლების კურსებს, რომელთა გავლის შემდეგაც გადმოგეცემათ კვალიფიკაციის დამადასტურებელი მოწმობა.
DLL-ის წყალობით შეძლებთ პრაქტიკაში გამოიყენოთ ახალი მიდგომები.
მოგეცემათ შესაძლებლობა, DLL-ის ერთი ან რამდენიმე მოდული ჩართოთ სხვადასხვა დისციპლინების და პრაქტიკული მეცადინეობების სასწავლო გეგმებში მომდევნო სპეციალობებში: „გამოყენებითი ლინგვისტიკა“, „პედაგოგიური განათლება“ და „ფილოლოგია“.
გოეთეს ინსტიტუტი მოგცემთ შანსს, მოიპოვოთ DLL -ტრენერის მსოფლიოში აღიარებული და სტანდარტიზებული კვალიფიკაცია
გოეთეს ინსტიტუტი ხელს შეგიწყობთ დამატებითი გაცვლითი პროგრამებით და კონსულტაციით.
მოგეცემათ შესაძლებლობა, გახდეთ გოეთეს ინსტიტუტის DLL-მულტიპლიკატორი.

სწავლების თანამედროვე პრინციპების გამოყენებით თქვენი ტრენინგი მეტად ორიენტირებულია სწავლებაზე და პედაგოგიური პრაქტიკისთვის გამზადებთ.
გერმანული ენის გაკვეთილზე ინოვაციური მიდგომების და მეთოდების პრაქტიკული გამოყენების წყალობით და პრაქტიკაზე დაკვირვების პროექტების დაგეგმვით, განხორციელებით და დოკუმენტირებით, ნასწავლს პრაქტიკაში გამოიყენებთ.
ტრენინგი უზრუნველყოფს მაღალი ხარისხის ინტერაქტიურობას და პრაქტიკაზე ფოკუსირებულ სასწავლო მასალას.
DLL -ის წყალობით თქვენი საკუთარი სასწავლო პროცესი მეტად ინდივიდუალიზებული იქნება.
მოგეცემათ შესაძლებლობა, გაიცნოთ უცხო ენის სწავლების კარგი პრაქტიკის მაგალითები სხვადასხვა ქვეყნიდან.
სწავლება მიმდინარეობს გერმანულ ენაზე, რითაც გაიუმჯობესებთ ენობრივ და პროფესიონალურ უნარებს.
კურსის წარმატებით გავლის შემდეგ გადმოგეცემათ გოეთეს ინსტიტუტის და პარტნიორი უნივერსიტეტის დუალური DLL-სერტიფიკატი
მოგეცემათ სტიპენდიებზე ( მაგ. გოეთეს ინსტიტუტის სასერტიფიკატო გამოცდის) წვდომის შესაძლებლობა.

რა არის DLL?

გაიგეთ მეტი კვალიფიკაციის ასამაღლებელი პროგრამის - „გერმანული ენის სწავლების სწავლა ‘ შესახებ. გაეცანით კონტენტს და სამიზნე ჯგუფებს.

კვალიფიკაციის ამაღლების სერიაზე გადასვლა

საუკეთესო კოლაბორაცია

გოეთეს ინსტიტუტი საქართველოში თანამშრომლობს თბილისის ილიას უნივერსიტეტთან და იენის ფრიდრიხ შილერის უნივერსიტეტთან, რათა ახალბედა პედაგოგების მომზადება უმაღლეს სასწავლებელშივე მაქსიმალურად იყოს ორიენტირებული პრაქტიკაზე.

კონტაქტი

ლუკა სეფაშვილი

განათლების სფეროში ურთიერთთანამშრომლობის კოორდინატორი

Tel.: +995 32 93 89 45
Luka.Sepashvili@goethe.de
ქეთი ტიბუა

განათლების სფეროში ურთიერთთანამშრომლობის კოორდინატორი

Tel.: +995 32 2938945
Keti.Tibua@goethe.de

DLL თანამშრომლობა უმაღლეს სასწავლებლებთან

რატომ DLL?

უპირატესობები უმაღლესი სასწავლებლებისთვის

უპირატესობები უმაღლესი სასწავლებლის პედაგოგებისთვის

უპირატესობები სტუდენტებისთვის

საუკეთესო კოლაბორაცია

კონტაქტი

გამოგვყევით