გერმანული ენის საერთაშორისო ოლიმპიადა

IDO საკულტო კლასიკაა: გერმანული ენის დიდი საერთაშორისო ფესტივალის სახელით ცნობილი IDO 2026 წელს 10 წლის იუბილეს ზეიმობს!

დევიზით „ერთად გავიზარდოთ“ IDO-ის ფინალი გაიმართება 13-22/07/2026წ. მანჰაიმში.

IDO logo. In the center is a gray, stylized pentagon with the word “IDO.” Surrounding the pentagon are five colorful, stylized human figures – in purple, light blue, orange, dark blue, and green – holding hands to form a circle.

რა არის IDO?

გერმანული ენის საერთაშორისო ოლიმპიადა (IDO) გერმანული ენის შემსწავლელთა ყველაზე დიდი ოლიმპიადაა მსოფლიოში. 14-17 წლის მოზარდები ეჯიბრებიან გერმანული ენის ცოდნაში გერმანული ენის საუკეთესო შემსწავლელის ტიტულის მოსაპოვებლად.
IDO მოზრდებს არა მარტო კონკურსს სთავაზობს, არამედ შანსსაც, გაიცნონ გერმანიის კულტურული და სასწავლო ცენტრები, გაიჩინონ მეგობრები სხვადასხვა ქვეყნებიდან და საზღვრებს გარეშე იურთიერთონ. პარალელურად თანმხლები პედაგოგებისთვის გათვალისწინებულია კვალიფიკაციის ამაღლების კურსები აქტუალურ პედაგოგიურ მიღწევებზე და გერმანულის, როგორც უცხო ენის გაკვეთილის ტრენდებზე .

კონკურსში მონაწილეობა შეუძლია ეროვნულ საკვალიფიკაციო კონკურსებში გამოვლენილ, თითო ქვეყნიდან ორ 14-17 წლის მოსწავლეს. კონკურსზე არ დაიშვებიან მოსწავლეები, ვისთვისაც გერმანული მშობლიური ენაა ან ვინც დიდი ხნის მანძილზე გერმანულენოვან ქვეყანაში ცხოვრობდა.

IDO -ს ორგანიზატორები არიან გოეთეს ინსტიტუტი და გერმანული ენის მასწავლებელთა საერთაშორისო ასოციაცია (IDV). მონაწილეობას აფინანსებს გოეთეს ინსტიტუტი. კონკურსის ჩატარების ადგილი ყოველ ორ წელიწადში ერთხელ იცვლება და ყოველთვის არის გერმანიის ის ქალაქი, სადაც გოეთეს ინსტიტუტია. მომდევნო IDO 2026 წელს ჩატარდება.

გერმანული ენის ეროვნული ოლიმპიადა

მონაწილეობის მიღება შეუძლიათ მოსწავლეებს, რომლებიც გერმანული ენის ეროვნულ ოლიმპიადში (A2, B1 ან B2 დონეზე) გაიმარჯვებენ. მონაწილეები ოლიმპიადის დაწყების მომენტში მინიმუმ 14 და მაქსიმუმ 17 წლის ასაკის უნდა იყვნენ.