გერმანული ენის მასწავლებლის დღე საქართველოში

დასწრებასა და ციფრულობას შორის: ახალი გზები გერმანულის, როგორც უცხო ენის გაკვეთილზე

გერმანული ენის მასწავლებლების დღე საქართველოში
თავდაპირველად გვსურს ფიქრების ექსპერიმენტზე მიგიწვიოთ: მოდით, გაიხსენეთ პირველი დღე, როდესაც მრავალთვიანი ონლაინ-მეცადინეობების შემდეგ ბოლოსდაბოლოს დაუბრუნდით საკლასო ოთახებსა თუ აუდიტორიებს, ადგილს, სადაც თაობებმა თქვენი შემწეობით გერმანული ენა შეისწავლეს. ყველაფერი ძველებურადაა...

ან იქნებ არა? უეცრად გახსენდებათ, რომ საკლასო ოთახის გასაღები გჭირდებათ, ან საკუთარ თავს ეკითხებით, გაქვთ კი საკლასო ოთახში სათანადო ტექნიკური აღჭურვილობა, რომ მომზადებული ვიდეო უჩვენოთ, ან იქნებ მხოლოდ ახლაღა აცნობიერებთ, რომ კვლავ შეგიძლიათ მოსწავლეები ჯგუფებად ამუშაოთ. თუ ამ ფიქრებში თქვენი თავი ამოიცანით, დარწმუნებული იყავით, რომ თქვენი კოლეგებიც ანალოგიურ მდგომარეობაში აღმოჩდნენ.

კორონას პანდემიით განპირობებულმა გადართვამ ციფრულ სწავლებაზე, სწავლების ახლ-ახალი ინოვაციური მეთოდები წარმოშვა და ციფრული კომპეტენციების მნიშვნელობა წარმოაჩინა. ამასთანავე, ისიც ნათელი გახადა, თუ რამდენად მნიშვნელოვანია ფიზიკური სიახლოვე სასწავლო პროცესში, განსაკუთრებით მოზარდებისთვის, ვინც არა მარტო საგანს, მაგ.: გერმანულს, არამედ სოციალურ უნარებსაც ეუფლება. ამგვარი გამოცდილების გათვალისწინებით, გერმანულის ისეთი გაკვეთილისადმი მიბრუნება, როგორიც ის პანდემიის დაწყებამდე იყო, თითქოს უკვე ძნელად წარმოსადგენია. სამაგიეროდ ამ ორი სასწავლო სიტუაციის - ციფრულის და დასწრებული სწავლების დადებითი მხარეების შეწყობა უფრო ნაყოფიერი ჩანს.

აღნიშნულის გათვალისწინებით, გერმანული ენის მასწავლებლის დღე საქართველოში 2024 თემების ფართო არჩევანს გვთავაზობს: დაწყებული აქტუალური თემებით, როგორიცაა მაგ.: ციფრული მედიების და ე.წ. ხელოვნური ინტელექტის გამოყენება გერმანულის როგორც უცხო ენის გაკვეთილზე, შემოქმედებითი მეცადინეობით გაგრძელებული და გერმანულის როგორც უცხო ენის გაკვეთილის „კლასიკური“ საფუძვლებით დამთავრებული, რომელიც მოიცავს ისეთი თემების, როგორიცაა დიფერენცირებული სწავლება ან გრამატიკასთან გამკლავება.

მომხსენებლები

მარი ცშიშე-შტოკი მუშაობს გამომცემლობა „Cornelsen“ პროფესიული გადამზადების საერთაშორისო რეფერენტად.

მარი ცშიშე-შტოკს აქვს არაერთ ინსტიტუტსა თუ საგანმანათლებლო დაწესებულებაში ლექტორად და პროფესიული გადამზადების ინსტრუქტორად მუშაობის მრავალწლიანი გამოცდილება. იგი ასწავლიდა გერმანულ ენას და კულტურას ყველა საფეხურზე და ყველა ასაკობრივ ჯგუფში. მარი ცშიშე-შტოკი მთელი მსოფლიოს მასშტაბით ამზადებს გერმანული ენის მასწავლებლებს და ეხმარება მათ ციფრულ სასწავლო გარემოში წარმატების მიღწევაში და მეორე ენის გაკვეთილებზე თანამედროვე მეთოდების დანერგვაში.

კვალიფიკაცია:

DLL მომზადების და გადამზადების გამოცდილი ინსტრუქტორი და გამომცდელი (გოეთეს ინსტიტუტი, მთელი მსოფლიოს მასშტაბით)

გერმანულის როგორც უცხო ენის და ციფრული მედიების ლექტორად მუშაობის 10 წელზე მეტხნიანი გამოცდილება, მათ შორის ტორონტოს გოეთეს ინსტიტუტში და ტორონტოს სამეფო კონსერვატორიაში

M.Ed. და სახელმწიფო გამოცდა ანგლისტიკასა და გერმანისტიკაში (გიოტინგენის გეორგ ავგუსტის სახელობის უნივერსიტეტი)
ის პასუხისმგებელია გერმანულის როგორც უცხო და მეორე ენის მოცულობით პორტფოლიოზე. როგორც ტრენერი და dvct სერტიფიცირებული „ქოუჩი“ დაკავებულია ციფრულ სამყაროში მიმდინარე ცვლილებებით, განსაკუთრებით ხელოვნური ინტელექტის კუთხით.
ქ-ნ ჰელვიგს აქვს გერმანულის როგორც უცხო და მეორე ენის ლექტორთა პროფესიული გადამზადების საერთაშორისო გამოცდილება.

კვალიფიკაცია:

ციფრული ტრანსფორმაციის სისტემური „ქოუჩი“ (dvct სერტიფიცირებული) და ტრენერი

გერმანულის როგორც უცხო და მეორე ენის პედაგოგთა პროფესიული გადამზადების გამოცდილი ინსტრუქტორი (მსოფლიო მასშტაბით)

10 წელზე მეტხნიანი გამოცდილება ციფრული დანართის კონცეპციის და მომხმარებელზე ორიენტირებული პროდუქტის შექმნაში

M.A. მარკეტინგული კომუნიკაცია
2018 წლიდან მუშაობს „Ernst Klett Sprachen“-ში გერმანულის როგორც უცხო ენის პროგრამის კონსულტანტად სომხეთსა და საქართველოში. ამჟამად ის გახლავთ ლექტორი ერევნის სახელმწიფო უნივერსიტეტის გერმანული ფილოლოგიის კათედრაზე.

გასულ წლებში მას აქვს უამრავი პროფესიული გადამზადება ორგანიზებული და ჩატარებული სომხეთის პედაგოგთათვის.

2006-2018 წწ. გახლდათ სასწავლო და პროგრამულ საკითხთა კონსულტანტი DAAD-ის ერევნის საინფორმაციო ცენტრში, 2018-2020წწ. ცენტრის ხელმძღვანელის მოვალეობის შემსრულებელი.
მარინა რაიხარტი
მარინა რაიხარტი კურირებს უფასო ონლაინ ჯგუფს „გერმანული შენთვის“, აგრეთვე უფასო ციფრულ სავარჯიშოებს.
მრავალი წელია მუშაობს თემაზე პროფესიული მიგრაცია და გერმანული პროფესიისთვის. რეგულარულად ატარებს სემინარებს თემაზე „DaF-Übungsfirma jms“ (მაგ.: DAAD-ელების შეხვედრა ერევანში 2022 წლის დეკემბერში, GJU მადაბაში პედაგოგთათვის 2023 წლის სექტემბერში).
პროგრამა „Flying Faculty“-ის ფარგლებში ქ-ნი სვანდა 2020 წელს წარგზავნილი იყო გერმანულ-იორდანულ უნივერსიტეტში (GJU), იორდანიაში, ხოლო 2022 წლის მაისში მადაბაში GJU-ში სტაჟირების და კოლეგების გაცვლის ფორმატით.

2009-2016წწ. ბენგალურუში გოეთეს ინსტიტუტში და გერმანიაში მოზარდთა კურსებზე პედაგოგად მუშაობის პარალელურად, ქ-ნი სვანდა ინდოეთში ცოდნის გამავრცელებლის და რეგიონთაშორისი სემინარების ხელმძღვანელის ფუნქციებსაც ითავსებდა (მაგ.: პროექტი „DaF-Übungsfirma“).ეწეოდა აგრეთვე ენის სპეციალისტის და ინგლისურ-გერმანული მთარგმნელის საქმიანობას.
სპეციალობა - გერმანული როგორც უცხო ენა მან შეისწავლა მიუნხენის ლუდვიგის და მაქსიმილიანის სახელობის უნივერსიტეტში პროფ. ვაინრიხთან. საბინე დინზელი მსოფლიოში მასშტაბით ეწევა პედაგოგთა პროფესიულ გადამზადებას (მეთოდიკა-დიდაქტიკა DaF), გახლავთ აურაცხელი DaF-მასალის ავტორი გამომცემლობა „ჰუებერში“.

1998 წლიდან მოყოლებული პერიოდულად შტატგარეშე თანამშრომლის პოზიციაზე მუშაობს გოეთეს ინსტიტუტში, კერძოდ, ენის კურსების, პედაგოგთა პროფესიული დახელოვნების, გამოცდების დაგეგმვის, განათლების სფეროში თანამშრომლობის (ნიუ-იორკის გოეთეს ინსტიტუტში) მიმართულებით.
1982 წელს დაბადებული ანიკა ფრეეზე პოტსდამის უნივერსიტეტსა და Universidade de Lisboa-ში სწავლობდა ისტორიას, გერმანულს, გერმანულს როგორც უცხო და მეორე ენას. 2011 წელს ჩააბარა პირველი სახელმწიფო გამოცდა. მას აქვს გერმანულის როგორც უცხო ენის პედაგოგად მუშაობის გამოცდილება გერმანიაში, ბრაზილიასა და ხორვატიაში, აგრეთვე DAAD -ლექტორად მუშაობის გამოცდილება ბელგრადის უნივერსიტეტში. 2021 წლიდან გახლავთ DAAD-ლექტორი ილიას სახელმწიფო უნივერსიტეტსა და თბილისის ივანე ჯავახიშვილის სახელობის სახელმწიფო უნივერსიტეტში გერმანისტიკის და მასწავლებლის მომზადების განხრით. მისი პროფილია კულტურაზე რეფლექსირებით სწავლება და გერმანულის როგორც უცხო ენის სწავლება მრავალგვარობისა და სქესისადმი სათუთი მოპყრობით. 2022 წელს ოლივერ ნილს ფოლკელთან ერთად გამოაქვეყნა კრებული „სქესი_მრავალგვარობა_სექსუალობ(ებ)ა სპეციალობაში - გერმანული როგორც უცხო და მეორე ენა“
ყოფილი ეკონომისტ-იურისტი. გერმანიის გაცვლითი აკადემიური სამსახურის (DAAD) IRP-სტიპენდიის მფლობელი 2007-2008 წლებში, რომლის ფარგლებშიც სწავლობდა ბოხუმში, რურის უნივერსიტეტში, ეკონომიკური მეცნიერებების მიმართულებით.
2011-2013 წლებში სწავლა განაგრძო ილიას სახელმწიფო უნივერსიტეტში, უცხო ენების მეთოდიკა-დიდაქტიკის მიმართულებით.

2014-2016 წლებში გაიარა გოეთეს ინსტიტუტის მწვანე დიპლომის პროგრამა, ხოლო 2018-2020 წლებში აიმაღლა კვალიფიკაცია და გახდა გოეთეს ინსტიტუტის ტრენერი აღმოსავლეთ ევროპისა და ცენტრალური აზიის რეგიონში.

მეგი გვასალია არის პროფ. ეკატერინე შავერდაშვილის ხელმძღვანელობით გამოცემული, პირველი ქართულენოვანი მეთოდური გზამკვლევის „უცხოური ენების სწავლების საფუძვლები“-ს თანაავტორი.
ინტერესების სფეროს განეკუთვნება ფირის ფოტოგრაფია, ლიტერატურა და მუსიკა.
27 წელია არის გოეთეს ინსტიტუტის მასწავლებელი და ცოდნის გამავრცელებელი.

როგორც გადამზადების ინსტრუქტორი, ორგანიზებას უწევს გერმანული ენის მასწავლებელთათვის სემინარებს საქართველოში, აზერბაიჯანში, სომხეთში, აღმოსავლეთ ევროპის და ცენტრალური აზიის რეგიონში, ბულგარეთსა და რუმინეთში.

გარდა ამისა, ის გახლავთ პროფესიული გადამზადების ინსტრუქტორი და მწვანე დიპლომის პროგრამის მონაწილეთა ტუტორი. როგორც სერტიფიცირებული გამომცდელი, ქ-ნი თვალავაძე მონაწილეობს ენის ცოდნის (A1-C2) შეფასებაში და ამგვარად თავისი წვლილი შეაქვს რეგიონში გერმანული ენის პოპულარიზაციაში. ის აგრეთვე მუშაობს DLL-ტუტორად ბერლინის გოეთეს ინსტიტუტში.
2016 წლიდან თამარი გოეთეს ინსტიტუტში სხვადასხვა სამიზნე ჯგუფებისათვის ასწავლის გერმანულ ენას. ასევე 2016 წლიდან იგი მუშაობს თბილისის გერმანულ საერთაშორისო სკოლაში გერმანულის, როგორც უცხო ენისა და ეთიკის პედაგოგად. გარდა ამისა ჩართულია ქართულის, როგორც მეორე/უცხო ენის სახელმძღვანელოს შექმნაში. ამ პროექტის ფარგლებში მის ამოცანას სახელმძღვანელოს მეთოდური და დიდაქტიკური საკითხების დამუშავება წარმოადგენს.

2016 წელს თამარმა დაასრულა გოეთეს ინსტიტუტის მასწავლებლის მოსამზადებელი ორწლიანი პროგრამა „მწვანე დიპლომი“.

2011 – 2013 წლებში, თამარი სწავლობდა ილიას უნივერსიტეტში, გერმანული ენის მეთოდიკა-დიდაქტიკის სამაგისტრო პროგრამაზე.
წლების განმავლობაში მუშაობდა შეფასებისა და გამოცდების ეროვნულ ცენტრში და აქტიურად მონაწილეობდა ერთიანი ეროვნულ გამოცდების მომზადებისა და ჩატარების პროცესში. მისი სამუშაო ინტერესების სფეროა ლინგვისტიკა და ფსიქოლოგია და ასევე უცხოური ენის სწავლების მეთოდოლოგია და თეორია.
შორენა კვანჭიანი 2011 წლიდან ამზადებს მომავალ პედაგოგებს, ხოლო 2015 წლიდან მუშაობს როგორც DLL-ტუტორი და ტრენერი. როგორც მულტიპლიკატორი მონაწილეობს და წვლილი შეაქვს გოეთეს-ინსტიტუტის საგანმანათლებლო პროექტებში. გარდა ამისა როგორც ბერლინის გოეთეს ინსტიტუტის ჩარჩო კონტრაქტის პარტნიორი 2019 წლიდან ხელმძღვანელობს ონლაინ დლლ-კურსებს და 2023 წლიდან არის ჩარჩო კონტრაქტის პარტნიორი „DLL-ზე დაფუძნებული ტრენინგ კურსების ავტორობისთვის“.
„მწვანე დიპლომის“ ფარგლებში ის აგრევე ამზადებს მომავალ პედაგოგებს. როგორც გამოცდილი ინსტრუქტორი, მთელ მსოფლიოში ხელმძღვანელობს კვალიფიკაციის ამაღლების კურსებს მეთოდიკასა და დიდაქტიკაში როგორც დასწრებულ, ისე სხვადასხვა ონლაინ ფორმატში. გახლავთ ასევე DLL-კურსების ტუტორი.
მას შემდეგ ასწავლის სხვადასხვა საფეხურზე და კურსის სხვადასხვა ფორმატით, ასევე მუშაობს გამომცდელად გოეთეს ინსტიტუტში. ამის გარდა დასაქმებულია DLL ტრენერად, არის DLL -ზე დაფუძნებული ონლაინ მოდულების ავტორი, ხელმძღვანელობს მასწავლებლების კვალიფიკაციის ასამაღლებელ სემინარებს და ბერლინის გოეთეს ინსტიტუტში ატარებს ონლაინ კურსებს.
2006 წლიდან - გოეთეს ინსტიტუტის ტრენერი
2015 წლიდან - გერმანული ენის ექსპერტ-კონსულტანტი პედაგოგთა პროფესიული განვითარების ეროვნულ ცენტრში
ამჟამად იგი მუშაობს შტატგარეშე პედაგოგად და ცოდნის გამავრცელებლად თბილისის გოეთეს ინსტიტუტში, სადაც იგი ჩართულია ისეთ პროექტებში როგორიცაა „ ციფრული პროფესიული უნივერსიტეტი“ და „ენა და კულტურა“. პარალელურად, 2013 წლიდან თბილისის თავისუფალ უნივერსიტეტში ასწავლის გერმანულ ენას.
სხვადასხვა პოზიციებზე მუშაობდა თბილისის უმაღლეს სასწავლებლებში, მათ შორის ილიას სახელმწიფო უნივერსიტეტში და საერთაშორისო შავი ზღვის უნივერსიტეტში. გარდა ამისა, მუშაობდა მასწავლებელთა პროფესიული განვითარების ეროვნულ ცენტრში.
ამჟამად სწავლობს ილიას სახელმწიფო უნივერსიტეტის განათლების მეცნიერებების სადოქტორო პროგრამაზე.
ავტორი სტატიების, მონოგრაფიებისა და მეთოდური სახელმძღვანელოების უცხო და მეორე ენების დიდაქტიკაში; ავტორი და თანაავტორი გერმანული, როგორც უცხო ენის რამდენიმე სასწავლო გეგმისა და მასწავლებელთა მომზადებისა და პროფესიული განვითარების მოდულების.
აკადემიური ინტერესები: ენობრივი პოლიტიკა და მეორე/უცხო ენის სწავლება; უცხო და მეორე ენების დიდაქტიკა; ტექნოლოგიების გამოყენება სწავლებაში და ონლაინ სწავლების მეთოდები; ღირებულებითი განათლება და ა.შ.
ანა ბაკურაძე
ანა ბაკურაძე გახლავთ გერმანული ენის ლექტორი ივანე ჯავახიშვილის სახელობის სახელმწიფო უნივერსიტეტში და ილიას სახელმწიფო უნივერსიტეტში. მუშაობს საქართველოს ÖSD ცენტრში და არის KAAD კომისიის წევრი. გახლავთ ასევე საქართველოს გერმანული ენის მასწავლებელთა ასოციაციის პრეზიდენტი

ვორქშოპების პროგრამა

13:45 - 14:45 - რეგისტრაცია დასრულდა

თანამედროვე დიდაქტიკაში ავტომატიზება მიიჩნევა ყველაზე ეფექტურ მეთოდად, რომელიც გვეხმარება სტრუქტურების და სიტყვების დასწავლაში და თავისუფლად მეტყველებაში.
პრაქტიკული სემინარის ფარგლებში ისწავლით, თუ როგორ შეიძლება გრამატიკული და ლექსიკური მასალის მუსიკალურად დიდაქტიკურად მომზადება და მოსწავლეებთან იმგვარად ავტომატიზება, რომ მათ პროცესმა სიამოვნება მიანიჭოს და ნავარჯიშები მასალა მყარად ჩაუჯდეთ მეხსიერებაში. სემინარზე განხილული ტიპის სავარჯიშოები გადასაყვანი მოდელებია, შესაბამისად, სხვადასხვა სასწავლო მასალის ამ მოდელებზე მორგებას და საკუთარ გაკვეთილზე ეფექტურად გამოყენებასაც აითვისებთ.

სემინარზე ნათლად დაინახავთ და საკუთარ თავზე გამოცდით, თუ რა უპირატესობები აქვს მუსიკით სწავლას სხვა ტრადიციულ მეთოდებთან შედარებით.
მუსიკალური უნარები არ არის პრაქტიკულ სემინარზე მონაწილეობის წინაპირობა, თუმცა მუზიცირებით და სიმღერით სიამოვნების მიღება მნიშვნელოვანია.

მომხსენებელი:
მეგი გვასალია

გერმანულის როგორც უცხო ენის გაკვეთილზე შემოქმედებითი წერა ფასდაუდებელი მეთოდია ენის შემსწავლელთა მოტივირებისთვის, აქტიურად და დამოუკიდებლად იხმარონ ენა. შემოქმედებითი წერა საშუალებას მისცემს მოსწავლეებს გაიმდიდრონ ლექსიკური მარაგი და პრაქტიკულ კონტექსტში გამოიყენონ გრამატიკული წესები. ეს კი ხელს შეუწყობს ენის უფრო ღრმად შეცნობას და მის უკეთ დაუფლებას. გარდა ამისა, შემოქმედებითი წერა ამრავალფეროვნებს გერმანულის როგორც უცხო ენის გაკვეთილს, ავითარებს სოციალურ უნარებს და ზრდის მოტივაციას.
პრაქტიკულ სემინარზე თავდაპირველად ნაჩვენები იქნება, თუ რა როლს თამაშობს შემოქმედებითი წერა გერმანულის როგორც უცხო ენის გაკვეთილზე. ძირითადი აქცენტი გაკეთდება გაკვეთილზე შემოქმედებითი წერის გამოყენების მიზეზებზე, აგრეთვე შემოქმედებითი წერის ფაზებსა და მეთოდებზე, შემოქმედებითი დავალებების გაცვლასა და მოსინჯვაზე.

მომხსენებელი:
ნათია თევზაძე

15:45 - 16:45 - რეგისტრაცია დასრულდა

ციფრული შემოთავაზებები ყველას ადგება: მასწავლებელსაც და მოსწავლესაც.
მოსწავლეებს ისინი საშუალებას აძლევს, მასალა ნებისმიერ დროს და ნებისმიერ ადგილას მოამზადონ და დაამუშაონ, ძლიერი და სუსტი მხარეების ანალიზის შედეგად დამოუკიდებლად გააგრძელონ სწავლა შესაფერისი და ციფრულად ხელმისაწვდომი მასალით .

სახელმძღვანელოს ციფრული გამოცემის გამოყენება პედაგოგებისთვის ნიშნავს გაკვეთილის უფრო იოლად მომზადებას, ვინაიდან ყველა ინფორმაცია ერთ ადგილასაა თავმოყრილი. შედეგად, გაკვეთილის დაგეგმვასა და სწავლებაზე პედაგოგს ნაკლები ძალისხმევა ესაჭიროება, მოსწავლეთა მოსწრება კი, მაგალითად, ვიზუალურად მიმზიდველი სასწავლო კლიპების დახმარებით, იზრდება. სპეციალური დავალებების სანახავადაც ერთი დაწკაპუნება კმარა და შესაბამისი დავალების ახალი სიტყვებს უმალ მოძებნი.

ყველა მაგალითი აღებულია გამომცემლობა „ჰუებერის“ ახალი სახელმძღვანელოებიდან : „მომენტები A1-B1“ და „მრავალფეროვნება B1, B2-C1“ (მოზარდებისთვის), აგრეთვე „საუკეთესო მეგობრები პლუს A1-B1“

მომხსენებელი:
საბინე დინზელი

სამიზნე ჯგუფი: გერმანულის როგორც უცხო ენის (დამწყები) პედაგოგები სკოლებსა და უნივერსიტეტებში B2 დონიდან.

60 წუთიანი პრაქტიკული სემინარი გამიზნულია გერმანულის როგორც უცხო ენის პედაგოგთათვის, რომლებსაც სურთ კომპეტენციის ამაღლება სამეცნიერო წერის დიდაქტიკის სფეროში. მონაწილეები მიიღებენ პრაქტიკულ რჩევებს გერმანულის როგორც უცხო ენის შემსწავლელთათვის სამეცნიერო წერის პროცესის დიდაქტიზებისთვის.
ძირითადი საკითხები:
- სამეცნიერო წერის საფუძვლები გერმანულის როგორც უცხო ენის კონტექსტში
- ტექსტის სტრუქტურირება და არგუმენტის აგება
- წერის სტრატეგიების და ტექნიკების გამოყენება გერმანულის როგორც უცხო ენის სწავლებისას
- სპეციალური ლექსიკა და წინადადების კომპლექსური სტრუქტურები
- წყაროებზე კრიტიკულად მსჯელობის ხელშეწყობა
- უკუკავშირის მეთოდები სამეცნიერო ტექსტების გასაუმჯობესებლად

შემოგთავაზებთ თეორიისა და პრაქტიკული სავარჯიშოების ნაზავს. მონაწილეები მიიღებენ კონკრეტულ სასწავლო მასალას და გაეცნობიან მეთოდებს, რომელთა პირდაპირ გამოყენებასაც შეძლებენ თავის გაკვეთილზე.

მომხსენებელი:
ანიკა ფრიზე

ამ პრაქტიკულ სემინარზე პედაგოგები გაეცნობიან „Ernst Klett Sprachen“-ის სახელმძღვანელოს „Wir neu“, რომელიც სპეციალურად ყმაწვილთათვის გერმანულის სასწავლებლად შეიქმნა. სახელმძღვანელო გვთავაზობს სტრუქტურირებულ , ასაკის შესაბამის შესავალს გერმანულ ენასა და კულტურაში და მოსწავლეებს ამარაგებს მრავალი მულტიმედიური წყაროთი და მრავალფეროვანი სავარჯიშოებით.

სემინარის მიზანია, გაუზიაროს მონაწილეებს პრაქტიკული მეთოდები და სტრატეგიები გაკვეთილზე „Wir neu“-ის ოპტიმალურად გამოსაყენებლად. კონკრეტული მაგალითებით და გაკვეთილის დაგეგმვით მოხდება იმის დემონსტრირება, თუ როგორ შეიძლება სახელმძღვანელოს სხვადასხვა მოდულის რაციონალურად ინტეგრირება როგორც ენობრივი, ისე საერთაშორისო კულტურული კომპეტენციების ასამაღლებლად. განხილულ იქნება მოსწავლეთა განსხვავებული მოთხოვნილებების დაკმაყოფილების მიზნით გაკვეთილის დიფერენცირების და ინდივიდუალიზების შესაძლებლობები.

პრაქტიკული სავარჯიშოები და დისკუსია გაუადვილებს მონაწილეებს საკუთარ გაკვეთილებზე სახელმძღვანელოს ეფექტურად ინტეგრირებას, რაც გაზრდის მათი მოსწავლეების მოტივაციასა და მოსწრებას.

მოხარული ვართ, რომ პრაქტიკულ სემინარზე შევძლებთ აზრების გაცვლას!

მომხსენებლები:
მერი ნავასარდიანი
ჯენიფერ მ. სვანდა

16:50 - 17:50 - რეგისტრაცია დასრულდა

ხუმრობებმა, ანეგდოტებმა და თამაშებმა, განსაკუთრებით ენობრივმა თამაშებმა, მყარად მოიკიდა ფეხი გერმანულის გაკვეთილზე. რეალურად, ახსნაც არაა საჭირო, თუ რატომ არის აუცილებელი თამაშ-თამაშით სწავლა უცხო ენის გაკვეთილზე. მრავალი პედაგოგი და განათლების ექსპერტი ემხრობა ხუმრობების და თამაშის გაკვეთილზე გამოყენებას, ვინაიდან ისინი ზრდის მოსწავლეთა მოტივაციას და არა მარტო სწავლით სიამოვნებას ანიჭებს მათ, არამედ ხუმრობა-ხუმრობით და თამაშ-თამაშით განავრცობს მათ ენობრივ კომპეტენციასაც. ხუმრობების და თამაშების დადებითი გავლენა კარგად ცნობილი და ემპირიულადაც დადასტურებულია. ხუმრობა მეხსიერებაში ილექება და მრავალი წლის შემდეგაც ყოფილ მოსწავლეებს გაუხსენებიათ სიტყვები და წინადადებები, რომლებიც ამა თუ იმ ანეკდოტის მარილი იყო.

მაგრამ რატომ აქვს ხუმრობას და თამაშს ასეთი დადებითი ეფექტი? ამ საკითხს განწყობის ფსიქოლოგიის კუთხით განვიხილავთ. მშობლიურენობრივი განწყობა უცხო ენის ხმარებისას შეიცნობა, რაც ასახვას დადებით ან უარყოფით ტრანსფერში ჰპოვებს. უარყოფითი ტრანსფერის მიზეზი ასიმილაციური ილუზიაა. ამიტომაც ხუმრობა და თამაში ჩვეულებრივ მეტყველებაში „დარღვევად“ აღიქმება და მოსწავლეს აიძულებს, ობიექტივირება მოახდინოს. ობიექტივირება ნიშნავს ხდომილების გაცნობიერებას და იწვევს ცოდნის ახალი სქემის შექმნას, რაც წარმატებული სასწავლო პროცესის საფუძველს წარმოადგენს.

მომხსენებელი:
ივა მინდაძე

წევრთა კრება

გერმანული ენის მასწავლებლის დღე საქართველოში 2024-ის ფარგლებში გაიმართა გერმანული ენის მასწავლებელთა ასოციაციის წევრთა კრება. არჩეულ იქნა ახალი მმართველობა. არჩევნები მომზადდა დამოუკიდებელი საარჩევნო კომისიის მიერ, რომელიც კანდიდატებს არჩევითობაზე ამოწმებდა. არჩეულ იქნა პრეზიდენტი, ვიცეპრეზიდენტი, გენერალური მდივანი, ხაზინადარი, ვებგვერდის ადმინისტრატორი და სარევიზიო კომისია. არჩევნები ჩატარდა დასწრებული წესით, შედეგები იმავე დღეს გამოცხადდა.

გაქვთ შეკითხვები?

dlt-georgien@goethe.de

კონტაქტი

ნინო ფალავანდიშვილი | გერმანული ენის მასწავლებელთა ასოციაცია საქართველოში
deutschlehrerverbandgeorgien@gmail.com

გებჰარდ როილი | DAAD
Reul@daad-georgia.org

საშა ფაბრი | გოეთეს ინსტიტუტი
Sascha.Fabri@goethe.de

ანა მშვილდაძე | გოეთეს ინსტიტუტი
Ana.Mshvildadze@goethe.de

ლატიფა გურბანოვა | გერმანული ენის მასწავლებელთა ასოციაცია აზერბაიჯანში
dlv.aserbaidschan@gmail.com

ზერა ალიევა | გერმანული ენის მასწავლებელთა ასოციაცია აზერბაიჯანში
dlv.aserbaidschan@gmail.com

კვალიფიკაციის ამაღლება

გერმანული ენის მასწავლებლის დღე საქართველოში

დასწრებასა და ციფრულობას შორის: ახალი გზები გერმანულის, როგორც უცხო ენის გაკვეთილზე

მომხსენებლები

საბინე ჰელვიგი საბინე ჰელვიგი გახლავთ გამომცემლობის "Cornelsen" პორტფოლიოს უფროსი მენეჯერი.

საბინე დინზელი საბინე დინზელი 1981 წლიდან გერმანულის როგორც უცხო ენის განხრით მუშაობს.

ფატი რამიშვილი ფატი რამიშვილი 2007 წლიდან ასწავლის გერმანულ ენას მოზრდილებს, ყმაწვილებსა და ბავშვებს.

ხათუნა მჭედლიშვილი ხათუნა მჭედლიშვილი არის 1995 წლიდან მასწავლებელი თბილისის გოეთეს ინსტიტუტში.

ვორქშოპების პროგრამა

გვესაჭიროება გერმანული ენის მასწავლებელი!

გოეთეს ინსტიტუტის მასალებით მუშაობა

კულტურასთან მიმართებითი სწავლა გერმანულის როგორც უცხო ენის გაკვეთილზე

მუსიკა გერმანულის როგორც უცხო ენის გაკვეთილზე

შემოქმედებითი წერა

თანამედროვე სახელმძღვანელოების ციფრული შემოთავაზებების გააზრებულად ინტეგრირება გაკვეთილის დაგეგმვაში

დიფერენცირებული სწავლება გერმანულის როგორც უცხო ენის გაკვეთილზე

გერმანულის როგორც უცხო ენის გაკვეთილი სოციალური მედიით - „პოსტების“-„სთორების“-„რილსების“ პოტენციალი

სამეცნიერო წერა

ციფრული ინსტრუმენტები და ხელოვნური ინტელექტის გამოყენება გერმანულის როგორც უცხო ენის გაკვეთილზე

ეფექტური სწავლა და სწავლება სახელმძღვანელოთი „Wir neu“

გრამატიკა - კომუნიკაციურად, კონტექსტუალურად, კრეატიულად

გოეთეს ინსტიტუტის მასალებით მუშაობა

კულტურასთან მიმართებითი სწავლა გერმანულის როგორც უცხო ენის გაკვეთილზე

განწყობის ფსიქოლოგიის მიგნებები: ხუმრობების და თამაშების დადებითი ზეგავლენა გერმანულის გაკვეთილზე

მრავალფეროვანი და გამააქტიურებელი მეთოდები და მუშაობის ფორმები გერმანულის როგორც უცხო ენის გაკვეთილზე

წევრთა კრება

გაქვთ შეკითხვები?

კონტაქტი

გამოგვყევით