Logo Goethe-Institut

Georgia

ხიდი განათლებისკენ
 სწავლა გერმანიაში

გსურს სწავლა გერმანიაში და გამორჩეული შედეგები გაქვს საბუნებისმეტყველო, ტექნიკურ, საინჟინრო ან მათემატიკის სფეროში? მაშინ პროგრამა „სასწავლო ხიდი“ სწორედ შენი წარმატების გზაა! ჩვენ მიზანმიმართულად და პრაქტიკულად გამზადებთ გერმანიაში სწავლისთვის — საგნობრივად, ენობრივად და კულტურულად. შენ გაეცნობი გერმანულ სასწავლო კულტურას, განავითარებ შენს უნარებს და ისარგებლებ სასწავლო ადგილების კვოტებით პრესტიჟულ უნივერსიტეტებში.

ხიდი განათლებისკენ Foto: Goethe-Institut, Getty Images

რა არის ხიდი განათლებისკენ?

"ხიდი განათლებისკენ" არის ონლაინ პროგრამა, რომლის მიზანია გერმანიაში სწავლის გაგრძელების მსურველი მოსწავლეების, როგორც სოციალურ, ასევე სასწავლო გარემოში ადაპტაციისთვის მომზადებაა. პროგრამაში მონაწილეობა შეუძლიათ იმ  მოსწავლეებს, რომლებსაც აქვთ მაღალი აკადემიური მოსწრება ტექნიკურ (მათემატიკა, ინფორმატიკა) და საბუნებისმეტყველო საგნებში. 

პროგრამის უპირატესობებია 

  • სკოლის დამთავრების შემდეგ პირდაპირ პარტნიორ უნივერსიტეტში სწავლის გაგრძელება
  • მოსწავლეებისთვის სპეციალური მოსამზადებელი მოდულების შეთავაზება, როგორიცაა ინტერკულტურული ტრენინგი, სპეცკურსი ტერმინოლოგიაში, TestDaF-ისა და TestAS - ის გამოცდების მოსამზადებელი კურსები და TestDaF-ისა და TestAS - ის გამოცდები 
  • საკონტაქტო პირი გოეთეს ინსტიტუტში, მხარდაჭერა პროგრამის მსვლელობისას
  • სხვადასხვა საინტერესო შემოთავაზებები, Give aways
  • პროგრამის წარმატებით დასრულების შემთხვევაში გარანტირებული ადგილი პარტნიორ უნივერსიტეტში 
  • მრავალფეროვანი ფაკულტეტები
  • უნივერსიტეტში განაცხადის წარდგენის გამარტივებული პროცედურა
  • სტუდენტებისთვის სპეციალური მეურვეობის პროგრამა
  • გოეთეს ინსტიტუტში ენის კურსები სპეციალურ ფასად 

პროგრამა


პროგრამა "ხიდი განათლებისკენ" გერმანიაში სწავლისთვის მოსამზადებელ შემდეგ ონლაინ მოდულებს მოიცავს:
  1. *ენის კურსები (ონლაინ)
    გოეთეს ინსტიტუტი საქართველოში
  2. სპეცკურსი ტერმინოლოგიაში (ონლაინ)
    ონლაინ კურსი ტექნიკურ ტერმინოლოგიაში
    Moodle-ის სასწავლო პლატფორმაზაე ჩატარდება.
    შეთავაზებაშია 7 სხვადასხვა მოდული (მათემატიკა, ინფორმატიკა, ფიზიკა, ბიოლოგია, ქიმია, ტექნიკა და ეკონომიკა).
  3. TestDaF-ის გამოცდის მოსამზადებელი კურსი (ონლაინ)
    ონლაინ კურსი TestDaF-გამოცდისთვის მოსამზადებლად (კითხვა, მოსმენა, წერა, საუბარი).
    Moodle-ის სასწავლო პლატფორმაზე ჩატარდება. კურსი
    წარიმართება ტრენერების მეთვალყურეობით.
  4. TestAS-ის გამოცდის ფორმატ-ტრენინგი (ონლაინ)
    ონლაინ კურსი TestAS -ის გამოცდის ფორმატის, სტრუქტურის, შინაარსის, დავალებების გასაცნობად.
    ფორმატი: Moodle-ის სასწავლო პლატფორმა.
    კურსი წარიმართება ტუტორების მეთვალყურეობით.
  5. გამოცდები TestDaF და TestAS
    TestDaF-ი არის ენის საერთაშორისო გამოცდა.
    TestDaF-სერტიფიკატი მოითხოვება გერმანულ უნივერსიტეტებში ენის ცოდნის დასადასტურებლად.

    TestAS-ი ცენტრალური, სტანდარტული უნარ-ჩვევების გამოცდაა, რომელიც მოსწავლის კოგნიტიურ უნარებს აფასებს, რაც ძალიან მნიშვნელოვანია უმაღლესში სწავლის გასაგრძელებლად. TestAS-ი შედგება ძირითადი ნაწილისა და საგნობრივი მოდულისგან.
  6. ინტერკულტურული ტრენინგი "Fit für das Studium in Deutschland"
    ონლაინ კურსი გერმანიის სოციალურ და სასწავლო გარემოში მოსწავლეების ადაპტაციისათვის.
    ფორმატი: Moodle-ის სასწავლო პლატფორმა.
    მიმდინარეობს ტუტორების მეთვალყურეობით.
* გერმანული ენის ონლაინ-კურსის საფასური არ შედის პროგრამის ჯამურ ღიერბულებაში.
**პროგრამის მონაწილეებისთვის TestDaF და TestAS გამოცდების ჩაბარება სავალდებულოა. გამოცდების საფასური პროგრამის ჯამურ თანხაში გათვალისწინებული არ არის. (გთხოვთ, ყურადღება მიაქციოთ ვიადრინას ევროპული უნივერსიტეტის განსაკუთრებულ მოთხოვნებს).

მოდულების წარმატებულად დასრულების შემდეგ, პროგრამის მონაწილეებს შეეძლებათ განაცხადი წარადგინონ გერმანიის პარტნიორ უნივერსიტეტებში.

სასწავლო მიმართულებები

პარტნიორი უნივერსიტეტები

პროგრამის წარმატებული მონაწილეებისთვის პარტნიორი უნივერსიტეტები (ჩრდილოეთ რაინ-ვესტფალია, ბრანდენბურგი და თიურინგია) ყოველწლიურად გამოყოფენ სასწავლო ადგილების კვოტებს საბუნებისმეტყველო, ტექნიკურ, საინჟინრო, მათემატიკისა და ეკონომიკის მიმართულებებში.

პარტნიორი უნივერსიტეტების შეთავაზებების მიმოხილვას პროგრამისთვის „ხიდი განათლებისკენ“ იხილავთ აქ

ბროშურა — პარტნიორი უნივერსიტეტები(PDF, 7 MB)

პირობები

შეგიძლია გაიგზავნო განაცხადი, თუ განაცხადის წარდგენის დროს, სექტემბერში:
  • • სწავლობ მე-11 კლასში (აზერბაიჯანისთვის) ან მე-12 კლასში (საქართველოსთვის)
  • გაქვს გერმანულის მინიმუმ B2 დონე 
  • გერმანიაში სწავლის გაგრძელების მაღალი მოტივაცია (სამოტივაციო წერილი)
  • მონაწილეობა სასკოლო ოლიმპიადებში, კონკურსებში, რეგიონალურ და საერთაშორისო პროექტებში
  • მაღალი აკადემიური მოსწრება ტექნიკურ და საბუნებისმეტყველო საგნებში
  • სოციალური აქტივობა (მოხალისეობრივი საქმიანობა)
  • მშობლის ან მეურვის წერილობითი თანხმობა
  • ზეპირი გასაუბრება

განაცხადი

შენ ხარ სკოლის დამამთავრებელი კლასის მოსწავლე, გაქვს გერმანულის B2 დონის სერტიფიკატი და გსურს სწავლა გერმანიაში?

მოითხოვე მონაწილეობა ახლავე!

კითხვები და პასუხები

სასწავლო კონსულტაცია — DAAD

DAAD-ის თბილისის წარმომადგენლობა გაწვდით კონსულტაციას გერმანიაში სწავლისა და კვლევის შესაძლებლობებზე, ასევე სტიპენდიებზე. განსხვავებით გოეთეს ინსტიტუტისგან, აქ ყურადღება გამახვილებულია ინდივიდუალურ მხარდაჭერაზე, უნივერსიტეტებს შორის პარტნიორობაზე და DAAD-ის სტიპენდიებზე განაცხადის პროცესზე.

DAAD-Außenstelle Tbilissi

კონტაქტი

პარტნიორი უნივერსიტეტები და ორგანიზაციები

მხარდაჭერით

  • Auswärtiges Amt

გამოგვყევით