Ажил мэргэжил

Goethe-Institut Karriere Foto: Goethe-Institut/Loredana La Rocca

Олон талт, сониуч, нээлттэй байдал биднийг тодорхойлно. Гёте-Институт нь дэлхий дахинаа үйл ажиллагаа явуулдаг ХБНГУ-ын соёлын байгууллага юм. Бидний үйл ажиллагаа гадаад улсад герман хэлний мэдлэгийг түгээн дэлгэрүүлэх, олон улсын соёлын хамтын ажиллагааг хөгжүүлэхэд чиглэгддэг. Бид соёл, нийгэм, улс төрийн талаарх мэдээллээр дамжуулан герман орныг олон талаас таниулахыг эрмэлздэг билээ.

Цахим ном хөрвүүлэх төслийн ажилтан/дизайнер (хоёр)

“Монголын цахим ба аудио номын платформ” төслийн хүрээнд Монгол дахь Гёте-Институт, төслийн хамтрагчид болох Монсудар хэвлэлийн газар, Интерном ХХК нь 2021 оны 6-р сарын 1-нээс буюу түүнээс хойш цахим ном хөрвүүлэх төслийн ажилтнаар идэвх зүтгэлтэй ажиллах (хоёр) ажилтныг урьж байна. Хөдөлмөрийн гэрээ 1,5 жилийн хугацаатай бөгөөд 7 хоногийн ажлын цаг 40 болно. Ажиллах газар Монгол улс, Улаанбаатар хот байна. 
 
ГҮЙЦЭТГЭХ ҮҮРЭГ:

  • InDesign, PDF болон Word формат бүхий номын эх файлууд дээр ажиллах
  • PDF болон Word дээрх номын эх файлуудыг InDesign формат руу хөрвүүлэх
  • Номын эх файл нь Epub формат руу хөрвүүлэхэд шаардлага хангасан эсэхийг хянах; шаардлагатай засваруудыг номын эх файл дээр оруулах (Типограф, номын нүүрний өрөлт)
  • Бусад Ebook хөрвүүлэгч ашиглан бэлтгэсэн Epub файлуудын чанарт хяналт тавих
ТАВИГДАХ ШААРДЛАГА:
  • InDesign программын тухай сайн мэдлэгтэй, тус программ дээр ажиллаж байсан туршлагатай (зайлшгүй)
  • Ном хэвлэлийн эх бэлтгэл / дизайны чиглэлээр туршлагатай бол давуу тал болно
  • Дотоод ур чадвар (Softskill): төвлөрөн бодох чадвар, нарийн деталь бүрийг анхаарах, компьютер дээр ажиллах дур сонирхолтой, шинийг суралцахад бэлэн, асуудлыг шийдвэрлэх ур чадвар
Та ажилд орох өргөдөл (цахим, дээд тал 3 мб хэмжээтэй) болон бусад холбогдох бичиг баримт (товч намтар, зорилго тодорхойлсон эссе, өмнөх ажил олгогчийн тодорхойлолт, бусад гэрчилгээ) зэргийг 2021.06.10-ны дотор Г.Солонгод (solongo.ganbold@goethe.de) илгээнэ үү. Хэрэв танд лавлах зүйл байвал дээрх цахим хаягт хандах боломжтой.