Гёте-Институт тус санаачилгын хүрээнд герман хэлийг сурах сонирхлыг төрүүлэхэд өргөн цар хүрээнд ажиллаж байна. ПАШ/Фит-сургуулиудад Герман хэлийг сургалтын хөтөлбөрийн урт хугацаанд үндсэн хэсэг болгох нь үүнд хамаарна.

Ийнхүү герман хэлийг гадаад хэл болгон шинээр оруулах эсвэл өргөжүүлэх тал дээр Гёте-Институтийн чадварлаг хичээлийн мэргэжилтэн нар дэлхий даяар сургуулиудад зөвөлгөө өгөн тухайн улсад нь ажиллаж байна. Үүнээс гадна Гёте-Институт хамтран ажилладаг Фит-сургуулиудаа гадаад хэлний хичээлийн орчин үеийн материалаар ханган герман хэлний багш нарт зориулан Гёте-Институт нь заах арга зүй, сургахуйн ухааны мэргэжил дээшлүүлэх сургалт болон хэлний сургалтыг санал болгодог.

Идэвхтэй сайн сурагчид тэтгэлэгт хөтөлбөрт сонгогдон жил бүр зохион байгуулагддаг ПАШ-хүүхэд, өсвөр үеийнхэнд зориулсан сургалтад хамрагдан Герман оронтой биечлэн танилцах боломжтой. Герман хэлний мэдлэгтэй болсноор ажил мэргэжлийн хувьд ямар ирээдүй, хэтийн төлөв бий болохыг олон нийтэд илүү хүртээмжтэй болгох тал дээр Гёте-Институт мөн ажиллаж байна. Тиймээс герман хэл суралцагчдыг Герман улсад их дээд сургуульд суралцах, онол дадлага хосолсон мэргэжилтэн бэлтгэх боловсролд хамрагдахыг уриалж байдаг юм.

ЕБС-ийг төгссөний дараа ч ПАШ санаачилга болон сурагчдын сүлжээ хоорондоо ямагт холбоотой байлгахыг бид эрмэлзэж байна. ПАШ-төгсөгчдийн үйл ажиллагааны хүрээнд Гёте-Институт төгсөгчдийн уулзалт зохион байгуулж тэднийг хоорондоо холбоо тогтоох орчныг бүрдүүлэн өгч байна.