„ულევი ფესტის“ მუსიკალურ ღონისძიებათა სერია გაიმართა ნიკა გოგიაშვილის, მარიტა გოგიჩაიშვილისა და იო ლორიაშვილის გუნდის ორგანიზებით. პროექტმა ჩამოაყალიბა ინკლუზიური კულტურული პლატფორმა მარტყოფში მაცხოვრებლებისა და სტუმრების შემოქმედებითი თვითგამოხატვისთვის, რომელმაც, მუსიკალური და სახელოვნებო აქტივობებით თემში მჭიდრო კავშირები წარმოქმნა. ფესტივალმა მუსიკალური პერფორმანსების, სახელოვნებო ვორქშოფებითა და ინტერაქციული აქტივობებით ადგილობრივები მარტყოფიდან დააკავშირა მიმდებარე დასახლებების მაცხოვრებლებთან და თბილისიდან ჩამოსულ მონაწილეებთან.
მარტყოფში გამართულ მასშტაბურ ფესტივალს 400-450 მონაწილე დაესწრო, პროექტის გუნდის წევრების კარდაკარ სიარულისა და ადგილობრივებთან უშუალო კომუნიკაციის შედეგად. ფესტივალმა დამსწრეებს, განურჩევლად ასაკისა, ცოცხალი მუსიკა, ჯემ-სესიები და კერამიკის, ილუსტრაციისა და თეატრის ვორქშოფები შესთავაზა. ვორქშოფებზე მონაწილეები უშუალოდ ჩაერთნენ პრაქტიკულ შემოქმედებით პროცესებში, ცოცხალი პერფომანსები მათ თვითამოხატვის საშუალებას აძლევდა, ხოლო დეკორაციული ინსტალაციები და კვების ჯიხურები საერთო სივრცეს კიდევ უფრო მეტად ინკლუზიურს ხდიდა. ფესტივალის გარდა, ულევის სტუდიაში გაიმართა შეხვედრები მხატვრებთან ლექსო რატიანთან, მიშოსთან პროექტიდან „მიშვარდი“ და ნიკო გორგოშაძესთან. მასშტაბური ფესტივალის წარმატებამ შემდგომში დამატებითი მცირე ღონისძიებების ჩატარებაც განაპირობა, რამაც, საბოლოო ჯამში კიდევ უფრო გააძლიერა პროექტის ადგილობრივი ჩართულობის ასპექტი და თანამშრომლობითი კავშირები. ფესტივალმა შექმნა ძლიერი კულტურული გამოცდილება, რომელმაც რეზონანსი გამოიწვია როგორც სოფლის მაცხოვრებლებში, ასევე სტუმრებში.
პროექტმა „ულევი კერამიკა" მხატვრული გამოხატულებისა და საზოგადოების ჩართულობის ახალი ტალღა წარმოქმნა სოფელ მარტყოფში, ექვსი კერამიკული სახელოსნოსა და ილუსტრაციის ვორქშოფის ორგანიზებით. ადგილობრივ მოსახლეობას - ბავშვებს, მოზარდებსა და მოხუცებს, მიეცათ შესაძლებლობა შეეცნოთ შემოქმედებითი დარგები, შეიძინონ ახალი უნარები, განიცადონ შემოქმედების სიხარული და ისწავლონ ახალი ტექნიკა, როგორიცაა კერამიკა და ბეჭდვა.
პროექტმა მონაწილეებს გააცნო სახელოვნებო პრაქტიკები, წაახალისა მათი თვითგამოხატვა და ურთიერთგაზიარებული შემოქმედებითი გამოცდილებით ერთიანობის განცდა გააჩინა. ადგილობრივი მუსიკალური ფესტივალის ფარგლებში მოეწყო ორი კერამიკული და ერთი ილუსტრაციის ვორქშოფი. ღონისძიების ცოცხალმა და ხალისიანმა ატმოსფერომ დამატებით მიიზიდა ახალგაზრდები ვორქშოფებში მონაწილეობისთვის. ფესტივალის გარდა, ცალკეული ვორქშოფები ჩატარდა სტუდიაში, რომელმაც უფრო მყუდრო და ფოკუსირებული სასწავლო გარემო შესთავაზა მონაწილეებს.
პრაქტიკული ხელსაქმითა და მასალების ხელმისაწვდომობით პროექტის ფარგლებში შეიქმნა სივრცე, რომელშიც მონაწილეებს თავისუფლად შეეძლოთ სიახლეების ძიება და საკუთარი შემოქმედებითი პოტენციალის აღმოჩენა. ბევრისთვის ეს იყო მათი პირველი შეხება კერამიკასა და ბეჭდვის ტექნიკასთან, რითიც ეს გამოცდილება კიდევ უფრო მძაფრი და შთამაგონებელი გახდა. დადებითი უკუკავშირი და გაკვეთილების გაგრძელების სურვილი მონაწილეების მხრიდან, მეტყველებს პროექტის წარმატებაზე შემოქმედებითობის ძიების წახალისებისა და საზოგადოებრივი კავშირების შექმნაში.
