Улаанбаатар дахь Гёте Хөгжмийн Танхим

Залуу жазз хөгжимчид ДБЭТ-ын тайзнаа Зураг: Базарсүхийн Рэнцэндорж

Жазз хөгжим Монголд: Гёте-Институт нь Монгол Улсын Консерваторитой хамтран 2014 оноос хойш хэрэгжүүлж буй Улаанбаатар дахь Гёте Хөгжмийн Танхим (GMUB) төслөөрөө Монголын жазз хөгжимчдийн залуу үеийнхэн суралцахад дэмжлэг үзүүлж байна.

 Монгол Улс бүхий л талаараа өөрчлөгдөн хөгжиж байна. 1990 оны ардчилсан хувьсгалын дараагаас тус улсад барууны соёл нэвтрэх болжээ. Хэдий жижиг зах зээлтэй боловч поп, рок, хип-хоп, жазз зэрэг хөгжмийн салбарууд тун эрчтэйгээр хөгжиж байна. Нөгөө талаар уламжлалт боловсролын байгууллагууд энэхүү хөгжилтэй хөл нийлүүлэн алхаж чадахгүйд хүрээд байв.
 
Тиймээс сонгодог болон үндэсний хөгжмийн боловсрол олгодог МУ-н Консерваторитай хамтран Монгол дахь Гёте-Институт нь 2014 оны 9-р сард Улаанбаатар дахь Гёте Хөгжмийн Танхим (GMUB)-ыг үүсгэн байгуулсан юм.
 
Герман улсын басс хөгжимчин Мартин Зенкерийн удирдлага дор GMUB нь Монгол Улсад жазз, орчин үеийн хөгжмийн боловсролыг олгох үндэс суурь болжээ. Төсөл хэрэгжиж эхлээд дөнгөж хоёр жил өнгөрсөн боловч тус сургалт нь цаашид МУ-н Консерваторит бакалаврын түвшинд хэрэгжиж эхэлсэн.
 
Тусгайлан барьж тохижуулсан хоёр анги танхимд Монголын залуу халаа болсон хөгжимчид олон хоолойн ухаан, соноршуулга, хөгжмийн түүх, хөгжимдөх урлаг зэрэгт суралцан мэргэших юм. Эдгээр анги танхимуудыг өндөр чанар бүхий хөгжмийн зэмсэг, тоног төхөөрөмжүүдээр тохижуулсан бөгөөд Герман улсаас нэг тонн орчим эд материалыг тээвэрлэн авчирсан байна.

Улаанбаатар дахь Гёте Хөгжмийн Танхимын сургалт нь  Герман, Австри, Франц, Их Британи, Канад, АНУ-аас хүрэлцэн ирэх зочин багш нарын хичээлүүдээр баяждаг бөгөөд тэдгээр багш нар хэд хоногийн эрчимжүүлсэн сургалтыг зохион байгуулах буюу олон долоо хоногийн турш GMUB-д багшилдаг. Өнөөг хүртэл нийтдээ 50 орчим зочин багш Улаанбаатар хотноо хүрэлцэн ирсэн байна.
 
Ингэснээр GMUB нь сүүлийн хоёр жил гаруйн хугацаанд Монголын жазз хөгжмийн салбарын чухал төв болон хөгжиж байна. 
Улаанбаатар дахь Гёте Хөгжмийн Танхимын сургалт нь  Герман, Австри, Франц, Их Британи, Канад, АНУ-аас хүрэлцэн ирэх зочин багш нарын хичээлүүдээр баяждаг бөгөөд тэдгээр багш нар хэд хоногийн эрчимжүүлсэн сургалтыг зохион байгуулах буюу олон долоо хоногийн турш GMUB-д багшилдаг.  Өнөөг хүртэл нийтдээ 50 орчим зочин багш Улаанбаатар хотноо хүрэлцэн ирсэн байна.

2014 онд зочин багшаар:

Christoph Bley, дуу авианы техник  (2014 оны 9-р сар)
Martin Scales, гитар (2014 оны 10-р сар)
David Patrick, төгөлдөр хуур (2014 оны 10-р сар)
Jocelyn B. Smith, дуулалт (2014 оны 11-р сар)
Michael Lutzeier, саксофон (2014 оны 12-р сар)
Ulli Moritz, цохиур хөгжим (2014 оны 12-р сар)

2015 онд зочин багшаар:

 Andreas Neubauer, бөмбөр (2015 оны 2-р сар)
Claus Koch, саксофон (2015 оны 3-р сар)
Sven Ole Carstens, DJ, Sampeling (2015 оны 3-р сар)
Hanno Busch, гитар (2015 оны 4-р сар)
Bernhard Pichl, төгөлдөр хуур (2015 оны 4-р сар)
Frederik Köster, нарийн бүрээ (2015 оны 5-р сар)
Paulo Cardoso, басс (2015 оны 5-р сар)
Julia Weder, нарийн бүрээ (2015 оны 6-р сар)
Philipp Staudt, татах бүрээ (2015 оны 6-р сар)
Peter Wölpl, гитар (2015 оны 9-р сар)
Fola Dada, дуулалт (2015 оны 9-р сар)
Hugo Siegmeth, саксофон (2015 оны 10-р сар)
Oliver Kent, төгөлдөр хуур (2015 оны 10-р сар)
Mario Gonzi, бөмбөр (2015 оны 10-р сар)
Herwig Gradnischig, саксофон (2015 оны 10-р сар)
Axel Schlosser, нарийн бүрээ (2015 оны 12-р сар)
Rick Hollander, бөмбөр (2015 оны 12-р сар)

2016 онд зочин багшаар:
 

Pavel Skornjakovs, саксофон (2016 оны 2-р сар)
Kim Minchan, бөмбөр (2016 оны 2-р сар)
Bernhard Pichl, төгөлдөр хуур (2016 оны 2-р сар)
Andreas Neubauer, бөмбөр  (2016 оны 3-р сар)
Frederik Köster, нарийн бүрээ (2016 оны 4-р сар)
Jesse Davis, саксофон (2016 оны 4-р сар)
Claus Raible, төгөлдөр хуур (2016 оны 5-р сар)
Kenny Washington, дуулалт (2016 оны 10-р сар)
Lukas Diller, саксофон (2016 оны 10-р сар)
Michael Lutzeier, саксофон (2016 оны 11-р сар)
Philipp Stauber, гитар (2016 оны 11-р сар)
Christian Salfellner, бөмбөр (2016 оны 11-р сар)
Bastien Rieser, нарийн бүрээ (2016 оны 11-р сар)
Champian Fulton, дуулалт (2016 оны 12-р сар)
Steve Pruitt, бөмбөр (2016 оны 12-р сар)
 
2017 онд зочин багшаар:

 
Ignasi Terraza, төгөлдөр хуур (2017 оны 2-р сар)
Claus Raible, төгөлдөр хуур (2017 оны 2/3-р сар)
Herwig Gradischnig, саксофон (2017 оны 2/3-р сар)
Laurent Maur, аман хуур (2017 оны 3-р сар)
Paul Brändle, гитар (2017 оны 4-р сар)
Та жазз хөгжмийн боловсрол эзэмшихийг хүсэж байна уу? Тэгвэл Монгол Улсын Консерваторийн жазз хөгжмийн бакалаврын түвшний ангид элсэн суралцаарай. Сургалт 2018 оны 9-р сард эхэлнэ.
 
Элсэн суралцагчид аль нэгэн хичээлийн ЭЕШ-н 480 оноотой байх шаардлагатай. Хэрэв та хэдийн бакалаврын дипломтой бол үүнд хамаарахгүй.
 
Элсэлтийн бүртгэл 6-р сарын 5-аас 7-р сарын 5 хүртэл МУ-н Консерваторийн 207 тоот өрөөнд, ажлын өдрүүдэд 11-17 цагийн хооронд явагдах болно.
 
Шалгалт дараах хоёр хэсгээс бүрдэнэ:

1) Онолын шалгалт: Элсэгч өөрийн онолын ерөнхий мэдэгдэхүүнийг шалгуулна. (60 минут)
2) Ур чадварын шалгалт: Өөрийн сонголтоор 2 бүтээл бэлтгэж шалгуулна. (стандарт жазз эсвэл блюз байх, сонгодог зохиол биш байх; чөлөөт тоглолт буюу импровизация 15 минут орчим) 

Хэрэв танд жазз хөгжмийн бакалаврын сургалтын талаарх асуулт байвал төслийн удирдагч ноён Б. Мөнхбаяртай 99062697 дугаарын утсанд холбогдох боломжтой.
 
Консерватори дахь жазз хөгжмийн бакалаврын сургалт нь Улаанбаатар дахь Гёте Хөгжмийн Танхим (GMUB)-ын үргэлжлэл болно. 
Тус цомог бий болсон нь Улаанбаатар дахь Гёте Хөгжмийн Танхим (GMUB)-ын үүсэл хөгжил, барууны жазз хөгжимчид болоод монгол авъяастнуудын байнгын хамтын ажиллагаатай салшгүй холбоотой юм.

Гёте-Институтийн санаачилгаар С. Гончигсумлаагийн нэрэмжит Монгол Улсын Консерваторитой хамтран Герман улсын басс хөгжимчин Мартин Зенкерийн удирлага дор GMUB төсөл нь хэрэгжин, жазз болон поп хөгжмийн сургалтыг Улаанбаатар хотноо анх удаа нэвтрүүлсэн билээ. Дуучин Эрхэмбаярын Энхжаргал нь GMUB-д анхлан суралцагчдын нэг юм.
 
GMUB төслийг хэрэгжүүлж буй Хөгжим бүжгийн коллеж нь монголын томоохон хөгжмийн зохиолчдын нэг, орчин цагийн хөгжмийг үндэслэгч гэгдэх С. Гончигсумлаагаар овоглогдсон юм.

Хөгжмийн зохиолч С. Гончигсумлаа агсны нэрээр нэрлэгдсэн энэхүү төслийг Мартин Зенкер нь 2015 онд буюу хөгжмийн зохиолчийн зуун насны ойгоор хэрэгжүүлж эхэлсэн бөгөөд монголын уламжлалт хөгжмийг орчин үеийн жазз хөгжимтэй хослуулан, тэдгээрийн онцлогийг ижил хэмжээнд агуулсан хөгжмийн урсгалыг бий болгохыг зорьж байна.
 
Тогтооход хялбар байдаг онцлог шинжтэй монгол хөгжмийн аялгууг шинээр найруулж жазз хэв маягт оруулж байна. Ингэхдээ монгол дуунд төдийлөн ажиглагддаггүй хэмнэл бүхий элементийг оруулж өгдөг. Харин монгол хэв маягийг дуулах явцад түлхүү тодотгодог.
 
Хөгжмийн энэхүү хосолмол байдалд тус CD-ний онцлог чанар оршиж буй агаад энэхүү CD нь олон орны хөгжимчдийн бүтээлч шинжийг хадгалсан хамтын уран бүтээл болно.
 
Дуучин Эрхэмбаярын Энхжаргал буюу Энжи нь GMUB-д анхлан суралцагчдын нэг юм. Түүний дуулалт нь бүтээлч бие даасан чанар, оргилуун эрмэлзэл, хөгжмийг шууд илэрхийлэх зэрэг шинжээрээ ялгардаг. Улаанбаатар дахь Гёте Хөгжмийн Танхимд суралцаж буй хугацаандаа тэрээр Жозелин Б. Смит, Фола Дада болон Натали Жон нарын багш нартай хамтран ажиллажээ.
 
Их Британийн төгөлдөр хуурч Паул Кирби нь Мартин Зенкертэй хамтран тус  СD-ний найруулгыг хийжээ. Тэрээр 2014 онд Улаанбаатар хотноо зохион байгуулагдсан Жазз хөгжмийн олон улсын фестивальд оролцсоноос гадна 2015 онд GMUB-д зочин багшаар ажиллажээ.
 
Йоханнес Эндерс нь Герман улсдаа хамгийн нэр хүндтэй жазз саксофончдын нэгт зүй ёсоор тооцогддог. Тэрээр Лайпциг хотын хөгжим театрын их сургуулийн профессор бөгөөд 2012 онд  Echo Jazz шагналыг хүртсэн байна.
 
Билли Харт нь АНУ-аас гаралтай жазз бөмбөрчин юм. Тэрээр 700 гаруй CD бичихэд ажиллаж байсан асар их туршлагатай хөгжимчний хувиар уг альбум бүтэхэд хувь нэмрээ оруулжээ.
 
Мартин Зенкер нь Герман улсын басс хөгжимчин бөгөөд 2014 оноос хойш Улаанбаатар дахь Гёте хөгжмийн танхимд төслийн зохицуулагч, удирдагч багшаар ажиллаж байна. Жазз хөгжмийн сургалтыг боловсруулж хэрэгжүүлэхэд байгуулсан түүний гавъяа их.
The Jazz Train хамтлаг нь 2016 оны 9-р сард үүсгэн байгуулагдсан бөгөөд Улаанбаатар дахь Гёте Хөгжмийн Танхим буюу GMUB төслөөс төрөн гарсан.

Хоёр жилийн хугацаанд тус хамтлагийн хөгжимчид нь GMUB-д олон улс орноос хүрэлцэн ирсэн багш нарын удирдлага дор суралцсан юм.

Олон улсын жазз хөгжмийн өдрөөр тус хамтлаг нь өөрсдийн хамгийн анхны бие даасан цомгийг „The Jazz Train" нэртэйгээр гаргажээ.

The Jazz Train хамтлагийн бүрэлдэхүүнд:

Г. Хонгор, нарийн бүрээ
Б. Мөнхтэмүүлэн, саксофон
Э. Шүтээн, төгөлдөр хуур
Ц. Мөнгөнтовч, басс
Б. Хүслэн, бөмбөр
Гёте-Институт болон JazzLab нь олон улсын жазз цуврал тоглолтыг зохион байгуулж дэлхийд танигдсан жазз уран бүтээлчдийг Улаанбаатар хотноо урьж байна.

2016-2017 онд зохиогдсон тоглолтууд:

Kenny Washington (АНУ), 2016 оны 10-р сар
Champion Fulton (АНУ), 2016 оны 12-р сар
Ignasi Terraza (Испани), 2017 оны 2-р сар
Laurent Maur (Франц), 2017 оны 3-р сар
Jesse Davis (АНУ), 2017 оны 6-р сар
Gary Smulyan (AНУ), 2017 оны 11-р сар

Улаанбаатар дахь Гёте Хөгжмийн Танхим (GMUB)-ын оюутнууд эдгээр уран бүтээлчидтэй хамтран Монгол Улсын Дуурь Бүжгийн Эрдмийн Театрын тайзнаа тоглолтоо хийсэн билээ.

JazzLab нь Монгол Улс дахь цорын ганц бөгөөд хамгийн анхны  жазз хөгжмийн агентлаг юм. Тус агентлаг нь олон улсын уран бүтээлчидтэй хамтран ажиллаж Улаанбаатар хотод жазз хөгжмийг түгээн дэлгэрүүлэхэд дэмжлэг үзүүлдэг болно.