Theater Workshop and Public Presentation

Goethe-Institut မြန်မာအနေနဲ့ ယဉ်ကျေးမှုဆိုင်ရာ လုပ်ငန်းစဉ်များနဲ့ ခေတ်ပြိုင်အနုပညာဆိုင်ရာ အစီအစဉ်များ၊ ပွဲများ၊ နှီးနှောဖလှယ်မှုများကို အစဉ်တစိုက်လုပ်ဆောင်လာခဲ့ရာမှာ မြန်မာ၊ ဂျာမနီခေတ်ပြိုင်အနုပညာဆိုင်ရာ နှီးနှောဖလှယ်မှုနဲ့ ပူးပေါင်းဆောင်ရွက်မှုဟာလည်း အရေးပါတဲ့ အခန်းကနေပါ၀င်နေပါတယ်။

၂၀၂၅ ခုနှစ်ရဲ့ နှစ်စမှာတော့ မြန်မာနိုင်ငံရဲ့ ခေတ်ပြိုင်ပြဇာတ် နဲ့ သရုပ်ဖော်မှုအနုပညာဆိုင်ရာအခင်းအကျင်းကို တိုးမြှင့်အောင်ပြုလုပ်ဖို့ ရည်ရွယ်ချက်နဲ့ ခေတ်ပြိုင်ပြဇာတ်ဆိုင်ရာ အလုပ်ရုံတစ်ခုကို ၂၀၂၅ ခုနှစ် ဇန်န၀ါရီလ ၂၉ ရက်မှ ဖေဖော်၀ါရီလ ၅ ရက်နေ့အထိ ပြုလုပ်သွားမှာ ဖြစ်ပါတယ်။ ဒီအလုပ်ရုံကို ဂျာမနီနိုင်ငံက ဖိတ်ခေါ်ထားတဲ့ Rimini Protokoll ရဲ့ ပူးတွဲတည်ထောင်သူဖြစ်တဲ့ Helgard Haug က ဦးဆောင်သွားမှာ ဖြစ်ပြီး မြန်မာနိုင်ငံက သုခုမ ခရီးသည်၊ FXB Myanmar၊ မောင်ဒေး၊ သွိုင်တာတို့နဲ့အတူ ခေတ်ပြိုင်ပြဇာတ်အဖွဲ့များ နဲ့ အနုပညာရှင်များပါ၀င်သွားမှာဖြစ်ပါတယ်။

အလုပ်ရုံအပြီးမှာတော့ အတူတကွပေါင်းစပ်ဖန်တီးထားတဲ့ ပြဇာတ်အစီအစဉ်တွေကို တင်ဆက်ပြသသွားမှာ ဖြစ်လို့ Rimini Protokoll in Myanmar အစီအစဉ်ရဲ့ နောက်ဆက်တွဲ ကြေငြာချက်တွေကို စောင့်ကြည့်သွားကြဖို့ တိုက်တွန်းလိုပါတယ်။