პარტნიორი უნივერსიტეტები

რურის საუნივერსიტეტო ალიანსში 2007 წლიდან სტრატეგიულად მჭიდრო თანამშრომლობა აქვთ ბოხუმის რურის უნივერსიტეტს, დორტმუნდის ტექნიკურ უნივერსიტეტსა და დუისბურგ-ესენის უნივერსიტეტს. პარტნიორი უნივერსიტეტები არიან  უამრავი  თანამშრომლობის ინიციატორები და თავის 100 000 სტუდენტს განსაკუთრებულად მრავალფეროვან სწავლებას სთავაზობენ.  პარალელურად, რურის საუნივერსიტეტო ალიანსის ცალკეული სასწავლებლები ქმნიან ურთიერთშემავსებელ სამეცნიერო-კვლევით მიმართულებებს, რათა პროფილური სწავლებით უფრო პროდუქტიულები და მიმზიდველები გახდნენ.  კოოპერაციისა და კონკურენციის პრინციპზე დამყარებული ამ სტრატეგიით  საუნივერსიტეტო ალიანსი სამაგალითო ხდება ინტეგრირებული რურის რეგიონისთვის, რომელიც ნახშირისა და ფოლადის  რაიონიდან გერმანიის ერთ-ერთ საინტერესო სამეცნიერო და კულტურულ მხარედ ყალიბდება. 

რურის საუნივერსიტეტო ალიანსი იღებს "ხიდი განათლებისკენ" წარმატებულ კურსდამთავრებულებს აღმოსავლეთ ევროპიდან და ცენტრალური აზიიდან, აშშ-დან, ვიეტნამიდან და სამხრეთ ამერიკიდან.

აახენის რაინ-ვესტფალიის ტექნიკური უნივერსიტეტი 9 ფაკულტეტითა და 260 ინსტიტუტით ევროპის წამყვანი სამეცნიერო-კვლევითი დაწესებულებათაგანია, სადაც განათლება, პირველ რიგში გამოყენებითობაზეა ორიენტირებული. შესაბამისად, მის კურსდამთავრებულებზე - ახალგაზრდა და წამყვან კადრებზე  ეკონომიკის სექტორში დიდი მოთხოვნაა.

131 ქვეყნიდან ჩამოსული 10.000-მდე საერთაშორისო სტუდენტი  და უნივერსიტეტის მჭიდრო კონტაქტი უამრავ კურსდამთავრებულთან, აახენს, როგორც სამეცნიერო მხარეს, ინტერნაციონალურ ელფერს სძენს.

საუნივერსიტეტო ცხოვრება ქალაქის იერსახეზეც აისახება.  სტუდენტებისა და მათი მრავალფეროვანი კულტურული ცხოვრების წყალობით, ტრადიციებით მდიდარი აახენი, განსაკუთრებით კი პონტის სტუდენტური უბანი  უფრო ახალგაზრდად და სიცოცხლით სავსედ გამოიყურება. ეიფელსა და არდენებთან, მაასტრიხტთან და ბრიუსელთან სიახლოვე და, შესაბამისად,  სხვა ენობრივ და კულტურულ წრეებთან მეზობლობა, კარლოს დიდის დროინდელი პფალცის სამლოცველოს  ჩრდილქვეშ დავანებულ ქალაქს განსაკუთრებულ შარმს სძენს.

ზიგენის უნივერსიტეტი გახლავთ საშუალო სიდიდის, დისციპლინათშორისი ორიენტაციის სამეცნიერო-კვლევითი უნივერსიტეტი, რომელიც სამი ფედერალური მიწის-  ჩრდილოეთ რაინ-ვესტფალიის, ჰესენისა და რაინლანდ-პფალცის გასაყარის შუაგულში მდებარეობს. იგი მკვიდრობს სამხრეთ ვესტფალიის რეგიონში და ჩართულია ფართო, როგორც ეროვნულ, ისე საერთაშორისო ქსელში. უნივერსიტეტის სურვილია, წვლილი შეიტანოს ისეთი მომავლის აშენებაში, რომელიც ორიენტირებული იქნება ადამიანზე და საზოგადოებაზე პასუხისმგებლობით იქნება გამსჭვალული, ზიგენის უნივერსიტეტის იდეაც ამასვე გამოხატავს: მომავლის გაადამიანურება.

ზიგენის უნივერსიტეტი აცნობიერებს, რომ განათლებასა და საზოგადოებისთვის საჭირბოროტო პრობლემატიკაზე აღებული რეგიონალური პასუხისმგებლობა დაკავშირებული უნდა იყოს სწავლების, კვლევისა და ცოდნის გადაცემის მიმართ საერთაშორისოდ მიღებულ მოთხოვნებთან, ხოლო მისი დახვეწა მუდმივ ამოცანად უნდა ესახებოდეს.

ბონის უნივერსიტეტი  მულტიდისციპლინური უნივერსიტეტია, რომელიც 7 ფაკულტეტს აერთიანებს: კათოლიკური და ევანგელისტური თეოლოგია,   იურისპრუდენცია და ეკონომიკა, მათემატიკა და საბუნებისმეტყველო მეცნიერებები, ფილოსოფია, მედიცინა და სოფლის მეურნეობა. 38,000-ზე მეტი სტუდენტი, რომელთაგან 5.000 საერთაშორისო  სტუდენტი  143 ქვეყნიდანაა ჩამოსული,  200 დისციპლინას შეისწავლის.
 
‘უპირატესობის სტრატეგიის’ ფარგლებში კვლევების დაწყება უნივერსიტეტმა შეძლო გამოჩენილი მეცნიერების შეკრების სტრატეგიით, რისი წყალობითაც ბონის უნივერსიტეტი გერმანიის წამყვანი უნივერსიტეტების რიგებში ჩაეწერა.

მისი მისიაა, სტუდენტებისთვის და ახალბედა მკვლევარებისთვის ხარისხიანი განათლებისა მიცემა და მხარდაჭერა და ისეთი გარემოს შექმნა, რომელიც ხელს უწყობს თავისუფალ აკადემიურ დისკუსიასა და აზრთა გაცვლას.
 

ვიადრინას ევროპული უნივერსიტეტი, რომელშიც 6.600 სტუდენტი სწავლობს, მცირე, მაგრამ საკმაოდ ინტერნაციონალური უნივერსიტეტია ბერლინიდან სულ რაღაც 1 საათის სავალზე, გერმანია-პოლონეთის საზღვართან.
 
საერთაშორისო ორიენტაცია ვლინდება როგოც დისციპლინებში, ასევე სტუდენტურ კონტინგენტში, რომლის 25%  100-ზე მეტი ქვეყნიდან ჩამოსული სტუდენტი შეადგენს და საერთაშორისო მეცნიერთა სიმრავლეში. შესაბამისად,  ვიადრინას კამპუსის ატმოსფერო ერთდროულად ოჯახურიცაა და ინტერნაციონალურიც.
 
უნივერსიტეტის სამივე  ფაკულტეტზე - ეკონომიკური მეცნიერებები, კულტურათმცოდნეობა და იურისპრუდენცია, სწავლა და კვლევა მაღალ დონეზეა. ეკონომიკურ მეცნიერებებში ვიადრინა გერმანიის ტოპ-უნივერსიტეტების ჯგუფში შედის. აქტუალური გამოკითხვებით, სტუდენტები ძალზე კმაყოფილნი არიან, რაც კურატორობის შესანიშნავად აწყობილ სისტემასაც უკავშირდება.  თავის შენახვა, გერმანიასთან შედარებით, გაცილებით იაფი ჯდება.  
სტუდენტობა აქტიურად მონაწილეობს უნივერსიტეტის და კამპუსში აკადემიური ცხოვრების ჩამოყალიბებაში.

‘ვიადრინას ოჯახი“ არ არის მხოლოდ ლოზუნგი, არამედ რეალობა. 

ბაუჰაუსის უნივერსიტეტში ვაიმარში, ცალკეული დისციპლინების საზღვრებს მიღმა, მომავლის დიზაინი იქმნება. ტერმინი "ბაუჰაუსი" აერთიანებს ექსპერიმენტის სურვილს, გახსნილობასა და ინოვაციებს. ეს კონცეფცია კიდევ უფრი ნათლად ჩანს კვლევებში, ხელოვნებასა და სწავლებისადმი მიდგომებში, ასევე ძლიერ საერთაშორისო ქსელში. უნივერსიტეტის მთავარი კორპუსი განლაგებულია იმ შენობაში, სადაც 1919 წელს მე-20 საუკუნის ყველაზე მნიშვნელოვანი დიზაინის ბაუჰაუსის სკოლა დაარსდა. ბაუჰაუსის საერთაშორისო უნივერსიტეტი ამ სახელწოდებით1996 წლიდან არსებობს, რომელიც კულტურის ქალაქ ვაიმარში მდებარეობს.უნივერსიტეტს დაახლოებით 4000 სტუდენტი ჰყავს, რომლებიც მეცნიერებისა და ტექნიკის, ასევე ხელოვნებისა და კულტურის სფეროში იღებენ განათელბას.