ხშირად დასმული კითხვები

Frau am Laptop © Getty Images

კურსზე დარეგისტრირება და დონის დასადგენი ტესტირება, გარდა საბავშო კურსებისა, ონლაინ ფორმატში იწარმოებს. ჩვენთვის მნიშვნელოვანია გავუფრთხილდეთ თქვენს ჯანმრთელობას და ამიტომ  ჯგუფებში კურსის მონაწილეთა რაოდენობა შევამცირეთ და კურსების უმეტესობას ჩვენთვის უკვე კარგად აპრობირებული შერეული ფორმატით გთავაზობთ. ამგვარი კომბინაცია საშუალებას მოგცემთ  საფუძვლიანად და ინტენსიურად დაეუფლოთ ენას.     

ჩვენთან შეისწავლით გერმანულს. მარტივად. ეფექტიანად. ახლა.    

ენის განყოფილება

ენის კურსების ბიუროს სამუშაო საათებია:
 
ორშ., სამშ., ხუთშ., პარ.:  10:00–13:00 და 14:00-17:00
ოთხშ.  10:00-13:00 და 16:00-18:30

შეგიძლიათ აგრეთვე მოგვწეროთ შეკითხვა შემდეგ მისამართზე: 
deutschkurse-tbilissi@goethe.de

კონსულტაცია, რეგისტრაცია და ტესტირება

კურსებზე დარეგისტრირებას დისტანციურად შეძლებთ.

ონლაინ რეგისტრაცია და დონის დასადგენი ტესტირება: 01.09.2020 - 17.09.2020 

კონსულტაცია

ჩვენი აქტუალური კურსების შესახებ დაწვრილებითი ინფორმაცია შეგიძლია იხილოთ აქ:

ჩვენი კურსები თუ გსურთ პერსონალური კონსულტაციის მიღება თქვენზე მორგებული კურსის სწორად შესარჩევად, მოგვწერეთ ელექტრონული წერილი. ჩვენ 24 საათის განმავლობაში დაგიკავშირდებით და შეგითანხმებთ Zoom-ში პერსონალური კონსულტაციის დროს. ჩვენი პედაგოგები გაგაცნობენ ჩვენს აქტუალურს კურსებს და დაგეხმარებიან თქვენზე მაქსიმალურად მორგებული კურსის შერჩევაში.
კონსულტაცია თუ გერმანული ენის შესწავლას ახლა იწყებთ და არ გჭირდებათ ცოდნის დონის დადგენა, გადადით ამ ბმულზე და პირდაპირ A1.1 - კურსზე დარეგისტრირდით.

ტესტირება

თუ გერმანულ ენას საბაზისო დონეზე ფლობთ და გნებავთ დაჯავშნოთ კურსი, შეგიძლიათ დისტანციურად გაიაროთ ენობრივი დონის დასადგენი ტესტირება. წერითი ტესტის შემდეგ ჩაგიტარდებათ გოეთეს ინსტიტუტის პედაგოგის მიერ ზეპირი ინტერვიუ და ამის შემდეგ გაივლით კონსულტაციას. აღნიშნული პროცესი შესაძლებლობას გაძლევთ სწორად შეარჩიოთ  კურსის  საფეხური და ფორმატი.

როგორ შემიძლია გავიარო ტესტირება?

ტესტირება ტარდება დისტანციურად და უფასოა. 
ტესტზე მონაწილეობის მიღება შეგიძლიათ დროის იმ მონაკვეთში, როცა თქვენ გეცლებათ. საყურადღებოა, რომ ტესტის შეწყვეტა და გაგრძელება არ არის შესაძლებელი, თუ დაიწყებთ ბოლომდე უნდა დაასრულოთ. ამისათვის დაგეგმეთ ერთი საათი. ტესტის დასრულების შემდეგ მიიღებთ წერილობით მოწვევას ზეპირ გასაუბრებასა და კურსის შესახებ ინდივიდუალურ კონსულტაციაზე.
აქ შეგიძლიათ გააკეთოთ ცოდნის დონის დასადგენი ტესტირება:
ცოდნის დონის დასადგენი ტესტი რეგისტრაციისა და ტესტირების ბოლო ვადაა 17.09.2020

ტრიმესტრთან დაკავშირებული შეკითხვები

შემოდგომის ტრიმესტრი იწყება 21.09.2020 და სრულდება 27.12.2020

კონტაქტი და რეგისტრაცია
გაიარეთ ონლაინ რეგისტრაცია:
ვადები და ფასები თქვენ შეგიძლიათ საკრედიტო ბარათის საშულებით (Visa/Master) ან გადარიცხვით დაფაროთ კურსის საფასური. 
კურსის დაწყების წინ ენის კურსების ადმინისტრაციისაგან ელექტრონული ფოსტით მიიღებთ მისალმების ავტომატურ შეტყობინებას, სადაც მოგეწოდებათ გოეთეს ინსტიტუტის სასწავლო პლატფორმაზე MeinGoethe.de განთავსებულ ონლაინ საკლასო ოთახზე გადასასვლელი ბმული.
ჩვენთვის მნიშვნელოვანია გავუფრთხილდეთ თქვენს ჯანმრთელობას. ამიტომ კურსების უმეტესობას ჩვენთვის უკვე კარგად აპრობირებული შერეული ფორმატით გთავაზობთ.  გაკვეთილები მონაცვლეობით დასწრებული და ონლაინ ფორმატით ჩატარდება. ონლაინ სესიებზე, პლატფორმა "Zoom"-ის დახმარებით,  თანაჯგუფელებთან და პედაგოგთან ერთად ყველა ენობრივ უნარ-ჩვევაზე ივარჯიშებთ და  ამას კომფორტულად, სახლიდან გაუსვლელად, კურსის შესაბამის დღესა და საათებში შეძლებთ.  
ონლაინ სესიებისთვის დაგჭირდებათ ინტერნეტში ჩართული კომპიუტერი ან ლეპტოპი და ასევე შეძლებისდაგვარად ვებკამერა და ყურსასმენები მიკროფონით (ონლაინ სესიაში მონაწილეობის მიღება  ვებკამერისა და ყურსასმენების გარეშეც შესაძლებელია). ონლაინ სესიები პლატფორმა "Zoom"-ის დახმარებით ჩატარდება. ჩაერთეთ დაახლ. 15 წუთით ადრე სესიის  დაწყებამდე და დაელოდეთ გაკვეთილის დაწყებას. ჩართვისთვის დაგჭირდებათ ასევე თქვენი სასწავლო და სავარჯიშო წიგნი იმ შემთხვევაში, თუ თქვენს კურსზე სახელმძღვანელოთი მუშაობთ. 
კურსის შესახებ ნებისმიერი შეკითხვის შემთხვევაში, პირველ რიგში, მიმართეთ თქვენს პედაგოგს. ის სიამოვნებით გაგიწევთ კონსულტაციას. იმ შემთხვევაში, თუ თქვენ დამატებითი ინფორმაცია დაგჭირდებათ და ამაზე პასუხს თქვენი პედაგოგისგან ვერ მიიღებთ, მიმართეთ ენის კურსების ბიუროს შემდეგ ელექტრონულ მისამართზე: deutschkurse-tbilissi@goethe.de
 
დადგენილი რეგულაციებიდან გამომდინარე, რომლის მიხედვითაც  ოთახების შესაბამისი განაწილებაც გასათვალისწინებელია, გთავაზობთ კურსებს ონლაინ კომპონენტით.  ამ გზით შევძლებთ დავიცვათ თქვენი და ჩვენი ჯანმრთელობა და მყისიერი რეაგირება მოვახდინოთ შესაძლო გაუთვალისწინებელ სიტუაციებზე.                                                 

ჩვენი ფორმატის დადებითი მხარე ის არის, რომ გოეთეს ინსტიტუტში ჩვეულ დასწრებულ გაკვეთილებთან ერთად, მაღალი ხარისხის ონლაინ სესიებსაც შემოგთავაზებთ, რითაც თქვენ შეძლებთ  გერმანულის ენის შესწავლის ინდივიდუალური მიზნების მიღწევას. 
ბავშვების და მოზარდების კურსები ონლაინ ფორმატში პლატფორმა Zoom-ის მეშვეობით ჩატარდება.
ონლაინ რეჟიმშიც დაცულია გოეთეს ინსტიტუტის გაკვეთილის სტანდარტები, რომლის მიხედვით, კომუნიკაციას მნიშვნელოვანი ყურადღება ეთმობა. კითხვის, მოსმენის, წერისა და საუბრის უნარ-ჩვევების გავარჯიშება ყოფითი სიტუაციების გათამაშებითა და ავთენტური ტექსტების საშუალებით ხდება.  კომუნიკაციის წინა პლანზე წამოწეულია უნარები: მოსმენა, კითხვა, საუბარი და წერა. შეზღუდვების მოხსნისთანავე გაკვეთილი გოეთეს ინსტიტუტში, ჩვეულ ფორმატში, აღდგება.

როგორც კი დასწრებული სწავლება გოეთეს ინსტიტუტის სივრცეში შესაძლებელი გახდება, შევეცდებით გაკვეთილები ჩვეულებრივ რეჟიმში გადმოვიტანოთ. ეს ტრიმესტრის დროზე ადრე დასრულების საშუალებას მოგვცემს და კურსების მონაწილეებს შეეძლებათ არდადეგები დროულად დაიწყონ. ამის შესახებ დროულად შეგატყობინებთ მოვლენების განვითარების შესაბამისად.
რა თქმა უნდა, თქვენ შეგიძლიათ კურსზე რეგისტრაციის გაუქმება. გადახდილი თანხა უკან დაგიბრუნდებათ, თუ კურსიდან ამოეწერებით მესამე გაკვეთილის ჩატარებამდე. ამ შემთხვევაში დაგექვითებათ მხოლოდ ადმინისტრაციული მოსაკრებლი 20 ლარი.
მესამე გაკვეთილის ჩატარების შემდეგ კურსის შეწყვეტის შემთხვევაში გადახდილი თანხა უკან არ დაგიბრუნდებათ.
თუ თქვენს მიერ შერჩეულ კურსზე არ ჩაეწერება მონაწილეების მინიმალური რაოდენობა, გოეთეს ინსტიტუტი იტოვებს კურსის გაუქმების უფლებას. ამ შემთხვევაში თქვენ გადახდილ თანხას სრულად დაიბრუნებთ.

საბანკო ბარათითა და საბანკო გადარიცხვით გადახდილი კურსისა და გამოცდის საფასურის უკუგატარებისთვის თქვენ გოეთეს ინსტიტუტის ენის კურსების ბიუროს უნდა გაუგზავნოთ შემდეგი დოკუმენტაცია: პირადობის მოწმობის ასლი და საბანკო რეკვიზიტები. უკან გადმორიცხული თანხა 30 კალენდარული დღის განმავლობაში აისახება თქვენს ანგარიშზე. ზემოთ ჩამოთვლილი ვადების გასვლის შემეგ თანხის დაბრუნება აღარ მოხდება.
 
MeinGoethe.de-ზე თქვენი ჯგუფის ონლაინ საკლასო ოთახში იპოვით გაკვეთილის გეგმასა და საშინაო დავალებებს.
კურსის მოწმობა ყველა მონაწილეს ტრიმესტრის ბოლოს ავტომატურად ეგზავნემა მაილზე. თუ კურსის მოწმობა არ მიგიღიათ, გთხოვთ მოგვწეროთ ამის შესახებ თქვენი აქტუალური ელ-ფოსტიდან შემდეგ მაილზე:
deutschkurse-tbilissi@goethe.de
ჩვენ ცნობას დაუყოვნებლივ გამოგიგზავნით.

გერმანული ენის კურსები გერმანიაში

ყველა აქტუალურ ინფორმაციას გერმანიაში გერმანული ენის კურსების შესახებ მითითებულ ბმულზე იხილავთ
ენის კურსები გერმანიაში

გამოცდები

საქართველოს გოეთეს ინსტიტუტში საგამოცდო პროცესი განახლდა!

რომელი გამოცდა რა დროს და რა რეგულაციებით ჩატარდება და როგორ იწარმოებს რეგისტრაცია გამოცდებზე, შეგიძლიათ იხილოთ საგამოცდო რუბრიკაში:
გამოცდაზე რეგისტრაცია გამოცდებთან დაკავშირებული ნებისმიერი შეკითხვა შეგიძლიათ გამოგვიგზავნოთ ელექტრონულ ფოსტაზე:
pruefungen-tbilissi@goethe.de
 
გამოცდის სერტიფიკატი, რომელიც ჩატარდა 17 ივლისის ჩათვლით, გაიცემა:
28.07.2020 – 31.07.2020 (09:00 – 17:00)

გამოცდის სერტიფიკატი, რომელიც ჩატარდა 18 ივლისიდან, გაიცემა:
24.08.2020-დან  (09:00 – 17:00)
 
სერტიფიკატის აღებას შეძლებთ გოეთეს ინსტიტუტის მისაღებში, რომლის სამუშაო დროებია:
ორშაბათი-პარასკევი: 09:00-17:30

შეკითხვების შემთხვევაში მოგვწერეთ:
pruefungen-tbilissi@goethe.de
გამოცდის თარიღები გადაიდო და შესაბამისად გაიზარდა რეგისტრაციის ვადებიც.
უკვე დარეგისტრირებულ მონაწილეებს შეუნარჩუნდებათ ადგილები.
ადევნეთ თვალი ინფორმაციას მონაწილის პორტალზე.
TESTDAF

გერმანული ენის კურსები A1–C2

შეისწავლეთ გერმანული ენა საქართველოში. გოეთეს ინსტიტუტი გთავაზობთ დასწრებული და ონლაინ ფორმატის კურსებს.

გერმანული ენის გამოცდები

დაადასტურეთ გერმანული ენის ცოდნის დონე გოეთეს ინსტიტუტის გამოცდებზე.