გერმანული ენის გამოცდები

A1

მოზარდები

მოზრდილები

Goethe-Zertifikat A1

ამ გამოცდის ჩაბარებით ადასტურებთ, რომ ნაცნობი, ყოველდღიურად ხმარებადი გამონათქვამებისა და უმარტივესი წინადადებების გაგებისა და გამოყენების უნარი შეგწევთ, რომელთა მიზანსაც კონკრეტული მოთხოვნილებების დაკმაყოფილება შეადგენს. სხვებისათვის საკუთარი თავის წარდგენისა და სხვების წარდგენის, ასევე ადამიანებისათვის მათ შესახებ კითხვების დასმა შეგიძლიათ - მაგ.: სად ცხოვრობენ ისინი, რა ადამიანებს იცნობენ ან რა ნივთებს ფლობენ - და ასევე მათზე პასუხების გაცემის უნარი გაგაჩნიათ. ასევე, მარტივ დონეზე ამყარებთ კონტაქტს, როდესაც თქვენი თანამოსაუბრე ნელა და გარკვევით ლაპარაკობს და დახმარებისათვის მზადაა.

A2

მოზარდები

მოზრდილები

Goethe-Zertifikat A2

ამ გამოცდის ჩაბარებით ადასტურებთ, რომ იმ წინადადებებისა და ხშირად ხმარებადი გამონათქვამების გაგების უნარი შეგწევთ, რომლებიც გარკვეული სფეროების უშუალო მნიშვნელობებთანაა დაკავშირებული (მაგ.: ინფორმაცია პიროვნებისა და ოჯახის, საყიდლების, სამუშაოს, უშუალო გარემოცვის შესახებ). მარტივ, ყოველდღიურ სიტუაციებში იმგვარი კონტაქტის დამყარება შეგიძლიათ, სადაც ინფორმაციის მარტივ და უშუალო გაცვლაზე და ნაცნობ, ჩვეულ საგნებზეა საუბარი. ასევე, მარტივი გამონათქვამებით საკუთარი წარმოშობისა და განათლების, უშუალო გარემოცვისა და უშუალო მოთხოვნილებებთან დაკავშირებული საგნების აღწერის უნარი გაგაჩნიათ.

B1

მოზარდები

მოზრდილები

Goethe-Zertifikat B1

ამ გამოცდის ჩაბარებით თქვენ ადასტურებთ, რომ მარტივი სტანდარტული ენის გამოყენებისა და ნაცნობ საგნებზე, სამუშაოს, სკოლის, დასვენებისა და ა. შ. სფეროებიდან მთავარი საკითხების გაგების უნარი შეგწევთ. მოგზაურობისას წარმოშობილი ენობრივი სიტუაციების უმრავლესობასთან გამკლავება შეგიძლიათ. ნაცნობ თემებსა და პიროვნულ ინტერესებზე მარტივად და თანმიმდევრულად საუბრობთ. ასევე, შეგიძლიათ გამოცდილებებისა და მოვლენების გადმოცემა, ოცნებების, იმედებისა და მიზნების აღწერა და გეგმებისა და შეხედულებების მოკლე არგუმენტაცია ან ახსნა.

B2

მოზრდილები

Goethe-Zertifikat B2

ამ გამოცდის ჩაბარებით თქვენ ადასტურებთ, რომ კონკრეტულ და აბსტრაქტულ თემებზე შექმნილი კომპლექსური ტექსტების მთავარი აზრის წვდომისა და საკუთარ პროფესიულ სფეროში საგნობრივი დისკუსიების გაგების უნარი შეგწევთ. სპონტანურად და თავისუფლად შედიხართ კონტაქტში, ისე რომ გერმანულენოვან მოსაუბრესთან დიალოგი ორმხრივად დიდი ძალისხმევის გარეშე წარიმართება. ასევე, შეგიძლიათ თემების ფართო სპექტრის შესახებ გასაგებად და დეტალურად საუბარი, აქტუალურ საკითხზე საკუთარი პოზიციის გამოხატვა და სხვადასხვა შესაძლებლობების პრიორიტეტებისა და ნაკლოვანაბათა განმარტება.

C1

მოზრდილები

Goethe-Zertifikat C1

ამ გამოცდის ჩაბარებით თქვენ ადასტურებთ, რომ რთული, ვრცელი ტექსტების ფართო სპექტრის გაგებისა და იმპლიციტური მნიშვნელობის წვდომის უნარი შეგწევთ. სპონტანურად და თავისუფლად გამოხატავთ აზრებს, ისე რომ არ არსებობს სიტყვების ძებნის ხშირი და აშკარად თვალში საცემი საჭიროება. შეგიძლიათ ენის ეფექტურად და მოქნილად გამოყენება საზოგადოებრივ და პროფესიულ ცხოვრებაში, ან სწავლის პროცესში. ასევე, კომპლექსურ საკითხებთან დაკავშირებით ნათლად, სტრუქტურირებულად და დეტალურად აზრის გამოთქმისა და ამ პროცესში ტექსტის შემაკავშირებლად სხვადასხვა შესაბამისი საშუალებების გამოყენების უნარი გაგაჩნიათ.

C2

მოზრდილები

Goethe-Zertifikat C2

ამ გამოცდის ჩაბარებით თქვენ ადასტურებთ, რომ პრაქტიკულად ყოველივე მოსმენილისა და წაკითხულის მარტივად გაგების უნარი შეგწევთ. შეგიძლიათ სხვადასხვა წერილობითი და ზეპირი წყაროებიდან ინფორმაციების შეჯამება და მათთან დაკავშირებული არგუმენტაციისა და განმარტებების მწყობრად გადმოცემა. ასევე, აზრების სპონტანურად, ძალზე თავისუფლად და ზუსტად გადმოცემისა და კომპლექსურ საკითხებზე საუბრისას ფაქიზი ნიუანსების გამოკვეთის უნარი გაგაჩნიათ.

TestDaF

უმაღლეს სასწავლებელში სწავლისათვის

TestDaf

TestDaF-ი არის ენის გაღრმავებული ცოდნის დამადასტურებელი გამოცდა. იგი შეესაბამება საერთო ევროპული სარეკომენდაციო ჩარჩოს ექვსსაფეხურიანი სკალის B2 და C1 დონეებს და აღიარებულია გერმანიის ყველა უმაღლეს სასწავლებელში, როგორც გერმანული ენის მისაღები გამოცდა უმაღლეს სასწავლებელში სწავლის დასაწყებად. დარგობრივი ცოდნა სავალდებულო არ არის.

BULATS

პროფესიისათვის

BULATS

გერმანული ენის ტესტი BULATS განკუთვნილია ყველა იმ პირისათვის, ვინც საერთაშორისო სამუშაო ბაზარზე ეძებს თავის ადგილს. BULATS 60-90 წუთში გამოცდის თქვენს პროფესიულ სფეროსთან დაკავშირებულ ენის ცოდნას.