TestDaF

თქვენ გსურთ ...

  • გერმანიაში სწავლა, კვლევა ან მუშაობა
  • გერმანიის ყველა უმაღლესი სასწავლებლის მიერ აღიარებული ენის გამოცდის ჩაბარება
  • კვლევითი ინსტიტუტებისა და დამქირავებლების დარწმუნება იმაში, რომ ენას კარგად ფლობთ.

TestDaF არის  ენის გაღრმავებული ცოდნის დამადასტურებელი გამოცდა. ის ექვსსაფეხურიანი საერთო ევროპული სარეკომენდაციო ჩარჩოს (GER) B2-სა და C1 საფეხურებს მოიცავს.
 
თუკი თქვენ TestDaF-ის გამოცდის ოთხივე ნაწილი TestDaF-ის მე-4 დონეზე ჩააბარეთ, მაშინ სერტიფიკატი გერმანიის უმაღლეს სასწავლებლებში  თითქმის ყველა მიმართულებასა და ფაკულტეტზე სწავლის დასაწყებად აუცილებელ წარსადგენ საბუთად განიხილება. 

TestDaF ენის ცოდნის დამადასტურებელი საერთაშირისოდ აღიარებული სერტიფიკატია ასევე სამეცნიერო პროექტებისა და აკადემიური პროფესიებისთვის.
 
დარგობრივი ცოდნა არ არის სავალდებულო.

გამოცდის ვადები

გამოცდის დღეები რეგისტრაციის დღეები ადგილი
14.02.2017 22.11.2016 - 17.01.2017 ონლაინ-რეგისტრაცია

ტარდება მთელს მსოფლიოში

TestDaF-ის ჩაბარება ლიცენზირებულ ცენტრებშია შესაძლებელი. ამჟამად არსებობს დაახლოებით 450 სატესტო ცენტრი, რომელიც TestDaF-ის ჩაბარებას გთავაზობთ. აქ შეგიძლიათ მოიძიოთ სატესტო ცენტრები გერმანიასა და მთელს მშოფლიოში:

სატესტო ცენტრები გერმანიაში
სატესტო ცენტრები მთელს მსოფლიოში

წინაპირობები

  • TestDaF-ი მონაწილეთა ცოდნას საერთო ევროპული სარეკომენდაციო ჩარჩოს (GER) მეხუთე/მეექვსე - B2-სა და C1 საფეხურებს შეუსაბამებს. გამოცდის ჩასაბარებლად მინიმალური მოთხოვნაა B2-ის დონე.
  • გამოცდაზე რეგისტრაციამდე მონაწილეებს გავლილი უნდა ჰქონდეთ სულ მცირე 700-დან 1000-მდე 45-წუთიანი აკადემიური საათი. ენის ცოდნის დამადასტურებელი საბუთი გამოცდაზე რეგისტრაციისთვის სავალდებულო არ არის,
ახლავე დარეგისტრირდით TestDaF-ზე!

თუკი ენას საკმარის დონეზე ფლობთ, დარეგისტრირდით TestDaF-ზე. გირჩევთ, წინასწარ გაეცნოთ TestDaF-ის გამოცდას. უკეთესია ეს გააკეთოთ გოეთეს ინსტიტუტის ან სხვა სატესტო ცენტრების მოსამზადებელ კურსებზე ან გოეთეს ინსტიტუტის მოსამზადებელ ონლაინ-კურსზე. კურსებზე თქვენ გაეცნობით გამოცდის ფორმატსა და ჩატარების თანმიმდევრობას.

მსოფლიოს მასშტაბით TestDaF-ის გამოცდაში მონაწილეობის მიღება წელიწადში 6–ჯერ წინასწარ დადგენილ ვადებში შეგიძლიათ. დარეგისტრირდით www.testdaf.de-ზე. ჩინეთის სახალხო რესპუბლიკაში საგანგებო ვადებია დაწესებული. რეგისტრაცია ხდება National Education Examination Authority.

შეზღუდული შესაძლებლობის მქონე პირებმა მათ მიერ შერჩეული სატესტო ცენტრი ადრევე უნდა გააფრთხილონ და აქტუალური სამედიცინო მოწმობაც წარმოადგინონ. ამ შემთხვევაში მათთვის გამოცდის შესაბამისი მორგება მოხდება.