რატომ ვისწავლოთ გერმანული?
10 მიზეზი გერმანული ენის შესასწავლად

რა გეგემებიც არ უნდა გქოდეთ სამომავლოდ, გერმანულის ცოდნით თქვენს წინაშე შეუზღუდავი შესაძლებლობები იხსნება. გერმანულის შესწავლა იმ უნარების განვითარებას ნიშნავს, რომლებითაც თქვენი პროფესიული და პირადი ცხოვრების ხარსიხს გაიუმჯობესებთ.

  • საქმიანი ცხოვრება © colourbox.com
    საქმიანი ცხოვრება: თქვენს გერმანულენოვან საქმიან პარტნიორებთან გერმანულ ენაზე კომუნიკაცია უკეთეს ბიზნეს-ურთიერთობებს განაპირობებს, ამით კი ეფექტური კომუნიკაციის უკეთესი შანსები ჩნდება, რაც საბოლოოდ წარმატების საწინდარია.
  • გლობალური კარიერა Foto: Getty Images/Adam Gault
    გლობალური კარიერა: გერმანული ენის ცოდნით მუშაობის შანსებს იუმჯობესებთ გერმანულ ფირმებთან როგორც თქვენს სამშობლოში, ასევე სხვა ქვეყნებში. გერმანული ენის კარგი ცოდნა გლობალური ბიზნეს-კონტაქტების მქონე ნებისმიერი დამქირავებლისთვის პროდუქტიულ თანამშრომლად გაქცევთ.
  • ტურიზმი და სასტუმროს ბიზნესი © Fotolia / corbisrffancy
    ტურიზმი და სასტუმროს ბიზნესი: ტურისტები გერმანულენოვანი ქვეყნებიდან ბევრს და შორს მოგზაურობენ. შვებულებებში ისინი მეტ ფულს ხარჯავენ, ვიდრე ტურისტები სხვა ქვეყნებიდან. მათ სიამოვნებთ გერმანულენოვანი პერსონალისა და გერმანულენოვანი გიდების მომსახურება.
  • მეცნიერება და კვლევა Foto: PantherMedia / Darren Baker
    მეცნიერება და კვლევა: გერმანული მეცნიერებაში მეორე ენაა თავისი მნიშვნელობით. გერმანია კვლევისა და განვითარების სფეროში მესამე ადგილზეა მსოფლიოში და უცხოელი მეცნიერებისთვის კვლევით სტიპენდიებს გასცემს.
  • კომუნიკაცია © Goethe-Institut/Bernhard Ludewig
    კომუნიკაცია: განვითარება მედიების, საინფორმაციო და საკომუნიკაციო ტექნოლოგიების სფეროში მრავალენოვან კომუნიკაციას მოითხოვს. მნიშვნელოვანი ვეგ-გვერდების დიდი რაოდენობა გერმანულ ენაზეა. გერმანია წიგნების ახალი გამოცემების რიცხვით მსოფლიოს მასშტაბით 87 ქვეყანას შორის მე-6 ადგილს იკავებს ინდოეთის, დიდი ბრიტანეთის, აშშ-ს, ჩინეთისა და რუსეთის შემდეგ. ამიტომაც თქვენი გერმანული ენის ცოდნა ინფორმაციასთან ფართო ხელმისაწვდომობას გიქმნით. [Wikipedia, 2014]
  • კულტურის წვდომა © Getty Images / Neil Guegan
    კულტურის წვდომა: გერმანულის შესწავლა გერმანულენოვანი ქვეყნების მულტიკულტურული საზოგადოებისა და მასში მცხოვრებ ადამიანთა ცხოვრების, სურვილებისა და ოცნებების შეცნობას ნიშნავს.
  • მოგზაურობა © Getty Images/Manuel Gutjahr
    მოგზაურობა: გერმანული ენის ცოდნით მოგზაურობის შთაბეჭდილებები გაიღრმავეთ არა მარტო გერმანულენოვან ქვეყნებში, არამედ ევროპის სხვა სახელმწიფოებშიც, განსაკუთრებით აღმოსავლეთ ევროპაში!
  • ლიტერატურით, მუსიკით, ხელოვნებითა და ფილოსოფიით მონიჭებული სიამოვნება © Goethe-Institut/Loredana La Rocca
    ლიტერატურით, მუსიკით, ხელოვნებითა და ფილოსოფიით მონიჭებული სიამოვნება: გერმანული გოეთეს, კაფკას, მოცარტის, ბახისა და ბეთჰოვენის ენაა. ისიამოვნეთ მათი ნაწარმოებების ორიგინალში კითხვითა და მოსმენით.
  • გერმანიაში უმაღლესი განათლების მიღებისა და მუშაობის შესაძლებლობები © Getty Images/Matthias Tunger
    გერმანიაში უმაღლესი განათლების მიღებისა და მუშაობის შესაძლებლობები: გერმანია უმაღლესი განათლების მისაღებად  სტიპენდიების დიდ რაოდენობას გასცემს. ახალგაზრდა უცხოელებისათვის საგანგებო სამუშაო ვიზები არსებობს, ხოლო გარკვეული პროფესიებისათვის სამუშაო უფლების მიღების განსაკუთრებული წესები მოქმედებს.
  • გაცვლითი პროგრამები © iStock / Neustockimages
    გაცვლითი პროგრამები: გერმანიასა და მსოფლიოს მრავალ ქვეყანას შორის  შეთანხმებებია დადებული მოსწავლეებისა და სტუდენტების გაცვლის შესახებ.