PASCH-ინიციატივა
სკოლები: მომავლის პარტნიორები

ინიციატივის ფარგლებში გოეთეს ინსტიტუტი ძალისხმევას არ იშურებს, რათა გააღვივოს გერმანული ენის  მიმართ ინტერესი. გერმანული ენის გაკვეთილი PASCH/Fit-სკოლებში გრძელვადიანად უნდა იქცეს კურიკულუმის მუდმივ ნაწილად.
 
აღნიშნული მიზნით, გოეთეს ინსტიტუტის გაკვეთილის კომპეტენტური ექსპერტები მთელს მსოფლიოში ადგილზე უწევენ კონსულტაციას სკოლებს, რომლებიც გერმანული ენის უცხო ენად შემოღებას ან განვითარებას ესწრაფვიან. გარდა ამისა, გოეთეს ინსტიტუტი უცხო ენის სასწავლო თანამედროვე მასალებით ამარაგებს მისი პატრონაჟის ქვეშ მყოფ Fit-სკოლებს.
გერმანული ენის პედაგოგებს გოეთეს ინსტიტუტი მეთოდიკასა და დიდაქტიკაში კვალიფიკაციის ამაღლებას და ენის კურსებს სთავაზობს.
ხოლო მოწადინებულ მოსწავლეებს სტიპენდიის მიღების და გერმანიაში ყოველწლიური PASCH -საყმაწვილო კურსების გავლის შანსი ეძლევათ.  გოეთეს ინსტიტუტი აგრეთვე აქტიურად აწარმოებს იმ პროფესიული პერსპექტივების საინფორმაციო კამპანიას, რომლებიც  გერმანული ენის ცოდნას უკავშირდება. გერმანული ენის შემსწავლელებს დამატებითი სტიმული ეძლევათ, რომ განაცხადი გააკეთონ გერმანიაში უმაღლეს სასწავლებელში სწავლის გასაგრძელებლად ან დუალურ პროფესიულ სწავლებაზე.

PASCH-ინიციატივა კონტაქტს არ წყვეტს მოსწავლეებთან სკოლის დამთავრების შემდეგაც.  PASCH-სკოლადამთავრებულებთან მუშაობის ფარგლებში, გოეთეს ინსტიტუტი ორგანიზებას უწევს სკოლადამთავრებულების შეხვედრებს და სთავაზობს სივრცეს პირადი ურთიერთობების დასამყარებლად.