ინიციატივა „სკოლები - მომავლის პარტნიორები“

  • ინიციატივა „სკოლები - მომავლის პარტნიორები“ © Kai Uwe Oesterhellweg
  • ინიციატივა „სკოლები - მომავლის პარტნიორები“ © Kai Uwe Oesterhellweg
  • ინიციატივა „სკოლები - მომავლის პარტნიორები“ © PASCH-net
  • ინიციატივა „სკოლები - მომავლის პარტნიორები“ © Kai Uwe Oesterhellweg
  • ინიციატივა „სკოლები - მომავლის პარტნიორები“ © Keller
  • ინიციატივა „სკოლები - მომავლის პარტნიორები“ © PASCH-net
  • ინიციატივა „სკოლები - მომავლის პარტნიორები“ © Jens Sauerbrey

ინიციატივა „სკოლები: მომავლის პარტნიორები“ (PASCH) აერთიანებს მთელი მსოფლიოს მომცველ, გერმანიასთან განსაკუთრებული კავშირების მქონე 1.700 სკოლიდან შემდგარ ქსელს. გოეთეს ინსტიტუტი კურირებს 100-ზე მეტი ქვეყნის ეროვნულ საგანმანათლებლო სისტემებში მოქმედ 550 PASCH-სკოლას.

2008 წ. თებერვალში გერმანიის საგარეო საქმეთა სამინისტრომ წამოიწყო ინიციატივა „სკოლები: მომავლის პარტნიორები“ (PASCH). ამ ინიციატივას გერმანიის საგარეო საქმეთა სამინისტრო უწევს კოორდინაციას, ხოლო მისი ხორცშესხმა უცხოეთის სასკოლო სისტემების ცენტრალურ სააგენტოს, გოეთეს ინსტიტუტის, გერმანიის აკადემიური გაცვლითი სამსახურისა და კულტურის მინისტრთა კონფერენციის (კმკ) პედაგოგიური გაცვლითი სამსახურის  ხელშეწყობით ხდება.

მთავარი მოსაზრებები და მიზნები

PASCH–ის ორიენტაციას ოთხი მთავარი მოსაზრება განსაზღვრავს:
  • განათლების მიერ გადაშლილი პერსპექტივები
  • ჰორიზონტის გაფართოვება მრავალენოვნების წყალობით
  • ენისა და განათლების ხელმისაწვდომობა
  • კურსდამთავრებულთა საერთაშორისო გაერთიანების მომავლის პრობლემებთან ერთობლივი მიდგომა

2008 წ. თებერვალში გერმანიის საგარეო საქმეთა სამინისტრომ წამოიწყო ინიციატივა „სკოლები: მომავლის პარტნიორები“ (PASCH). ის აერთიანებს მთელი მსოფლიოს მომცველ, გერმანიასთან განსაკუთრებული კავშირების მქონე 1.700 სკოლიდან შემდგარ ქსელს. გოეთეს ინსტიტუტი კურირებს 100-ზე მეტი ქვეყნის ეროვნულ საგანმანათლებლო სისტემებში მოქმედ 550 PASCH-სკოლას.

ამ ინიციატივას გერმანიის საგარეო საქმეთა სამინისტრო უწევს კოორდინაციას, ხოლო მისი ხორცშესხმა უცხოეთის სასკოლო სისტემების ცენტრალურ სააგენტოს, გოეთეს ინსტიტუტის, გერმანიის აკადემიური გაცვლითი სამსახურისა და კულტურის მინისტრთა კონფერენციის (კმკ) პედაგოგიური გაცვლითი სამსახურის  ხელშეწყობით ხდება.

ქსელი, რომელიც მოიცავს უცხოეთში გერმანულ სკოლებსა და, ასევე, იმ სკოლებს, მოსწავლეებს გერმანული ენის დიპლომს რომ სთავაზობენ, ძლიერდება. გარდა ამისა, ხდება სკოლებს შორის თანამშრომლობის ჩამოყალიბება ეროვნულ საგანმანათლებლო სისტემებში გერმანულის, როგორც უცხო ენის პოზიციის დასამკვირდებლად. დამატებით ხდება გერმანიის უნივერსიტეტებში სასწავლებლად  სტიპენდიების მინიჭება და მოსწავლეთა გაცვლითი პროგრამებისა და სკოლების პარტნიორული ურთიერთობების შემოთავაზება.
 

PASCH-ის მიზნები

ამ ინიციატივის მიზანია, ახლაგაზრდებში თანამედროვე გერმანიის, მისი საზოგადოებისა და გერმანული ენის მიმართ მტკიცე ინტერესის გაღვიძება. იქმნება გერმანიის ფედერაციული რესპუბლიკის პარტნიორი სკოლების მსოფლიო მასშტაბის ქსელი; სკოლები საერთო აქტივობებისა და გაცვლითი პროგრამების წყალობით საერთაშორისო სასწავლო გაერთიანებად ყალიბდებიან.

თავისი მიმზიდველი საგანმანათლებლო შემოთავაზებებით PASCH-ი მოსაწავლეებისა და მასწავლებლების ცოდნის დონისა და კვალიფიკაციის ამაღლებაზე ზრუნავს და ამით ახალგაზრდების გერმანიაში უმაღლესი განათლების მიღებისა და შემდგომი პროფესიული ცხოვრებისთვის საჭირო კომპეტენციებს ზრდის. გარდა ამისა, ეს პროგრამა მიზნად ისახავს გერმანიასთან ცოცხალი და გრძელვადიანი კონტაქტების განმტკიცებასა და სკოლებს, მოსწავლეებსა და მასწავლებლებს შორის აზრთა გაზიარებისა და თანამშრომლობის ხელშეწყობას.  PASCH-ი კულტურული და საგანმანათლებლო პოლიტიკის სხვა ინიციატივებთანაც არის დაკავშირებული, როგორც მაგ. მოხალისეთა სამსახურთან „კულტურის სამყარო“.
 

გოეთეს ინსტიტუტის ამოცანები და ღონისძიებები

გოეთეს ინსტიტუტი მხარს უჭერს თავის კურირებაში მყოფ  550-ზე მეტ PASCH-სკოლას გერმანული ენის სასწავლო საგნად შემოტანასა და დამკვიდრებაში. ის მასწავლებლებს მეთოდურ-დიდაქტიკურ საკვალიფიკაციო  პროგრამებსა და ენის კურსებს სთავაზობს, ხოლო სკოლებს თანამედროვე სასწავლო მულტიმედიური  და მხარეთმცოდენობის მასალებით ამარაგებს. გარდა ამისა, გოეთეს ინსტიტუტმა ამ ინიციატივის ფარგლებში გერმანული ენის სწავლების სფეროში  პარტნიორი სკოლების კურირებისათვის მთელი მსოფლიოს მასშტაბით ექსპერტები მიავლინა. მონაწილე სკოლების მოსწავლეებისთვის განკუთვნილი მოზარდთა კურსები გერმანიაში აუმჯობესებენ ენის ცოდნას, განამტკიცებენ კულტურათა შორის ურთირთობებს და მხარეთმცოდნეობასთნ ცოცხალ შეხებაში მოდიან.
ვებ-გვერდი www.pasch-net.de 3 განყოფილებად ნაწილდება:
  • ზოგადი განყოფილება
  • მასწავლებელთა განყოფილება
  • მოსწავლეთა განყოფილება
ზოგადი განყოფილება

ზოგადი განყოფილება ინფორმაციას გაწვდით მონაწილე დაწესებულებებისა და მათი საქმიანობის შესახებ. ამას ეკუთვნის  PASCH-ინიციატივის ჩარჩოებში მიმდინარე პროექტები, მსოფლიოს სხვადასხვა რეგიონის თანამშრომელთა ბლოგები, PASCH-ის მოზარდთა კურსები გერმანიაში და პარტნიორული გაცვლითი პროგრამები საერთაშორისო სასკოლო პარტნიორობის ფარგლებში. ინტერაქტიური რუკა წარმოდგენას შეგიქმნით სასკოლო პარტნიორობის ქსელის შესახებ და მონაწილე სკოლების მოკლე წარდგენასაც შემოგთავაზებთ.

მასწავლებელთა განყოფილება

ეს განყოფილება მასწავლებლებს სთავაზობს PASCH-net-ის გერმანული ენის გაკვეთილზე გამოყენების მოტივაციას, ჩამოსატვირთ სასწავლო მასალებსა და ინფორმაციებს მეთოდურ-დიდაქტიკური თემებზე. PASCH-ის სასწავლო პლატფორმაში მასწავლებლებს საკუთარი ვირტუალური საკლასო ოთახების შექმნა ან არსებული კურსების გამოყენება შეუძლიათ.

ჯგუფი როგორც მასალების ურთიერთგაცვლის, ასევე  პროექტების იდეებისთვის პარტნიორების ძიების საშუალებას იძლევა.  ჯგუფში, სასწავლო პლატფორმისა თუ ბლოგების საშუალებით მასწავლებლებს შეუძლიათ ტრანსნაციონალური პროექტების განხორციელება, როგორიცაა მაგ. მოსწავლეთა რეგიონალური  ონლაინ-გაზეთი ან პოდკასტები.

PASCH-ის სასწავლო პლატფორმა გთავაზობთ საკვალიფიკაციო ონლაინ-პროგრამებს მასწავლებლებისთვის, რომელსაც ტუტორობას PASCH-net-ი უწევს. PASCH-net-Führerschein-ის ონლაინ-კურსში მასწავლებლები გაეცნობიან ვებ-გვერდის შემოთავაზებებს გერმანული ენის გაკვეთილების გარშემო, მაგ. ჯგუფებს, სასწავლო პლატფორმასა და მოსწავლეთა გაზეთს  PASCH-Global. ონლაინ-კურსში Moodle-Führerschein გაიგებთ, თუ როგორ გამოიყენოთ Moodle-ის პროგრამულ უზრუნველყოფაზე დამყარებული PASCH-ის სასწავლო პლატფორმა სკოლის გაკვეთილზე ან მასწავლებელთა საკვალიფიკაციო პროგრამაში.

კონტაქტი: lernplattform@pasch-net.de

მოსწავლეთა განყოფილება

PASCH-ის სკოლების მოსწავლეები ონლაინ-ჯგუფში ერთმანეთს აზრებს უზიარებენ. აქ მათ ტექსტების, ფოტოებისა და ვიდეოების ატვირთვა, ჯგუფების დაფუძნება და ფორუმებში ერთმანეთთან დისკუსიიების გამართვა შეუძლიათ.

კონკურსები და პროექტები მოსწავლეებს მათში მონაწილეობისკენ უბიძგებენ. სხვადასხვა სასწავლო დონის ტექსტები ინფორმაციას აწვდიან გერმანიის შესახებ, მათ შორის, უმაღლესი განათლების მიღების შესაძლებლობებზე.

რეგულარული დისკუსიები, სხვადასხვა აქტივობები და სასწავლო თამაშები გერმანულ ენაში სავარჯიშოდ გიწვევთ.

ვისაც უნდა აქტიურად ჩაერთოს PASCH-net-ზე ონლაინ-ჯგუფებისა თუ  სასწავლო პლატფორმის საქმიანობაში, უნდა დარეგისტრირდეს და შემდგომი შესვლა ელ-ფოსტის მისამართითა და პაროლით განახორციელოს.
კონტაქტი: service@pasch-net.de
PASCH-ის ქსელი აერთიანებს მთელი მსოფლიოს მასშტაბით 1.700 სკოლას. გოეთეს ინსტიტუტი კურირებს 100-ზე მეტი ქვეყნის ეროვნულ საგანმანათლებლო სისტემებში მოქმედ 550 PASCH-სკოლას. „სკოლები: მომავლის პარტნიორები“ - ინიციატივის ფარგლებში სკოლებმა გერმანული ენის შესწავლა შემოიღეს ან გააფართოვეს. სკოლებში გერმანული, უპირატესად,  მეორე უცხო ენად ისწავლება. გარდა ამისა, PASCH-ის ქსელს ეკუთვნის უცხოეთში სასკოლო სისტემის ცენტრალური სააგენტოს  (ZfA) მიერ კურირებული 142 გერმანული და 1.000 ეროვნული სკოლა, რომელიც კულტურის მინისტრთა კონფერენციის გერმანული ენის დიპლომს გასცემს.

სკოლების პრეზენტაცია