BiblioGreen – რეზიდენციები მდგრადი ბიბლიოთეკებისთვის

@ Ofelya Dallakyan ოფელია დალაქიანი დაიბადა 1994 წელს ერევანში. დაამთავრა ხაჩატურ აბოვიანის სახელობის სომხეთის სახელმწიფო პედაგოგიკური უნივერსიტეტის ფილოლოგიის ფაკულტეტი. შემდგომ სწავლა განაგრძო სომხეთის მეცნიერებათა ეროვნულ აკადემიაში.
სწავლის პერიოდში მუშაობდა AMI განვითარების ცენტრში სომხური ენის მასწავლებლად. 2018 წლიდან ბიბლიოთეკის სფეროში მუშაობს: 2018-2020 წლებში იყო საბავშვო ლიტერატურის განყოფილების თანამშრომელი; 2020-2022 წლებში ხელმძღვანელობდა ბიბლიოთეკის ხელოვნების განყოფილებას; 2022-2023 წლებში მუშაობდა გარემოს დაცვის სამინისტროს მთავარი კომიტეტის აპარატში კომიტეტის თავმჯდომარის ასისტენტად; ხოლო 2023 წლიდან ცენტრალური ბიბლიოთეკის საბავშვო ლიტერატურის განყოფილების უფროსია.
მას უყვარს წერა და უკვე გამოსცა სამი წიგნი. წერს მოთხრობებსა და ზღაპრებს. ორჯერ მოიპოვა პირველი ადგილი ზღაპრების კონკურსებში.

Foto von Nadina Grebović-Lendo ნადინა გრებოვიჩ-ლენდოს მიღებული აქვს ორი სამაგისტრო ხარისხი ფილოსოფიის ფაკულტეტზე - ლიტერატურის ისტორიასა და შედარებით ლიტერატურათმცოდნებასა და ბიბლიოთეკათმცოდნებაში. ამავე ფაკულტეტზე აგრძელებს დოქტორანტურას საინფორმაციო მეცნიერებების მიმართულებით. 
ის არის სარაევოს უნივერსიტეტის ბიბლიოთეკის დირექტორი და უნივერსიტეტის ფილოსოფიის ფაკულტეტის ბიბლიოთეკის ხელმძღვანელი. აქტიურად მუშაობს უმაღლესი საგანმანათლებლო დაწესებულებების ბიბლიოთეკებში მდგრადი და ინოვაციური პრაქტიკების განვითარებაზე და აგრძელებს კვლევებს „მწვანე ბიბლიოთეკების“ იდეის მიმართულებით.
ნადინა გრებოვიჩ-ლენდომ მონაწილეობა მიიღო გოეთეს ინსტიტუტის პროექტში „Common Waste – Common Libraries“, რომელიც ბიბლიოთეკების საქმიანობაში ეკოლოგიური მიდგომების დანერგვას ეხებოდა.
მისი საქმიანობა აგრეთვე მოიცავს ბეჭდური გამოცემების გარეშე ღია წვდომის პუბლიკაციის მოდელების მხარდაჭერასა და ბიბლიოთეკათმცოდნებაში ციფრული და გარემოსდაცვითად პასუხისმგებელი მიდგომების პოპულარიზაცია.

@ Giorgi Chichinadze გიორგი ჭიჭინაძე 2006 წლიდან აკაკი წერეთლის სახელმწიფო უნივერსიტეტის ბიბლიოთეკის დირექტორია. ამ თანამდებობაზე ყოფნის გარდა, იგი მუშაობდა სხვადასხვა ბიბლიოთეკასა და კულტურულ დაწესებულებაში საქართველოს მასშტაბით. ასევე არის აკაკი წერეთლის სახელობის სახელმწიფო უნივერსიტეტის ელექტრონული ჟურნალის რედაქტორი და აქვს მრავალწლიანი გამოცდილება პროფესიულ განათლებაში.
გიორგი ჩიჩინაძემ ბიბლიოთეკათმცოდნეობის პროგრამები ხელმძღვანელობდა და ასწავლიდა როგორც აკაკი წერეთლის სახელმწიფო უნივერსიტეტში, ისე ივანე ჯავახიშვილის სახელობის თბილისის სახელმწიფო უნივერსიტეტში. ამჟამად იგი დოქტორანტურას აგრძელებს აკაკი წერეთლის სახელმწიფო უნივერსიტეტში, სადაც მისი კვლევის ძირითადი მიმართულებაა ბერძნულ-რომაულ ეპოქის ბიბლიოთეკები. იგი რეგულარულად მონაწილეობს საერთაშორისო ტრენინგებში, კონფერენციებსა და პუბლიკაციებში.

@ Archontissa Choudalaki არქონტისა ხუდაკალი არის ბიბლიოთეკარი, რომელსაც ბავშვებისა და ახალგაზრდებისთვის კულტურისა და საგანმანათლებლო პროგრამების დაგეგმვასა და განხორციელებაში მრავალწლიანი გამოცდილება აქვს. მან ბიბლიოთეკათმცოდნეობისა და საინფორმაციო სისტემების სპეციალობით განათლება მიიღო თესალონიკის ალექსანდრეს სახელობის ტექნოლოგიური სასწავლებლის ადმინისტრაციის მართვისა და ეკონომიკის ფაკულტეტზე და დაამთავრა 1999 წელს.
2011-2021 წლებში ის მუშაობდა კრეტის საზღვაო აკადემიის ბიბლიოთეკაში ბიბლიოთეკარად. ამჟამად ის ხანიის მუნიციპალიტეტის სუდას ბავშვთა და ახალგაზრდობის ბიბლიოთეკაში მუშაობს, სადაც განსაკუთრებით აქტიურადაა ჩართული გარემოს მდგრადი განვითარებისა და ეკოლოგიური ცნობიერების ამაღლებასთან დაკავშირებულ პროექტებში – საბერძნეთის ეროვნული ბიბლიოთეკასთან თანამშრომლობით.
მისი პროფესიული ინტერესის სფეროს წარმოადგენს საგანმანათლებლო პროგრამებისა და შემოქმედებითი აქტივობების შემუშავება და განხორციელება ბავშვებისთვის. მისი კომპეტენციებია: შემოქმედებითი მუშაობა, საცავის/ფონდის განვითარება, კატალოგიზაცია, საზოგადოებასთან ურთიერთობა, მომხმარებელთა მომსახურება და ბიბლიოთეკის სტუმრებისთვის პოზიტიური და შთამაგონებელი გამოცდილების შექმნა.
2024 წელს არქონტისა ხუდალაკიმ წარმატებით გაიარა სერტიფიცირებული გადამზადების პროგრამა „საგანმანათლებლო აქტივობების ორგანიზება კულტურის სფეროში“ და ჩააბარა ცოდნისა და უნარების შეფასების გამოცდები.

@ Oliwia Gancarz ოლივია განცარჟი 26 წლისაა და უკვე ორი წელია, ბიბლიოთეკარად მუშაობს ლუბლინის ბიოთეკაში, რომელიც ეკოლოგიაზე ორიენტირებული ბიბლიოთეკაა. მას უყვარს წიგნების გარემოცვაში ყოფნა, მაგრამ არა მხოლოდ - მისი დიდი გატაცებაა მცენარეები და ფლორისტიკა, ამიტომ ის განსაკუთრებით სიამოვნებით მუშაობს ასეთ ატმოსფეროში. ოლივია აქტიურად არის ჩართული სხვადასხვა გარემოსდაცვით ინიციატივებში და მუდმივად ვითარდება პროფესიულად; ამჟამად ის გადის Google-ის კურსს ხელოვნური ინტელექტის თემაზე.
რაც შეეხება ოლივიას ინტერესებს - მას უყვარს ლაშქრობა პოლონეთის მთებში, მოგზაურობა და კულტურული აღმოჩენები - განსაკუთრებით თეატრში. ეს შთაგონებები ხშირად აისახება მის საბიბლიოთეკო საქმიანობასა და ბავშვებისთვის ჩატარებულ ვორქშოპებში.

@ Ana-Maria Danes ანა-მარია დანეში ჰერმანშტადტის (სიბიუს) გერმანული კულტურის ცენტრის დირექტორია. იგი ახორციელებს კულტურისა და საგანმანათლებლო პროექტებს, რომლებიც აერთიანებს ადამიანებს ენის, შემოქმედებისა და საერთო ღირებულებების საფუძველზე. გერმანისტიკისა და ფრანგული ფილოლოგიის მიმართულებით მიღებული განათლებისა და გოეთეს ინსტიტუტის სერტიფიკატით ანა-მარიას ათ წელზე მეტი გამოცდილება აქვს გერმანული ენის სწავლების, კულტურის მენეჯმენტის და საერთაშორისო თანამშრომლობის სფეროებში.
მისი ინტერდისციპლინური ვორქშოფები, მაგალითად, „Furnica-Workshop" მოიცავს ლიტერატურას, ისტორიასა და საბუნებისმეტყველო მეცნიერებებს და ახალგაზრდებს უბიძგებს დაფიქრდნენ თანამშრომლობის, თხრობისა და ბუნების მიმართ ადამიანის კავშირის მნიშვნელობაზე. მსგავსი ფორმატები ქმნის სივრცეს კომუნიკაციისა და ბუნებასთან თანაზიარებისთვის, სადაც ხშირად გამოიყენება მეტაფორები და თამაშზე დაფუძნებული დიალოგები, რომლებიც აღვივებს ცნობისმოყვარეობასა და შემოქმედებით აზროვნებას.
ანა-მარიამ ჩამოაყალიბა მტკიცე კავშირები განათლების დაწესებულებებს, პედაგოგებსა და სამოქალაქო საზოგადოების წარმომადგენლებს შორის. ეს გაერთიანებები მიზნად ისახავს, რომ ბიბლიოთეკები და კულტურის სივრცეები ინოვაციის, ეკოლოგიური ცნობიერებისა და საზოგადოებრივი ჩართულობის ცენტრებად იქცეს. ანა-მარია თავისუფლად ფლობს ინგლისურ ენას და აქვს დიდი გამოცდილება მენტორობაში.  საკუთარ ცოდნას შემოქმედებითი პროგრამების დაგეგმვასა და ინტერკულტურულ განათლებაში ანა-მარია პროექტ „Library Residency for Sustainability“-ში იყენებს.  

@ Marija Radulovic მარიია რადულოვიჩი ჩაჩაკის „ვლადისლავ პეტკოვიჩ დისის" ბიბლიოთეკაში 2007 წლიდან მუშაობს. სერბული ენისა და ლიტერატურის მაგისტრი მარია საბიბლიოთეკო საქმიანობაში თანამედროვე მიდგომებთან აერთიანებს კულტურას, განათლებას და საერთაშორისო თანამშრომლობას. მისი პროფესიული ინტერესები მოიცავს მდგრად განვითარებას, ინტერკულტურულ ურთიერთობებსა და უწყვეტ განათლებას.
ის გახლდატ კოორდინატორი პროექტისა „წყალი – როგორც ბუნებრივი მოცემულობა“ (Water for selbstverständlich gehalten) პროგრამის Europe Challenge 2024 ფარგლებში; ასევე არის  არის პლატფორმა ECO-ZONE-ის თანადამფუძნებელი, რომელიც ბიბლიოთეკებში ეკოლოგიური განათლების განვითარებას უწყობს ხელს.
მისი საქმიანობა საერთაშორისო დონეზე იქნა აღიარებული, მათ შორის IFLA ENSULIB-ის მიერ.
მარია აქტიურად მონაწილეობს პროფესიულ კონფერენციებსა და სემინარებში, თანამშრომლობს ევროპულ კულტურულ ინსტიტუტებთან და არის სერბეთის ბიბლიოთეკართა ასოციაციის გამგეობის წევრი. მისი თვალთახედვით, ბიბლიოთეკები დიალოგის, მდგრადობისა და ინოვაციის სივრცეებია.

@ Simona Svitková სიმონა სვიტკოვა ამჟამად მუშაობს ბრატისლავის (ძველი ქალაქის) ბიბლიოთეკაში, სადაც აქტიურად მონაწილეობს როგორც საბიბლიოთეკო საქმიანობაში, ისე იმ მუნიციპალიტეტის განვითარებაში, რომელშიც ბიბლიოთეკის ერთ-ერთი ფილიალია. გარდა ამისა, ის თანამშრომლობს ბიბლიოთეკის განათლებისა და მეთოდიკის განყოფილებასთან, სადაც მონაწილეობს ბიბლიოთეკის გრძელვადიანი ხედვის ჩამოყალიბებასა და საგანმანათლებლო საქმიანობაში.
ხელოვნებისა და დიზაინის სფეროში მიღებული განათლების წყალობით, სიმონა განსაკუთრებით არის დაინტერესებული  ინტერდისციპლინური თანამშრომლობითა და იმგვარი ფიზიკური, მენტალური და ვირტუალური გარემოების შექმნით, რომლებიც ხელს უწყობს სწავლასა და კეთილდღეობას.

@ Ali Fuat Kartal ალი ფუათ კარტალი მრავალი წელია თურქეთის ბიბლიოთეკართა ასოციაციის (TKD) თავმჯდომარეა და თურქეთის საბიბლიოთეკო სფეროს ერთ-ერთ გამორჩეულ ფიგურად ითვლება. ბიბლიოთეკათმცოდნეობასა და ბიბლიოთეკების მართვის სფეროში დიდი გამოცდილების მქონე კარტალი წლების განმავლობაში ერთგულად მუშაობს ბიბლიოთეკარის პროფესიის პროფესიონალიზაციისა და მისი საზოგადოებრივი აღიარების გასაძლიერებლად.
მისი საქმიანობის ფოკუსი ბიბლიოთეკების მდგრადი განვითარებისკენაა მიმართული: ალი ფუათ კარტალი ხელს უწყობს ინოვაციურ კონცეფციებს, რომლებიც წინა პლანზე აყენებენ ეკოლოგიურ, სოციალურ და ეკონომიკურ მდგრადობას და მხარს უჭერს ბიბლიოთეკების ჩამოყალიბებას როგორც ღია, თანამედროვე და მომავლისკენ მიმართულ ცოდნისა და შეხვედრის სივრცეებს.
გარდა ამისა, ის აქტიურად უჭერს მხარს თურქეთში ბიბლიოთეკების შექმნისა და განვითარების მრავალ ინიციატივას და ამით მნიშვნელოვან წვლილს შეაქვს ქვეყნის ბიბლიოთეკური ეკოსისტემის გაძლიერებაში.

@ Mariam Aleksanyan მარიამ ალექსანიანი  სომხეთში ერთ-ერთი ყველაზე გამოჩენილი პედაგოგი, საგანმანათლებლო პროგრამების  შემმუშავებელი და პროექტების მენეჯერია, რომელსაც დიდი პრაქტიკული გამოცდილება აქვს განათლებაში მდგრადი განვითარების დანერგის, საზოგადოებრივი ჩართულობისა და სოციალური-ემოციური სწავლების (SEL) მიმართულებით.

იგი ხელმძღვანელობდა არაერთ პროგრამას, რომელიც გარემოსდაცვითი ცნობიერებისა და საერთო სიკეთის ხელშეწყობას ემსახურებოდა. ალექსანიანი ასევე არის რამდენიმე საგანმანათლებლო და ინიციატივის (Non-Profit) თანადამაარსებელი, მათ შორის NGO Totik Social-Cultural Development-ის, და თანამშრომლობს სხვადასხვა ასაკისა და სოციალური ფონის ადამიანებთან - დაწყებითი სკოლის მოსწავლეებიდან მოზრდილებამდე.
ამჟამად იგი ერევნის სახელმწიფო უნივერსიტეტის დოქტორანტურაში განათლების თეორიისა და ისტორიის სპეციალობით სწავლობს. მისი კვლევის ფოკუსი მოიცავს ინკლუზიური, შემოქმედებითი და გამოწვევებზე დაფუძნებული სასწავლო ფორმატების შემუშავებას, რომლებიც ეკოლოგიური მდგრადობისა და სოციალური განვითარების მიზნებს შეესაბამება..

@ Hannelore Vogt დოქტ. ჰანელორე ფოგტი მრავალი წლის განმავლობაში იყო კიოლნისა და ვიურცბურგის ბიბლიოთეკების დირექტორი; როგორც კულტურის სფეროში მდგრადობის ტრანსფორმაციის მენეჯერმა, ხარისხი მიიღო კიოლნის IHK-ში.
ის იყო გოეთეს ინსტიტუტის საინფორმაციო განყოფილებისა & ბიბლიოთეკის საკონსულტაციო საბჭოს თავმჯდომარე და ასევე საერთაშორისო ბიბლიოთეკების ასოციაციის (IFLA) სხვადასხვა კომიტეტის - Public Libraries Standing Committee და Metropolitan Libraries - წევრი. გარდა ამისა, ფოგტი მუშაობდა სტრატეგიულ მრჩევლად ბილ და მელინდა გეითსების ფონდში გლობალური ბიბლიოთეკების მიმართულებით. მრავალი წელია, იგი ასწავლის ცვლილებების მენეჯმენტს ბერლინის თავისუფალ უნივერსიტეტში.

ჰანელორე ფოგტი მსოფლიო მასშტაბით (უკვე 30-ზე მეტ ქვეყანაში) საქმიანობს, როგორც სპიკერი ბიბლიოთეკების განვითარების, შეთავაზებებისა და სივრცეების ტრანსფორმაციის, ბიბლიოთეკების მარკეტინგის, მდგრადობის, ინოვაციების მენეჯმენტის და პერსონალის განვითარების მიმართულებით.

@ Nino Barjadze ნინო ბარჯაძე დაიბადა 1988 წლის 18 აპრილს თბილისში. 2005 წლიდან 2010 წლამდე ის სწავლობდა სტომატოლოგიას თბილისის სახელმწიფო სამედიცინო უნივერსიტეტში, ხოლო 2010–2012 წლებში გაიარა რეზიდენტურა თერაპიულ სტომატოლოგიაში. 2013 წლიდან 2020 წლამდე მუშაობდა სტომატოლოგად.
პანდემიის პერიოდში გადაწყვიტა პროფესიული გზის შეცვლა - ინტერესი ეკოლოგიუი საკითხების მიმართ გაუჩნდა.
2024 წელს გაიარა კურსი ნარჩენების მართვის, ბიოსფეროს დეგრადაციისა და ეკოლოგიური მდგრადობის თემებზე. იმავე წელს დაიწყო თავისი ეკობლოგი, ხოლო 2025 წელს YouTube-ზე წამოიწყო და მოდერაციას უწევდა პოდკასტის „Ecofriendly Podcast“ 16 ეპიზოდს.

@ Dominiki Vagiati დომინიკი ვაგიატი დაიბადა 1996 წელს საბერძნეთის ქალაქ თესალონიკში. არის პედაგოგი, პროექტების მენეჯერი, მოცეკვავე და პერფორმერი. საკუთარ საქმიანობაში განსაკუთრებულ ყურადღებას უთმობს გუნდურ მუშაობასა და კოლაბორაციულ პროცესებს. დომინიკის საქმიანობა მოიცავს განათლების, ხელოვნებისა და მდგრადი განვითარების საკითხებს. მისი კვლევის მთავარი მიმართულებებია: ფსიქოპედაგოგიკა, გარემოსდაცვითი განათლება, საერთო რესურსების (Commons) თემატიკა და სივრცის მიმართ შემოქმედებითი მიდგომა.
დომინიკი განსაკუთრებით არის დაინტერესებული იმით, თუ როგორი მულტიმოდალური ინტერაქცია აქვთ მოსწავლეებს საჯარო სივრცეებთან — და როგორ იძენს ეს სივრცეები მნიშვნელობას აღქმის, გამოცდილებისა და გამოხატვის გზით. დომინიკიმ დაამთავრა პედაგოგიკის ბაკალავრიატი და ხელოვნებისა და განათლების მაგისტრატურა. პროფესიული გამოცდილება მოიპოვა ფინეთისა და დანიის სკოლებში.
2020 წლიდან იგი მუშაობს გარემოსდაცვით ორგანიზაციაში Mamagea აღმასრულებელი დირექტორის (COO) თანამდებობაზე, სადაც ავითარებს და ახორციელებს მდგრად პროექტებს სკოლებთან ერთად. მისი მიზანია, საჯარო სკოლები გარდაიქმნას ცოცხალ სასწავლო სივრცეებად და ეკოლოგიური შემოქმედების ცენტრებად, სადაც გარემო თავად ხდება განათლების აქტიური ნაწილი.

@ Agata Zgliczynska აგატა ანტონინა ზგლიჩინსკა არის პოლონეთში ორგანიზაცია „Circular Fashion Foundation“-ის დამფუძნებელი. საკუთარი საქმიანობით იგი ხელს უწყობს მოდას როგორც განათლების, მდგრადობისა და საზოგადოებრივი ჩართულობის ინსტრუმენტს. ის ქმნის და ხელმძღვანელობს ვორქშოფებს, ფესტივალებსა და ტრენინგებს, რომლებიც აერთიანებს არასამთავრობო ორგანიზაციებს, სკოლებს, ხელოსნებსა და ადგილობრივ თვითმმართველობებს - წრიული პრაქტიკების გარშემო, როგორიცაა გადამუშავება, რემონტი და პასუხისმგებლიანი მოხმარება.

მისი მიდგომა აერთიანებს შემოქმედებითობას, „ნაჯინგის“ (ქცევის წახალისების) ტექნიკებსა და მონაწილეობით მეთოდებს, რათა წრიული ეკონომიკა საზოგადოებისთვის ხელმისაწვდომი და შთამაგონებელი გახდეს.

როგორც პოლონეთში ,,წრიული მოდის" აღიარებული წარმომადგენელი , ზგლიჩინსკა აყალიბებს ალიანსებს სამოქალაქო და კულტურულ სექტორებს შორის და ხელს უწყობს ადამიანებს, რომ მოდა ისე აღიქვან, როგორც ცვლილებისა და გამძლეობის მამოძრავებელი ძალა.

@ Şerban Scrieciu დოქტორი შერბან სქრიეჩიუ ეკონომისტია, რომლის კვლევითი ინტერესები მოიცავს კლიმატის დაცვას, სოციალურ ინკლუზიასა და იმგვარ ალტერნატიულ ეკონომიკურ მოდელებს, რომლებიც უკეთესად ემსახურებიან საზოგადოებასა და ბუნებას.

ამჟამად ის მუშაობს პოლიტიკის ანალიტიკოსად ევროკომისიაში, ბრიუსელში. პარალელურად, კონსულტაციას უწევს ლონდონის ინტერდისციპლინურ სკოლას (London Interdisciplinary School, LIS) MBA პროგრამების განვითარებაში და არის მოწვეული ლექტორი ლონდონის უნივერსიტეტში (University College London, UCL), სადაც მონაწილეობს UCL-ის საზაფხულო სკოლის პროგრამებში.

გარდა ამისა, შერბანი არის ICENS Lab-ის (Interdisciplinary Climate Economics for Nature and Society) დამფუძნებელი და დირექტორი — Non-Profit ორგანიზაციის, რომელიც ხელს უწყობს განათლებაში ეკონომიკური აზროვნების მრავალფეროვნების განვითარებას, კვლევასა და პრაქტიკაში და აძლიერებს დიალოგს ეკონომიკასა და ჰუმანიტარულ მეცნიერებებს შორის უფრო მდგრადი მომავლისათვის.

შერბანი წარმოშობით რუმინეთიდანაა. მას მიღებული აქვს სასექსის უნივერსიტეტის მაგისტრის ხარისხი და მანჩესტერის უნივერსიტეტის დოქტორის ხარისხი, ორივე - გაერთიანებულ სამეფოში. თავისუფალ დროს ის დაკავებულია ურბანული ფოტოგრაფიით; ასევე ახალი ადგილებისა და კულტურის აღმოჩენით.

@ Marija Markovich მარია მარკოვიჩი მხატვარი და აქტივისტია. მან 2011 წელს დაამთავრა ბელგრადის სამაგისტრო პროგრამა სახვითი ხელოვნების მიმართულებით, ხოლო 2017 წელს - მეორე სამაგისტრო პროგრამა ნიუ-იორკის Parsons School of Design-ში. მარკოვიჩი არის ინტერდისციპლინური მხატვარი, რომლის შემოქმედება მოიცავს: ვიდეოს, ფერწერას, ჩანახატებს, ინსტალაციასა და სკულპტურას. ბოლო პერიოდის ნამუშევრებით იგი იკვლევს კლიმატის ცვლილების მენტალურ, ფიზიკურ და სოციალურ გავლენებს.

იგი ასევე არის მოქალაქეთა გაერთიანების „Zeleni Talas"-ის (მწვანე ტალღა) თანადამფუძნებელი და აქტივისტი. ორგანიზაციის მიზანია გარემოს დაცვა და შენარჩუნება, განსაკუთრებით კი ჰაერის დაბინძურების პრობლემასთან ბრძოლა ჩაჩაკში (მარკოვიჩის მშობლიური ქალაქი).

გარდა ამისა, მარკოვიჩი არის კომპანიის „Fragment Inc.“ თანადამფუძნებელი და შემოქმედებითი დირექტორი, რომელიც იკვლევს ახალ მასალებს და ამზადებს რეციკლირებული შუშისგან დამზადებულ პანელებს.

@ Žofia Kutlíková Jakubová ჟოფია კუტლიკოვა იაკუბოვამ სამართალი და საერთაშორისო ურთიერთობები შეისწავლა. რამდენიმე წლის განმავლობაში საზღვარგარეთ მუშაობის შემდეგ, 2018 წელს იგი გახდა ადგილობრივი ეკოლოგიური არასამთავრობო ორგანიზაციის, Pestrec-ის თანადამფუძნებელი. ორგანიზაცია ძირითადად სკოლებში გარემოსდაცვითი განათლების გამოცდილებით სწავლების მეთოდებზე მუშაობს.
ჟოფია ასევე მონაწილეობს ნიტრაში მდებარე KOZA-ს სახელობის საზოგადოებრივი ბაღის მმართველობაში. ეს ბაღი ადამიანებს აცნობს ეკოლოგიური მებაღეობისა და მცენარეთა კულტივაციის პროცესებს, ამასთანავე აყალიბებს მრავალკულტურულ და თაობათა შორის ურთიერთობის მქონე საზოგადოებას.
ჟოფია დარწმუნებულია, რომ ცვლილებები ემოციების, თანამშრომლობისა და ადამიანურ ურთიერთობათა საშუალებით მიიღწევა.