კვალიფიკაციის ამაღლების სერია „სწავლების პრინციპების ციფრულად რეალიზება“ (UDU) შედგება 3 კვირიანი ხუთი ონლაინ მოდულისგან, რომლებიც ფოკუსირებულია დიდაქტიკურ-მეთოდური პრინციპების რეალიზებაზე დასწრებულ და ონლაინ გაკვეთილზე. თითოეულ მოდულში მონაწილეები გაეცნობიან ამა თუ იმ პრინციპის განმასხვავებელ ნიშან-თვისებებს და დასახავენ ციფრული მედიებითა და ინსტრუმენტებით ამ პრინციპების გაკვეთილზე გამყარების გზებს.
კვალიფიკაციის ამაღლების კურსი გათვლილია სკოლის პედაგოგებზე, აგრეთვე კვალიფიკაციის ამაღლების სერიის DLL-ის კურსდამთავრებულებზე სწავლების პრინციპების საფუძვლების გასახსენებლად.
უპირატესობები
- კვალიფიკაციის ამაღლება: დიდაქტიკური უნარების გაღრმავება და გამრავალფეროვნება
- გამოცდილების გაზიარება: სხვა პედაგოგებისთვის გამოცდილების გაზიარება და მათთან თანამშრომლობა
- მოქნილობა: ონლაინ მოდულები, რომლებიც იოლად შეგიძლიათ მოარგოთ თქვენს ყოველდღიურობას
ხანგრძლივობა და შრომატევადობა
კვალიფიკაციის ამაღლება მოიცავს გოეთეს ინსტიტუტის სასწავლო პლატფორმაზე დავალებების ასინქრონულ დამუშავებას, საკუთარ გაკვეთილზე გამოყენებას და გამოცდილების შესახებ ანგარიშის მომზადებას. დამატებით გაიმართება 2-2 საათიანი ორი ონლაინ სხდომა და ერთი კონსულტაცია. თითო მოდული 3 კვირიანია და 12 საათიან სამუშაო დროს საჭიროებს.
